Santa Comba - ORDENANZA NÚMERO 14-T: TASA POR UTILIZACIÓN DE INSTALACIONES DEPORTIVAS

De conformidade co previsto no art. 57 e 20.4.o) do Texto refundido da Lei de Facendas Locais aprobado por Real Decreto Lexislativo 2/2004, este Concello establece a Taxa pola utilización das instalacións deportivas.

Están obrigados ao pagamento desta taxa as persoas naturais ou xurídicas que soliciten a utilización das instalacións deportivas e as entidades, organismos, asociacións, federacións, clubes, etc., en nome dos cales se solicita autorización para utilizar as instalacións.

A contía da taxa regulada nesta Ordenanza será a fixada na tarifa seguinte:

*Os horarios de luz son: sen luz dende as 09.00 ás 17.00 horas (meses de inverno) e de de 08.30 ás 20.30 horas (meses de verán).

COTAS PISCINA

Estará exento do pagamento da taxa o Concello de Santa Comba nas actividades organizadas ou patrocinadas polo mesmo. O patrocinio será sempre obxecto de previo acordo da Comisión de Goberno ou Resolución do alcalde-presidente.

1.- As persoas, clubes, entidades, federacións, etc., que desexan utilizar as instalacións deberán solicitalo por escrito, con, polo menos, tres días de antelación, ante o Concello, expresando os días e horas que desexan efectuar a utilización e demais circunstancias que estimen oportunas.

As solicitudes debidamente tramitadas serán resoltas polo Sr. alcalde-presidente ou Concelleiro/a Delegado/a de Deportes, si se delegase nel/a esta facultade.

1.-A contía das taxas que se teña dereito a percibir esixirase mediante cargo na conta bancaria designada ao efecto polo obrigado ao pago, unha vez formalizada a solicitude para o uso da instalación.

2.-A taxa devengarase no momento da concesión da utilización das instalacións e o encargado das mesmas non as abrirá se non se presenta a autorización e xustificante de que foran ingresadas as taxas.

A presente Ordenanza entrará en vigor unha vez aprobada definitivamente e sexa publicada no Boletín Oficial da Provincia e comezará a aplicarse a partir do día da súa publicación, permanecendo en vigor ata a súa modificación ou derrogación expresa.

A presente ordenanza foi aprobada polo Pleno do Concello de Santa Comba o día 18 de novembro de 1998.

Por acordo plenario celebrado o día 29 de novembro de 2005 (BOP nº 33 do 9 de febreiro de 2006) modificouse o artigo 3º.

O presente texto entrará en vigor o 1 de Xaneiro de 2007, continuando o vixente en tanto non se acorde a súa modificación ou derrogación expresa.

BOP nº 24 do 5 de febreiro de 2014:

A presente modificación da ordenanza fiscal n.º 12, reguladora da taxa por utilización de instalacións deportivas, unha vez aprobada definitivamente e sexa publicada no Boletín Oficial da Provincia, comezará a aplicarse a partir do día da súa publicación, permanecendo en vigor ata a súa modificación ou derrogación expresa."