Cabana de Bergantiños - ORDENANZA NON FISCAL REGULADORA DO PREZO PÚBLICO POLA ORGANIZACIÓN DE CURSOS, OBRADOIROS, PROGRAMAS, ACTIVIDADES E SERVIZOS DEPORTIVOS, SOCIAIS, FESTIVOS, CULTURAIS E TURÍSTICOS POLO CONCELLO DE CABANA DE BERGANTIÑOS

De conformidade co previsto no artigo 127, en relación co artigo 41, ámbolos dous do Real decreto lexislativo 2/2004, do 5 de marzo, que aproba o texto refundido da Lei reguladora das facendas locais, no exercicio da potestade regulamentaria recoñecida a este Concello, na súa calidade de Administración Pública de carácter territorial, e dentro das competencias recoñecidas ós concellos, artigos 4 e 25 da Lei 7/1985, do 2 de abril, reguladora das bBases de réxime Local, establécese o prezo público pola organización de cursos, obradoiros, programas, actividades e servizos deportivos, sociais, festivas, culturais e turísticos que se rexerán pola presente Ordenanza.

Constitúen o obxecto do prezo público que se está a regular a asistencia a cursos e obradoiros e a participación en actividades e programas, así como a recepción de actividades ou servizos turísticos (comprendendo entre outras excursións, cursos e actividades deportivas, visitas a centros ou institucións de interese cultural, turistico ou medioambiental, viaxes, aloxametnos, comidas convivenciais ou actuacións musicais) que sexan aprobados como tales pola Xunta de Goberno Local e organizadas polo Concello de Cabana de Bergantiños dentro do ámbito das súas competencias.

Estarán obrigados ó pago do prezo público regulado na presente Ordenanza, os solicitantes do servizo ou actividade, se son maiores de idade ou menores emancipados e, noutro caso, os pais ou representantes legais.

A contía do prezo público deberá cubrir como mínimo o custo da actividade realizada. Cando existan razóns sociais, benéficas, culturais ou de interese público que así o aconsellen, a entidade poderá fixar prezos públicos por debaixo do límite previsto no apartado anterior. Nestes casos deberase consignar nos orzamentos do Concello as dotacións oportunas para a cobertura da diferenza resultante que houbera.

Conforme ó previsto no artigo 47 do Real decreto lexislativo 2/2004 e o artigo 23.2.b) da Lei 7/1985, delégase na Xunta de Goberno Local o establecemento individualizado e exacto e, no seu caso a periodicidade do devengo, do prezo público de cada un dos cursos, obradoiros, programas ou actividades que se pretenda realizar, á vista das propostas debidamente formuladas polos departamentos correspondentes que necesariamente deberán incluír o informe do responsable do departamento no que se faga constar o custo real do curso, obradoiro, servizo, programa ou actividade a realizar debidamente detallado e desglosado. No importe das tarifas entenderase incluído o IVE que, no seu caso, proceda aboar.

A obrigación de pago do prezo público regulado nesta Ordenanza, nace desde que se realiza a solicitude ou inscrición nos cursos, obradoiros, actividades, programas e/ou servizos.

Unicamente se considerará anulada unha inscrición ou matrícula, e polo tanto procederase á devolución do prezo público:

- Por anulación do curso, obradoiro, servizo, programa ou actividade por causa imputable á Administración.

- Cando o interesado notifique por escrito ó Concello a anulación da súa inscrición con anterioridade o remate do prazo establecido para a inscrición na correspondente actividade e/ou servizo no acordo de aprobación da mesma.

O pago efectuarase da seguinte forma:

1. Como regra xeral, cando se trate de actividades e/ou servizos de devengo único, o pago do prezo público efectuarase ó formular a solicitude ou inscrición nas entidades bancarias colaboradoras establecidas ó efecto. Xunto coa presentación da solicitude acreditarase ter aboado a autoliquidación comprensiva do importe total a pagar por inscrición.

2. Cando se trate de actividades e/ou servizos de devengo periódico, unha vez aboada a autoliquidación correspondente á primeira cota, confeccionaranse as correspondentes listas cobratorias pola área de xestión tributaria ou entidade coa que se concerte este servizo sobre a base do informe do responsable da actividade no que se fará constar:

- Identificación da actividade que se trata.

- Nome, apelidos e N.I.F. do participante ou, no caso de menores, do pai/nai ou representante legal obrigado ó pago.

- Importe da cota con copia do acordo da Xunta de Goberno Local que a estableza.

- Relación das altas, baixas ou variacións que se produzan en cada período de devengo.

3. O cobro do prezo público de devengo periódico regulado nesta Ordenanza efectuarase mediante recibo estendido polo Concello dentro dos quince primeiros días de cada período, establecéndose como norma xeral a domiciliación bancaria.

4. As débedas por cotas devengadas e non satisfeitas nos prazos establecidos recadaranse conforme os procedementos xerais do Regulamento Xeral de Recadación e disposicións concordantes.

5. A Xunta de Goberno Local poderá acordar, a proposta do departamento responsable de cada actividade e/ou servizo, a expulsión do usuario do servizo no caso de impago de dúas cotas así como no suposto de reincidencia no impago das mesmas.

A presente Ordenanza entrará en vigor e será de aplicación a partir do día seguinte a súa publicación íntegra no Boletín Oficial da Provincia, manténdose en vigor en tanto non sexa derrogada ou modificada expresamente.