Arzúa - ORDENANZA REGULADORA DO PREZO PÚBLICO POLA REALIZACIÓN DE ACTIVIDADES EDUCATIVAS NA AULA DE EDUCACIÓN DE ADULTOS DO CONCELLO DE ARZÚA

De conformidade co previsto no artigo 127 do texto refundido da Lei reguladora de facendas locais, aprobado polo Real decreto lexislativo 2/2004, do 5 de marzo; en relación cos artigos 41 a 47 desta norma, e no exercicio da potestade regulamentaria recoñecidas ás entidades locais nos artigos 4, 49, 70.2 e concordantes da Lei 7/1985, do 2 de abril, reguladora das bases do réxime local, este Concello establece o prezo público pola realización de actividades e prestación de servizos educativos na Aula de Educación de Adultos do Concello de Arzúa.

Os prezos públicos regulados na presente ordenanza son ingresos de dereito público que se satisfarán polos usuarios que voluntariamente soliciten a prestación do servizo de Educación Permanente de Adultos.

Están obrigados ao pagamento do prezo público regulado nesta ordenanza os/as solicitantes ou beneficiarios/as da prestación do servizo.

As contías do prezo público pola prestación de servizos educativos son as seguintes:

4.1.- Preparación das probas para a obtención do título de Graduado en Educación Secundaria.

* A duración en horas é estimada en función dos datos do curso 2013/14.

* A duración en horas é estimada en función dos datos do curso 2013/14.

4.2.- Preparación das probas de acceso aos ciclos formativos de grao medio.

* A duración en horas é estimada en función dos datos do curso 2013/14.

4.3.- Preparación das probas aos ciclos formativos de grado superior

* A duración en horas é estimada en función dos datos do curso 2013/14.

4.4.- Escola de maiores

4.5.- Preparación das competencias clave.

A realización destas actividades está exenta de IVE, en virtude do artigo 20 da Lei 37/1992, de 28 de decembro, reguladora do Imposto sobre o Valor Engadido.

Cando se solicite a matrícula para a preparación das probas de acceso aos Ciclos Formativos de Grado Medio ou Superior nos meses de novembro ou decembro, as cotas reduciranse nun 25% con respecto ás establecidas no artigo anterior. Cando a solicitude se efectúe no mes de xaneiro ou posteriores, a cota reducirase nun 50%.

Aqueles usuarios perceptores dunha RISGA (concedida no momento da formalización da matrícula) ou pensión non contributiva ou similar situación de exclusión social, aplicaráselles unha redución do 50 % no importe da matrícula, previo informe dos servizos sociais.

1.- A obriga de pagar o prezo público nace dende o momento en que se formalice a matrícula, debendo aboarse en réxime de autoliquidación.

2.- No impreso de autoliquidación deberá constar a validación mecánica ou selo da entidade bancaria a través da cal se acredita o pagamento da liquidación correspondente. A inscrición non será formalizada ou carecerá de validez, se non consta documentalmente que se efectuou o pagamento do prezo público.

3.- Os obrigados ao pago terán dereito á devolución do prezo -na parte proporcional que corresponda- cando a prestación do servizo non se poidera realizar por causa imputable ao Concello, despois da solicitude do interesado, da acreditación do pagamento, e do informe do técnico responsable da Aula de Educación de Adultos xustificativo dos motivos que poideran dar lugar a devolución.

En ningún caso se entenderá por causa imputable ao Concello a orixinada, motivada ou promovida por vontade propia ou actuacións dos interesados.

De conformidade co establecido no artigo 44 do texto refundido da Lei reguladora de facendas locais, declárase expresamente a existencia de razóns sociais e de interese público que aconsellan a fixación do prezo público por debaixo do custo da actividade, xa que a Aula de Educación de Adultos é un espazo vivo que traballa para ofrecer un servizo á sociedade e contribuir a mellorar a vida colectiva mediante actividades dirixidas a un alumnado plural e que promove a adquisición de coñecementos derivada do crecemento do nivel cultural e da evolución ininterrumpida do medio social, a potenciación da igualdade de oportunidades, a posibilidade de conseguir un mellor emprego, a posibilidade de adquirir ou actualizar a súa formación básica, etc.

A presente ordenanza de prezo público, que foi aprobada polo Pleno deste Concello en sesión celebrada o día 31 de outubro de 2014, entrará en vigor unha vez se cumpra o esixido no artigo 49 da Lei de bases do réxime local e se publique o seu texto íntegro no Boletín Oficial da Provincia, e teña transcorrido o prazo de 15 días previsto no artigo 65.2 da Lei de bases do réxime local.