Bergondo - Ordenanza fiscal nº 2, reguladora do imposto sobre construccións, instalación e obras (ICIO)

1.-De conformidade co prescrito no artigo 100 a 103 Real decreto lexislativo 2/2004, do 5 de marzo, polo que se aproba o Texto refundido da lei reguladora das facendas locais (TRLRFL), o Imposto sobre construcións, instalacións e obras é un tributo indirecto no que o feito impoñible está constituído pola realización, dentro do termo municipal, de calquera construción, instalación ou obra para a que se esixa a obtención da correspondente licenza de obras ou urbanística, obtivérase ou non dita licenza, sempre que a súa expedición corresponda ó Concello da imposición.

2.-As construcións, instalacións ou obras a que se refire o apartado anterior, poderán consistir en :

a) Obras de construción de edificacións e instalacións de tódalas clases de nova planta.

b) Obras de demolición.

c) Obras en edificios, tanto aquelas que modifiquen a súa disposición interior ou exterior.

d) Aliñacións e rasantes.

e) Obras de fontanería e sumidoiros.

f) Obras de cemiterios.

g) Calquera outra construción, instalación ou obra que requira licenza de obra ou urbanística.

1.-Son suxeitos pasivos deste imposto, a título de contribuíntes, as persoas físicas ou xurídicas e as entidades ás que se refire o artigo 35.4 da Lei xeral tributaria, que sexan donos da construción, instalación e obra sexan ou non donos do inmoble sobre o que se realiza aquela.

Ós efectos previstos no parágrafo anterior terán a consideración de dono da construción, instalación ou obra quen soporte os gastos e custo que comporte a súa realización.

2.-No suposto de que a construción, instalación ou obra non sexa realizada polo suxeito pasivo contribuínte terán a condición de suxeitos pasivos substitutos do mesmo aqueles que soliciten as correspondentes licenzas ou realicen as construcións, instalacións ou obras.

O substituto poderá esixir do contribuínte a cota tributaria satisfeita.

3.-Nas solicitudes da licenza deberá constar especificamente o nome e apelidos, denominación ou razón social, NIF/CIF, e domicilio fiscal do dono do terreo, do dono da obra e a empresa construtora.

1.-Está exenta do pago do imposto a realización de calquera construción, instalación ou obra da que sexa dono o Estado, a Comunidade Autónoma ou Entidades Locais, que estando suxeitas ó mesmo vaia a ser directamente destinada a estradas, ferrocarrís, portos, aeroportos, obras hidráulicas, saneamento de poboacións e das súas augas residuais, aínda que a súa xestión se leve a cabo por Organismos Autónomos, tanto se se trata de obras de inversión nova como de conservación.

2.-En base ó establecido na Disposición Adicional Terceira, do TRLRFL, non poderán alegarse respecto deste imposto os beneficios fiscais que estiveran regulamentados en disposicións distintas da normativa vixente de Réxime Local.

1.-A base impoñible deste imposto está constituída polo custo real e efectivo da construción, instalación ou obra, e enténdese por tal a estes efectos o custo de execución materia daquela.

Non formarán parte da base impoñible o IVE e demais impostos análogos propios de réximes especiais nin tampouco as taxas prezos públicos e demais prestacións patrimoniais de carácter público local relacionadas con ditas construcións, instalacións ou obras nin tampouco os honorarios de profesionais, o beneficio empresarial do contratista nin calquera outro concepto que non integre, estritamente, o custo de execución material.

2.-A cota deste imposto será o resultado de aplicar á base impoñible o tipo de gravame.

3.-O tipo de gravame do imposto para este Concello será do 2,5 por cento.

4.-O imposto devéngase no momento de iniciarse a construción, instalación ou obra, aínda cando non se obtivera a correspondente licenza.

1.-Cando se conceda a licenza preceptiva ou cando, non habéndose solicitado, concedido ou denegado aínda dita licenza preceptiva, se inicie a construción, instalación ou obra, practicarase unha liquidación provisional a conta, determinándose a base impoñible en función dos índices ou módulos que a presente Ordenanza establece ó efecto, no Anexo da mesma , segundo a superficie indicada en cada proxecto.

2.-Cando non figuren no Anexo da Ordenanza os prezos medios de execución material aplicables ó caso, a liquidación provisional farase atendendo ós custos reais de execución material determinados polos Servizos Técnicos en base ós prezos medios de mercado.

3.-Unha vez finalizada a construción, instalación ou obra, e tendo en conta o custo real e efectivo da mesma, o Concello, mediante a oportuna comprobación administrativa, modificará, no seu caso, a base impoñible a que se refire o apartado anterior practicando a correspondente liquidación definitiva e esixindo do suxeito pasivo ou reintegrándolle, no seu caso, a contía que corresponda.

1.- En virtude do artigo 103.2 a) do TRLRFL aplicarase unha bonificación do 50% a favor das construcións, instalacións e obras que sexan declaradas de especial interese ou utilidade municipal por concorrer circunstancias sociais, culturais, histórico artísticas ou do fomento do emprego que xustifiquen tal declaración. Corresponderá dita declaración ó Pleno da corporación e acordarase, previa solicitude do suxeito pasivo, por voto favorable da maioría simple dos seus membros.

2.- En virtude do artigo 103.2 d) do TRLRFL aplicarase unha bonificación do 50% a favor das construcións, instalacións e obras referentes ás vivendas de protección oficial.

Esta bonificación no caso de concorrer coa do apartado anterior aplicarase a cota resultante de aplicar a bonificación regulada nese apartado deste mesmo artigo.

3.- En virtude do artigo 103.2 e) do TRLRFL aplicarase unha bonificación do 90% a favor das construcións, instalacións e obras que favorezan as condicións de acceso e habitabilidade dos discapacitados.

Esta bonificación no caso de concorrer coa do apartado primeiro ou coa do apartado segundo deste mesmo artigo, ou con ámbalas dúas, aplicarase a cota resultante de aplicar a bonificacións ás que se refiren eses dous parágrafos anteriores.

4.- As bonificacións ás que fan referencia os tres apartados anteriores deste artigo terán carácter rogado, e será necesaria a acreditación do suxeito pasivo de estar incurso nalgún ou nos tres supostos establecidos para cada unha de elas, presentando a documentación demostrativa dos mesmos.

Estas bonificacións poderán aplicarse simultaneamente, pero no caso de concorrer todas elas, a bonificación do apartado 3.º deste artigo aplicarase á cota resultante de aplica-la bonificación regulada no apartado 2.º deste mesmo artigo e a bonificación do apartado 2.º deste artigo aplicarase á cota resultante de aplica-la bonificación regulada no apartado primeiro

A presente ordenanza fiscal foi aprobada polo Pleno da corporación na sesión celebrada o día 26 de marzo de 2009 e entrará en vigor o día seguinte ó da súa publicación no Boletín Oficial da Provincia.

APARTADO 1-Relación de prezos medios de execución material definida polos Servizos Técnicos Municipais adxunta á presente Ordenanza para as obras de edificación de nova planta ou ampliación das existentes (custos por m2 construído):

1.a.Superficies vivenciales (actividade residencial): 550,00 €/m2.

1.b.Resto de superficies (espazos libres, soportais cubertos, sotos/ semisotos de actividade non residencial adicados a garaxes ou instalacións, garaxes...):200,00 €/m2.

2.a.Superficies vivenciais (actividade residencial): 510,00 €/m2.

2.b.Resto de superficies (espazos libres, soportais cubertos, sotos/ semisotos con actividade non residencial adicados a garaxes ou instalacións, garaxes en planta baixa...): 200,00 €/m2.

3.a.Superficies vivenciais (actividade residencial): 500,00 € /m2.

3.b.Resto de superficies (espazos libres, soportais cubertos, sotos, garaxes..):200,00 € /m2.

4.Edificación industrial ou talleres (naves): 215,00 €/m2.

5.Edificación para uso terciario exclusivo ( oficinas e servizos) : 490,00€/m2.

6 .Centro comercial en edificio exclusivo : 450,00 €/m2

7.a.Galpóns de fábrica de bloque de formigón ou ladrillo: 200,00 €/m2.

7.b.Galpóns de madeira: 125,00 €/m2.

APARTADO 2- Relación de prezos medios de execución material definida polos Servizos Técnicos Municipais adxunto á presente Ordenanza para as obras de construción, instalacións e obras non contempladas no apartado anterior.

1.a. Demolicións de muros de carga de todo tipo incluída a retirada de escombro :36,00 €/m3

1.b. Demolicións de tabiques incluída a retirada de escombros : 4,50 €/m2.

1.c. Demolicións de soleras de formigón incluída a retirada de escombros: 8,00 €/m2.

1.d. Demolición completa de edificación incluída a retirada de escombro : 10,00 €/m2.

2.a. Escavación de gabias en terreos compactos, medios manuais: 24,00 € /m3.

2.b. Escavación de gabias en terreos compactos, medios mecánicos: 12,00 € /m3.

2.c. Baleirados: 2,10 €/m3.

2.d. Recheo de gabias:15,00 €/m3.

2.e. Aterraplenado compactado con solo seleccionado:9,50 €/m3.

2.f. Carga e transporte a vertedoiro: 5,00 €/m3.

3.a. Cerramentos de postes e arame sen zócalo: 15,00 €/ml.

3.b. Cerramentos de postes e tea metálica con zócalo de ata dúas fiadas de bloque: 30,00 €/ml.

3.c. Cerramentos de zócalo de fábrica de bloque ( h=1,50 m) : 60,00€/ml.

3.d. Cerramentos de zócalo mais tea metálica ( 0,60m de fábrica+1,00 m de tea ): 55,00 €/ml.

3.e. Cerramentos de mampostería mais enreixado metálico: 125,00 €/ml

3.f. Cerramentos de mampostería: 200,00 €/m3.

4.a. Cuberta de fibrocemento incluído desmontase de cubrición existente: 22,00 €/m2.

4.b. Cuberta de fibrocemento mais tella incluído desmontaxe de cubrición existente: 52,00 €//m2.

4.c. Cuberta de tella sobre estrutura existente: 28,00 €/m2.

4.d. Cuberta de picara incluso desmontaxe da cubrición existente : 48,00 €/m2

5.a. Tabiqueria de ladrillo : 18,00 €/m2.

5.b. Cerramentos (dobre folla):41,00 €/m2.

5.c. Recebados: 11,00 €/m2.

5.d. Soleras: 18,00 €/m2.

5.e. Beirarrúas incluída soleira de formigón: 25,00 €/m2.

5.f. Alicatados: 21,00 €/m2.

5.g. Solados: 28,00 €/m2.

5.h. Picado de fachadas: 14,00 €/m2

5.i. Encintado de fachadas de pedra: 12,00 €/m2

5.j. Aplicación de revocos proxectadas: 18,00 €/m2

6.a. Peche de balcóns, terrazas (galerías): 140,00 €/m2.

6.b. Instalación de porta de entrada: 320,00 €/Ud.

6.c. Instalación de porta interior: 120,00 €/Ud.

6.d. Instalación de fiestra: 130,00 €/m2

6.e. Instalación de fiestra: tipo ¿velux" : 230,00 €/m2.

6.f. Formación de piso de madeira : 40,00 €/m2

6.g. Apertura de ocos en muros: 80,00 €/m2.

6.h. Portal de acceso á finca : 90,00 €/m2

7. Instalación de aseo completo: 1.100,00 €/ud.

8. Instalación de baño completo: 1.300,00 €/ud.

9. Instalación de cociña: 1.400,00 €/ud.

10. Instalación eléctrica en vivenda: 1.200,00 €/ud.

11.Instalación de calefacción en vivenda: 2.800,00 €/ud.

12.a. Pintura interior en paramentos verticais e horizontais : 4.50 €/m2

12.b. Pintura exterior en paramentos verticais : 6,50 €/m2

13.a. Pozo de barrena: 1.300,00 €//ud.

13.b. Pozo artesiano: 1.800,00 €/ud.

14. Fosa séptica: 1.400, 00 €/ud.

15. Formación de salvafoxos con tubo de formigón de 40 cm. de diámetro e formigonado superior : 40,00 €/ml

As unidades de obra non contempladas no anexo anterior serán valoradas polos Servizos Técnicos Municipais en base aos prezos medios de mercado."

Faise constar igualmente que contra o acto de aprobación definitiva, que pon fin á vía administrativa, os interesados poderán interpoñe-lo recurso contencioso-administrativo ante o Xulgado do Contencioso-Administrativo que é o competente por razón do territorio, no prazo de dous meses que contan a partir do día seguinte ó da publicación deste acordo no Boletín Oficial da Provincia (segundo o artigo 46.1 da Lei 29/98 de 13 de xullo, lei da xurisdicción contencioso-administrativa).