Corcubión - REGULAMENTO MUNICIPAL DO SERVIZO DE AXUDA NO FOGAR DO CONCELLO DE CORCUBIÓN

A Lei 7/1985, do 2 de abril, reguladora das bases de Réxime Local (BOE nº 80, do 3 de abril de 1985), establece no seu artigo 25.2 k) que os concellos exercerán, en todo caso, competencias nos termos da lexislación do Estado e das Comunidades Autónomas en materia de prestación de servizos sociais e de promoción e reinserción social.

A Lei 13/2008, de 3 de decembro, de servizos sociais de Galicia, regula o dereito de todas as persoas aos servizos sociais, correspondéndolles aos poderes públicos garantir este dereito, posibilitando así que as liberdades e igualdades entre individuos sexan reais e efectivas, tal e como consagra a propia Constitución Española.

A Lei 13/2008, de 3 de decembro, de servizos sociais de Galicia, establece no seu capítulo II, o catálogo de servizos sociais, onde define o servizo de axuda no fogar coma un servizo consistente en ofrecerlles un conxunto de atencións ás persoas ou familias no seu propio domicilio, para facilitar o seu desenvolvemento e permanencia no seu contorno habitual. Esta mesma lei establece no seu artigo 11.f) que é función dos servizos sociais comunitarios básicos a xestión da axuda no fogar.

Coa entrada en vigor da Lei 39/2006, do 14 de decembro, de Promoción da Autonomía Persoal e Atención ás persoas en situación de dependencia, así como a normativa estatal e galega que a desenvolve, fíxose necesario establecer un novo marco regulador de carácter básico dos contidos, formas de prestación e aspectos procedementais e organizativos de axuda no fogar de maneira que coa aprobación da Orde do 22 de xaneiro de 2009 pola que se regula o servizo de axuda no fogar, se estableceron pautas de carácter xeral para asegurar un nivel equitativo de atención a todas as persoas que tiñan limitada a súa autonomía persoal.

O Decreto 254/2011, de 23 de decembro, polo que se regula o réxime de rexistro, autorización, acreditación e a inspección dos servizos sociais en Galicia, establece no seu artigo 7. b) como requisito xeral dos centros e programas de servizos sociais, dispoñer dunhas normas de funcionamento, visadas polo órgano competente, en materia de autorización e inspección de servizos sociais da Xunta de Galicia, que garanta o respecto ao dereito das persoas usuarias e establezan as condicións de prestación e desenvolvemento dos servizos.

O Decreto 99/2012, do 16 de marzo, polo que se regulan os servizos sociais comunitarios e o seu financiamento, faise necesario adaptar a normativa municipal existente en materia de axuda no fogar co fin de dar cumprimento ao establecido na disposición derradeira primeira.

O Decreto 149/2013, do 5 de setembro, polo que se define a carteira de servizos sociais para a promoción da autonomía persoal e a atención ás persoas en situación de dependencia e se determina o sistema de participación das persoas usuarias no financiamento do seu custo, dálle unha nova redacción aos artigos 14.2, 59 e 61 do Decreto 99/2012, do 16 de marzo, polo que se regulan os servizos sociais comunitarios e o seu financiamento, polo que se fai necesario adaptar a normativa municipal existente en materia de axuda no fogar ao establecido nos mencionados artigos.

En consecuencia e coa finalidade de garantir unha equidade, calidade e intensidade homoxéneas nos tipos de atención e os criterios de participación económica das persoas usuarias, o Concello de Corcubión de conformidade co marco normativo referenciado que confire aos concellos a potestade regulamentaria e de autoorganización dentro da esfera das súas competencias, regula os requisitos e condicións da prestación do servizo de axuda no fogar municipal a través da presente ordenanza.

Artigo 1º.- Obxecto

É obxecto desta ordenanza a regulación do servizo de axuda no fogar desenvolvido polo concello de Corcubión.

Artigo 2º.- Ámbito de aplicación

O establecido nesta ordenanza é de aplicación ao servizo de axuda no fogar que se desenvolve no concello de Corcubión.

Artigo 3º.- Natureza, definición e obxectivos do servizo

1. O servizo de axuda no fogar é un servizo público de carácter local, consistente en ofrecer un conxunto de atencións ás persoas ou unidades de convivencia no propio domicilio, para facilitar o seu desenvolvemento e a permanencia no seu contorno habitual.

2. O servizo de axuda no fogar poderá prestarse a calquera persoa ou unidade de convivencia, para as cales, de acordo coa valoración técnica correspondente, supoña un recurso idóneo de atención. De xeito particular, o servizo atenderá persoas maiores con déficits de autonomía e persoas con discapacidade, especialmente cando carezan de apoio persoal no seu medio inmediato.

3. O servizo de axuda no fogar ten por obxecto prestar un conxunto de atencións ás persoas no seu domicilio, dende unha perspectiva integral e normalizadora, naquelas situacións en que teñan limitada a súa autonomía persoal ou nos casos de desestructuración familiar.

Son obxectivos do servizo de axuda no fogar:

a) Mellorar a calidade de vida das persoas usuarias.

b) Posibilitar a permanencia das persoas no seu contorno de convivencia habitual.

c) Favorecer e potenciar a autonomía persoal no propio domicilio.

d) Manter, mellorar e recuperar as redes de relación familiar e social.

e) Previr situacións de dependencia ou exclusión social.

f) Retardar ou evitar a institucionalización.

g) Reforzar a solidariedade e potenciar o voluntariado social.

Artigo 4º.- Contido do servizo

1. De conformidade coa valoración técnica realizada en cada caso polos servizos sociais, no marco do servizo de axuda no fogar poderán prestarse os seguintes tipos de atención de carácter básico:

a. Atencións de carácter persoal na realización das actividades básicas da vida diaria, tales como:

I. Asistencia para levantarse e deitarse.

II. Tarefas de coidado e hixiene persoal, así como para vestirse.

III. Control do réxime alimentario e axuda, se é o caso, para alimentarse.

IV. Supervisión, cando proceda, das rutinas de administración de medicamentos prescritas por facultativos.

V. Apoio para cambios posturais, mobilizacións, orientación espacio-temporal.

VI. Apoio a persoas afectadas por problemas de incontinencia.

VII. Outras tarefas para favorecer a atención integral da persoa usuaria.

b. Acompañamento persoal na realización doutras actividades complementarias:

I. Seguimento das intervencións realizadas polo sistema sanitario.

II. Apoio en trámites urxentes de carácter administrativo, xudicial e similares.

c. Atención das necesidades de carácter doméstico e da vivenda, tales como:

I. Limpeza e mantemento da hixiene e salubridade da vivenda.

II. Compra de alimentos e outros productos de uso común.

III. Preparación dos alimentos.

IV. Lavado e coidado das pezas de vestir, así como do enxoval doméstico.

V. Apoio á unidade familiar.

VI. Coidados e mantemento básico da vivenda.

Este tipo de atención poderá ser facilitado en parte, se é o caso, por programas específicos de lavandaría ou alimentación a domicilio.

d. Atencións de carácter psicosocial e educativo: intervencións técnico-profesionais formativas e de apoio ao desenvolvemento das capacidades persoais, á afectividade, á convivencia e á integración na comunidade así como á mellora da estructuración familiar.

2. Con carácter complementario, unha vez garantido o nivel básico de atención, o servizo de axuda no fogar poderá incorporar, entre outros, as seguintes actuacións e servizos:

a. Actividades de acompañamento, socialización e desenvolvemento de hábitos saudables.

b. Servizo de préstamo de axudas técnicas para persoas en situación de dependencia ou dependencia temporal. Para estes efectos enténdese por axuda técnica calquera produto, dispositivo, equipamento, instrumento, tecnoloxía ou software, fabricado especialmente ou dispoñible no mercado, para previr, compensar, controlar, mitigar ou neutralizar deficiencias ou limitacións na actividade e restriccións na participación social das persoas.

c. Prestación de atención a distancia mediante dispositivos de teleseguimento, teleasistencia e similares.

d. Adaptacións funcionais do fogar.

e. Servizo de podoloxía.

f. Servizo de fisioterapia.

3. Poderán integrarse, ademais, dentro do servizo de axuda no fogar, determinadas atencións e actividades que se desenvolvan fóra do marco do domicilio da persoa usuaria, sempre que, de acordo coa prescrición técnica sobre o contido do servizo, incidan de maneira significativa na posibilidade de permanencia no fogar e na mellora da autonomía e calidade de vida.

4. En todo caso, as atencións prestadas terán un carácter de reforzo e non substitutivo das propias capacidades da persoa usuaria ou doutras persoas do seu contorno inmediato, de maneira que se falicite e promova a súa autonomía.

5. En ningún caso poderán formar parte das actuacións desenvolvidas polo servizo:

a. A realización de actividades domésticas que non fosen incluídas no proxecto de intervención e no acordo de servizo.

b. Actuacións, que polo seu carácter sanitario, deban en todo caso ser realizadas por persoal facultativo.

Artigo 5º.- Persoas destinatarias

1. O servizo de axuda no fogar estará aberto a todas as persoas ou unidades de convivencia para as que, de acordo coa valoración técnica correspondente, supoña un recurso idóneo de atención. De xeito particular, o servizo atenderá persoas maiores con déficits de autonomía e persoas con discapacidade, especialmente cando carezan de apoio persoal no seu contorno inmediato, así como fogares con menores, en que se observe a necesidade dunha intervención de carácter socioeducativo. Tamén poderá dar unha resposta preventiva e socializadora a diversas situacións de familias en risco de exclusión social.

2. En todo caso, darase prioridade de acceso ao servizo ás persoas que teñan un dereito recoñecido de atención dentro do sistema de autonomía e atención á dependencia.

Artigo 6.- Dereitos das persoas usuarias

As persoas usuarias do servizo, no marco dos dereitos que con carácter xeral se lle recoñecen na lexislación aplicable sobre servizos sociais e, se é o caso, sobre o procedemento administrativo común, terán dereito:

1. A seren tratadas co respecto debido á súa dignidade, intimidade e autonomía.

2. A accederen e utilizaren o servizo en condicións de igualdade e non discriminación.

3. A recibiren unha atención individualizada e adaptada ás súas necesidades, coa calidade e duración determinadas en cada caso.

4. A recibiren unha información de xeito áxil, suficiente, veraz e comprensible sobre os recursos e as prestacións do sistema galego de servizos sociais, así como a que sexan asistidas e orientadas nos trámites necesarios de cara ao seu acceso aos demais sistemas de benestar social.

5. A teren asignada unha persoa profesional de referencia que actúe como interlocutora principal e que asegure a coherencia da intervención.

6. A coñeceren a organización e o regulamento do servizo.

7. Ao tratamento confidencial dos seus datos, de acordo co disposto na Lei orgánica 15/1999, do 13 de decembro, de protección de datos de carácter persoal.

8. A coñeceren a situación do seu expediente.

9. A seren informadas, de xeito claro e preciso, sobre a intervención prevista e elixir libremente, dentro da capacidade de oferta do sistema e logo da valoración técnica, o tipo de medidas ou de recursos adecuados para o seu caso, así como a participar na toma de decisións que modifiquen o proceso de intervención acordado.

10. Á calidade dos servizos recibidos e a presentaren queixas e suxestións á persoa coordinadora do servizo.

11. Ao respecto dos seus dereitos lingüísticos, garantindo, en todo caso, o desenvolvemento da actividade do servizo dende a práctica dunha oferta positiva do idioma galego.

Artigo 7º.- Deberes das persoas usuarias

As persoas usuarias, no marco dos deberes que con carácter xeral se establecen no artigo 7 da Lei 13/2008, de servizos sociais de Galicia, e, se é o caso, na lexislación vixente sobre o procedemento administrativo común, terán os seguintes deberes:

1. Cumprir as normas, requisitos e procedementos para o acceso aos diferentes servizos.

2. Facilitar a información precisa e veraz sobre as circunstancias determinantes para o acceso e utilización dos servizos, así como comunicar ao persoal de referencia, os cambios de circunstancias familiares, sociais ou financeiras que puideran resultar relevantes na asignación, modificación, suspensión ou extinción das prestacións ou servizos.

3. Cumprir coas condicións do servizo, facilitando e colaborando na execución das tarefas do persoal ao seu cargo e poñendo á súa disposición, cando se trate dun servizo realizado no domicilio, os medios materiais necesarios.

4. Colaborar co persoal encargado do seu caso, acudindo ás entrevistas programadas, seguindo as orientacións e participando no desenvolvemento das actividades incluídas no servizo, centro ou programa en función das súas capacidades e nos termos acordados en cada caso.

5. Manter unha actitude positiva de colaboración coas persoas profesionais dos servizos sociais comunitarios, participando activamente no proceso pautado de mellora, autonomía persoal e inserción social.

6. Facilitar e cooperar no seguimento, avaliación e inspección do servizo.

7. Respectar a dignidade persoal e profesioal das persoas que lles presten o servizo, así como respectar os límites das súas obrigas laborais.

8. A comunicar, con dez días de antelación, en circunstancias ordinarias e previsibles, calquera ausencia temporal que puidese impedir ou dificultar a execución dos servizos que, se fose o caso, se prestasen no seu domicilio.

Artigo 8º.- Causas de extinción e modificación do servizo

1. Son causas de extinción do servizo de axuda no fogar as seguintes:

a. A renuncia da persoa usuaria.

b. O cambio de programa individual de atención ou do proxecto de intervención que implique un cambio de asignación de recurso e a súa incompatibilidad co servizo de axuda no fogar.

b. Traslado definitivo da súa residencia a outro concello.

c. Falecemento da persoa usuaria.

d. Incumprimento reiterado dos deberes e obrigas establecidas para as persoas usuarias na prestación do servizo.

e. A falta reiterada de pagamento do servizo.

f. Desaparición das causas que motivaron a prestación do servizo.

2. Ademais, con carácter xeral, a alteración das circunstancias tidas en conta para a concesión do servizo, poderá dar lugar á modificación das condicións de prestación nas que fora concedido inicialmente. Os cambios de circunstancias, en calquera caso, deberán substanciarse no expediente individual, mediante un novo informe social.

3. Cando se trate dun servizo público de axuda no fogar, asignado a persoas en situación de dependencia, na correspondente resolución de Programa Individual de Atención, consonte ao establecido na Orde de 2 de xaneiro de 2012, de desenvolvemento do Decreto 15/2010, do 4 de febreiro, polo que se regula o procedemento para o recoñecemento do sistema para a Autonomía e Atención á Dependencia, o procedemento para a elaboración do Programa Individual de Atención e a organización e funcionamento dos órganos técnicos competentes, modificado polo Decreto 148/2011, do 7 de xullo, a incoación por parte da entidade titular do servizo, dun expediente de extinción ou modificación das condicións de prestación do servizo, deberá notificarse en todo caso ao órgano competente para ditar resolución de Programa Individual de Atención.

Artigo 9º.- Causas de suspensión temporal do servizo

Son causa de suspensión temporal do servizo, logo de tramitación do correspondente expediente e informe razoado do persoal técnico coordinador do servizo, que deberá incorporarse ao expediente persoal, as que seguen:

1. Ausencia temporal do domicilio: neste caso o servizo poderá suspenderse por un máximo de tres meses para as persoas usuarias que accedan ao servizo polo sistema de libre concorrencia e por un máximo de dous meses para as persoas usuarias de dependencia, debendo acreditar a persoa usuaria as causas que motivan a súa ausencia.

2. Modificación temporal das causas que motivaron a necesidade do servizo: poderá suspenderse o servizo en tanto persista o cambio de circusntancias causante da suspensión, coa excepción das prazas vinculadas a un dereito exercido dentro do sistema de autonomía e a atención á dependencia, suposto no que se estará ao disposto na correspondente normativa reguladora.

Artigo 10º.- Formas de prestación do servizo

O servizo público de axuda no fogar será prestado polo concello de Corcubión ben directamente, ou ben mediante as diversas modalidades de contratación da xestión de servizos públicos, regulados na normativa vixente sobre contratos do sector público, a través de entidades privadas debidamente autorizadas.

Artigo 11º.- Requisitos específicos

1. Existirá un profesional de referencia, que actuará como coordinador do servizo e que deberá estar en posesión dunha cualificación mínima de diplomatura universitaria na área de servizos sociais. No caso de que o número de persoas usuarias sexa menor de 50, o persoal técnico mínimo exixible será de 0,02 profesionais en cómputo de xornada completa por persoa usuaria. Nos demais casos aplicarase a seguinte táboa:

2. O persoal que presta atención directa nos domicilios das persoas usuarias estará formado por auxiliares de axuda no fogar, que, no caso de prestar o servizo a persoas en situación de dependencia valorada, deberán estar en posesión do título de Técnico en Atención a Persoas en Situación de Dependencia ou equivalente, regulado no Real Decreto 1593/2011, do 4 de novembro, ou en posesión do certificado de profesionalidade de atención sociosanitaria a persoas no domicilio ou equivalente, regulado no Real Decreto 1379/2008, do 1 de agosto, polo que se establecen os certificados de profesionalidade da familia profesional de servizos socioculturais e á comunidade.

3. O seguemento da prestación do servizo nos domicilios das persoas usuarias realizarase polo persoal coordinador, sempre que as circunstancias o fagan necesario e, como mínimo, con carácter bimestral. Da supervisión realizada quedará constancia no correspondente expediente individual. Mediante esta supervisión revisarase e axustarase, se fose o caso, o contido das prestacións expresado no proxecto de intervención e no acordo de servizo.

4. O Concello de Corcubón e de ser o caso, a entidade prestadora en réxime privado do servizo, abrirá un expediente por cada persoa usuaria ou por cada unidade de convivencia á que presta o servizo, no cal constará, cando menos:

a. Un informe social, asinado por un traballador ou traballadora social da entidade titular do servizo.

b. Un proxecto de intervención, asinado polo técnico responsable, segundo o Anexo VI desta ordenanza.

c. Un acordo de servizo asinado entre o Concello de Corcubión e a persoa usuaria, segundo o Anexo IV desta ordenanza.

d. Informes de seguemento periódicos, que terán un carácter bimestral, ou extraordinarios, cando as circunstancias así o aconsellen.

En todo caso, o tratamento da información contida nos expedientes, realizarase de acordo coa Lei 15/1999, do 13 de decembro, de protección de datos de carácter persoal.

Artigo 12º.- Modalidades de acceso ao servizo, organización e procedemento

O acceso ao servizo de axuda no fogar municipal producirase de acordo co seguinte:

1. O acceso será prioritario e directo para as persoas que, tendo recoñecida unha situación de dependencia, se lles asigne a axuda no fogar na correspondente resolución de programa individual de atención, e consonte a aplicación do programa de asignación de recursos, establecido no título II do Decreto 15/2010, do 4 de febreiro, polo que se regula o procedemento para o recoñecemento da situación de dependencia e do dereito ás prestacións do sistema para a autonomía e atención á dependencia, o procedemento para a elaboración do programa individual de atención e a organización e funcionamento dos órganos técnicos. Para estes efectos, o concello de Corcubión, cando sexa o caso, procederá a dar de alta as persoas en agarda, de acordo coa orde de prelación establecida no programa de asignación de recursos. As persoas para as que o programa individual de atención, determine o servizo de axuda no fogar como recurso principal ou idóneo terán, en todo caso, preferencia sobre aquelas ás que se lles asigne o servizo de axuda no fogar como respiro do coidador.

2. Para as persoas que non teñan o recoñecemento da situación de dependencia, ou non as asista o dereito de acceso efectivo ao catálogo de servizos de atención á dependencia, segundo o calendario de implantación que se establece na Lei 39/2006, o acceso ao servizo, logo da prescrición técnica do profesional de referencia resolverase en réxime de libre concorrencia, segundo o seguinte procedemento:

a. - Presentación da solicitude, segundo o anexo I desta ordenanza, dirixida ao Alcalde no Rexistro Municipal do Concello, acompañada da seguinte documentación:

I. Fotocopia do DNI da persoa beneficiaria do servizo e das persoas que convivan no mesmo domicilio, de ser o caso.

II. Fotocopia da tarxeta sanitaria da persoa solicitante.

III. Certificado de empadroamento colectivo.

IV. Libro de familia.

V. Informe médico ou clínico sobre o seu estado de saúde segundo modelo que se facilitará nas dependencias dos servizos sociais municipais (anexo II)

VI. Declaración xurada de non ter dereito a axuda no fogar por outra entidade ou organismo.

VII. Solicitude de domiciliación bancaria (anexo V)

VIII. Documento no que a persoa beneficiaria se compromete a autorizar o acceso á súa vivenda, de ser o caso, segundo anexo IV.

IX. Certificado de discapacidade e/ou certificado do grao de dependencia, de ser o caso.

X. Xustificantes de ingresos da persoa solicitante e do resto dos membros da unidade de convivencia:

1. Fotocopia da última declaración da renda, ou no seu defecto, certificado de imputacións do IRPF, expedido pola Axencia Tributaria correspondente.

2. Certificados de todos os ingresos procedentes de salarios, pensións, subsidios e outros bens que posúan.

3. Contrato e xustificante de aluguer de vivenda, de ser o caso.

4. Calquera outra documentación que sexa requerida polo traballador/a social para a valoración do seu expediente.

En todo caso, o tratamento da información contida nos expedientes individuais, realizarase de acordo coa normativa vixente en materia de protección de datos de carácter persoal.

As solicitudes incompletas contarán cun prazo de 10 días para enmendar deficiencias; en caso de non facelo, serán arquivadas sen máis trámite tal como se establece na lexislación que regula o procedemento administrativo.

b. - As solicitudes presentadas serán valoradas polo/a traballador/a social dos servizos sociais comunitarios do Concello, que, unha vez realizada a correspondente visita domiciliaria, determinará, mediante o informe técnico, a idoneidade do servizo, así como a intensidade recomendable para cada caso concreto, tendo en conta todas as circunstancias de necesidade e a aplicación do baremo establecido a tal fin, segundo anexo VIII.

c. - O departamento de Servizos Sociais elaborará un Informe - proposta que será elevado ao órgano competente para dictar resolución. O prazo máximo para resolver será de tres meses.

No caso de que sexa favorable, a mesma terá a consideración de alta no servizo. En caso de non existir dispoñibilidade, a solicitude pasará a integrarse na lista de agarda, nunha orde de prioridade determinada pola puntuación que obtivese na aplicación do baremo. No caso de empate da puntuación, atenderase por orde temporal da demanda.

d. - Cando concorran circunstancias que aconsellen a intervención inmediata do servizo, a Alcaldía resolverá o expediente, á vista do informe-proposta do/a traballador/a social. Este informe conterá as causas que motiven a tramitación pola vía de urxencia. O procedemento de urxencia terá validez mentres se manteña a situación desencadeante. A desaparición desta, levará consigo a extinción do servizo e a tramitación pola vía ordinaria.

e. - Para o inicio da prestación do servizo será requisito previo asinar o acordo de servizo, segundo o modelo establecido no anexo VI desta ordenanza (anexo III da Orde de 22 de xaneiro de 2009).

f. - Anualmente, farase unha revisión de todas as persoas beneficiarias do servizo, co fin de comprobar que cumpre as condicións para a continuidade do mesmo. Para a renovación anual do servizo, as persoas beneficiarias deberán presentar a documentación establecida no apartado a) deste artigo, agás aquela que xa conste no seu expediente individual.

Artigo 13º.- Desenvolvemento da prestación do servizo

1. O prazo de alta no servizo, será como máximo dunha semana, dende que a persoa usuaria se lle asigna o recurso dende o Programa de Asignación de Recursos para as persoas que acceden ao servizo na modalidade de dependencia, ou dende que se dita resolución por parte da Alcaldía, para as persoas que acceden ao servizo na modalidade de libre concorrencia. Para as persoas usuarias ás que se lles concede o servizo, pola vía de urxencia, o prazo de alta será como máximo de dous días.

2. Previo ao inicio do servizo, o persoal técnico realizará unha avaliación da situación e establecerá un consenso coa persoa usuaria, sobre as actuacións e tarefas a desenvolver no domicilio. Designarase tamén a persoa profesional de referencia.

3. A asignación do persoal de atención directa farase en base ao perfil requerido para cada caso concreto, e realizarase unha visita domiciliaria para a presentación do persoal de atención directa á persoa usuaria.

Se a persoa beneficiaria, rexeita ao/á auxiliar de axuda no fogar que se lle asigna, sen razón suficientemente xustificada, pasará á lista de agarda ata que se lle asigne outro/a auxiliar, sempre que sexa técnicamente posible.

Os cambios no persoal técnico asignado, así como nos horarios de prestación do servizo, que deban efectuarse por circunstancias de necesidades de organización do servizo, comunicaranse á persoa beneficiaria, seguindo en vigor o acordo asinado.

4. Para o inicio da prestación do servizo, será requisito previo asinar o acordo de servizo, segundo o modelo establecido no anexo VI desta ordenanza.

5. O persoal técnico elaborará un proxecto de intervención, segundo o anexo VII desta ordenanza, que deberá conter: días da semana de atención, horario concreto no que se desenvolverá a prestación, identidade do persoal de atención directa responsable da execución do proxecto, obxectivos e tarefas a desempeñar no domicilio, e o seguimento efectivo da prestación no domicilio do usuario, con carácter mínimo bimestral.

6. Farase entrega á persoa usuaria dunha copia da ordenanza municipal de axuda no fogar, debidamente visada polo órgano competente.

7. Así mesmo, entregarase á persoa usuaria e ao persoal de atención directa o documento que conteña as tarefas a desenvolver no domicilio.

8. Informarase ás persoas usuarias da existencia dun libro de reclamacións, que estará á súa disposición para calquera queixa ou reclamación. No caso de queixa ou reclamación, facilitarase unha copia da queixa á persoa usuaria e remitirase o orixinal ao servizo de inspección no prazo de tres días, xunto cun informe do caso, segundo establece o artigo 6.i) do Decreto 254/2011, do 23 de decembro, polo que se regula o réxime de rexistro, autorización, acreditación e a inspección dos servizos sociais en Galicia.

Artigo 14º.- Intensidade na prestación do servizo

1. A intensidade do servizo determinarase, con carácter xeral, en horas mensuais de atención, distribuidas en función das necesidades da persoa usuaria e do informe técnico.

2. A intensidade do servizo de axuda no fogar, para as persoas atendidas no marco do sistema de autonomía persoal e atención á dependencia, estará predeterminada no seu programa individualizado de atención. A súa aplicación horaria será flexible e conforme co proxecto de intervención, de xeito que, cando menos, se garanta a cobertura das necesidades de atención de carácter persoal na realización das actividades básicas da vida diaria, relacionadas no artigo 4.1º a) da Orde de 22 de xaneiro de 2009, pola que se regula o servizo de axuda no fogar, todos os días da semana.

3. Nos restantes casos, a intensidade do servizo, virá determinada na prescrición efectuada polo departamento de servizos sociais do concello.

Artigo 15º.- Determinación da capacidade económica do sistema de atención a persoas usuarias da dependencia.

1. A capacidade económica das persoas dependentes, valoradas con dereito recoñecido de atención, mediante o servizo de axuda no fogar, calcularase de acordo coas normas de valoración contidas no capítulo II do título III do Decreto 149/2013, do 5 de setembro, polo que se define a carteira de servizos sociais para a promoción da autonomía persoal e a atención ás persoas en situación de dependencia e se determina o sistema de participación das persoas usuarias no financiamento do seu custo, observándose as normas de aplicación á materia, vixentes en cada momento, polo órgano competente en materia de servizos sociais da Xunta de Galicia.

2. O resultado do cálculo da capacidade económica, correspondente ás persoas dependentes valoradas con dereito de atención recoñecido no servizo de axuda no fogar, constará na resolución do plan individualizado de atención que se desenvolva en cada caso, de conformidade co que establece o artigo 38 do Decreto 15/2010, do 4 de febreiro, polo que se regula o procedemento para o recoñecemento da situación de dependencia e do dereito ás prestacións do sistema para a autonomía e atención á dependencia, o procedemento para a elaboración do programa individual de atención e a organización e funcionamento dos órganos técnicos competentes.

Artigo 16º.- Determinación da capacidade económica das persoas usuarias doutros servizos que impliquen copagamento

No servizo de axuda no fogar prestado a persoas ou unidades de convivencia distintas ás referidas no artigo anterior, o cómputo da capacidade económica farase de acordo cos seguintes criterios:

1. Computarase a renda de todas as persoas residentes na mesma unidade de convivencia. Para estes efectos considérase renda a suma de calquera das modalidades de ingreso a que se refire o artigo 6.2 da Lei 35/2006, do 28 de novembro, do imposto sobre a renda das persoas físicas.

2. Computarase, así mesmo, o patrimonio neto de todas as persoas residentes na unidade de convivencia. Para estes efectos, enténdese por patrimonio neto o conxunto de bens e dereitos de contido económico de que sexan titulares, determinados consonte as regras de valoración recollidas na Lei 19/1991, do 6 de xuño, do imposto sobre o patrimonio, con dedución das cargas e gravames de natureza real que diminúan o seu valor, así como das débedas e obrigas persoais das cales deba responder. Igualmente, para o cómputo do patrimonio neto deberán terse en conta as exencións que prevé a Lei 19/1991, do 6 de xuño, do imposto sobre o patrimonio, ao respecto da vivenda habitual e doutros bens e dereitos.

3. A capacidade económica calcularase sumando todas as rendas computables, modificadas á alza pola suma dun 5% do patrimonio neto en cómputo anual, e dividindo o resultado da dita suma entre o total de persoas que convivan no fogar.

Artigo 17º.- Participación no financiamento do servizo das persoas dependentes con dereito de atención recoñecido como usuarias do servizo de axuda no fogar

1.- No caso de que a capacidade económica da persoa usuaria do servizo de axuda no fogar para persoas dependentes valoradas con dereito de atención recoñecido, sexa igual ou inferior ao indicador público de rendas a efectos múltiples (IPREM), quedará exenta da obriga de participar no custo do servizo.

2.- Nos demáis supostos, aplicarase a seguinte táboa, na cal se expresa o copagamento en termos de porcentaxe sobre a capacidade económica da persoa usuaria e en función da intensidade do servizo asignado:

3.- Nos casos en que, por renuncia parcial expresa da persoa beneficiaria ao seu dereito de atención co número de horas expresadas no PIA, ou cando por tratarse dun suposto de compatibilización do SAF con outro servizo ou prestación do catálogo, as horas reais prestadas de servizo de axuda no fogar sexan inferiores á cantidade expresada en cada columna da táboa anterior para o grao correspondente, a cantidade a pagar será minorada proporcionalmente á diminución das horas efectivas de servizo.

4.- En ningún caso, o importe da participación económica que deberá ingresar a persoa beneficiaria en concepto de copagamento poderá exceder o 90% do custo do servizo, determinado en termos de prezo/hora.

5.- No caso das atencións e servizos complementarios do nivel básico do servizo de axuda no fogar, prestados ás persoas dependentes valoradas con dereito de atención recoñecido, para os efectos de facer efectiva a obriga de participar no custo do servizo por parte das persoas usuarias, aplicarase a seguinte táboa, na cal se expresa a súa participación en termos de porcentaxe sobre a capacidade económica da persoa usuaria e en función da intensidade e do tipo de atención ou servizo asignado:

Artigo 18.- Participación das persoas usuarias no financiamento doutros servizos que impliquen copagamento

1. Para o servizo de axuda no fogar, en réxime de libre concorrencia, para as persoas que non teñan o recoñecemento da situación de dependencia, ou non as asista o dereito de acceso efectivo ao catálogo de servizos de atención á dependencia, segundo o calendario de implantación que se establece na Lei 39/2006, aplicarase a seguinte táboa que regula unha progresiva participación económica no custo do servizo en base ó cálculo da capacidade económica per cápita, de acordo co establecido no artigo 16 desta ordenanza.

2. Sen prexuizo do anterior, poderán establecerse excepcións aos criterios xerais do referido copagamento nos casos en que a situación causante da aplicación do servizo de axuda no fogar sexa unha problemática de desestructuración familiar, exclusión social ou pobreza infantil, circunstancia que deberá estar debidamente xustificada no correspondente informe social.

3. En calquera caso, establecerase un límite máximo de participación económica das persoas usuarias do 40% da súa capacidade económica.

Artigo 19º.- Afectación dos ingresos municipais polo copagamento dos servizos

De conformidade co artigo 56.7 de Lei 13/2008, de servizos sociais de Galicia, en todo caso, os ingresos que recade o concello de Corcubión, en concepto de achega das persoas usuarias para a súa participación no custo dos servizos sociais comunitarios, estarán afectados ao financiamento dos servizos sociais que reciban.

Artigo 20º.- Da coordinación coas entidades privadas que atendan a persoas usuarias financiados total ou parcialmente con fondos públicos

No caso das entidades privadas que presten o servizo de axuda no fogar, mediante financiamento total ou parcial con fondos públicos, ou que atendan a persoas usuarias derivadas do sistema de autonomía persoal e atención á dependencia, manterán unha coordinación efectiva cos servizos sociais comunitarios básicos, establecendo un protocolo de comunicación de altas no servizo de cada persoa usuaria, así como unha copia do correspondente proxecto de intervención e dos informes de seguimento, dirixidos aos servizos sociais comunitarios básicos do Concello ou entidade local.

Artigo 21º.- Obrigados ao pagamento

Están obrigados ao pagamento do prezo público regulado nesta ordenanza as persoas físicas usuarias do servizo de axuda no fogar prestado por este Concello.

Artigo 22º. -Nacemento da obriga de pago

O réxime xurídico da participación económica das persoas usuarias no custo do servizo é o establecido polo Real decreto lexislativo 2/2004, do 5 de marzo, polo que se aproba o texto refundido da Lei de Facendas Locais.

A obriga de pagar os prezos públicos regulados nesta ordenanza, nace, en xeral, dende que se inicie a prestación do servizo e deberá facerse efectivo de acordo coas seguintes normas de xestión:

1. Os prezos públicos contemplados nesta ordenanza satisfaranse con carácter posterior á prestación do servizo e con carácter específico, durante os vinte primeiros días do mes seguinte.

2. Por parte do concello e, sobre a base do parte de traballo asinado, conxuntamente pola persoa usuaria e polo persoal de atención directa, elaborarase un recibo individual có importe correspondente ao servizo prestado no mes anterior, que se remitirá á entidade bancaria elixida pola persoa beneficiaria, para que se efectúe o pagamento.

Artigo 23º. - Infraccións e sancións.

As infraccións e sancións rexeranse, no relativo aos pagos, pola Lei 58/2003, do 17 de decembro, xeral tributaria e polo Real Decreto 939/2005, do 29 de xullo, polo que se aproba o Regulamento Xeral de Recadación, e no resto das materias, polo disposto na Lei 13/2008, de 3 de decembro, de servizos sociais de Galicia.

Esta ordenanza derroga expresamente a ordenanza reguladora do servizo de axuda a domicilio publicada no BOP nº 224, de 25 de novembro de 2013, e calquera outra disposición de igual ou inferior rango que sexa contraria á mesma.

O presente regulamento entrará en vigor unha vez publicado no B.O.P e transcorrido o prazo de quince días hábiles ao que se refire o artigo 70, nº 2, en relación co artigo 65, nº 2 da Le7/1985, do 2 de abril, reguladora das bases de réxime local e comezará a aplicarse a partir do día seguinte a aquel no que eso se cumpra, permanecendo en vigor ata a súa modificación ou derogacion expresa.

Para facer constar que o regulamento que antecede consta de capítulos distribuídos en artigos, disposición final, foi aprobado pólo pleno da corporación en sesión celebrada o día 20.11.2014.

ANEXO I: IMPRESO DE SOLICITUDE

SOLICITUDE DO SERVIZO DE AXUDA NO FOGAR

1.- EFECTOS PARA OS QUE SE SOLICITA

 Solicitude inicial  Solicitude por modificación do servizo

 Solicitude urxente  Solicitude Ordinaria

2.- DATOS DO SOLICITANTE

3.- DATOS DO REPRESENTANTE LEGAL

SOLICITA:

Que previos os trámites e informes reglamentarios, lle sexa concedido o Servicio de Axuda a Domicilio coas seguintes prestacións

4.- TIPO DE AXUDA QUE SOLICITA

Así mesmo, manifesto que:

· Non percibo outros servicios ou prestacións de análogo contido ou finalidade.

· Queda enterado/a da obriga de comunicar ao Concello calquera variación nos datos declarados que poidan producirse de agora en diante.

· Acepto a posibilidade de contribuir económicamente, si así resultase da aplicación, no meu caso, da normativa local vixente.

· No caso de ser petición urxente, o solicitante deberá presentar a documentación nos 10 días seguíntes á petición.

· Acepta o rexistro dos seus datos na Base de Datos Municipal do S.A.D.

Corcubión a de del 20

Asdo:

ILMO. SR. ALCALDE DO EXCMO. CONCELLO DE CORCUBIÓN

DOCUMENTACIÓN

 Fotocopia do DNI, pasaporte, tarxeta de residencia do solicitante e das persoas que convivan no mesmo domicilio.

 Fotocopia da tarxeta da Seguridade Social

 Libro de familia

 Certificado de empadroamento colectivo

 Informes médicos segundo o modelo que se facilitara nas dependencias de Servizos Sociais (anexo II)

 Xustificante de ingresos do solicitante e do conxuxe o parella de feito: declaración da renda ou certificado de imputacións, xustificantes de pensións, prestacións, ou rendas de traballo (INEM, INSS, nómina etc ) alugueres, certificados de rendementos do capital mobiliario, recibos catastrais...

 Solicitude de Domiciliación Bancaria (Anexo V)

 A persoa beneficiaria asinara un documento no que se compromete a autorizar o acceso a súa vivenda ao persoal que presta o servizo(anexo IV)

 Contrato e recibo de aluguer, se é o caso.

 Se podrá solicitar os interesados a aportación doutros documentos distintos dos anteriomente enumerados, a efectos de constatar si reúne as condicios exixidas para ser beneficiário da prestación solicitada. En calquer caso, o concello non dispondrá desta documentación para fins distintos dos concernentes ó Servizo de atención domiciliaria

ANEXO II: INFORME MÉDICO

INFORME MÉDICO

Recoñecemento efectuado ao solicitante do Servicio de Axuda no fogar

D/Dª___________________________________________________________________________________________________

Polo doctor D. ___________________________________________________________________________________________

Colegiado nº.______de ___________ Médico de ____________________________________ Data_____________________

(Marcar cunha X o que proceda)

1.- SITUACIÓN FÍSICA

2.- SITUACIÓN PSÍQUICA.

(Marcar cunha X)

3.- SITUACIÓN SENSORIAL

XUIZO DIAGNÓSTICO. (Reflexarase a causa médica que provocou a incapacidade física e/ou psíquica sinalada. Especificarase tratamento e evolución).

_____________________________________________________________________________________________________________________________________________________________________________________________________________________________________________________________________________________________________________________________

(Data e sinatura)

ANEXO III: INFORME SOCIAL E PROPOSTA TÉCNICA DE RESOLUCIÓN

1.- DATOS DE IDENTIFICACIÓN DO EXPEDIENTE

2.- DATOS DO SOLICITANTE

3.- DATOS SOCIO-FAMILIARES

Unidade de convivencia:

Outros familiares:

4 .- DATOS ECONÓMICOS DA UNIDADE FAMILIAR

5.- CARACTERÍSTICAS DA VIVENDA

Equipamentos (dispón de )

6.- PROPOSTA DO TRABALLADOR SOCIAL

Diagnóstico Social

Proposta de atención domiciliaria:

En Corcubión a_____ de ________________ de 20___

O Traballador/a Social

Asdo:

Nº Colexiación:

ANEXO IV.-COMPROMISO DE ACEPTACIÓN DAS CONDICIÓNS DO SERVIZO E AUTORIZACIÓN DE ENTRADA NO DOMICILIO POR PARTE DO USUÁRIO.

1.- DATOS DO SOLICITANTE

2.- DATOS DO REPRESENTANTE LEGAL

3- COMPROMISO DE ACEPTACIÓN DAS CONSICIÓNS DO SERVIZO:

Quedando enterado das condicions da prestación así como dos meus dereitos e obligacións, según o disposto na Normativa que regula este servizo AUTORIZO O ACCESO A MIÑA VIVENDA do persoal profesional asgnado para levar a cabo o servizo de axuda no fogar concedido e DECLARO A MIÑA a

 ACEPTACIÓN  RENUNCIA Ó MESMO

Formulado y firmado por Don/dona ¿¿¿¿¿¿¿¿¿¿¿¿¿¿¿¿¿¿¿¿¿con D.N.I. nº: ¿¿¿.¿¿¿¿¿domiciliado/@ en¿¿¿¿¿¿¿¿¿¿.. e nº de teléfono: ¿¿¿¿¿¿¿¿¿¿ ca única relación de parentesco co solicitante ou Beneficiario/a é:.....................¿. que non teño relación de parentesco pero é o meu veciño, amigo, compañeiro.

o Que me comprometo a atender a Don/a ¿¿¿¿¿¿¿¿¿¿¿¿¿¿¿¿¿¿¿ Solicitante ou beneficiario/a do servizo de axuda no fogar, a buscar axuda para as outras actividades que sendo necesarias para o beneficiario/a non poden ser cubertas polo servizo de axuda no fogar por as suas limitacións horarias, das tarefas, ou por a situación de agravamento na salude do beneficiario/a

o Que me comprometo a axudalo no que necesite os fins de seman ou fora das horas do servizo de axuda no fogar.

O BENEFICIARIO/A REPRESENTANTE LEGAL

ASDO: ASDO:

ANEXO V.-SOLICITUDE DE DOMICILIACIÓN BANCARIA PARA O PAGO DE PRESTACIÓN, SE É O CASO.

A favor de:

En concepto de:

Datos da persoa beneficiaria

Entidade bancaria

Oficina

Titular da conta

Codigo conta cliente (20 dixitos)

En __________________, a ____, de _________________________ de 20___

O/a interesado/a,

(Selo da entidade bancaria)

ANEXO VI.-CONTRATO ENTRE O USUÁRIO, CONCELLO E EMPRESA ADXUDICATARIA SOBRE AS TAREFAS A REALIZAR.

Acordo de Servizo

Reunidos en ....................................o día .......dunha parte don/dona.....................................................................

..............¿¿...............con DNI:¿¿¿¿¿¿¿¿.......E doutra .............................................................................

............., en calidade de Técnico responsable do servizo de axuda no fogar de ........................................................

ACORDAN:

1. Que o Concello de _______________ a entidade prestadora _________________, prestará o Servizo de Axuda no Fogar (SAF), á persoa arriba citada, dende o día _______ do _________ de 20__.

2. Que a prestación do Servizo de Axuda no Fogar se realizará con carácter indefinido para as persoas usuarias de Dependencia e para as persoas que acceden ao sistema por libre concorrencia por un prazo de ___________________________, con posibilidade de prórroga segundo valoración técnica do departamento de Servizos Sociais/da Entidade prestadora acreditada.

Que o SAF se levará a cabo por un total de ......... horas mensuais, distribuidas semanalmente nos seguintes días.....................

3. Que atendendo ao Decreto 99/2012, do 16 de marzo, ao Decreto 149/2013, do 5 de setembro, á Orde do 22 de xaneiro de 2009, pola que se regula o Servizo de Axuda no Fogar, a Ordenanza Fiscal municipal que regula as taxas do SAF, e á aplicación do baremo que corresponde, a persoa usuaria conta cunha capacidade económica de ......... euros, polo que lle corresponde unha porcentaxe de ........... % sobre a súa capacidade económica. En base ao anterior, e tendo en conta a intensidade do servizo, comprométese a achegar a cantidade de ........... euros polo total de horas prestadas.

Que atendendo ao Decreto 99/2012, do 16 de marzo, á Orde do 22 de xaneiro de 2009, pola que se regula o Servizo de Axuda no Fogar, a Ordenanza Fiscal municipal que regula as taxas do SAF, e á aplicación do baremo que corresponde, a persoa usuaria conta cunha capacidade económica de ......... euros, polo que lle corresponde unha porcentaxe de ...........% sobre o custo do servizo. En base ao anterior, e tendo en conta a intensidade do servizo, comprométese a achegar a cantidade de ........... euros polo total de horas prestadas.

4. Que a persoa usuaria acepta domiciliar o abono da taxa do SAF establecido nesta ordenanza, na entidade bancaria da súa elección, no número de conta autorizada para tal efecto.

5. Que, de acordo co proxecto de intervención establecido para o caso, as actividades que se fixan inicialmente para o desenvolvemento do SAF son as seguintes:

 Atencións de carácter persoal

 Atencións de carácter persoal doutras actividades da vida diaria (acompañamentos fora do fogar).

 Atencións de carácter apoio psicosocial e educativo

 Atencións de carácter doméstico e da vivenda

 Atencións de carácter técnico e complementario

 _____________________________________________________

6. Que as modificacións que puidese haber nas condicións inicialmente estipuladas neste acordo, deberán ser recollidas nun documento novo asinado pola persoa usuaria e a persoa responsable do SAF, sendo anexadas ao acordo orixinal.

7. Que o servicio se prestará atendendo ás condicións reguladas na Orde do 22 de xaneiro de 2009 que regula o Servizo de Axuda no Fogar e na ordenanza municipal sobre o SAF, onde están recollidas os dereitos e obrigas da persoa usuaria, baixas temporais e causas de extinción.

8. Que existe a disposición das persoas usuarias un libro de queixas e reclamacións.

9. Que co presente acordo se lle entrega á persoa usuaria unha copia da ordenanza debidamente visada polo órgano competente.

10. Ambas partes dan a súa conformidade ó presente acordo de prestación do SAF, e o asinan

En Corcubión, a ¿¿ de ¿¿¿¿¿¿¿¿¿¿¿¿.de 20¿..

A persoa usuaria O técnico responsable

ANEXO VII.- PROXECTO DE INTERVENCIÓN

1.-Datos de Identificación do Expediente

Antecedentes relevantes:

2.-Atención a prestar

Atencións de carácter persoal na realización das actividades básicas da vida diaria 

Atencions de carácter persoal na realización doutras actividades da vida diária 

Atencions das necesidades de carácter doméstico e da vivenda 

Atencións de carácter psicosocial e educativo 

Atencions de caracter complementario o servizo de axuda no fogar 

Actividades de acompañamento, socialización, e desenvolvemento de hábitos saudables. 

Prestación de atención a distancia mediante dispositivos de teleseguimento, teleasistencia e similares. 

Adaptacions funcionais do fogar 

Servizo de podoloxia 

Servizo de fisioterapia 

Outras Especificar 

Días da semana

Tipo de servizo a prestar

¿ Atencións domésticas ¿ Apoio Social e educativo

¿ Actividades de acompañamento ¿ Apoio na estructuración familiar

¿ Coidados de Atención Perosal e dinámica relacional

¿ Acondicionamento da vivenda ¿ Apoio de carácter Socioeconómico

¿ Eliminación de Barreiras ¿ Outros

¿ Teleasistencia ¿ Xantar na Casa

Perfil dos/as profesionais

Outros servizos:

______________________________

3.-Existencia doutros Servizos/Apoios prestados a Domicilio

Existencia:

Servizos/apoios:

Nº de horas semanais:

4.- Obxectivos Específicos e Tarefas que se propoñen

¿ Mellorar a calidade de vida das persoas usuarias 

¿ Posibilitar a permanencia das persoas no seu contorno de convivência 

¿ Favorecer e potenciar a autonomía persoal no propio domicilio 

¿ Manter, mellorar e recuperar as redes de relación familiar e social 

¿ Previr situacións de dependencia ou exclusión social 

¿ Retardar ou evitar a institucionalizacion 

¿ Reforzar a solidariedade e potenciar o voluntariado social 

Tarefas a realizar:

 A.Domésticas  A. Personais  Externas  Outras

Limpeza fogar  Levantarse/ deitarse  Xestións  Alivio familiar 

Lavado roupa  vestirse/ espirse  Médico  psico-social 

Pasar o ferro  Aseo Persoal  Recetas  sócio-educat 

Elaboración comida Baño/ducha  Fogar/Club  Apoio relac.fami 

Compras  Atención encamado  Paseos 

Comer/beber 

Moverse na cama 

Control medicación 

Control alimentación 

5.-Periodicidade do Seguimento (mínimo bimensual)

Observacións

En Corcubión a_____ de ________________ de 20___

O Traballador/a Social

Asdo:

Nº Colexiación:

Baremo:

Para poder obxetivar, valorar e ordenar as solicitudes da dependencia por libre concurrencia, utilizarase un sistema de baremo no que se puntuarán os aspectos de autonomía Funcional, apoio social, situación familiar/socialización menores, situación económica, Baremo Outros factores e valoración técnica.

A.- FACTOR 1.- De Autonomía Funcional (máximo 90 puntos)

No caso de ter a valoración da dependencia a puntuación obtida neste apartado ven xa establecida pola regulación autonómica de acordo coa seguínte escala

As persoas dependentes valoradas que polo calendario oficial de implantación teñan dereito á prestación pola vía de acceso directo do sistema da dependencia (PIA con posible asignación de servizos de axuda no fogar), non poderán acceder polo sistema de libre concurrencia.

O valor asignado en función da autonomía das persoas será o que se deduza da valoración realizada polos órganos oficiais competentes para a valoración da discapacidade e do grao de dependencia.

As persoas dependentes valoradas que polo calendario oficial de implantación teñan dereito á prestación pola vía de acceso directo do sistema da dependencia (PIA con posible asignación de servizos de axuda no fogar), non poderán acceder polo sistema de libre concurrencia.

A asignación de valor en función do factor ¿autonomía persoal· realizarase de acordo coa seguinte táboa:

TÁBOA DE EQUIVALENCIAS PARA VALORACIÓN DE AUTONOMÍA PERSOAL

FACTOR 2.- APOIO SOCIAL (máximo total 20 puntos)

Neste factor valorase se a persoa vive soa e si carece ou non de familiares así como á axuda que se lle presta ó solicitante xa sea por familiares directos ou indirectos (vecinos, amigos, voluntariado, etc ).

FACTOR 3.- SITUACIÓN FAMILIAR/SOCIALIZACIÓN MENORES (máximo total 20 puntos)

Neste apartado se valorarán os seguintes aspectos:

· O grao de conflicto familiar

· As limitacións físicas ou psíquicas para proporcionar unha axeitada atención aos menores

· Monoparientalidade e

· O número de menores na familia.

FACTOR 4.- OUTROS ASPECTOS SOCIAIS (máximo total 20 puntos)

Serán obxeto de baremación as condicions xerais da vivenda así como a súa ubicación, accesibilidade aos equipamentos e medios de comunicación.

FACTOR 5.- Baremo Situación Económica (máximo total 40 puntos)

Neste apartado se barema según o disposto nos artigos 18 e 19 desta ordenanza reguladora do servizo de axuda a domicilio municipal neste Concello.

FACTOR 6.- Baremo Outros factores (máximo total 8 puntos)

Se obxetivaran e incluirán, exclusivamente, aquelas situacións non recollidas en ningún dos apartados anteriores que agraven a situación de necesidade.

(Inclúe variables que determinan, de algunha maneira, certo grado de necesidade do solicitante como: Situacións xerais marxinantes, convivencia con outras persoas na súa situación de discapacidade, Familias con graves cargas que necesitan alivio na súa adicación ao familiar asistido, etc. Ata un máximo de 8 ptos (2 puntos por cada item)

FACTOR 7.- VALORACIÓN TECNICA

O técnico poderá valorar positivamente a inclusión no programa de axuda a domicilio aínda cando non reunindo os requisitos establecidos na Ordenanza reguladora, considere que a non prestación do mesmo podería conlevar un grave risco de deterioro persoal e familiar do solicitante.

FACTOR-1:SITUACIÓN DE AUTONOMÍA PERSOAL:

A.- ACTIVIDADES BASICAS DA VIDA DIARIA ( ÍNDICE DE BARTHEL):

B.- ACTIVIDADES INSTRUMENTAIS DA VIDA DIARIA

C.- FUNCIÓNS SUPERIORES

Autónomo = 0 ptos Con moita dificultade = 0.75 ptos.

Con axuda = 0.5 ptos Dependente = 1 ptos.

Máximo 20 ptos.

FACTOR-2: POIO SOCIAL (máximo total 20 puntos) Puntos

FACTOR-3: SITUACIÓN FAMILIAR/SOCIALIZACIÓN MENORES (máximo total 20 puntos)

FACTOR 5: SITUACIÓN ECONÓMICA ( máximo total 40 puntos )

FACTOR 6: OUTROS FACTORES(máximo total 8 puntos)

Neste apartado se incluirán, exclusivamente, aquelas situacións non recollidas en ningún dos apartados anteriores que agraven a situación de necesidade.

(Inclúe variables que determinan, de algunha maneira, certo grado de necesidade do solicitante. Ata un máximo de 8 ptos (2 puntos por cada item)

FACTOR 7: VALORACIÓN TECNICA

O técnico poderá valorar positivamente a inclusión no programa de axuda a domicilio aínda cando non reunindo os requisitos establecidos na Ordenanza reguladora, considere que a non prestación do mesmo podería conlevar un grave risco de deterioro persoal e familiar do solicitante.

O regulamento dispón a súa entrada en vigor unha vez publicado o seu texto completo no Boletín oficial da Provincia, e transcorrido o prazo previsto de 15 días ao que se refiren os artigos 70.2 e 65.2  da Lei 7/1985, de 2 de abril, reguladora das Bases do Réxime Local:

Artigo 70.2: ¿¿..Las ordenanzas, incluídos el articulado de las normas de los planes urbanísticos, así como los acuerdos correspondientes a éstos cuya aprobación definitiva sea competencia de los entes locales, se publicarán en el ¿Boletín Oficial" de la provincia y no entrarán en vigor hasta que se haya publicado completamente su texto y haya transcurrido el plazo previsto en el artículo 65.2 salvo los presupuestos y las ordenanzas fiscales que se publican y entran en vigor en los términos establecidos en la Ley 39/1988, de 28 de diciembre, Reguladora de las Haciendas Locales....." (desde el 10 de marzo de 2004 RDL 2/2004, de 5 de marzo).

Artigo 65.2: ¿El requerimiento deberá ser motivado y expresar la normativa que se estime vulnerada. Se formulará en el plazo de quince días hábiles a partir de la recepción de la comunicación del acuerdo."

Ó no ter coñecemento da fecha exacta da recepción da comunicación do acordo, o Servizo de Asistencia Económica a Municipios toma como fecha estimada da súa entrada en vigor o prazo de quince días hábiles a partir da publicación definitiva.