Corcubión - Regulamento Organico Municipal do Concello de Corcubión

Artigo 1º.-

O Concello de Corcubión, en exercicio da potestade regulamentaria e de autoorganización que lle recoñece a Lei 7/1985, de 2 de Abril, Reguladora das Bases de Réxime Local, e a Lei 5/1997, de 22 de Xullo de Administración Local de Galicia, e con suxeición as mesmas, acordou, mediante o presente Regulamento regular a súa organización e réxime de funcionamento dos órganos básicos e complementarios.

Artigo 2º.-

A organización e funcionamento interno do Concello de Corcubión axustarase a seguinte orde xerárquica de fontes normativas:

a) Lei 7/1985, de 2 de Abril, reguladora das Bases de Réxime Local.

b) Lei 5/1997, de 22 de Xullo, de Administración Local de Galicia.

c) O Regulamento Orgánico Municipal.

d) Real Decreto 2568/1986, de 28 de Novembro, polo que se aproba o Regulamento de Organización, Funcionamento e Réxime Xurídico das Entidades Locais, para aquelas materias que resulte insuficiente a normativa establecida no Regulamento Orgánico.

Artigo 3º.-

A organización municipal axustase as seguintes estructuras:

a) Son órganos básicos de goberno e administración:

- Pleno.

- Alcalde/ase-Presidente/a.

-Tenentes Alcalde.

- Comisión Especial de Contas.

b) Son órganos complementarios do goberno e administración:

- Comisións Informativas.

- Concelleiros Delegados.

- Grupo Municipais.

Artigo 4º.-

Corresponde o/a Alcalde/esa ditar as instrucións interpretativas e aclaratorias da normativa reseñada no artigo 2º, para a súa aplicación no municipio, previo informe xurídico da Secretaría municipal.

Artigo 5º.-

Corresponde o Concello en Pleno o control e fiscalización de tódolos órganos de goberno.

Artigo 6º.-

O idioma oficial do Concello é o Galego que é a lingua propia de Galicia. Os poderes públicos potenciarán o seu emprego. Tamén será oficial o castelán.

O Concello implantará o uso e normalización do galego, patrimonio cultural da nosa Comunidade Autónoma, de conformidade co disposto na lexislación específica sobre a materia.

Neste sentido recoñecese o dereito dos cidadáns a relacionarse con calquera dependencia municipal en calquera das linguas oficiais da nosa Comunidade Autónoma de conformidade co art. 35 da Lei 30/1992, de Réxime Xurídico das Administracións Públicas e do Procedemento Administrativo Común e coa Lei Orgánica 1/1981 do 6 de Abril, Estatuto de Autonomía de Galicia.

Artigo 7º.-

Os/as concelleiros/as, ós efectos da súa actuación corporativa, constituiranse en grupos que se corresponderán cos partidos políticos, federacións, coalicións ou agrupacións que obtiveran postos na Corporación.

Cada partido político, federación, coalición o agrupación constituirá un único grupo.

Ningún concelleiro pode pertencer simultaneamente a máis de un grupo.

Artigo 8º.-

O mínimo de concelleiros/as para constituír un grupo é de dous.

Integraranse, en todo caso, no grupo mixto os membros dos partidos políticos, federacións, coalicións e agrupacións que non houberan obtido o mínimo de dous escanos.

No suposto de que non existise grupo mixto, este quedará constituído polo membro do partido políticos, federacións, coalicións e agrupacións que obtiveran un solo escano.

Os/as concelleiros/as que non se integren no grupo que corresponda a súa lista pola que foron elixidos e os que durante o mandato causen baixa nos que inicialmente se integrarán, constituirán o Grupo Mixto.

Durante o mandato da Corporación ningún concelleiro/a poderá integrarse nun grupo distinto de aquel no que o faga inicialmente salvo no grupo mixto.

Artigo 9º.-

Os grupos políticos constituiranse mediante escrito dirixido o/a Alcalde/esa-Presidente/a e subscrito por tódolos seus integrantes, que se presentará na Secretaría Xeral da Corporación dentro dos cinco días hábiles seguintes a constitución da Corporación.

No mesmo escrito de constitución farase constar a designación do portavoz do grupo, podendo designarse tamén suplentes.

Se algún concelleiro/a non firmase o escrito de constitución do grupo, elo non impedirá a súa constitución e os non firmantes integraranse no grupo mixto.

Da constitución dos grupos políticos, dos seus integrantes e portavoces, o/a Alcalde/esa-Presidente/a, dará conta o Pleno na primeira sesión que se celebre tras cumprirse o prazo previsto no primeiro punto deste artigo.

Artigo 10º.-

Os/as concelleiros/as que adquiran a súa condición con posterioridade a sesión constitutiva da Corporación, deberán incorporarse o grupo correspondente a lista na que foran elixidos ou, no seu caso, no grupo mixto. No primeiro suposto disporán dun prazo de 5 días hábiles, a contar dende que tomen posesión do seu cargo, para acreditar a súa incorporación o grupo que corresponda mediante escrito dirixido o/a Alcalde/esa e firmado, así mesmo, polo correspondente portavoz/a.

Se non se produce a integración na forma prevista no paragrafo anterior, integraranse automaticamente no grupo mixto.

Artigo 11º.-

Corresponde os grupo políticos designar, mediante escrito do seu portavoz dirixido o/a Presidente/a e nos termos previstos en cada caso no presente regulamento, a aqueles dos seus compoñentes que deban representalos en tódolos órganos colexiados integrados por membros da Corporación pertencentes os diversos grupos. No mesmo escrito nomearanse os suplentes.

O portavoz do grupo será o encargado da deliberación de asuntos, pero poderase delegar por razón da materia a exposición de asuntos a prol de outros membros do grupo.

Artigo 12º.-

A Alcaldía poñerá a disposición dos grupos municipais un local ou despacho para reunirse, previa solicitude do portavoz/a do grupo. Ademais poderán usar os edificios e locais municipais sempre que estean dispoñibles, de acordo co Regulamento de utilización e cesión de edificios e locais socio-culturais do Concello de Corcubión, salvo durante os períodos de campaña electoral que se rexerá pola súa normativa específica.

O/a portavoz/a de cada grupo será o encargado de intervir, normalmente nas deliberacións dos asuntos a tratar nos órganos colexiados.

Artigo 13º.-

A determinación do número de Concelleiros/as do Concello, o procedemento para a súa elección, a duración do seu mandato e os supostos de inelixibilidade e incompatibilidade son os regulados na lexislación electoral xeral.

Artigo 14º.-

Os/as concelleiros/as teñen dereito os honores, prerrogativas e distincións propias do cargo que se establezan pola leis do Estado ou da Comunidade Autónoma.

Artigo 15º.-

Os/as concelleiros/as teñen dereito a asistir con voz e voto as sesións do Pleno do Concello e as daqueles órganos colexiados dos que formen parte.

Tamén terán dereito a asistir, con voz pero sen voto, as sesións dos restantes órganos complementarios do Concello dos que non formen parte e nos que a lei establece o dereito de participación de todos os Grupo Políticos.

Artigo 16º.-

Os/as concelleiros/as teñen dereito a obter do/a Alcalde/esa cantos antecedentes, datos ou informes obren en poder dos servizos da Corporación e resulten precisos para o desenrolo da súa función.

Para elo deberán formular a súa petición a través do seu Grupo Político, que mediante escrito dirixido a Alcaldía, o presentará no Rexistro Xeral da Corporación.

A información será facilitada o solicitante, directamente ou a través da Secretaría Xeral, no prazo de cinco días hábiles seguintes a petición. Se non fose posible facilitar esa información, deberá contestarse expoñendo as causas ou razóns que dean lugar a esta imposibilidade, dentro do prazo antes indicado.

A vista dos antecedentes, datos, informes ou expedientes, non incluíra o libramento de copias, que se realizará previa autorización do Alcalde, no prazo mais breve posible, coa excepción dos asuntos incluídos na orde do día dos órganos colexiados, dos que o/a concelleiro/a solicitante sexa membro.

Os/as concelleiros/as velarán para evitar a divulgación das informacións que se lles faciliten para facer posible o desenrolo da súa función, singularmente das que servirán de antecedente para decisións que aínda se encontren pendentes de adopción, así como para evitar a reprodución da documentación que se lles poida facilitar, en orixinal ou copia, para o seu estudio.

Artigo 17.-

Os/as concelleiros/as terán dereito a percibir, con cargo os Orzamentos do Concello, as retribucións ou indemnizacións que correspondan segundo os criterios xerais establecidos na Lexislación de Réxime Local, neste Regulamento e no Orzamento Municipal.

De acordo co establecido no artigo 75 da Lei 7/1985, de 2 de Abril, terán dereito a percibir retribucións e a ser dados de alta no Réxime Xeral da Seguridade Social, os concelleiros/as que desenvolvan as súas responsabilidades en réxime de dedicación parcial ou exclusiva. O recoñecemento da dedicación exclusiva a un concelleiro/a, esixirá a dedicación preferente do meso as tarefas municipais, sen prexuízo de outras ocupacións marxinais que, en calquera caso, non poderán causar detrimento a súa dedicación o Concello, no caso de que tales ocupacións sexan remuneradas, requirirá unha declaración formal de compatibilidade por parte do Pleno. O número de dedicacións exclusivas ven regulado no artigo 75 ter da LBRL.

O Pleno Corporativo, a proposta do/a Alcalde/esa, determinará, dentro da consignación orzamentaria global contida a tal fin no Orzamento, as contías que correspondan a cada un deles en atención o seu grado de responsabilidade e de acordo coas posibles limitacións que estableza a lexislación vixente.

Artigo 18.-

O Pleno da Corporación fixará a contía das retribucións, asistencias e indemnizacións do/a Alcalde/esa e Concelleiros/as e as súas modalidades dentro das correspondentes consignacións orzamentarias e cos límites que, con carácter xeral se establezan. Ditas percepcións responderán a criterios de igualdade e non discriminación, en función das atribucións conferidas.

Deberán publicarse integramente no Boletín Oficial da Provincia e fixarse no taboleiro de anuncios da Corporación, os acordos plenarios referentes as retribucións dos cargos con dedicación exclusiva e parcial e o réxime de dedicación deste últimos, indemnizacións e asistencias, así como os acordos do Presidente da Corporación determinando os membros desta que realizarán as súas funcións en réxime de dedicación exclusiva ou parcial.

Todas as percepcións dos membros da Corporación estarán suxeitas as normas tributarias de carácter xeral.

Soamente os membros da Corporación que non teñan dedicación exclusiva ou parcial percibirán asistencias pola concorrencia efectiva as sesións dos órganos colexiados de que formen parte.

Artigo 19.-

Os/as Concelleiros/as, unha vez que tomen posesión do seu cargo, estarán obrigados o cumprimento estrito dos deberes e obrigacións inherentes a el.

Artigo 20.-

Os/as concelleiros/as deberán observar en todo momento as incompatibilidades establecidas na lexislación electoral.

Artigo 21.-

Os/as Concelleiros/as non poderán invocar ou facer uso da súa condición de membro corporativo para o uso de actividade mercantil, industrial ou profesional.

Artigo 22.-

Os membros da Corporación que por causa xustificada non podan concorrer as sesións dos órganos colexiados deberán comunicalo o/a Alcalde/esa-Presidente/a ou o/a Secretario/a da Corporación. A inasistencia as mesmas que non sexa debidamente xustificada poderá dar lugar, de acordo co disposto no artigo 78.4 da LBRL, a imposición polo Alcalde/esa das sancións previstas na Lei.

Artigo 23.-

De conformidade co disposto no artigo 75 da Lei 7/1985, de 2 de Abril, constitúese na Secretaría Xeral da Corporación o Rexistro de Intereses dos membros da Corporación. Os representantes locais, formularán declaración sobre causas de posible incompatibilidade e sobre calquera actividade que lle proporcione ou poida proporcionar ingresos económicos. Formularán tamén declaración dos seus bens patrimoniais e da participación en sociedade de todo tipo, con información das sociedade por elas participadas e das liquidacións dos impostos sobre a Renda, Patrimonio e, no seu caso, Sociedades.

Tales declaracións, efectuadas nos modelos aprobados polo Pleno, levaranse a cabo antes da toma de posesión, con ocasión do cese e o final do mandato. Así como cando se modifiquen as circunstancias de feito. Ditas declaracións deberán facerse públicas.

As declaracións anuais de bens e actividades serán publicadas anualmente a través da paxina web municipal, no caso de variacións, e en todo caso, o inicio do mandato e coa finalización deste.

Tales declaracións inscribiranse nos seguintes Rexistros, que terán carácter público:

a) As declaracións sobre causa de posible incompatibilidade e actividades que proporcionen ou poidan proporcionar ingresos económicos, inscribiranse, no Rexistro de Actividades constituído en cada Entidade Local.

b) A declaración sobre bens e dereitos patrimoniais inscribiranse no Rexistro de Bens Patrimoniais de cada Entidade Local.

Artigo 24.-

Na declaración de intereses, haberán de constar os seguintes extremos:

a) Identificación dos bens mobles e inmobles integrantes do patrimonio persoal, con designación, no seu caso, da súa inscrición no rexistro, e data de adquisición de cada un deles.

b) Relación de actividades e ocupacións profesionais, mercantís ou industriais, traballos por conta allea e outras fontes de ingresos privados, con especificación do seu ámbito e carácter e dos empregos ou cargos que ostenten en entidades privadas, así como o nome ou razón social das mesmas.

c) Outros intereses ou actividades privadas que, aínda non sendo susceptibles de proporcionar ingresos, afecten ou estean en relación co ámbito de competencias da Corporación.

En todo caso esta declaración será firmada polo interesado e polo Secretario da Corporación para dar fe da súa presentación.

As declaración que se presenten terán a consideración de Declaración Xurada.

O citado rexistro será publico, e queda sometido a lexislación sobre transparencia, actualmente, Lei 19/2013, de transparencia , acceso a información pública e bo goberno.

Artigo 25.-

Conforme o artigo 54 de LBRL, este Concello responderá directamente dos danos e prexuízos causados aos particulares nos seus bens ou dereitos, como consecuencia do funcionamento dos servizos públicos ou da actuación das autoridades, funcionarios ou axentes, nos termos establecidos na lexislación xeral sobre responsabilidade administrativa.

Así mesmo, e de conformidade co establecido no artigo 78 da LBRL, son responsables dos acordos que o Concello adoptará, aqueles membros que os votasen a favor. Os membros da Corporación Local están suxeitos a responsabilidade civil e penal polos actos e omisións realizados no exercicio do seu cargo. As responsabilidades esixiranse ante os Tribunais de Xustiza competentes e tramitaranse polo procedemento ordinario aplicable.

A Corporación poderá esixir a responsabilidade dos seus membros cando por dolo ou neglixencia graven causaran dano ou prexuízo a Corporación ou a terceiros, se estes foran indemnizados por aquela.

Artigo 26.-

O/a Alcalde/esa é o/a Presidente/a da Corporación e o/a Xefe/a da Administración Municipal.

Artigo 27.-

O/a Alcalde/esa ostenta as atribucións que lle veñen conferidas polo artigo 21 da LBRL, Lei de Administración Local de Galicia, así como as demais que expresamente lle atribúan as leis e aquelas que a lexislación do Estado ou da Comunidade Autónoma asignen o Municipio e non atribúan a outros órganos municipais.

Artigo 28.-

O/a Alcalde/esa pode delegar as súas atribucións, salvo as mencionadas no artigo 21.3 da LBRL, nos termos previstos neste artigo e nos seguintes.

Artigo 29.-

O/a Alcalde/esa pode realizar delegacións especiais para cometidos específicos en favor de calquera Concelleiro.

As delegacións nos/as Concelleiros/as, dentro dos límites que expresamente se lles confira, poderán alcanzar a facultada de resolver mediante actos administrativos.

Artigo 30.-

Todas as delegacións a que se refire o artigo anterior realizaranse mediante resolución, producindo efectos dende o momento da súa adopción.

As modificacións das delegacións serán igualmente realizadas por resolución e produciran efectos dende o momento da súa adopción.

De todos os actos de delegación que o/a Alcalde/esa realice en función do establecido no presente artigo, e no anterior, deberá dar conta o Pleno na súa sesión ordinaria inmediata e serán publicados no Boletín Oficial da Provincia.

Artigo 31.-

O/a Alcalde/esa nomeará e cesará libremente aos Tenentes Alcalde, de entre os concelleiros.

Os nomeamentos e ceses faranse mediante resolución do/a Alcalde/esa que da que se dará conta o Pleno na primeira sesión ordinaria que se celebre, notificándose ademais persoalmente os interesados, e publicarase no Boletín Oficial da Provincia, sen prexuízo da súa efectividade dende o día seguinte da firma da resolución polo/a Alcalde/esa, si en ela non se dispuxera outra cousa.

O número de Tenentes Alcalde non poderá exceder de un terzo do número legal de Concelleiros/as que formen parte da Corporación.

A condición de Tenente Alcalde perdese, ademais de polo cese, por renuncia expresa manifestada por escrito.

Artigo 32.-

Corresponde os Tenentes de Alcalde, en canto tales, substituír na totalidade das súas funcións e polo orden do seu nomeamento, o/a Alcalde/esa, nos casos de ausencia ou enfermidade de este; as funcións do/a Alcalde/esa non poderán ser asumidas polo Tenente Alcalde sen expresa delegación, que reunirá os requisitos dos artigos 29 e 30.

Non obstante, o anterior, cando o/a Alcalde/esa se ausente do termo municipal por máis de 24 horas, sen conferir delegación, ou cando por causa imprevista lle fora imposible outorgala, substituiralle, na totalidade das súas funcións, o Tenente de Alcalde a quen corresponda, dando conta o resto da Corporación.

Corresponde tamén o Tenente de Alcalde, desempeñar as funcións do/a Alcalde/esa nos supostos de vacante na Alcaldía ata que tome posesión o novo/a Alcalde/esa.

Artigo 33.-

Nos supostos de substitución por razón de ausencia ou enfermidade, o Tenente Alcalde que asuma as funcións non poderá revocar as delegacións que outorgara o primeiro, en virtude do disposto no artigo 25 e seguintes.

Artigo 34.-

O Concello Pleno estará integrado polo/a Alcalde/esa, que ostenta a presidencia e polos/as Concelleiros/as.

O número de Concelleiros/as será o que establece o na Lei Orgánica de Réxime Electoral de 19 de Xuño de 1985, no seu artigo 179.

Artigo 35.-

O Concello Pleno ostenta aquelas atribucións que lle veñen conferidas pola Lei 7/1985, LBRL, no seu artigo 22 e demais normativa aplicable.

Artigo 36.-

A Comisión Especial de Contas estará constituída polos/as Concelleiros/as designados de cada un dos distintos Grupos Políticos integrantes da Corporación.

Artigo 37.-

Corresponde a Comisión Especial de Contas o exame, estudio e informe das Contas Xerais, que debe aprobar o Pleno da Corporación, de acordo co establecido na lexislación reguladora da contabilidade das entidades locais.

Artigo 38.-

Na súa organización, a Comisión Especial de Contas rexerase de acordo co previsto no artigo 116 da LBRL, concordantes de este Regulamento Orgánico e demais normativa aplicable.

Mediante acordo plenario que así o estableza, a Comisión Especial de Contas, poderá actuar como comisión informativa permanente para os asuntos relativos a economía, facenda e outros que poidan encomendárselle.

No non previsto para esta Comisión, será de aplicación a normativa propia das Comisións Informativas.

Artigo 39.-

As Comisións Informativas, integradas exclusivamente por Concelleiros/as, son órganos sen atribucións resolutorias que teñen por función o estudio, informe ou consulta nos asuntos que vaian a ser sometidos a decisión do Pleno.

Son de existencia voluntaria nos Concellos de menos de 5.000 habitantes, polo que a regulación establecida neste Regulamento Orgánico ven condicionada pola súa creación polo Pleno, no inicio de cada lexislatura.

O Dictame da Comisión Informativa correspondente, ten caracter preceptivo, salvo nos supostos de urxencia, e non vinculante.

Artigo 40.-

Todos os grupos políticos integrantes da Corporación Municipal terán dereito a participar, mediante a presenza de Concelleiros/as pertencentes os mesmos, na Comisión Informativa. Poden participar de modo proporcional a súa representatividade, ou de forma igual para cada grupo, neste último caso aplicarase o voto ponderado.

Artigo 44.-

O número, denominación, composición numérica das Comisión Informativas serán acordadas polo Concello Pleno.

Artigo 45.-

O/a Alcalde/esa é o/a Presidente/a nato/a de todas as Comisións. Sen embargo, a Presidencia efectiva poderá delegala en calquera membro da Corporación, a proposta da propia Comisión, trala correspondente elección efectuada no seu seno.

Cada Comisión estará integrada de forma que a súa composición se acomode a criterios de proporcionalidade existente entre os distintos Grupos Políticos representados no Concello.

A adscrición concreta a cada Comisión dos/as concelleiros/as que deban formar parte da mesma en representación de cada grupo, realizarase mediante escrito do portavoz do mesmo dirixido o Alcalde e do que se dará conta o Pleno.

Artigo 46.-

O Pleno do Concello celebrará as súas sesións na Casa Consistorial, salvo nos supostos de forza maior nas que, a través da convocatoria ou da Resolución de Alcaldía dictada previamente e notificada a todos os/as Concelleiros/as, poderá habilitarse outro edificio ou local a tal efecto. En todo caso farase constar na acta esta circunstancia.

Artigo 47.-

O Pleno funciona en réxime de sesións ordinarias e extraordinarias, que poden ser, ademais, urxentes.

Artigo 48.-

Son sesión ordinarias do Pleno aquelas cuxa periodicidade esta preestablecida. Dita periodicidade será fixada por acordo do Pleno, adoptado na sesión extraordinaria que se convocará polo/a Alcalde/esa dentro dos trinta días seguintes o da sesión constitutiva do Concello, e non poderá exceder do limite mensual a que se refire o artigo 46.2 a) LBRL e artigo 210.2 a) da lei 5/1997, de 22 de Xullo, de Administración Local de Galicia.

O Pleno sinalará igualmente os días e horas en que terá lugar ditas sesións, que poderán ser cambiados en calquera momento posterior, por dito órgano. Igualmente o/a Alcalde/esa, por propia iniciativa ou a petición dos portavoces, por causa xustificada, poderá variar o día ou a hora de algunha sesión, aloxándoo soamente o imprescindible dos fixados polo Pleno e comunicado este feito os interesados.

Artigo 49.-

Son sesións extraordinarias do Pleno aquelas que convoque o/a Alcalde/esa con tal carácter, por iniciativa propia ou a solicitude da cuarta parte, polo menos, do número legal de membros da Corporación, deberán pedirse por escrito no que se razoe o asunto ou asuntos que a motiven, firmado persoalmente por todo os que a subscriben. Tamén deberán acompañar a dito escrito todos os documentos que deban estar a disposición dos señores/as concelleiros/as na Secretaría Xeral, dende o momento da convocatoria. A relación de asuntos incluídos no escrito non enerva a facultade do/a Alcalde/esa de determinar os puntos do orde do día, se ben a exclusión neste de algún dos asuntos propostos, deberá ser motivada.

A convocatoria da sesión e celebración da sesión deberán cumprir os prazos establecidos no artigo 210 da Lei 5/97, do 22 de Xullo de Administración Local de Galicia.

Artigo 50.-

Para a celebración válida da sesión do Pleno, requírese a asistencia dun tercio do número legal de membros que compoñan o órgano colexiado de que se trate, sen que en ningún caso poida ser inferior a tres. Este quórum debe manterse durante toda a sesión.

Non poderá celebrarse sesión sen a asistencia do/a Presidente/a ou do/a Secretario/a da Corporación ou de quen legalmente os substitúa.

No suposto de que o día e hora sinalados na convocatoria para celebrar sesión non concorreran membros da Corporación bastantes para celebrala, acreditarase tal circunstancia polo/a Secretario/a mediante dilixencia, na que se expresará o número e nome dos que asistiran e dos que xustificaran ausencia, quedando convocado o Pleno automaticamente para dous días despois á mesma hora en segunda convocatoria. No caso que na segunda convocatoria tampouco existise o quórum necesario, reiterarase a convocatoria cantas veces fose necesario ata lograr a asistencia do número de concelleiros/as necesario para celebrar validamente a sesión.

Artigo 51.-

Toda sesión, sexa ordinaria ou extraordinaria, debe respectar o principio de unidade de acto, e se procurará que termine o mesmo día do seu comezo. Se este terminase sen que se debateran e resolvesen todos os asuntos incluídos no orden do día, o/a Presidente/a poderá levantar a sesión. Neste caso, os asuntos non debatidos deberán incluírse no orde do día da seguinte sesión.

Durante o transcurso da sesión, o/a Presidente/a poderá acordar interrupcións o seu prudente arbitrio, para permitir as deliberación dos Grupos por separado, sobre a cuestión debatida, ou para descanso nos debates.

Artigo 52.-

O orde do día das sesións será fixado polo/a Alcalde/esa, asistido do/a Secretario/a. Así mesmo, poderá consultar, si o estima oportuno, os portavoces dos grupo existentes na Corporación.

Nas sesións ordinarias soamente poden ser adoptados acordos sobre asuntos incluídos no respectivo orden do día, ou sobre os que foran declarados de urxencia na propia sesión polo órgano colexiado.

No orde do día das sesións ordinarias incluirase un punto de rogos e preguntas.

Nas sesións extraordinarias non poden declararse de urxencia asuntos non incluídos no seu orde do día.

Os/as concelleiros/as deberán entregar as mocións que pretendan que se inclúan no orden do día, na Secretaría do Concello con unha antelación mínima de cinco días hábiles a data de celebración do Pleno Ordinario para que poidan incluírse no orde do día.

Artigo 53.-

A documentación íntegra dos asuntos incluídos no orde do día, que deba de servir de base o debate e, no seu caso, votación, deberá figurar a disposición dos/as concelleiros/as dende o mesmo día da súa convocatoria, na Secretaría da Corporación.

Desta documentación outorgaráselle copia de canto solicite. As propostas de acordo, mocións e todos aqueles documentos de asuntos incluídos no orde do día, que sexa posible enviar, remitiranse telemáticamente os/as concelleiros/as.

Artigo 54.-

O/a Alcalde/esa convocará os/as concelleiros/as a sesión ordinaria ou extraordinaria con dous días hábiles de antelación, como sinala a Lei, remitíndolles xunto coa comunicación da convocatoria o orde do día a que se suxeitará dita sesión, na que figurarán numerados e reseñados suficientemente os asuntos a tratar. Os/as concelleiros/as acusarán recibo da convocatoria firmando na comunicación cursada o efecto.

Artigo 55.-

Os expedientes poderán ser examinados polos/as Concelleiros/as na Secretaria Xeral. O horario para exame de expedientes será o correspondente o normal de oficinas. Baixo ningún concepto os expedientes poderán extraerse da Secretaría Xeral.

Artigo 56.-

As sesión do Pleno serán publicas. Non obstante poderán ser secretos o debate e a votación de aqueles asuntos que poidan afectar o dereito fundamental dos cidadáns a que se refire o artigo 18.1 da Constitución, cando así se acorde pola maioría absoluta.

O público asistente as sesións non poderá intervir, nin tampouco se permitirán manifestacións de agrado ou desagrado, podendo a Presidencia proceder, nos casos extremos, a expulsión do salón de todo aquel que por calquera causa impida o normal desenrolo da sesión.

Artigo 57.-

Salvo que a Presidencia dispoña outra cousa, o orde do día no que se tratarán os asuntos é o seguinte:

a) Aprobación da acta ou actas das sesións anteriores.

b) Os incluídos no orde do día.

c) As mocións presentadas polos distintos grupo políticos.

d) As mocións que se presenten como urxentes.

e) Dación de conta das resolucións de alcaldía.

f) Rogos e preguntas.

Artigo 58.-

Corresponde o/a Presidente/a asegurar a boa marcha das sesións, dirixir os debates e manter o orde dos mesmos conforme o disposto neste Regulamento e as disposicións de carácter xeral que sexan de aplicación.

As dubidas que puideran xurdir na aplicación do Regulamento durante o desenrolo das sesións, serán resoltas pola Alcaldía-Presidencia, oído o/a Secretario/a.

Artigo 59.-

O/a Presidente/a dunha sesión poderá chamar o orden a un concelleiro/a ou membro do órgano reunido que:

a) Profira palabras ou verta conceptos ofensivos o decoro da Corporación ou dos seus membros, das institucións públicas ou de calquera outra persoa ou entidade.

b) Produza interrupcións ou de calquera outra forma altere o orden da sesión.

c) Pretenda facer uso da palabra sen que lle fora concedida ou unha vez que lle fora retirada.

Despois de tres chamadas o orde na mesma sesión, coa advertencia na segunda das consecuencias dunha terceira chamada, o/a Presidente/a poderá ordenar o/a Concelleiro/a que abandone o local en que se estea celebrando a reunión, adoptando as medidas que considere oportuno para facer efectiva a expulsión.

Artigo 60.-

Os/as concelleiros/as teñen dereito a presentar emendas e adicións as propostas de acordo, e mocións dos Grupos Políticos e do/a Alcalde/esa, sempre que o fagan por escrito e antes de comezar a sesión.

Se entende por emenda a rectificación sobre o fondo ou a forma do acordo proposto, propoñendo a supresión de determinadas palabras, a substitución por outras, e, en xeral, calquera alteración do texto que se propón aprobar, anque afecte a súa totalidade.

Se entende por adición o aumento ou ampliación do acordo proposto, o que respecta na súa totalidade.

Artigo 61.-

As emendas e adicións serán votados, previo o correspondente debate, si se solicitase, antes de discutir o asunto a que se refira.

Si se presentarán dous ou mais, a Presidencia establecerá o orde no que serán discutidas e votadas.

No caso da súa aceptación, incorpóranse a correspondente proposta de acordo ou moción.

Artigo 62.-

Calquera Grupo Político poderá presentar por escrito moción o Pleno o concluír o exame dos asuntos incluídos no orde do día e antes de entrar na quenda de rogos e preguntas. Destas mocións presentadas deberá presentarse copia por escrito nese momento o/a Secretario/a.

Entendese por moción a proposta de acordo que, non sendo incluída no orde do día, calquera Grupo Político eleve o Pleno, en asuntos de competencia de este, por razóns de urxencia debidamente xustificada.

Si a Corporación admitirá a súa urxencia, discutirase e votarase na forma prevista para as propostas de acordo e demais mocións.

Artigo 63.-

As sesións comezarán preguntando polo/a Presidente/a se algún membro ten que formular algunha observación a acta da sesión anterior. Se non houbera observacións considerarase aprobada sen máis tramite, se as houbera debateranse e decidirase as rectificacións que proceda, rematado o debate a acta entendese aprobada ca presentación ante o Pleno. En ningún caso poderá modificarse o fondo dos acordos adoptados e solo cabe subsanar erros materiais ou de feito.

O reseñar en cada acta a lectura e aprobación da anterior, consignaranse as observacións e rectificacións practicadas.

Todos os asuntos se debateran e votarán polo orden no que estiveses relacionados no orden do día. Non obstante, o/a Presidente/a pode alterar o orde dos temas, retirar un asunto ou deixalo sobre a mesa, ben de oficio ou ben a petición de calquera membro corporativo. Neste último caso, que o solicite outro concelleiro, de non aceptarse pola Presidencia a petición de retirada do expediente, a proposta de retirada someterase a votación, requiríndose o voto favorable da maioría dos asistentes para a súa aprobación. O/a Secretario/a-interventor/a poderá interesar tamén da Presidencia que deixe un asunto sobre a mesa cando deba evacuar informe e non podan emitilo no acto. Os asuntos que queden sobre a mesa incluiranse necesariamente no orde do día da sesión seguinte.

Artigo 64.-

A consideración de cada punto incluído no orde do día comezará coa lectura íntegra ou en extracto polo/a Secretario/a da proposta de acordo correspondente.

Si ninguén solicita a palabra trala lectura, o asunto someterase directamente a votación.

Artigo 65.-

Si se promove o debate, as intervencións serán ordenadas polo/a Alcalde/esa conforme as seguintes regras:

a) Solo poderá facerse uso da palabra previa autorización do/a Presidente/a.

b) O goberno municipal poderá facer uso dunha primeira quenda de explicación cando así o estime oportuno.

c) No debate, os diversos grupos consumirán unha primeira quenda de explicación cando así o estime oportuno.

d) Quen se considere aludido por unha intervención, poderá solicitar do/a Alcalde/esa que se conceda unha quenda por alusións, que será breve e conciso.

e) Non se admitirán outras interrupcións que as do/a Presidente/a para chamar o orden a cuestión debatida.

O/a Secretario/a-interventor/a poderá intervir cando foren requiridos polo/a Presidente/a por razóns de asesoramento técnico ou de aclaración de conceptos. Cando ditos funcionarios entendan que no debate xurdiron cuestións sobre as que poida dubidarse sobre a legalidade ou puideran ter implicacións económicas poderán solicitar o Presidente o uso da palabra para asesorar a Corporación.

Os/as concelleiros/as non poderán dirixirse ó público asistente o Pleno.

Artigo 66.-

O goberno municipal poderá realizar unha quenda previa de explicación das propostas, antes de iniciarse o debate formal dos asuntos.

Nas deliberacións poderán intervir cada grupo municipal mediante o/a portavoz/a ou outros membros polo orde de en primeiro lugar o de maior número de representantes na Corporación.

A intervención normal de cada grupo de cada grupo non excederá de cinco minutos. Non obstante, en aqueles temas que pola súa importancia ou complexidade así o requiran, e a petición de calquera portavoz, o/a Presidente/a notificará o Pleno a duración das intervencións antes de comezar estas.

A segunda quenda terá unha duración máxima do cincuenta por cento da quenda anterior.

Artigo 67.-

Nos supostos en que, de conformidade co establecido no artigo 76 da Lei 7/1985, algún membro da Corporación deba absterse de participar na deliberación e votación, terá que abandonar o salón mentres se discute e vota o asunto, salvo canso se trate de debater a súa actuación como corporativo, en cuxo caso terá dereito a permanecer e defenderse.

SECCIÓN I.- ROGOS E PREGUNTAS

Artigo 68.-

Os membros dos órganos colexiados municipais poderán formular, verbalmente ou por escrito, rogos e preguntas nas sesións ordinarias.

O contido dos rogos e preguntas deberá ser conciso pero suficiente para coñecer o seu contido.

Artigo 69.-

Entenderase por rogo a formulación dunha proposta de actuación dun concelleiro o equipo de goberno municipal ou calquera membro do mesmo.

Entenderase por pregunta a cuestión realizada os órganos de goberno no seno do Pleno por calquera membro da Corporación.

Artigo 70.-

A presidencia poderá rexeitar os rogos e preguntas que non se refiran a asuntos de competencia municipal, así como as preguntas que supoñan unha consulta de índole exclusivamente xurídica e as que se formulen en exclusivo interese de algunha persoa singularizada. Igualmente poderá reconducir a súa verdadeira natureza de rogo ou pregunta as que se presenten impropiamente como preguntas ou rogos.

Artigo 71.-

Concedida a palabra pola Presidencia, o/a Concelleiro/a que vaia a formular un rogo ou unha pregunta procederá a expoñer o texto da mesma cunha sucinta exposición xustificativa.

Artigo 72.-

Os rogos formulados no seno do Pleno serán debatidos xeralmente na mesma sesión que se formulen; pero en ningún caso se someterán a votación.

Artigo 73.-

As preguntas realizadas oralmente ou por escrito no transcurso dunha sesión serán xeralmente contestadas polo seu destinatario na mesma, sen prexuízo de que o preguntado, por razóns xustificadas, non poda dar resposta inmediata, en cuxo caso farao na sesión seguinte.

As preguntas formuladas por escrito con vintecatro horas de antelación serán contestadas ordinariamente na sesión.

En ningún caso se abrirá debate sobre as preguntas.

Artigo 74.-

As intervencións nos rogos e preguntas limitaranse a súa formulación e a toma en consideración ou contestación por aquel a quen se dirixan.

SECCIÓN II.- DAS VOTACIÓNS

Artigo 75.-

Finalizado o debate dun asunto, procederase a súa votación. Antes de comezar a votación o/a Alcalde/esa plantexara clara e concisamente os termos da mesma e a forma de emitir o voto.

Unha vez iniciada a votación non pode interromperse por ningún motivo. Durante o desenrolo da votación, o presidente non concederá o uso da palabra e ningún membro corporativo poderá entrar no salón ou abandonalo.

Artigo 76.-

O voto dos/as concelleiros/as é persoal e indelegable.

Artigo 77.-

As votacións poden ser ordinarias, nominais ou secretas. Son ordinarias as que se manifesten por signos convencionais de asentimento, disentimento ou abstención.

Son nominais aquelas votación que se realizan mediante chamamento público por orde alfabético de apelidos e sempre en último lugar o presidente e na que cada membro da corporación, o ser chamado, responde en voz alta, ¿si", ¿non" ou ¿me absteño".

Son secretas as que se realizan por papeleta de cada membro da corporación e se depositan nun furna ou bolsa.

Artigo 78.-

O sistema normal é o da votación ordinaria.

A votación nominal requirirá a solicitude dun grupo municipal aprobada polo Pleno por unha maioría simple en votación ordinaria, de acordo co disposto no artigo 46 da Lei 7/1985.

A votación secreta soamente poderá utilizarse para elección ou destitución de persoas, así como no suposto previsto no artigo 70.1 da Lei 7/1985.

Artigo 79.-

Cando existan emendas as propostas, someteranse a votación en primeiro lugar as emendas e, en último, as propostas. Se o resultado da votación é positivo, non haberá máis debate nin votacións sobre o mesmo obxecto concreto da votación.

Terminada a votación ordinaria, o/a Presidente/a declarará o acordado.

Artigo 80.-

As comisións informativas celebraran sesión previamente a celebración do Pleno no que se vaia a tratar o asunto da súa competencia, nos días e horas que estableza o/a Alcalde/esa ou o seu respectivo Presidente/a.

As convocatorias corresponden o/a Alcalde/esa ou o/a Presidente/a da comisión e deberán ser notificadas os membros da comisión, cunha antelación de dous días hábiles, salvo que sexan urxentes. En todo caso, acompañaranse do orde do día.

Artigo 81.-

Para a válida celebración da Comisión require a asistencia dun terzo dos membros da Comisión, ou os seus suplentes, e en todo caso a asistencia do/a Presidente/a e do/a Secretario/a.

Si en primeira convocatoria non existirá o quórum necesario segundo o disposto no paragrafo anterior, entenderase convocada a sesión automaticamente a mesma hora, dous días despois

O/a Presidente/a dirixe e ordena o seu prudente arbitrio, respectando os principios xerais que rexen os debates plenarios, os debates da Comisión.

Os dictamenes aprobaranse sempre co voto favorable da maioría simple, decidindo os empates o voto de calidade do Presidente.

Artigo 82.-

Ningunha comisión poderá deliberar sobre asuntos da competencia de outra, a menos que se trate de problemas comúns en cuxo caso poderá convocarse polo/a Alcalde/esa, a proposta das respectivos comisións, una sesión conxunta.

Artigo 83.-

O/a Presidente/a de cada comisión poderá requirir a presencia nas súas sesións, do persoal municipal ou membros da corporación, a efectos informativos, así como de outros persoas de acordo co Regulamento de Participación Cidadá.

De cada sesión das comisións informativas levantarase acta.

No non previsto para as Comisións Informativas, será de aplicación a normativa propia das Sesións Plenarias.

O presente regulamento entrará en vigor unha vez publicado no B.O.P e transcorrido o prazo de quince días hábiles ao que se refire o artigo 70, nº 2, en relación co artigo 65, nº 2 da Le7/1985, do 2 de abril, reguladora das bases de réxime local e comezará a aplicarse a partir do día seguinte a aquel no que iso se cumpra, permanecendo en vigor ata a súa modificación ou derrogación expresa.

A ordenanza dispón a súa entrada en vigor ós 15 días unha vez publicado o seu texto completo no Boletín oficial da Provincia, e transcorrido o prazo previsto ao que se refiren os artigos 70.2 e 65.2  da Lei 7/1985, de 2 de abril, reguladora das Bases do Réxime Local:

Artigo 70.2: ¿¿..Las ordenanzas, incluídos el articulado de las normas de los planes urbanísticos, así como los acuerdos correspondientes a éstos cuya aprobación definitiva sea competencia de los entes locales, se publicarán en el ¿Boletín Oficial" de la provincia y no entrarán en vigor hasta que se haya publicado completamente su texto y haya transcurrido el plazo previsto en el artículo 65.2 salvo los presupuestos y las ordenanzas fiscales que se publican y entran en vigor en los términos establecidos en la Ley 39/1988, de 28 de diciembre, Reguladora de las Haciendas Locales....." (desde el 10 de marzo de 2004 RDL 2/2004, de 5 de marzo).

Artigo 65.2: ¿El requerimiento deberá ser motivado y expresar la normativa que se estime vulnerada. Se formulará en el plazo de quince días hábiles a partir de la recepción de la comunicación del acuerdo."

Ó no ter coñecemento da fecha exacta da recepción da comunicación do acordo, o Servizo de Asistencia Económica a Municipios toma como fecha estimada da súa entrada en vigor o prazo de quince días hábiles a partir da publicación definitiva.