Brión - REGULAMENTO DE FUNCIONAMENTO DA ESCOLA INFANTIL MUNICIPAL DO CONCELLO DE BRIÓN

Artigo 1. Obxecto.

É obxecto deste regulamento a regulación do servizo prestado pola escola infantil municipal do Concello de Brión.

Artigo 2. Ámbito.

O establecido nesta ordenanza é aplicable aos servizos prestados na escola infantil municipal, adscrita ao departamento de servizos sociais do concello.

Artigo 3. Datos do Centro.

Definición: Escola infantil municipal 0-3 anos.

Datos identificativos:

-. Escola infantil municipal de Brión.

-. Domicilio: Urbanización Agro Novo 125, 15280 - Os Ánxeles - Brión.

-. Teléfono: 981 887742.

-. Mail: garderia@briondixital.org

-. Responsable do centro: Maria Dolores Campos Lueiro.

-. Responsable da dirección e xestión administrativa: persoal técnico do departamento municipal de servizos sociais.

-. Titularidade: Municipal.

-. Nº Inscrición en rexistro de entidades: E-406 C-2.

-. Permiso de inicio de actividades: 05/07/2002.

-. Ultima modificación substancial pola que se autoriza o número actual de unidades: 04/12/2008.

-. Representante legal: José Luis García García, alcalde.

Xestión:

-. Da función docente, asistencial e de organización diaria: directa, ao través de contratación de persoal municipal.

-. Do servizo de comedor: por contrata con empresa autorizada.

-. Do mantemento das instalacións: directo por parte do concello.

Artigo 4. Obxectivos.

O obxectivo xeral da escola infantil municipal é o de estimular o desenvolvemento harmónico e integral dos nenos e nenas nos seus primeiros anos de vida, sen esquecer a tarefa asistencial necesaria a estas idades, e realizando ademais unha continuada labor de apoio á función educativa e asistencial da propia familia de cara á conciliación.

Son obxectivos específicos da escola infantil:

-. Promover e fomentar o desenvolvemento integral dos nenos e nenas, así como a aprendizaxe das habilidades cognitivas e creativas.

-. Facilitar a conciliación entre a vida familiar e a laboral.

-. Facilitar o desenvolvemento de valores individuais e sociais básicos: cooperación, solidariedade, respecto.

-. Lograr un equilibrio afectivo satisfactorio.

-. Respectar as singularidades e diversidade dos nenos e nenas.

-. Posibilitar a integración progresiva dos nenos e nenas na cultura do seu entorno.

-. Promover un ambiente que favoreza o desenvolvemento individual e grupal nas actividades diarias.

-. Facilitar a adquisición progresiva de hábitos de orde e de limpeza e conservación dos materiais, facendo axeitado uso destes.

-. Facilitar a integración social de nenos e nenas con necesidades educativas especiais.

Artigo 5. Capacidade.

A resolución do 4/12/2008 autoriza o funcionamento definitivo de 6 unidades e 82 prazas do 1º ciclo de educación infantil:

-. Dúas unidades 0-1 anos ............ (8 nenos/as por unidade) = 16.

-. Dúas unidades 1-2 anos .......... (13 nenos/as por unidade) = 26.

-. Dúas unidades 2-3 anos .......... (20 nenos/as por unidade) = 40.

-. A escola infantil non conta con servizos complementarios autorizados.

-. Comedor: unha unidade con capacidade ordinaria para 44 prazas.

En circunstancias especiais, así como nas primeiras horas da mañá e últimas horas da tarde, poderá procederse á redistribución dos espazos dispoñibles en agrupacións diferentes ás citadas anteriormente, atendendo ás idades dos usuarios/as, ás ratios legalmente establecidas, e ás características dos recursos materiais existentes.

Artigo 6. Descrición dos servizos que se prestan.

-. Servizo de atención educativo/asistencial en horario completo de 8 horas/día. Este servizo gozará de prioridade para a adxudicación de prazas en horario de mañá sobre o de ¿ xornada, e será a única modalidade con acceso a servizo de xantar e sesta.

-. Servizo de atención educativo/asistencial en horario completo de 6 horas/día. Este servizo gozará de prioridade para a adxudicación de prazas en horario de mañá sobre o de ¿ xornada, non correspondéndolle acceso a servizo de xantar e sesta.

-. Servizo de atención educativo/asistencial en ¿ xornada de 4 horas. No caso de concorrencia con demandas de servizos de xornada completa en horario de mañá, os de ¿ xornada poderá ser obxecto de traslado á franxa horaria da tarde (posterior ás 15:00). A esta modalidade non lle corresponde acceso ao servizo de xantar e sesta.

-. Servizo de horario amplo (de 7:30 a 19:00 h), entendendo como tal a atención aos menores por parte do centro durante 11¿5 horas diarias ininterrompidas, evitando non obstante, que o neno/a prolongue a súa estancia no centro máis aló de 8 horas diarias, agás que circunstancias excepcionais e debidamente xustificadas o determinen. A utilización deste servizo queda limitado a situacións de necesidade debidamente xustificadas e valoradas polo concello, e só para prazas confirmadas de xornada completa de 8 horas con servizo de xantar e sesta.

-. Servizo de comedor:

-. Almorzo (7:30 a 9:00):

Para o alumnado das aulas de 0 a 1 anos: aportando alimentos desde a casa, que se administrarán na propia aula sen custe adicional.

Para o alumnado das aulas de 1 a 2 e de 2 a 3 anos: aportando alimentos directamente desde a escola infantil, cun custe adicional. Exceptúase desta norma ao alumnado das aulas de 1 a 2 anos que durante os primeiros meses de estancia aínda utilicen biberóns; nese caso, aportaranse desde a casa sen custe adicional.

-. Xantar e sesta (12:00- en adiante):

Para o alumnado das aulas de 0 a 1 anos: aportando alimentos desde a casa, que se administrarán na propia aula sen custe adicional.

Para o alumnado das aulas de 1 a 2 e de 2 a 3 anos: este servizo queda restrinxido a usuarios/as de xornada completa de mañá de 8 horas, e inclúe acceso a espazos de sesta. Será administrado no local habilitado como comedor con custe adicional e a través de empresa de catering.

Se a concorrencia desta modalidade de matrícula fora superior á capacidade do comedor, daríase prioridade ás familias nas que ambos proxenitores traballen fóra da casa en xornadas incompatibles coa administración de comidas.

Só no caso de que a demanda de prazas en xornada completa de 8 horas de mañá con ambos pais ausentes do domicilio nas horas de administración das comidas, fose superior á capacidade do comedor, se estudaría a posibilidade de reforzo deste servizo para ampliación das prazas dispoñibles.

En casos excepcionais e debidamente acreditados polos servizos sociais municipais, poderá outorgarse praza no servizo de comedor para nenos/as que se atopen en situación de alta vulnerabilidade tecnicamente avaliada, e para as que este recurso supoña unha importante mellora na súa situación persoal. Neste caso, non se esixirá o cumprimento dos requisitos de estancia mínima nin ocupación laboral dos proxenitores.

A posibilidade de utilización do servizo de xantar en días soltos, queda supeditado á dispoñibilidade de prazas, que será directamente valorado pola dirección do centro.

-. Merenda (17:00-18:00):

Para o alumnado das aulas de 0 a 1 anos: aportando alimentos desde a casa, que se administrarán na propia aula sen custe adicional.

Para o alumnado das aulas de 1 a 2 e de 2 a 3 anos: aportando alimentos directamente desde a escola infantil, cun custe adicional.

Estes servizos deben ser solicitados por escrito en impreso oficial ante o departamento de servizos sociais, non podendo facerse uso destes ata que se emita a correspondente resolución de concesión de praza. Exceptúanse desta norma as solicitudes de uso puntual dos servizos de comedor, que se xestionan directamente ante a dirección do centro tras valorar a súa dispoñibilidade.

-. Actividades e servizos extraescolares: a escola infantil réxese para levar a cabo a súa labor educativa por:

-. O proxecto educativo do centro.

-. Programación anual.

-. Programacións trimestrais.

-. Proxectos de aula.

As actividades complementarias e transversais ao currículo educativo organizadas pola escola infantil axústanse á seguinte tipoloxía:

-. Festas (samaín, magosto, entroido, ¿)

-. Celebracións (día da paz, día do libro, ¿)

-. Saídas didácticas: os nenos e nenas matriculados na escola infantil poderán realizar as saídas establecidas na programación de cada curso, previa autorización escrita dos seus responsables legais e, no seu caso, tralo pagamento das cotas correspondentes aos gastos que ocasione a actividade, se así se establecese. En ningún caso estes posibles pagos poden ser efectuados directamente na escola infantil, debendo ser aboados exclusivamente na tesourería do concello.

A participación nas actividades da escola infantil conleva a captación e o tratamento de imaxes nas que os/as menores son protagonistas, e que se utilizan con fins pedagóxicos e informativos. Os responsables dos/as menores deben autorizar expresamente por escrito tanto a captación como o tratamento destas imaxes. No caso expreso de non autorización para a captación das imaxes, o alumno/a non poderá tomar parte nas actividades nos momentos en que se vaia fotografar/filmar.

A escola infantil non oferta actividades extraescolares nin servizos complementarios, se ben o concello se reserva a potestade de organizalos en función da demanda e os recursos existentes.

Artigo 7. Sistema de admisións.

1. Requisitos para acceso á escola infantil municipal.

Polo menos, o pai ou a nai ou un dos representantes legais do/a neno/nena, e mais o/a menor para o que se solicita praza, deberán figurar de alta no padrón municipal de habitantes de Brión na data da solicitude, e manterse nesta situación de empadroamento todo o tempo durante o cal faga uso da praza outorgada. A estes efectos, o domicilio real e efectivo poderá ser comprobado ao través dos medios municipais necesarios, realizándose ademais periodicamente e de oficio as comprobacións necesarias. Excepcionalmente, no caso de que non se cubran as prazas ofertadas, poderá obviarse o cumprimento deste requisito.

O/a neno/a para a que se solicita praza deberá ter como mínimo tres meses de idade no momento previsto para o seu ingreso no centro, e non cumprir tres anos antes do 31 de decembro do ano no que se solicita praza (agás casos excepcionais recollidos na lexislación vixente). Os/as menores integraranse nas diferentes unidades da escola a razón da idade a cumprir dentro do ano natural no que se formalice a matrícula (0-1, 1-2 e 2-3 anos), agás recomendacións técnicas competentes ao respecto no caso de existencia de necesidades educativas especiais, ou por melloras na organización e optimización dos recursos municipais.

No momento de presentación de solicitude de praza, o/a neno/a debe ter nacido. Non se recollerán solicitudes para nenos/as que aínda non naceran.

2. Documentación para a solicitude.

As solicitudes presentaranse no departamento de servizos sociais en modelo normalizado (anexos I e II segundo se trate de nova solicitude ou solicitude de renovación de praza) acompañadas da seguinte documentación:

-. Copia do DNI do pai e nai ou dos representantes legais do/a menor.

-. Copia do libro de familia.

-. Copias certificadas da declaración do IRPF de cada membro computable referidas ao exercicio económico con data de presentación da declaración do IRPF pechada. Se non se viñera obrigado á presentación do IRPF, aportarase certificación de imputación de rendas e certificacións de ingresos referidos ao mesmo período (INEM, Seguridade Social, empresa contratante, certificacións bancarias, ¿). As copias da declaración do IRPF e as certificacións de imputación de rendas poderá ser substituída polas correspondentes autorizacións ao concello para obter os datos necesarios.

Cando non sexa posible acreditar o nivel de rendas ou calquera outra circunstancia que afecten ao cálculo de cotas ou á baremación das solicitudes, presentarase declaración xurada, e poderá solicitarse emisión de informe aos servizos sociais municipais.

-. Informe do equipo de valoración de minusvalías no caso de prazas de integración.

-. Documentos xustificativos das situacións alegadas para o cálculo das achegas económicas e/ou prioridade na adxudicación de praza:

- Cargas familiares: entendendo a unidade familiar como a formada por:

a) Os cónxuxes non separados legalmente, as parellas que formen un núcleo estable de convivencia, e as familias acolledoras con medidas administrativas de tutela ou garda.

b) Os fillos ou menores acollidos convivintes de ambos (comúns ou non) que sexan: menores, maiores de idade incapacitados xudicialmente e suxeitos á patria potestade prorrogada ou rehabilitada, e os maiores de dezaoito anos discapacitados cun grado recoñecido superior ao 33% e que carezan de rendas anuais superiores á cantidade fixada na lexislación do IRPF para aplicar o mínimo por descendente con discapacidade.

-. Enfermidade crónica: a documentar mediante informe médico especialista.

-. Minusvalía: a documentar mediante certificación oficial do EVO.

-. Situación de desemprego: a acreditar mediante presentación de tarxeta de demandante de emprego con data anterior á da apertura do prazo de presentación de solicitudes.

-. Familia numerosa: que se acreditará coa presentación do documento oficial ou o resgardo de ter presentado a súa solicitude, segundo o que en cada momento indique a normativa ao respecto.

-. Situación de familia monoparental, que segundo a Lei 3/2011, do 30 de xuño, de apoio á familia e á convivencia de Galicia, se da cando formase parte dela un único proxenitor/a que non conviva con outra persoa coa que manteña unha relación análoga á conxugal, e sempre que o outro proxenitor/a non contribúa economicamente ao seu sustento. A xustificar mediante presentación de sentenza de separación, divorcio, medidas provisionais, convenio regulador.

-. No caso de vítimas de violencia de xénero: certificado da orde de protección ou medida cautelar, informe dos servizos sociais municipais ou certificación dos servizos autonómicos de acollida.

No caso das solicitudes de renovación, só será necesario acreditar documentalmente o mantemento ou a modificación das condicións económicas, familiares e/ou laborais que permitan establecer as cotas e descontos a aplicar.

3. Documentación para ocupación da praza concedida.

No momento da incorporación do/a neno/a á escola infantil, deberase facer entrega no centro da seguinte documentación:

-. 2 fotografías tamaño carné.

-. Copia da tarxeta sanitaria.

-. Informe médico no cal quede constancia de que o neno/a non padece enfermidade infecto-contaxiosa.

-. Libro de vacinas actualizado.

-. Follas de autorizacións cuberta: recollida, medicamentos, imaxes, ¿

4. Período de adaptación.

O mes de setembro será considerado como período de adaptación, tanto para os novos ingresos como para as reincorporacións dos nenos/as que renovan praza. Cando se produzan novas incorporacións nun mes diferente, utilizarase o mesmo sistema de adaptación. Durante este tempo iranse aumentando progresivamente os tempos de estancia dos nenos/as na escola infantil, e graduando a incorporación do novo alumnado en diferentes quendas, organizadas pola dirección da escola infantil.

5. Integración de nenos/as con discapacidade.

A integración de menores con discapacidade estará supeditada para cada curso á existencia de persoal axeitado e en número suficiente. En ningún caso haberá máis dun neno/nena de integración por aula, e a efectos de ratio, estas prazas contabilizaranse como dúas.

Artigo 8. Procedemento de ingreso.

1. Prazos.

As reservas de praza para alumnos/as xa matriculados en cursos anteriores, e máis a entrega de toda a documentación necesaria para a súa formalización, levaranse a cabo entre os días 1 e 10 de abril de cada ano.

As novas solicitudes de praza e máis toda a documentación necesaria para a súa formalización, presentaranse entre os días 15 e 30 do mes de abril de cada ano.

En ambos casos teranse en conta para a determinación anual dos prazos sinalados, as lóxicas variacións por concorrencia de días festivos, así como aquelas circunstancias nas que, por razón de tipo organizativo e/ou administrativo se estime procedente o adianto ou atraso destes prazos.

2. Criterios de prioridade para a adxudicación das prazas.

Prioridade 1: renovacións: gozan de preferencia para a adxudicación de praza as solicitudes de nenos/as matriculados no curso anterior, sempre que continúen reunindo os requisitos sinalados no apartado 1, nas seguintes condicións:

-. As familias que tivesen formalizada matrícula durante o curso anterior na xornada de tarde, só poderán renovar para o curso a seguir na mesma franxa horaria. Se precisaran cambiar á franxa horaria de mañá, deberán concorrer coas novas solicitudes podendo en todo caso presentar ambas que serán, loxicamente, excluíntes.

-. As familias que tivesen nenos/as ocupando horarios de mañá na modalidade de xornada completa e quixeran reservar para o curso seguinte en modalidade de media xornada (4 horas), poderán ser trasladados á franxa horaria de tarde, sempre que este cambio responda a necesidades de mellor organización e capacidade do servizo, e a criterio da Comisión de Baremación.

Non poderá renovar praza ou tomar posesión da praza xa renovada o solicitante que en cada un dos momentos correspondentes teña pendente o pagamento dalgunha mensualidade de calquera dos cursos de permanencia na escola infantil.

Para poder facer uso do dereito á reserva de praza, o neno/a deberá permanecer matriculada no curso anterior da escola infantil ata finalizar este. Si se producira a baixa con anterioridade á data de finalización do curso, perderase o dereito de reserva para o curso seguinte, estivese esta confirmada ou non, tendo que concorrer necesariamente como novo ingreso.

Prioridade 2: novos ingresos: en segundo lugar teranse en conta as solicitudes de novo ingreso na escola infantil, que serán atendidas coa seguinte orde de prioridade:

1. Solicitantes cun irmán/á con praza renovada na escola infantil (terá prioridade no mesmo horario e intensidade que o irmán/á que xa é usuario/a).

2. As prazas vacantes que resten, adxudicaranse atendendo á puntuación obtida en aplicación do baremo establecido como Anexo III, nas seguintes condicións:

1. Orden segundo puntuación obtida.

2. No caso de concorrencia con solicitudes de praza en xornada completa de mañá, as solicitudes de ¿ xornada poderán ser obxecto de traslado á franxa horaria de tarde ou de maior dispoñibilidade, sempre que isto reverta nunha maior capacidade do servizo, e atendendo a razóns de conciliación.

3. No caso de empate, e dadas as especiais características do entorno social, darase prioridade a:

-. Solicitudes de horario amplo indistintamente, de 8 horas ou de 6 horas, sobre solicitudes de media xornada.

-. Ocupación laboral de ambos proxenitores debidamente documentada.

-. Á menor renda.

O baremo utilizado para a puntuación das solicitudes, poderá ser modificado anualmente polo concello mediante resolución da alcaldía en función das necesidades do servizo e dos usuarios potenciais, debendo publicarse no BOP e na páxina web municipal para xeral coñecemento.

Prioridade 3: ingresos urxentes: na escola infantil e debido á necesidade de dispoñer da capacidade completa do centro, non se reservan prazas para ingresos urxentes. Aínda así, e previa consulta e proposta ao órgano autonómico que ostente a capacidade de control e inspección dos centros, procederase á adxudicación urxente de praza na aula correspondente nos seguintes casos:

a) Alumnado tutelado pola entidade autonómica responsable.

b) Fillos e fillas de mulleres vítimas de violencia de xénero.

c) Aqueles en que concorran circunstancias económicas e/ou familiares e sociais que o requiran, a interpretación dos servizos sociais municipais.

Prioridade 4: solicitudes de ingreso fora de prazo: admitiranse solicitudes presentadas fora dos prazos establecidos cando concorran as seguintes causas debidamente xustificadas e documentadas:

1º) Nacemento do neno/a con posterioridade ao remate do prazo de presentación de solicitudes.

2º) Cambio de concello de residencia posterior ao remate do prazo de presentación de solicitudes.

3º) Outras circunstancias motivadas e valoradas polos servizos sociais municipais (violencia de xénero, incorporación ao mundo laboral, incapacidade para os coidados, perda dos coidadores ...)

4º) Tamén poderán ser admitidas fora de prazo as solicitudes que non cumpran ningún dos requisitos anteriores, se ben sobre estas terán prioridade calquera solicitude presentada no contexto das situacións mencionadas anteriormente.

3. Admisións, reclamacións e aceptación de praza.

A lista provisional de admitidos expoñerase a partir do décimo día hábil despois de transcorrido o prazo de presentación de solicitudes, nos taboleiros de anuncios do concello, centro social e escola infantil, así como na páxina web do concello.

Poderán presentarse reclamacións durante os dez días hábiles seguintes.

A lista definitiva de admitidos e máis as listas de agarda coas puntuacións obtidas, publicarase dentro do prazo dos cinco días hábiles seguintes a través dos mesmos medios.

As resolucións definitivas de admisión disporán de 10 días hábiles para confirmar e aceptar a praza outorgada así como para cumprimentar o impreso de domiciliación bancaria ( anexo IV). Transcorrido este prazo sen que se presentase a aceptación, entenderase o desistimento da solicitude, que implicará a perda definitiva da praza.

4. Listaxes de agarda.

As solicitudes presentadas dentro do prazo sinalado que non obtivesen praza, conformarán tres listas de agarda diferenciadas por aula/idade, que seguirán a orde da puntuación coa que foron valoradas inicialmente.

As solicitudes presentadas fora de prazo coas motivacións sinaladas nos apartados 1º, 2º e 3º da prioridade 4, integraranse nas mencionadas listas de agarda segundo a puntuación obtida. As sinaladas coa motivación sinalada no apartado 4º integrase só ao final da lista.

Nos casos en que quedasen prazas vacantes logo de rematado o período anual de presentación de solicitudes, e para os efectos de garantir a máxima equidade na distribución destas vacantes, as solicitudes presentadas fora de prazo e que respondan ás motivación sinaladas nos apartados 1º, 2º e 3º da prioridade 4, non optarán de xeito inmediato a ocupar as ditas vacantes, senón que serán agrupadas para realizar unha nova baremación durante a segunda quincena do mes de agosto (con incorporación á escola infantil nos primeiros días de setembro). As solicitudes presentadas fora de prazo que non respondan a estas motivacións, ocuparán vacantes se as houbese despois de realizar esta operación.

No caso de que aínda así quedasen prazas vacantes, coas solicitudes presentadas fora de prazo actuarase seguindo o mesmo protocolo cunha nova valoración no mes de decembro (con incorporación nos primeiros días do mes de xaneiro).

Artigo 9. Baixas.

1. Causas de baixa na escola infantil:

-. Por cumprimento da idade máxima de permanencia.

-. Por solicitude dos pais ou representantes legais, por escrito, ante o departamento de servizos sociais (a efectos económicos, a baixa terá efectos desde o día 1 do mes seguinte a aquel no que se presente a solicitude).

-. Por impago das cotas establecidas durante dous meses consecutivos ou non, independentemente do curso ao que se correspondan. Para os grupos de idade de 2 a 3 anos, o concello poderá aplicar esta causa de baixa polo impago dunha soa mensualidade.

-. Por comprobación de falsidade nos documentos achegados.

-. Por incompatibilidade ou inadaptación manifesta para permanecer no centro, proposta pola dirección do centro e informada pola técnico en intervención familiar dos servizos sociais municipais.

-. Pola falta de asistencia continuada durante un mes sen causa xustificada causarase baixa na escola infantil, e pola falta de asistencia continuada durante 15 días sen causa xustificada, causarase baixa no servizo de comedor. En ambos casos a información ao respecto partirá da dirección do centro para que o expediente de baixa se inicie de oficio.

-. Nos casos nos que as baixas estean xustificadas, será necesario achegar xustificación con carácter mensual. O incumprimento desta obriga será causa de baixa.

-. Aínda tratándose de baixa suficientemente xustificadas, e por unha cuestión de eficacia na xestión das listas de agarda, o concello poderá avaliar a posibilidade de proceder a xestionar unha baixa de oficio por ausencias superiores a 4 meses, ben sexa por enfermidade ou outras causas.

-. Por comprobación do incumprimento do requisito inicial de empadroamento, excepto que esta situación sexa informada polos responsables do menor en relación a unha causa suficientemente xustificada e documentada.

2. Procedemento das baixas de oficio:

Para proceder á declaración de baixa na escola infantil, observarase o seguinte procedemento:

Comunicación aos pais/representantes legais do menor ao través de escrito certificado, con indicación das causas que motivan a proposta de baixa en referencia ao contido deste regulamento ou da ordenanza fiscal correspondente. Recibida a mesma polo interesado disporá dun prazo de 10 días hábiles para presentación de alegacións.

Transcorrido o prazo de alegacións procederase a ratificar a baixa con indicación da data de efectos, ou a deixala sen efecto, logo de estudadas as posibles alegacións, que será notificada aos interesados. Comunicarase á escola infantil a resolución adoptada para que se tomen as medidas pertinentes.

Artigo 10. Horarios, calendario e réxime de saídas e visitas.

1. Horarios.

A escola infantil permanecerá aberta entre as 7:30 e as 19:00 horas, de luns a venres. Este horario poderá verse reducido pola non existencia de demanda suficiente ao comezo ou ao final do tramo horario.

Os menores usuarios/as da escola infantil, non poderán permanecer no establecemento durante máis de 8 horas diarias, continuadas ou en xornada partida, agás casos excepcionais, puntuais e debidamente xustificados.

O incumprimento reiterado e sen a debida xustificación do horario concertado no momento da concesión da praza (redución), poderá producir o efecto dunha redución de horario ata acomodalo ao horario efectivamente utilizado. A información ao respecto partirá da dirección do centro para que a revisión se inicie de oficio.

2. Calendario.

A escola infantil permanecerá pechada:

-. Os sábados e domingos.

-. Os días declarados festivos locais, autonómicos e nacionais.

-. Todo o mes de agosto, que se considera mes de descanso anual xeral e obrigatorio, necesario para a realización de labores de mantemento de instalacións e equipos.

-. Os días 24 e 31 de decembro e o 5 de xaneiro a partir das 14:00 horas, prestándose unicamente servizo asistencial, de almorzo e media mañá (sen xantar).

O concello previa solicitude, se fose o caso, dos permisos pertinentes ante a entidade autonómica con competencia na materia, resérvase a potestade de modificar a distribución e horarios de atención da escola infantil, así como de realizar peches cautelares, por:

-. Non rexistrase o número suficiente de matrículas para rendabilizar o servizo.

-. Por razóns de seguridade en casos de temporal, emerxencia, ...

-. Outras suficientemente xustificadas.

3. Réxime de saídas.

Os/as nenos e nenas da escola infantil poderán participar en saídas socio educativas e culturais organizadas polo centro, sendo necesario neste caso:

-. Obter a autorización escrita das persoas responsables (pai/nai/titor/responsable legal).

-. Aboar o prezo público que, no seu caso, se poida establecer para sufragar custes de desprazamento, entradas, ¿ etc.

No caso de non autorización, a escola infantil garantirá a estancia do neno/a no establecemento nos horarios correspondentes á praza concedida e nas condicións estipuladas, manténdose o cumprimento das ratios de persoal e servizos contratados.

4. Horario de visitas.

Existen horarios específicos para o desenvolvemento de titorías e reunións informativas entre os pais/nais e a dirección e/ou educadores/as da escola infantil, de xeito que non se interrompa o normal funcionamento das actividades do centro. Os horarios de titorías do persoal de atención directa estarán expostos na entrada principal.

Artigo 11. Órganos de xestión e participación e organización interna.

1. Órganos de xestión e participación.

1. O/A director/a do centro será a persoa con maior titulación e, en concorrencia con outros profesionais de igual titulación, será nomeado/a desde o concello.

2. O Consello do centro: constituirase, no seu caso, como un órgano colexiado que asumirá a coordinación xeral da escola infantil co concello, sinalando e propoñendo directrices e impulsando a adopción dos acordos procedentes. Estará composto polos seguintes membros:

-. A persoa que exerza a dirección do centro.

-. Un/ha representante do persoal educativo.

-. Un/ha representante do persoal de servizos.

-. Un/ha representante dos pais/nais debidamente acreditado (no caso de existir órgano de representación).

-. Un/ha representante do concello.

As súas funcións serán:

-. Elaborar e avaliar a memoria anual de actividades.

-. Propoñer á administración titular do centro cantas medidas se consideren necesarias para mellorar o seu funcionamento.

-. Vixiar a actualización, procedencia e aplicación do proxecto educativo de centro, elaborado pola dirección do mesmo.

-. Realizar a revisión e propoñer a actualización anual das normas de funcionamento do centro.

3. A Comisión de Baremación: estará constituída como mínimo por:

-. Concelleiro/a de asuntos sociais ou persoa en quen delegue.

-. Director/a do centro ou persoa en quen delegue.

-. Un/ha representante técnico do departamento de servizos sociais.

-. De existir o órgano de representación dos pais, un/ha membro deste órgano debidamente acreditado/a.

Terá como funcións atribuídas as seguintes:

-. Aplicar os baremos de admisión aprobados ás solicitudes recollidas, ou supervisar esta aplicación se fose realizada con anterioridade por persoal do concello.

-. Velar pola estrita adxudicación de prazas en función dos baremos aplicados e da capacidade da escola infantil, así como do recollido neste regulamento.

-. Valorar aquelas circunstancias especiais e excepcionais que poderán reverter na modificación das condicións de uso dos servizos que presta a escola infantil, informar ao concello sobre estas e realizar propostas para solventalas.

4. O Concello de Brión: resérvase as funcións da xestión económica e as formas de financiamento, a supervisión xeral do funcionamento, as actuacións de carácter administrativo, a xestión de baixas e de circunstancias extraordinarias de uso, así como a supervisión do mantemento xeral do centro e a xestión do persoal, a través do persoal técnico adscrito ao departamento de servizos sociais.

5. Órganos de participación dos/as pais/nais: ademais do impulso aos órganos colexiados de xestión e participación xa mencionados, desde a escola infantil fomentarase a colaboración individual e colectiva dos pais e nais co centro, así como as relacións co persoal, e a súa participación nas labores de planificación, execución e avaliación das actividades.

2. Organización interna.

O persoal con dedicación docente e de atención directa aos menores, organizarase en quendas, de xeito que, en todo momento se cubran as necesidades legais e mínimas de ratio alumnos/profesor por aula, grupos e idades.

A substitución de coidadores por causas imprevistas, levarase a cabo de xeito inmediato a través dun sistema de rotacións xunto co de listaxes de substitucións, elaboradas e actualizadas durante os procesos de selección de persoal polo concello.

A dedicación do persoal de servizos na escola infantil organizarase de xeito que en ningún caso interrompa ou prexudique o normal funcionamento das labores docentes e de coidado dos menores.

Artigo 12. Normativa referente ao persoal do centro.

1. Relación de persoal.

2. Dereitos e deberes de todo o persoal.

Todo o persoal da escola infantil gozará dos dereitos e liberdades que lle atribúa a lexislación vixente en cada momento. En todo caso recoñécenselle os seguintes dereitos:

-. A recibir información periódica da marcha e funcionamento do centro, a través da dirección responsable deste.

-. A elixir aos seus representantes para os órganos de participación.

-. A presentar propostas que contribúan a mellorar o funcionamento do centro e a atención prestada aos nenos e nenas.

-. A desenvolver as súas funcións educativas e/ou de apoio segundo o seu criterio persoal, sempre que se axuste nos seus obxectivos e contidos á programación xeral do centro.

-. A que se lle proporcionen, dentro das posibilidades do centro, os instrumentos e medios necesarios para o desenvolvemento das súas funcións de forma axeitada, en beneficio dos/as menores atendidos.

-. A exercer as súas funcións con garantías de igualdade de oportunidades entre homes e mulleres, e a dispoñer plenamente das medidas de conciliación da vida familiar e laboral.

Obrigas:

-. Manter actualizados os requisitos de acceso requiridos no momento de ocupación da súa praza (exames médicos, carné de manipulación de alimentos, formación en primeiros auxilios, ... etc).

-. No seu caso, actualizar a formación docente e completar, se fose o caso, a formación lingüística no idioma galego.

-. Cumprir e facer cumprir de acordo coas súas funcións este regulamento.

-. Velar polo respecto aos dereitos dos/as menores recollidos neste regulamento, e aqueles outros recoñecidos na lexislación vixente.

-. Gardar estrita confidencialidade sobre os datos persoais dos/as menores aos que teñan acceso en razón das súas funcións.

-. Cumprir as tarefas e responsabilidades derivadas do seu posto de traballo e as adxudicadas de xeito temporal por necesidades do servizo, segundo as directrices da dirección do centro.

3. Funcións e responsabilidades.

3.1. Director/a:

-. Representar ao centro e responsabilizarse do seu correcto funcionamento.

-. Manter actualizado o libro de rexistro de usuarios/as, os expedientes individuais de cada persoa usuaria, e toda a documentación necesaria para a boa marcha e control de legalidade do centro, así como comunicar ao concello todas as incidencias relativas ás xestións anteriores.

-. Comunicar ao concello as incidencias relativas ás necesidades de mantemento do centro, así como as posibles baixas de persoal de forma inmediata, para que se proceda á súa substitución.

-. Exercer a xefatura do persoal adscrito ao centro.

-. Cumprir e facer cumprir as leis, disposicións vixentes, este regulamento e cantas disposicións emanen dos órganos competentes da comunidade autónoma e do concello.

-. Supervisar, coordinar e facer cumprir o correcto desenvolvemento das actividades programadas.

-. Exercer a garda dos/as menores usuarios do centro, de acordo co previsto na normativa do centro.

-. Remitir á administración autonómica competente e ao concello cantos informes e datos sexan requiridos relativos aos menores atendidos e a aspectos organizativos e funcionais do centro.

-. Facilitar ao persoal do centro a formación necesaria e o apoio nas súas funcións.

-. Xestionar o material preciso para o bo funcionamento do centro.

-. Velar polo cumprimento estrito das medidas de igualdade de oportunidades entre homes e mulleres e as de conciliación da vida familiar e laboral, entre o persoal ao seu cargo.

-. Formar parte da Comisión de Baremación e do Consello do centro.

-. Impulsar, liderar e dirixir a elaboración e actualización do proxecto educativo, programación xeral anual e memoria anual.

3.2. Educadores/as:

-. Elaborar a programación de aula.

-. Colaborar coa dirección na elaboración e actualización do proxecto educativo, programación xeral anual e memoria anual.

-. Realizar as funcións educativas incluídas na lexislación vixente no referente ao desenvolvemento dos nenos e nenas; a preparación e deseño de propostas pedagóxicas; a colaboración e coordinación coas familias; a atención á hixiene, alimentación e sono dos nenos e nenas; a organización dos espazos e materiais pedagóxicos, ¿ etc.

-. O establecemento dos criterios xerais aos que deben adaptarse as intervencións educativas de cada grupo de idade.

-. Avaliar o funcionamento e a organización da escola, propoñendo á dirección iniciativas para a mellora.

-. Manter e fomentar as canles de comunicación/información continuas coas familias.

-. Facilitar a participación, colaboración e coordinación das familias coa escola.

3.3. Persoal de servizos (cáterin, limpeza, mantemento de instalacións¿):

-. Conservación da orde, limpeza e mantemento das estancias e materiais encomendados.

-. Provisión de servizos contratados (lavandería, cáterin, material, ¿)

-. Participación nas accións de formación permanente.

-. Outras en prol dun mellor funcionamento da escola infantil, seguindo directrices emanadas da dirección do centro e do concello.

Artigo 13. Normativa referente aos nenos/as.

1. Dereitos dos nenos e nenas.

Os/as menores que asisten á escola infantil gozarán de todos os dereitos e liberdades que lles atribúa a lexislación vixente en cada momento, sen máis limitacións que as derivadas da súa idade. En particular recoñécenselle os seguintes dereitos:

-. A que as medidas que se adopten non atenten contra a súa liberdade de conciencia cívica, moral ou relixiosa, nin contra a súa dignidade persoal.

-. A recibir un trato igualitario, sen distinción nin discriminación algunha, con especial mención ás medidas de igualdade entre homes e mulleres, así como respecto á súa integridade e saúde.

-. A recibiren un tratamento individualizado de contido educativo e informativo para os efectos da súa integración socio familiar, que terá como obxectivos prioritarios a protección, educación e formación do/a menor.

-. A ser educados/as para a comprensión, a tolerancia e a convivencia democrática, posibilitando que podan facer uso das súas opcións de forma libre e persoal.

-. Ao sixilo profesional acerca dos datos do seu historial sanitario e socio familiar.

-. A que lles sexa asignado un titor, que será o responsable directo da aplicación do proxecto educativo individualizado e do seguimento da evolución do/a menor no centro, e que actuará como profesional de referencia en todas as cuestións que afecten ao/á menor.

2. Normas de funcionamento.

Normas de saúde e hixiene persoal.

Todo o alumnado da escola infantil estará cuberto por un seguro escolar de accidentes.

Todos os nenos e nenas deben acudir á escola infantil en adecuadas condicións sanitarias e de hixiene.

En caso de accidente ou enfermidade e logo das primeiras atencións, poñerase esta circunstancia en coñecemento dos pais/nais/responsables do/a menor si se considerase necesario. No caso de que o/a menor precisase atención médica ou que debido ao seu estado non deba permanecer no centro, serán os seus responsables os que deban realizar o correspondente desprazamento ou, chegado o caso, os servizos de urxencia sanitaria 061.

Como normal xeral, non se administrarán medicinas na escola infantil. Nos casos nos que se deba administrar medicinas aos nenos ou nenas e a súa asistencia ao centro estea autorizada por facultativo/a, a familia tentará axustar as doses correspondentes fora dos tempos de permanencia na escola infantil. Naqueles casos nos que sexa imprescindible administralas na escola, os pais ou representantes legais deberán presentar solicitude por escrito, acompañada de informe médico con indicación do tipo de medicamento e doses e horarios de administración. Estes datos deben figurar ademais no envase da correspondente medicación. Exceptúanse desta norma os antitérmicos que, en ausencia de prescrición médica, poderán administrarse en caso de presenza de febre previa solicitude escrita dos pais.

A administración de determinados tratamentos por parte do persoal da escola infantil queda supeditado ao criterio da dirección do centro e do persoal técnico dos servizos sociais municipais, que terán en consideración tanto a complexidade na administración como a formación e a dispoñibilidade do persoal, así como os posibles efectos derivados do propio tratamento.

Os/as menores non poderán asistir á escola infantil cando presenten febre axilar igual ou superior a 37¿5 grados, máis de dúas deposicións consecutivas con diarrea, vómitos, enfermidade infectocontaxiosa (conxuntivite, rubéola, sarampelo, papeiras, ¿), ou infestación por piollos, lombrigas ou fungos.

En caso de baixa por enfermidade contaxiosa, o/a menor reincorporarase ao centro aportando informe médico de alta.

Normas de alimentación.

Ante a presenza de intolerancias ou alerxias alimentarias, ou ante a necesidade de exclusións de certos alimentos por razóns relixiosas ou outras consideracións, os responsables dos/as menores deberán informar por escrito á escola infantil, acompañando no seu caso informe médico, co fin de seleccionar os menús a administrar.

Ante a presenza de necesidades puntuais de menús especiais (astrinxente, laxante, blando¿), será necesario avisar á escola infantil antes das 9:00 horas e, se persiste a necesidade durante máis de 2 días, aportar informe médico.

Os menús mensuais estarán expostos no punto de información da escola infantil, e tamén ao través da páxina web do concello.

As celebracións dos cumpreanos só poderán levarse a cabo con zumes e biscoito comprado.

Só se suspenderá o pagamento da cota por servizo de comedor, cando por causas debidamente xustificadas o neno/a deixe de asistir temporalmente ao centro. Con todo, a inasistencia puntual ao centro debe ser comunicada xa que a posibilidade de que calquera alumno/a poda utilizar o comedor en días soltos, queda supeditado á dispoñibilidade de prazas, e será directamente valorado pola dirección do centro en función das ausencias comunicadas. En calquera caso, o servizo puntual de xantar debe solicitarse antes das 9:00.

Os novos ingresos poderán non facer uso do servizo de comedor durante o mes de setembro. Esta circunstancia será informada desde a dirección do centro aos efectos de non cobramento do servizo. Do mesmo xeito, as altas no servizo de comedor poderán ser aprazadas ata o mes de outubro se así se solicita xunto coa matrícula.

Os alimentos destinados ao almorzo, xantar e merenda, achégaos a escola infantil, ben directamente, ben ao través do servizo de caterin. A merenda de media mañá consistirá unicamente en galletas ou iogur, e será traída da casa cun sistema de rotación que explicará o profesorado do centro. Non se permitirá traer á escola infantil outro tipo de alimentos, agás que se solicite colaboración das familias para a realización dalgún obradoiro, proxecto ou festexos comúns.

Normas de convivencia.

No momento da incorporación á escola infantil e en función da idade e das necesidades de cada neno/a, as familias deberán achegar o seguinte material, que se irá repoñendo:

-. Un paquete de cueiros e un de toalliñas húmidas (no caso necesario).

-. Biberón, chupete, auga, leite, cereais e babeiros para os grupos de 0 a 1 ano.

-. Unha muda completa, incluíndo zapatos (para todos os nenos/as).

-. Un mandilón de plástico e cepillo de dentes (maiores de 1 ano que coman na escola infantil).

-. Unha axenda escolar na que se dará cumprida información diaria sobre o neno/a no relativo á alimentación, hixiene, descanso, incidencias e proposta de traballo diario.

En horario de mañá e como medida para garantir a non interrupción das rutinas diarias básicas, establécese un horario mínimo de asistencia que vai desde as 10:00 ata as 12:00 horas, tempo durante o cal non será posible recoller nin entregar aos nenos/as na escola infantil agás causas de urxencia.

O tempo máximo diario de permanencia na escola infantil é de 8 horas, agás casos excepcionais, puntuais e debidamente xustificados e acreditados. Por razóns de cobertura do seguro de accidentes e cumprimento de ratios legais, os/as nenos/as deben ser recollidos na escola infantil coa maior puntualidade á hora establecida. Pola mesma razón, non deben permanecer nas instalacións da escola infantil fora dos horarios contratados.

O período anual máximo de estancia na escola infantil é de 11 meses, polo que o mes de agosto se considera vacacional. Excepcionalmente e previa solicitude, poderá disfrutarse dun período vacacional diferente, que se sumará ao de agosto.

Os cambios de horario deben solicitarse nas oficinas de servizos sociais, non sendo posible a súa xestión directamente na escola infantil.

Os nenos e nenas serán entregados unicamente ás persoas autorizadas que figuran na folla de inscrición. Se fose necesario entregalos a outras persoas, estas deben ser autorizadas por escrito (sen que esta delegación de funcións exima aos pais/nais da responsabilidade da escolla realizada), e contar con polo menos 16 anos. Unicamente en casos de emerxencia se aceptarán delegacións puntuais realizadas telefonicamente, debendo identificar correctamente á persoa delegada, e podendo a dirección do centro solicitar en calquera caso a debida acreditación ao respecto.

De darse unha situación de separación matrimonial (en proceso ou con sentenza) ou a disputa pola garda do/a menor, deberá documentarse na escola infantil o procedemento a seguir na entrega do neno/a, con indicación das persoas autorizadas, días, horarios, períodos¿, que será ratificado por ambos pais por escrito, ou ben xudicialmente. De non existir este documento, a escola infantil procederá supoñendo total e indistinta responsabilidade de ambos pais ou responsables dos/as menores.

Os teléfonos de contacto dos responsables dos nenos e nenas, deberán estar actualizados en todo momento nos arquivos da escola Infantil para a súa localización inmediata, constituíndo este feito unha responsabilidade exclusiva dos ditos representantes.

Durante o período de adaptación, os nenos/as acudirán á escola infantil de xeito progresivo, que irá en aumento en función da súa evolución. Logo de rematado o período de adaptación, os nenos/as non deben acudir á escola infantil cos seus xoguetes.

A inasistencia por calquera causa, debe ser notificada á escola infantil sempre que sexa posible, para favorecer a mellor organización das actividades.

Uniformidade.

O alumnado da escola infantil asistirá ao centro con roupa cómoda e marcada co seu nome, evitando os petos, cintos, tirantes, pinzas do pelo. Do mesmo xeito, aconséllase que os/as menores non leven á escola obxectos de valor (pulseiras, aneis...). No caso de perda ou estrago, o concello quedará excluído de toda responsabilidade. Todos os nenos/as maiores dun ano levarán á escola infantil un mandilón co seu nome e unha cinta para colgar.

Uso das dependencias e do material.

A escola infantil está dotada dos espazos e materiais necesarios, debidamente homologados e que cumpren coas normas de seguridade e hixiene establecidas pola inspección de centros correspondente. Por esta razón, as familias non deben aportar material ou xoguetes procedente das casas, agás a petición expresa da escola.

Os espazos e material da escola teñen restrinxido o uso por parte dos pais e calquera outra persoa allea a aquelas actividades nas que así se indique por parte da dirección do centro. Do mesmo xeito, o persoal da escola infantil poderá nalgunhas circunstancias e para a realización de determinadas actividades, solicitar a colaboración das familias para que acheguen material de uso colectivo ou individual.

O uso de espazos e materiais en cada momento educativo e asistencial, está organizado en función das necesidades dos/as menores e da boa marcha do programa educativo, sendo a dirección do centro e mais os/as educadores/as os responsables do seu bo uso. Achégase a continuación o modelo de rutinas habitual:

A lingoa.

O persoal docente e o de apoio da escola infantil usará a lingua galega, tanto na súa función pedagóxico - educativa, como nas relacións cos pais/nais e administración.

Fomento da igualdade.

A escola infantil promoverá, tanto entre os/as nenos/as como entre os pais e nais e os homes e mulleres que constitúen o persoal ao servizo do centro, a educación en igualdade, a igualdade de oportunidades e o uso dunha linguaxe non sexista.

Programaranse actividades para promover a igualdade entre nenos e nenas de cara a evitar comportamentos e actividades discriminatorias por razón de sexo. Poñerase especial coidado na revisión do material e as ilustracións utilizados como instrumento de traballo, así como as expresións e xeitos non discriminatorios da linguaxe.

Así mesmo, prestarase especial atención ao fomento da interculturalidade como instrumento de superación de desigualdades, prexuízos e racismo.

Artigo 14. Normativa referente á familia.

1. Dereitos e deberes dos pais.

Os pais e nais dos menores que asisten á escola infantil gozarán particularmente dos seguintes dereitos:

-. Ao sixilo profesional sobre os datos do seu historial socio sanitario e familiar.

-. A deixar de utilizar os servizos ou abandonar o centro por vontade propia.

-. A asociarse co obxecto de favorecer a súa participación na programación e desenvolvemento das actividades do centro.

-. A ser informados de xeito comprensible das medidas adoptadas respecto da educación dos seus fillos e fillas.

Obrigas:

-. Cumprir as normas que se establezan para o bo funcionamento do centro, recollidas neste regulamento.

-. Manter e observar unha conduta inspirada no mutuo respecto, tolerancia e colaboración, encamiñada a facilitar a mellor convivencia.

-. Participar na vida do centro de acordo ao establecido neste regulamento.

2. Instrumentos de información aos pais/nais.

Diariamente se informará aos pais/nais das incidencias acaecidas durante a estancia no centro ao través das axendas escolares. Do mesmo xeito, os responsables dos/as menores poden utilizar as axendas escolares para anotar aquilo que consideren importante para ter en conta ao longo da xornada.

Co fin de garantir a necesaria relación e cooperación, a dirección do centro e mais os representantes dos pais e nais (se existira órgano de representación), poderá propoñer reunións xerais ou de grupo, segundo a natureza dos temas a tratar.

Artigo 15. Normativa referente á infraestrutura do centro.

Todo o persoal laboral que actúa na escola infantil así como o persoal de servizos adscritos a outros departamentos ou empresas externas, e tamén as persoas que podan realizar prácticas profesionais deben gardar na súa relación co centro a máis estrita vixilancia de todas as medidas de seguridade e hixiene contempladas na lexislación de referencia.

Todo o persoal docente e o de apoio deberá:

-. Estar en posesión do carné de manipulador de alimentos.

-. Acreditar coñecementos básicos de primeiros auxilios.

-. No caso das mulleres, acreditar a vacinación contra a rubéola.

A Escola infantil municipal conta con:

-. Plan de actuación para casos de emerxencia.

-. Póliza de responsabilidade civil e de accidentes.

-. Póliza de sinistros e danos.

-. Libro de reclamacións a disposición das persoas usuarias.

-. Proxecto educativo a disposición das persoas usuarias.

-. Libro de rexistro de persoas usuarias.

-. Expedientes individuais de usuarias.

Artigo 16. Réxime económico.

Os prezos, exencións, bonificacións, cotas, referidos á escola infantil réxense pola correspondente ordenanza fiscal do concello.

Se por necesidades propias do servizo ou por necesidade de adaptación a criterios que procedan do organismo autonómico responsable do ordenamento das escolas infantís, fose preciso introducir variantes no procedemento de adxudicación de prazas, baremos de admisión ou calquera outra que afecte ao funcionamento da escola infantil estas realizaranse a través de resolución de alcaldía, previo informe técnico correspondente, dándose conta ao Pleno e publicándose a modificación en todo caso no BOP e no páxina web municipal.

Queda derrogado o regulamento de réxime interior para o funcionamento da escola infantil municipal publicado no Boletín Oficial da Provincia do 18 de maio de 2012.

Este regulamento entrará en vigor tras a súa aprobación definitiva, unha vez publicado integramente no Boletín Oficial da Provincia e transcorrido o prazo a que se refire o art. 65.2 da Lei 7/85, do 2 de abril, reguladora das bases de réxime local, permanecendo en vigor ata a súa modificación ou derrogación expresa.

ANEXO I

DATOS DO/A NENO/A

DATOS DOS PAIS OU TITORES

SERVIZOS SOLICITADOS

De conformidade co establecido na Lei Orgánica 15/1999, de protección de datos de carácter persoal, o Concello de Brión incorporará os datos facilitados nesta solicitude a un ficheiro de datos de carácter persoal desta institución. Os datos recabados únicamente serán tratados no uso das funcións propias que ten atribuidas o mesmo. Asimesmo, en cumplimento do artigo 5 da Lei Orgánica 15/1999, infórmaselle que pode exercer os dereitos de acceso, rectificación, cancelación e oposición dirixíndose por escrito ao Sr. Alcalde do Concello de Brión, entidade responsable dos ficheiros, no seguinte enderezo: Praza do Concello, Nº 1, 15865, Brión (A Coruña)

DATOS DA UNIDADE ECONÓMICA FAMILIAR (incluído o neno/a para o que se solicita praza)

As rendas individuais calcularanse coa suma da base impoñible xeral e a base impoñible do aforro, calculadas segundo os criterios establecidos na normativa no imposto sobre a renda das persoas físicas (derradeiro exercicio fiscal cuxo período de presentación da correspondente declaración estivese vencido na data da presentación da solicitude).

CIRCUNSTANCIAS FAMILIARES (deberán documentarse)

VI. CANDIDATO A CHEQUE INFANTIL

DOCUMENTACIÓN A EFECTOS DE SOLICITUDE DE PRAZA

 Copia do DNI do pai e nai ou dos representantes legais do/a menor

 Copia do libro de familia

 Copias certificadas da declaración do IRPF de cada membro computable referidas ao exercicio económico con data de presentación da declaración do IRPF pechada. Si non se viñera obrigado á presentación do IRPF, aportarase certificación de imputación de rendas e certificacións de ingresos referidos ao mesmo período (INEM, Seguridade Social, empresa contratante, certificacións bancarias,¿). Declaración xurada de ingresos, se fose o caso.

 Informe do equipo de valoración de minusvalías en caso de prazas de integración

DOCUMENTACIÓN A EFECTOS DE APLICACIÓN DO BAREMO

 Informe de vida laboral actualizado ou informe de situación actual (Tesourería Xeral da Seguridade Social)

 Cualificacións de minusvalía alegadas

 Documentación acreditativa de incidencias (separación, divorcio, abandono do fogar, desemprego, cargas, familia numerosa,...)

 Informe social se fose preciso

Aos efectos desta solicitude de praza DECLARO:

- Que fun informado/a de que Concello de Brión poderá solicitar en calquera momento a ampliación da documentación acreditativa das circunstancias que puntúan no baremo de selección

- Que a omisión ou falsidade dos datos e documentos aportados, será causa da anulación da mesma.

- Que nesta mesma data, fáiseme entrega da copia do regulamento de réxime interno da Escola Infantil Municipal, documento que comprendo e acepto, e facilítaseme información sobre o procedemento de adxudicación de prazas (data de publicación de listas, prazo de reclamación e de aceptación da praza outorgada).

AUTORIZO ó Concello de Brión para que solicite, a través da oficina virtual, todos os certificados e información precisa da Axencia Tributaria e comprobación dos datos contidos no padrón municipal.

Brión, _____ de _________________ de 2016

Asdo.

(pai, nai, representante do menor)

ANEXO II

DATOS DO/A NENO/A

DATOS DA PERSOA QUE SOLICITA A RENOVACIÓN

SERVIZOS

 RENOVACIÓN

 MODIFICACIÓN

De conformidade co establecido na Lei Orgánica 15/1999, de protección de datos de carácter persoal, o Concello de Brión incorporará os datos facilitados nesta solicitude a un ficheiro de datos de carácter persoal desta institución. Os datos recabados únicamente serán tratados no uso das funcións propias que ten atribuidas o mesmo. Asimesmo, en cumplimento do artigo 5 da Lei Orgánica 15/1999, informaselle que pode exercer os dereitos de acceso, rectificación, cancelación e oposición dirixíndose por escrito ao Sr. Alcalde do Concello de Brión, entidade responsable dos ficheiros, no seguinte enderezo: Praza do Concello, Nº 1, 15865, Brión (A Coruña)

DATOS DA UNIDADE ECONÓMICA FAMILIAR (incluído o neno/a para o que se solicita praza)

As rendas individuais calcularanse coa suma da base impoñible xeral e a base impoñible do aforro, calculadas segundo os criterios establecidos na normativa no imposto sobre a renda das persoas físicas (derradeiro exercicio fiscal cuxo período de presentación da correspondente declaración estivese vencido na data da presentación da solicitude).

CIRCUNSTANCIAS FAMILIARES (deberán documentarse)

DOCUMENTACIÓN A EFECTOS DE RENOVACIÓN DE PRAZA

 Copia do libro de familia, se fose o caso

 Copias certificadas da declaración do IRPF de cada membro computable referidas ao exercicio económico con data de presentación da declaración do IRPF pechada. Si non se viñera obrigado á presentación do IRPF, aportarase certificación de imputación de rendas e certificacións de ingresos referidos ao mesmo período (INEM, Seguridade Social, empresa contratante, certificacións bancarias,¿). Declaración xurada de ingresos, se fose o caso.

 Informe do equipo de valoración de minusvalías en caso de prazas de integración

Brión, de de 2016

Asdo.

(pai, nai, representante do menor)

ANEXO III

BAREMO DE APLICACIÓN PARA ÁS SOLICITUDES DE ADMISIÓN NA ESCOLA INFANTIL MUNICIPAL DE BRIÓN

1.- SITUACIÓN ECONÓMICA:

2º.- SITUACIÓN SOCIO-FAMILIAR:

3º.- SITUACIÓN LABORAL:

Situación alegada: Puntuación

Situación laboral de ocupación de ambos proxenitores/responsables............................................. 10 ptos.

Situación laboral de ocupación de un dos proxenitores/responsables............................................... 5 ptos.

Situación laboral de desemprego de ambos proxenitores/responsables ........................................... 4 ptos.

Situación laboral de desemprego de un dos proxenitores/responsables ........................................... 2 ptos.

Entenderase por unidade familiar a formada por:

a) Os cónxuxes non separados legalmente, as parellas que formen un núcleo estable de convivencia, e as familias acolledoras con medidas administrativas de tutela ou garda.

b) Os fillos ou menores acollidos convivintes de ambos (comúns ou non) que sexan: menores, maiores de idade incapacitados xudicialmente e suxeitos á patria potestade prorrogada ou rehabilitada, e os maiores de dezaoito anos discapacitados cun grado recoñecido superior ao 33% e que carezan de rendas anuais superiores á cantidade fixada na lexislación do IRPF para aplicar o mínimo por descendente con discapacidade.

Entenderase por familia monoparental segundo a Lei 3/2011, do 30 de xuño, de apoio á familia e á convivencia de Galicia, aquela da que formase parte un único proxenitor/a que non conviva con outra persoa coa que manteña unha relación análoga á conxugal, e sempre que o outro proxenitor/a non contribúa economicamente ao seu sustento.

No caso de empate na puntuación obtida coa aplicación do presente baremo, darase prioridade ás solicitudes de praza na EIM na seguinte orde:

1. Solicitudes de horario amplo indistintamente, de 8 horas ou de 6 horas, sobre solicitudes de media xornada.

2. Ocupación laboral de ambos proxenitores debidamente documentada.

3. Á menor renda

ANEXO IV

O regulamento dispón a súa entrada en vigor unha vez publicado o seu texto completo no Boletín oficial da Provincia, e transcorrido o prazo previsto no artigo 65.2 da Lei 7/1985, de 2 de abril, reguladora das Bases do Réxime Local:

¿El requerimiento deberá ser motivado y expresar la normativa que se estime vulnerada. Se formulará en el plazo de quince días hábiles a partir de la recepción de la comunicación del acuerdo."

Ó no ter coñecemento da fecha exacta da recepción da comunicación do acordo, o Servizo de Asistencia Económica a Municipios toma como fecha estimada da súa entrada en vigor o prazo de quince días hábiles a partir da publicación definitiva.