Pontedeume - ORDENANZA FISCAL Nº 33, REGULADORA DA TAXA POLA PRESTACIÓN DE SERVIZOS RELATIVOS Á POSESIÓN DE ANIMAIS DE COMPAÑÍA E POTENCIALMENTE PERIGOSOS

De conformidade co previsto na Lei reguladora das facendas locais, establécese a taxa por prestación de servizos especiais de expedición de licenza, as súas renovacións, inscricións rexistrais, as súas modificacións e cancelacións e prestación de servizos de rescate de animais.

O feito impoñible da taxa e a actividade municipal conducen á verificación do cumprimento das condicións reguladas nesta ordenanza para a concesión da licenza indicada, a actividade de control que se efectuará nas renovacións que dela deban verificarse, a tramitación, control e custodia que dela se establece e aqueles outros servizos que se recollen nas tarifas desta ordenanza: así como a prestación do servizo de recollida e eutanásia de animais abandonados.

1. Son suxeitos pasivos da taxa os propietarios de animais que soliciten a inscrición no Rexistro municipal e que están obrigados á súa renovación, así como os propietarios ou responsables dos animais que requiran os servizos de recollida e/ou eutanásia.

2. En particular serán suxeitos pasivos os titulares dos establecementos ou asociacións que alberguen animais potencialmente perigosos e se dediquen á súa explotación, cría, comercialización ou adestramento, incluídos os centros de adestramento, criadeiros, centro de recollidas, residencias, centros recreativos e establecementos de venda.

1. O devengo da taxa producirase no momento da solicitude da prestación do servizo ou pola propia prestaicón dos ervizo os animais no caso de servizos descritos na tarifa primeira.

2. A non concesión de licenza, cando non sexa por incumprimentos formais do suxeito pasivo, dará lugar á devolución das cantidades cobradas

1. A prestación dos servizos deberase axustar ao determinado na Lei 1/1993 do Parlamento de Galicia, e normativa de desenvolvemento.

2. Establécese ao réxime de autoliquidación da taxa, e con ingreso previo á prestación do servizo

3. No suposto de que o servizo se prestase en réxime de concesión ou contrato por prestación de servizos por entidade distinta do Concello, a recadación da taxa, realizarase polo propio concesionario.

4. O concesionario virá obrigado a notificar a relación de servizos prestados a requirimento do Concello.

O ingreso da taxa efectuarase en réxime da autoliquidación e con carácter previo ao acto que o motiva.

En todo o relativo á cualificación de infraccións tributarias, así como das sancións que a estas corresponden en cada caso. Estarase ao disposto na Lei xeral tributaria.

Quedan excluídos da obriga de obtención da licenza municipal, aqueles exemplares caninos que foran obxecto de adestramento baixo a supervisión directa da ONCE e sexan destinados á guía de persoas invidentes.

A presente ordenanza entrará en vigor coa súa publicación integra no Boletín Oficial da Provincia e comezará a aplicarse a partires dese momento, permanecendo en vigor ata a súa modificación ou derrogación expresa polo Concello.