Laxe - ORDENANZA FISCAL NÚM. 34 REGULADORA DA TAXA POR PRESTACIÓN DE SERVIZOS, INSPECCIÓN E DIRECCIÓN DE OBRAS REALIZADAS POLOS TÉCNICOS COMPETENTES

O Concello de Laxe, no uso das facultades conferidas polos artigos 133.2 e 142 da Constitución e polo artigo 106 da Lei 7/85, de Bases de Réxime Local, e de conformidade co que dispoñen os artigos 57 e 20 do Texto Refundido da Lei reguladora das Facendas Locais establece a taxa por prestación de servizos, Inspección e Dirección de Obras e de coordinación de seguridade e saúde que se rexerá pola presente ordenanza fiscal.

1. O feito impoñible está constituído polos servizos, de recepción obrigatoria, de vixilancia, inspección, dirección de obras e coordinación de seguridade e saúde no traballo, prestados polos técnicos designados polo Concello legalmente capacitados para asumir a dirección ou inspección das obras.

2. A obrigación de contribuír por esta taxa nace coa prestación dos servizos citados e no momento no que os técnicos competentes designados para a dirección da obras presten a súa conformidade ás correspondentes certificacións de obra.

Estarán obrigados ao pagamento da taxa que se regula nesa ordenanza as persoas físicas ou xurídicas adxudicatarias que executen as obras municipais onde se preste o servizo establecido no artigo 2 desta ordenanza.

1. Responderán solidariamente das obrigacións tributarias do suxeito pasivo as persoas físicas e xurídicas a que se refiren os artigos 38.1 e 39 de la Lei xeral tributaria.

2. Serán responsables subsidiarios os administradores das persoas xurídicas, síndicos, os interventores ou liquidadores de quebras, concursos, sociedades e entidades en xeneral, nos supostos e co alcance que sinala o artigo 43 de la Lei xeral tributaria.

A base para a determinación da taxa estará constituída polo importe da execución material da obra ou investimento.

1. O tipo de gravame a aplicar será fixado en función da base impoñible segundo o seguinte cadro:

2. O importe desta taxa considérase implicitamente comprendida no beneficio industrial dentro do elemento do custo e concepto de gastos xerais no suposto de que a taxa de honorarios non figure xa determinada no proxecto e en cada certificación como partida independente.

1. Dada a natureza deste tributo non se recoñece exención algunha.

2. A liquidación desta taxa gozará das bonificacións establecidas, no seu caso, en normas de rango legal.

A presenta taxa devéngase e nace a obriga de contribuír desde o momento no que a Administración Municipal designa ao técnico competente para dirixir, vixiar e inspeccionar as obras, cuxo devengo se irá materializando a medida que se executa a obra e se certifica polo técnico.

1. A liquidación desta taxa estará a cargo da Oficina Técnica correspondente e practicarase en cada certificación de obra que se someta á aprobación dos órganos competentes do Concello.

2. O acto do acordo de aprobación da certificación de obra comprenderá tamén a aprobación da taxa por honorarios dos profesionais intervintes pola prestación do servizo, e ao proceder o pago da certificación, practicarase a correspondente retención da taxa que será ingresada na contabilidade orzamentaria ou nas correspondentes contas para a adecuada e posterior aplicación definitiva.

3. Cando se trate de obras dirixidas e inspeccionadas polos técnicos funcionarios ou contratados en réxime de Dereito Laboral, sen dereito ao percibo de honorarios, o importe da taxa de honorarios ingresarase na Tesouraría Municipal.

4. No suposto que os técnicos a quen o Concello encomendara a dirección e inspección das obras non sexan persoal, funcionario ou laboral, ao servizo da administración local, procederase ao pagamento a ditos técnicos dos importes correspondentes, practicando as retencións fiscais e cos demais impostos que sexan esixibles legalmente, de acordo coas normas e formas previstas legal ou regulamentariamente na normativa fiscal aplicable.

En todo o relativo á comisión de infraccións tributarias, así como das sancións que polas mesmas correspondan en cada caso, estarase ao disposto nos artigos 178 e seguintes da Lei 58/2003, do 17 de decembro, xeral tributaria, e na súa normativa de desenvolvemento.

A presente Ordenanza entrará en vigor ao día seguinte da publicación no Boletín Oficial da Provincia da aprobación definitiva polo Pleno da Corporación Local.