Carral - Ordenanza reguladora da taxa por entradas de vehículos a través das beirarrúas e as reservas de vía pública para aparcamento, carga e descarga de mercadorías de calquera clase

Facendo uso das facultades concedidas polos artigos 133. 2 e 142 da Constitución e polo artigo 106 da Lei 7/1985, do 2 de abril, reguladora das bases de Réxime Local e de conformidade co disposto no artigo 20, alínea 3, letra h) da Lei 39/1988, reguladora das Facendas locais, modificado pola Lei 25/1998, do 13 de xullo, de modificación do Réxime legal das Taxas Estatais e Locais e de Reordenación das Prestacións patrimoniais de carácter público, este Concello establece a " Taxa por entradas de vehículos a través das beirarrúas e a reservas da vía pública para aparcamento, carga e descarga de mercadorías de calquera clase", da que as súas normas atenden ó prevido no artigo 58 da Lei 39/1988, reguladora das Facendas locais, modificado así mesmo polo artigo 66 da Lei 25/1998, do 13 de xullo.

Constitúe o feito impoñible desta taxa a utilización privativa ou aproveitamento especial do dominio público mediante as entradas de vehículos a través das beirarrúas e reservas de vía pública para aparcamento, carga e descarga de mercadorías de calquera clase.

Son suxeitos pasivos da taxa en concepto de contribuíntes as persoas físicas ou xurídicas, así como as entidades a que se refire o art. 33 da Lei xeral tributaria, ó favor das que se outorguen as licencias, ou que se beneficien do aproveitamento, se se procedeu sen a oportuna autorización.

Terán a consideración de substitutos do contribuínte de conformidade coa alínea 2, d) do artigo 23 da Lei 39/1988, reguladora das Facendas locais, os propietarios dos predios e locais a que dean acceso as ditas entradas de vehículos, os que poderán repercutir, se é o caso, as cotas sobre os respectivos beneficiarios.

1. Para os efectos previstos para a aplicación da cota do artigo seguinte, as vías deste Municipio clasifícase en única categoría.

A cota tributaria é a fixada nas seguintes tarifas:

Por cada badén na beirarrúa para facilita-la entrada de vehículos nun edificio: 5.000 ptas./m.l.

1. As cantidades esixibles de acordo coas tarifas liquidaranse por cada aproveitamento solicitado ou realizado.

2. As persoas ou entidades interesadas na concesión de aproveitamentos regulados nesta ordenanza deberán solicitar previamente a correspondente licencia, realiza-lo depósito previo a que se refire o artigo seguinte e formular declaración achegando un plano pormenorizado do aproveitamento e da súa situación dentro do Municipio.

3. Os Servicios Técnicos deste Concello comprobarán e investigarán as declaracións formuladas polos interesados, e concederanse as autorizacións de non atopar diferencias coas peticións de licencias; se se desen diferencias, notificaranse estas ós interesados e xiraranse, se é o caso, as liquidacións complementarias que procedan, e concederanse as autorizacións unha vez subsanadas as diferencias polos interesados e, de se-lo caso,realizados os ingresos complementarios que procedan

4. No caso de denegarse as autorizacións, os interesados poderán solicitar a este Concello a devolución do importe ingresado.

5. Unha vez autorizada a ocupación entenderase prorrogada mentres non se presente a declaración de baixa polo interesado.

6. A presentación da baixa producirá efectos a partir do día primeiro do semestre natural seguinte ó da súa presentación. A non presentación da baixa determinará a obriga de continuar aboando a taxa.

1. A obriga de pagamento da taxa nace:

a) Tratándose de concesións de novos aproveitamentos da vía pública, no momento de solicita-la correspondente licencia.

b) Tratándose de concesións de aproveitamentos xa autorizados e prorrogados, o día primeiro de cada semestre natural.

2. O pagamento da taxa realizarase:

a) Tratándose de concesións de novos aproveitamentos, por ingreso directo na Tesourería Municipal ou onde establecese o Concello, mais sempre antes de retira-la correspondente licencia.

b) Tratándose de concesións de aproveitamentos xa autorizados e prorrogados, unha vez incluídos nos padróns ou matrículas desta taxa, por anos naturais nas oficinas da Recadación Municipal, durante o primeiro trimestre do ano

A presente Ordenanza fiscal, aprobada provisionalmente polo Pleno da Corporación na sesión realizada o 23 de decembre de 1998 e que quedou definitivamente aprobada con data 6 de febreiro de 1999, rexerá a partir da publicación do texto íntegro desta ordenanza e manterase vixente ata a súa modificación ou derrogación expresa.