En uso das facultades outorgadas polos artigos 133.2 e 142 da Constitución e polo artigo 106 da Lei 7/1985, de 2 de abril, de Bases do Réxime Local, e de conformidade co disposto nos artigos 15 a 19 do Real Decreto Lexislativo 2/2004, de 5 de marzo que aproba o Texto Refundido da Lei Reguladora das Facendas Locais, este Concello establece a taxa por ocupación de terreos de uso público con mesas, cadeiras, tribunas e elementos análogos con fins lucrativos que se rexerá pola presente Ordenanza Fiscal e polos artigos 20 a 27 do TRLRFL.

Artigo 2.-Feito Impoñible

Constitúe o feito impoñible da taxa regulada nesta Ordenanza Fiscal, a ocupación de terreos de uso público local con:

a) mesas e cadeiras de cafeterías, cervexarías, café-bar, restaurantes ou pastelerías.

b) Tribunas e estrados instalados con carácter lucrativo.

Artigo 3.-Suxeito pasivo

Son suxeitos pasivos obrigados ao pago da taxa regulada nesta Ordenanza Fiscal as persoas ou entidades a favor das cales se outorguen as licenzas ou quen se beneficie do aproveitamento se se procedeu sen a oportuna autorización.

Artigo 4.-Responsables

1.-Responderán solidariamente das obrigas tributarias do suxeito pasivo, as persoas físicas e xurídicas ás que se refire o artigo 42 da Lei 58/2003, Xeral Tributaria.

2.-Serán responsables subsidiarios os administradores das sociedades, os síndicos, interventores ou liquidadores de quebras, concursos, sociedades e entidades en xeral, nos supostos e co alcance que sinala o artigo 43 da Lei Xeral Tributaria.

Artigo 5.-Beneficios fiscais

Non se recoñecerán máis beneficios fiscais que aqueles recoñecidos en virtude de lei ou dos tratados internacionais.

Artigo 6.-Base impoñible

Os elementos determinante da base impoñible virán dados pola natureza do negocio, e pola superficie ocupada.

Artigo 7.-Cota tributaria

A cota tributaria ven determinada polo seguinte cadro de tarifas:

Tarifa 1.- Cafeterías, café-bar, bares, cervexarias e pastelerías:

- Por metro cadrado e ano: 15€

Tarifa 2.-Restaurantes e casas de comidas

- Por metro cadrado e ano: 24€

Tarifa 3.- Por tribunas ou estrados

a) con carácter permanente, por metro cadrado e ano: 15€

b) con carácter esporádico, por metro cadrado e día: 6€

Artigo 8.-Devengo

A taxa devéngase o primeiro día do período impositivo que coincide co ano natural, agás nos casos de alta e baixa en día distinto do 1 de xaneiro, que se prorrateará por trimestres naturais.

Artigo 9.-Xestión da taxa

Os titulares dos negocios deberán presentar solicitude no Rexistro Xeral do Concello na que se especifique o enderezo do local de negocio, o tipo de establecemento e o tipo de ocupación (mesas,cadeiras, estrados...)

Posteriormente a Policía Local levantará informe sobre a superficie a ocupar, e dará traslado da mesma aos servizos económicos que procederán a practicar a liquidación correspondente ao primeiro período, na mesma Resolución na que se autoriza a ocupación solicitada.

As altas formarán parte do padrón que se elaborará anualmente para o cobro dos recibos.

As baixas deberán comunicarse por escrito ao Concello de xeito que se teña dereito á devolución correspondente ao número de trimestres completos que resten para completar o ano.

Artigo 10.-Protección contra a contaminación acústica

O pago da taxa que permite a ocupación de terreos de uso público local obriga ao estrito cumprimento da Ordenanza tipo sobre a protección contra a contaminación acústica, decreto 320/2002 publicado no DOG do 28 de novembro de 2002, que o Concello de Teo adopta como ordenanza de referencia

Artigo 11.-Infraccións e sancións tributarias

Para a cualificación das infraccións tributarias e as sancións que correspondan ás mesmas estarase no disposto nos artigos 178 e ss. Lei 58/2003, Xeral Tributaria.

Disposición final

A redacción da presente Ordenanza Fiscal foi aprobada inicialmente polo Pleno da Corporación en sesión de data 28 de novembro de 2007, entrará en vigor a partir do día seguinte ó da súa publicación no Boletín Oficial da Provincia e manterá a súa vixencia en tanto non sexa modificada ou derrogada expresamente.

Teo, vinte e tres de xaneiro de 2008.

DISPOSICIÓN TRANSITORIA PRIMEIRA.

1.- Con carácter excepcional, debido á crise económica e social causada pola pandemia do COVID19, suspéndese a aplicación e vixencia desta Ordenanza Fiscal desde o día 01/01/2021 até o día 31/12/2021.

2.- Unha vez transcorrido o prazo sinalado no parágrafo primeiro desta disposición, a Ordenanza volverá a se aplicar, a partires do 01/01/2022.