Melide - ORDENANZA Nº 28.2: PREZOS PÚBLICOS CAMPAMENTO URBANO

Publicación provisional: 30/12/2005 BOP Nº: 298
Publicación definitiva: 30/12/2005 BOP Nº: 298
Aplicable dende: 09/06/2021

ARTIGO 1.- Fundamento e natureza.

No uso das facultades conferidas polo artigo 106.1 da Lei 7/1985, de 2 de abril, reguladora das Bases do Réxime Local, e artigo 127 do R.D.L. 2/2004, de 5 de marzo, polo que se aproba o texto refundido da Lei reguladora das Facendas Locais, e de conformidade co disposto nos artigos 41 a 47, ambos inclusive, do R.D.L. 2/2004, establécese o prezo público polo uso dos servizos de Campamento urbano do Concello de Melide

ARTIGO 2.- Concepto.

Os prezos públicos regulados nesta Ordenanza constitúen a utilización do servizo de campamento urbano do Concello de Melide nos períodos vacacionais nos que se organicen estes, como medida de conciliación da vida familiar e laboral.

É obxecto deste prezo público a utilización do servizo de campamento urbano e polo prazo de tempo establecido na autorización correspondente.

Non se incluirán os servizos de xantar e/ou comedor.

ARTIGO 3.- Obrigados ó pago.

Están obrigados ó pago do prezo público establecido nesta Ordenanza os usuarios/beneficiarios do campamento urbano.

ARTIGO 4.- Tarifa.

Nos campamentos de verán será necesario a inscrición por quendas enteiras, non sendo posible a inscrición por días soltos.

O prezo público será de 16 euros/semanais para cada neno/a.

Aquelas familias, con dous ou máis membros inscritos no campamento urbano, terán unha bonificación do 50% na tarifa de cada membro inscrito a partir do segundo.

Aqueles nenos e nenas de familias con baixos ingresos no Concello de Melide, gozarán dunha bonificación do 100% cando o total dos ingresos da unidade familiar non superen o importe correspondente da RISGA. Deberán presentar no momento da inscrición un informe do/a traballador/a social do Concello de Melide que así o confirme. Para a admisión da praza seguirase o mesmo procedemento que no resto das solicitudes.

ARTIGO 5.- Normas de xestión.

1.- O Concello de Melide aprobará mediante Decreto da alcaldía a duración do campamento urbano, as quendas, o número máximo de participantes así como o prazo de inscrición.

2.- As persoas interesadas en participar no campamento urbano deberán solicitalo previamente, presentando a correspondente inscrición no rexistro de entrada no concello e poderá facelo ata 5 días NATURAIS antes do inicio do campamento. Terán preferencia de acceso á praza aqueles solicitantes empadroados no Concello de Melide.

Xunto coa solicitude deberá presentarse fotocopia do cartón sanitario do neno/a e o xustificante de ter feito o pagamento polas quendas solicitadas.

2.- Unha vez comezado o campamento, a inscrición quedará aberta podendo solicitarse a baixa ou alta nas sucesivas quendas, sempre e cando se faga ata o mércores antes da semana en cuestión, por escrito e por rexistro de entrada no Concello de Melide.

3.- Procederá á devolución do prezo público a aqueles inscritos que queden sen praza en algunha ou todas as quendas e tamén a aqueles que presenten baixa no prazo e na forma establecida (ata o mércores antes da semana en cuestión).

ARTIGO 6.- Infraccións e sancións.

En todo o relativo á cualificación de infraccións tributarias así coma das sancións que as mesmas correspondan en cada caso, estarase ó disposto nos artigos 181 e seguintes da Lei Xeral Tributaria.

O presente prezo público entrará en vigor de acordo co sinalado na Ordenanza xeral de prezos públicos e no TRLFL logo da súa publicación no BOP e no taboleiro de edictos do Concello.