Laxe - ORDENANZA Nº 16, REGULADORA PARA A EXPEDICIÓN DE TARXETAS DE ESTACIONAMENTO PARA PERSOAS MINUSVÁLIDAS, SEGUNDO O ESTABLECIDO NA LEI 8/97, DO 20 DE AGOSTO, DE ACCESIBILIDADE E SUPRESIÓN DE BARREIRAS NA COMUNIDADE AUTÓNOMA DE GALICIA

a) Todas aquelas persoas que estando empadroadas neste municipio presenten algún tipo de minusvalidez con mobilidade reducida que afecten exclusivamente ás extremidades inferiores, e así o acrediten a través da cualificación de minusvalía actualizada.

b) Persoas minusválidas con mobilidade reducida que sexan transportados por terceiras persoas. Só se poderá facer uso da tarxeta cando se transporte ó minusválido.

- Solicitude debidamente cumprimentada.

- DNI do titular da tarxeta.

- Certificado de empadroamento.

- Unha fotografía tamaño carnet.

- Certificado de minusvalidez actualizado polos equipos de valoración da Xunta de Galicia ou polos autorizados noutras CC.AA. e no mesmo debe figurar se se recoñecen ou non dificultades graves de mobilidade. No caso de que no certificado de minusvalidez non conste dito dato, o interesado, a través do Dpto. de Servicios Sociais, fará a petición oportuna dirixida ó equipo de valoración e orientación da Coruña, co fin de que lle sexa estimada a súa mobilidade.

- A solicitude farase en impreso oficial normalizado, que se axunta como anexo ás presentes normas, e que se obterá no Dpto. de Servicios Sociais do Concello.

- Presentada a solicitude no rexistro xeral do Concello, coa documentación pertinente, remitirase ó departamento de Servicios Sociais para a emisión do inoforme-proposta correspondente. Posteriormente, este informe elevarase á Alcaldía, para que dicte a resolución pertinente, concedendo ou denegando a tarxeta solicitada.

- Esta resolución será notificada ó interesado de acordo co procedemento establecido na Lei 30/92, do 26 de novembro, de Réxime Xurídico das Administracións Públicas e do Procedemento Administrativo Común.

- A tarxeta, unha vez concedida, será asinada polo titular e deberá plastificarse. Cando se utilice colocarase na parte dianteira do vehículo, de maneira que unicamente o anverso da tarxeta sexa claramente visible para o seu control.

- A tarxeta de estacionamento terá unha validez de un ano de duración, agás os casos en que o certificado de minusvalidez indique prazos de revisións previos.

- Un mes antes de que caduque a tarxeta o titular deberá solicitar unha nova, tendo a obriga de entrega-la anterior no intre de recibi-la actualizada.

- O Concello terá dereito a controlar que as condicións que deron orixe á expedición da tarxeta continúan vixentes, polo que poderá requirir ós solicitantes, en calquera intre, para que acheguen probas actualizadas de ditas condicións.

- Calquera variación das condicións que deron orixe á expedición da tarxeta deberá ser comunicada ós servicios sociais municipais, no prazo máximo de un mes; de non ser así, o Concello poderá anula-la súa vixencia.

- No caso de comprobarse o uso indebido das mesmas de maneira reiterada, estas serán retiradas.

A presente ordenanza entrará en vigor unha vez que sexa publicado integramente no BOP e transcorra o prazo de 15 días previsto no artigo 65.2 da Lei 7/1985, do 2 de abril.

"D./D.ª ..., con DNI ..., maior de idade, con enderezo en ..., teléfono ...

En nome do beneficiario ...

- Que estando empadroado/a neste municipio, presento algún tipo de minusvalidez con mobilidade reducida que afecta exclusivamente ás extremidades inferiores, e así o acredito a través da cualificación de minusvalía actualizada.

- Persoa minusválida con mobilidade reducida, que precisa ser transportado por terceiras persoas.

Que se lle expida a tarxeta de estacionamento, segundo modelo establecido na Lei 8/97, da comunidade autónoma de Galicia, comprometéndose a cumpri-las normas que regulan a súa expedición.

Laxe, ... de ... de ...

Asinado."