Paderne - Ordenanza reguladora de plantación de corta de arboredo

Complementando o establecido no artigo 591 do Código civil e no Decreto 2061/1967, do 19 de outubro, e de acordo cos artigos 4.1.a) e 25.2.d) e h), da Lei 7/1985, do 2 de abril, das bases do réxime local, este Concello adopta unha ordenanza xeral, sen carácter fiscal, reguladora de diversos aspectos da xestión forestal que afectan ós seguintes bens protexidos:

Medio natural.-Convivencia veciñal-Bens municipais (vías públicas e outros).

1.-No municipio de Paderne establécense as seguintes distancias mínimas de plantación das árbores, segundo a especie, lugar e veciñanza afectada:

 

 

No relativo ás pistas e camiños, a plantación deberá respectar un mínimo de 1 m, ó carón dos mesmos e do límite do propio terreo.

2.-Nas zonas do núcleo rural e do solo non urbano común prohíbese a plantación de especies forestais.

3.-Nos terreos con prohibición de plantación respectaranse as existentes, pero unha vez cortados prohíbese a repoboación, incluíndo os propios renovos; o aproveitamento do terreo dedicarase a explotación agrícola ou gandeira.

4.-Co fin de garanti-lo efectivo cumprimento da ordenanza, establécese a obrigatoriedade da comunicación previa da plantación de superficies forestais superiores a 500 m²; na comunicación identificarase ó propietario, o terreo da plantación, así como a especie e densidade.

5.-Protección da zonas fluviais e marítimo-terrestre:

Dende o leito ata unha distancia de 100 metros a cada unha das marxes dos ríos Lambre, Mandeo, Zarzo e Maizoso, unicamente poderán plantarse especies frondosas. Todo isto sen prexuízo do disposto na Lei 29/1985, do 2 de agosto, de augas, en canto á protección do dominio público hidráulico.

Establécese a mesma lonxitude, no que se permite unicamente a plantación de frondosas, que se contará dende o límite interior da zona de dominio público marítimo terrestre, sen prexuízo do disposto na Lei 22/1988, do 28 de xullo, de costas.

1.-Para garati-la preservación do medio natural e a conservación dos camiños e pistas rurais, e sen prexuízo da necesaria obtención doutros permisos da corta das plantacións forestais, cando superen as 20 toneladas.

2.-A comunicación da corta será efectuada polo madeireiro, debendo constar na mesma o seguinte:

- Identificación do propietario e madeireiro.

- Especie de madeira obxecto da corta, así como Tm a extraer.

- Nome do monte afectado ou identificación nun plano da normativa urbanística.

- Lugar do depósito e vías a utilizar para o transporte da madeira.

3.-O madeireiro encargado da corta será responsable directamente dos desfeitos ocasionados nas vías públicas municipais como consecuencia do depósito e transporte da madeira, quedando obrigado á reparación dos mesmos, incluíndo a limpeza e retirada dos residuos.

4.-As vías públicas non poderán usarse para almacén da madeira, aínda que se autoricen as operacións para a súa carga; sabendo que as gabias sempre quedarán limpas e en bo estado de utilización.

5.-O madeireiro establecerá unha fianza a prol do Concello, con obxecto de responder dos posibles desfeitos non reparados voluntariamente, na contía fixada polo servicio técnico municipal.

Con carácter xeral, calquera incumprimento das obrigacións formais ou do contido da presente ordenanza reputarase como infracción leve.

Reputarase infracción grave a reiteración na comisión de infraccións leves (máis de 2 en 2 anos), así como cando a estimación económica do volume da madeira afectada supera 1.000.000 de pesetas.

As infraccións á presente ordenanza serán sancionadas, por medio de acordo plenario, do xeito seguinte:

- Comisión de infracción leve: 5.000 pesetas de multa; adicionalmente establécense as seguintes contías segundo a natureza da infracción.

- 100 pesetas por cada árbore incorrectamente plantada, coa obrigación da súa retirada.

- 500 pesetas por tonelada de madeira cortada e transportada sen comunicación previa.

- Comisión de falta grave: 25.000 pesetas.

Advertido o incumprimento da presente ordenanza, e de forma paralela ó expediente sancionador, requirirase ó responsable da infracción para que se axuste á normativa, outorgándolle un prazo máximo dun mes. Transcorrido este prazo sen que se dea cumprimento ó requirimento, sen necesidades de novas notificacións procederase á execución subsidiaria do mesmo, cargándolle os custos da mesma á persoa responsable.

O que se fai público para os efectos de vixencia e coñecemento xeral.

Contra o acordo de aprobación definitiva pode interpoñerse o recurso contencioso-administrativo no prazo de dous meses.