Santa Comba - REGULAMENTO DE RÉXIME INTERIOR DA ESCOLA INFANTIL MUNICIPAL DO CONCELLO DE SANTA COMBA

INTRODUCIÓN

1 Obxecto e ámbito de aplicación

2. Normativa aplicable

CAPITULO I.- DATOS DO CENTRO

Artigo 1.- Definición do Centro

Artigo 2.- Datos Identificativos

Artigo 3.- Titularidade

Artigo 4.- Tipo de xestión e autorizacións

CAPITULO II.- FUNCIONAMENTO

Artigo 5.- Obxectivos da Escola

Artigo 6.- Capacidade total do Centro.

1.-Prazas de emerxencia social

Artigo 7.- Calendario de horarios de funcionamento

Artigo 8.- Servizos xerais

1.- Servizo de atención educativa

2.- Servizo de comedor

3.- Servizo de cociña

4.- Servizo de horario amplo

5.- Actividades complementarias incluída no currículo educativo/actividades extraescolares

Artigo 9.- Sistema de admisión

1.- Idades de ingreso e permanencia

2.- Solicitude de novo ingreso

3.- Ingresos urxentes ou emerxencias sociais

4.- Documentación

5.- Baremo de admisión

6.- Relación provisional de admitidos/as

7.- Reclamacións

8.- Relación definitiva de admitidos/as e lista de agarda

Artigo 10.- Procedemento de ingreso

1.- Reserva de praza para alumnos matriculados no curso anterior

2.- Solicitude de praza

3.- Reserva de praza para fillos/as do persoal que preste Servizos na Escola

4.- Matriculación de alumnos/as

5.- Vacantes

6.- Período de adaptación

Artigo 11.- Causas de baixa

Artigo 12.- Réxime de saídas

Artigo 13.- Horario de visitas e recollida dos nenos/as

CAPÍTULO III.- ESTRUTURA ORGANIZATIVA

Artigo 14.- Organización interna

1.- Comisión de baremación

2.-Equipo técnico

Artigo 15.- Procedemento para substitucións e imprevistos do persoal

CAPITULO IV.- NORMATIVA REFERENTE A TODO O PERSOAL

Artigo 16.- Relación do persoal

Artigo 17.- Dereitos e obrigas do persoal

Artigo 18.- Funcións e responsabilidades de cada persoa

1.- Director/a pedagóxico/a

2.- Mestres/as

3.- Persoal de apoio ao neno/a

4.- Persoal de servizos xerais:cociña e limpeza

CAPITULO V.- NORMATIVA REFERENTE AOS NENOS/AS

Artigo 19.- Dereitos dos nenos/as

Artigo 20.- Normas de funcionamento

1.- Normas de saúde

2.- Normas de Hixiene persoal

3.- Normas de nutrición/alimentación

4.- Normas de convivencia

Artigo 21.- Uso das dependencias e materiais

Artigo 22.- Promoción do uso da lingua galega

Artigo 23.- Promoción de igualdade entre os/as nenos/as

Artigo 24.- Promoción da integración

CAPITULO VI.- NORMATIVA REFERENTE A FAMILIA

Artigo 25,. Dereitos e obrigas dos/as pais/nais, titores/as e representantes legais

Artigo 26.- Participación dos pais/nais, titores/as e representantes legais

Artigo 27.- Instrumentos de formación

CAPITULO VII.- RÉXIME DE COBRAMENTO

Artigo 28.- Matrícula

Artigo 29.- Prezos

Artigo 30.- Forma e período de pago

Artigo 31.- Liquidaciòn

Artigo 32.- Réxime de reserva de praza para o caso de ausencias/vacacións

1.- Período vacacional

2.- Reserva de Praza

CAPÍTULO VIII. NORMATIVA REFERENTE Á INFRAESTRUTURA DO CENTRO

Artigo 33. Medidas de seguridade e hixiene

1. Obxecto e ámbito de aplicación

O presente Regulamento ten por obxecto establecer a organización e o funcionamento da Escola Infantil Municipal do concello de Santa Comba, permitindo a mellor constante das relacións entre a dirección da Escola, os pais, nais ou titores, os/as Mestres/as e a administración titular do centro, así como o procedemento de adxudicación de prazas as condicións de uso.

Constitúe o ámbito de aplicación do presente Regulamento o Concello de Santa Comba, concretamente á Escola Infantil Municipal, empregada como equipamento diúrno de carácter educativo/asistencial e dirixido á poboación infantil de 0 a 3 anos.

2. Normativa Aplicable

· Lei 13/2008, do 3 de decembro, de servizos sociais de Galicia

· Decreto 254/2011, do 23 de decembro, polo que se regula o réxime de rexistro, autorización, acreditación e inspección dos programas e dos centros de servizos sociais, artigo 7 b) que establece como un dos requisitos funcionais o dispor dunhas normas de funcionamento.

· Decreto 329/2005, do 28 de xullo, polo que se regulan os centros de menores e os centros de atención á infancia.

· Decreto 330/2009, do 4 de xuño, polo que se establece o currículo de Educación Infantil.

· Decreto 148/2014, do 6 de novembro, polo que se modifica o Decreto 99/2012, do 16 de marzo, polo que se regulan os servizos sociais comunitarios e o seu financiamento

· Decreto 49/2012, do 19 xaneiro, polo que se aproba o réxime de prezos das escolas infantís e Resolución do 10 de maio de 2017, pola que se actualizan os prezos públicos establecidos polo Decreto 49/2012, do 19 de xaneiro, polo que se aproba o réxime de prezos das escolas infantís 0-3 dependentes da Axencia Galega de servizos Sociais.

· Real Decreto 476/2013, de 21 de junio, por el que se regulan las condiciones de cualificación y formación que deben poseer los maestros de los centros privados de Educación Infantil y de Educación Primaria, Art. 2.2.. (BOE núm. 167, de 13 de julio).

· Real Decreto 132/2010 , de 12 de febreiro, por el que se establecen los requisitos mínimos de centros que impartan las enseñanzas del primer y segundo ciclo de la educación infantil, la educación primaria y la educación secundaria.

· Resolución de 12 de julio de 2019, de la Dirección General de trabajo, por la que se registra y publica el XII convenio colectivo de centros de asistencia y educación infantil, articulo 12 definición de puestos de trabajo.

· Lei 17/2011, de 5 de xullo, de seguridade alimentaria e nutrición

· Decreto 245/2003 , de 24 de abril , polo que se establecen as normas de seguridade nos parques infantís

· Ordes anuais polas que se regulan as axudas as escolas infantís

Artigo 1. Definición do centro

A Escola Infantil defínese como aquel equipamento diúrno de carácter educativo e asistencial, dirixido ao sector infantil da poboación de ata 3 anos de idade, que ten por obxecto o desenvolvemento harmónico e integral dos nenos e das nenas realizando ademais un importante labor de apoio á función educativa da propia familia á vez que facilitan o acceso dos/as pais/nais ao mundo laboral.

Artigo 2. Datos identificativos

Denominación: Escola Infantil Municipal Santa Comba.

Enderezo: Rúa Rosalía de Castro s/n. 15840 Santa Catalina. Santa Comba. A Coruña

Teléfono: 981 881 188/ 696 045 191

Correo electrónico: guarderia@santacomba.es

Directora: María Allo Parajó

Artigo 3.Titularidade

Entidade Titular: Concello de Santa Comba

NIF: P-15078001

Enderezo: Praza do concello, 1. 15841 Santa Comba. A Coruña

Teléfono: 981 880 075

Representante Legal: Alcalde/Alcaldesa do Concello de Santa Comba

Nº REXISTRO DE ENTIDADES PRESTADORAS DE SERVIZOS SOCIAIS: E-390 C-1

Artigo 4. Autorizacións e xestión

Permiso de inicio de actividade: 29/10/2004

Tipo de xestión: directa

Artigo 5. Obxectivos da escola

O principal obxectivo da Escola Infantil Municipal é estimular o desenvolvemento harmónico e integral dos/as nenos/ as nos seus primeiros anos de vida sen esquecer a parte asistencial establecida para este tramo de idade. Realizando ademais unha importante labor de apoio á función educativa da propia familia.

Son obxectivos específicos:

a) Promover e fomentar o desenvolvemento integral dos/as nenos/as e a aprendizaxe das súas habilidades cognitivas e creativas.

b) Facilitar a conciliación da vida laboral e familiar.

c) Facilitar o desenvolvemento de valores individuais e sociais básicos: cooperación, solidariedade, igualdade, respecto...

d) Lograr un equilibrio afectivo satisfactorio.

e) Respectar a singularidade e a diversidade de cada neno/a.

f) Posibilitar o coñecemento e a integración progresiva dos/as nenos/as na cultura e no medio ambiente da súa contorna.

g) Crear un ambiente que favoreza o desenvolvemento individual e en grupo nas actitudes e nas actividades diarias.

h) Facilitar a adquisición progresiva de hábitos de orde, limpeza e conservación dos materiais e dos recursos, facendo un uso axeitado destes, así como de pautas de comportamento ambiental sustentables.

i) Facilitar a integración dos/as nenos e nenas con necesidades educativas especiais.

j) Potenciar a coeducación para eliminar as manifestacións máis evidentes de sexismo na escola como as relación entre os/as nenos/as, a distribución de tarefas entre o alumnado e entre o profesorado, a utilización de tempos, espazos e recursos, e o uso non sexista da linguaxe.

Artigo 6. Capacidade total do centro

A Escola Infantil Municipal de Santa Comba atende o primeiro ciclo de Educación Infantil (0 a 3 anos). Conta con 4 unidades e 61 prazas autorizadas distribuídas en:

· Unha unidade 0-1 anos ¿¿¿¿¿¿¿¿¿.¿¿¿¿¿¿8 prazas

· Unha unidade 1-2 anos¿¿¿¿¿¿¿¿¿¿¿¿¿¿¿13 prazas

· Dúas unidades de 2-3 anos¿¿¿¿¿¿.....¿¿20+20=40 prazas

No caso de non existir demanda suficiente para formar un ou varios grupos do mesmo nivel de idade, os nenos e nenas poderán ser agrupados conforme á seguinte proporción:

 Grupos formados por nenos e nenas de ata 2 anos de idade: 1/10.

 Grupo formados por nenos e nenas de idades comprendidas no tramo 0-3: 1/15

1. Prazas de emerxencia social

Reservaranse catro prazas, para emerxencias sociais, terán a consideración de emerxencia social os ingresos urxentes recollidos no artigo 9 deste regulamento as cales repartiranse do seguinte xeito:

· Unidade 0 a 1 anos ....... 1 praza

· Unidade 1-2 anos .......... 1 prazas

· Unidade 2-3 anos .......... 2 prazas

2. Alumnado con Necesidades Especiais de Atención Educativa.- NEAE

No caso de integrarse nenos/as con discapacidade física, psíquica ou sensorial, o ingreso destas/es nenos/as estará supeditado á existencia de condicións infraestruturais idóneas e de persoal axeitado e suficiente no cadro de persoal do centro.

Na medida do posible tentarse que non haxa máis dun neno/a con NEAE por aula.

Para efectos de ratio, estas prazas contabilizaranse como dúas.

Artigo 7. Calendario e horarios de funcionamento.

A Escola Infantil Municipal prestará os seus servizos, de setembro a xuño, ámbolos dous incluídos, de luns a venres en horario de 7.45 da mañá a 20.00 h.

O horario de peche da Escola, previo informe da Dirección, e unha vez revisados os horarios que as persoas usuarias estableceron nas matrículas, reducirase cando a ratio dos/as nenos/as no centro sexa inferior a un 5 % da matricula no curso correspondente.

Nos meses de verán a Escola prestará servizos de luns a venres en horario de:

· Xullo e Agosto: de 7.30 a 15:00 h (reducirase cando a ratio dos nenos/as no centro sexa inferior a un 5 % da matricula no curso correspondente)

Serán festivos da Escola os establecidos no calendario laboral polo Estado e a Comunidade Autónoma e os días festivos locais que son os que aproba cada ano a corporación local.

A escola pechará o día do Ensino, o 24 e 31 de decembro

A Escola pechará ás 14:00 horas os seguintes días:

· 5 de xaneiro

· martes de Entroido

· Os días nos que se celebren as festas na Escola

Estas datas serán notificadas a tódalas persoas usuarias (Festival de Nadal, Entroido,...).

1. Vacacións

Os nenos e nenas poderán asistir á escola un máximo de 11 meses dentro do curso escolar comprendido de setembro a agosto do ano seguinte.

Estas poderán ser dun mes enteiro ou repartidas en quince e quince días, distribuíndose en quincenas naturais.

As vacacións solicitaranse por escrito no formulario que se lle facilitará na escola (1 mes ou dúas quendas naturais).

As quendas das vacacións do alumnado deberán ser notificadas, cubríndose os formularios que para tal fin existen na Escola, tendo que entregalas antes do 20 de marzo, sen prexuízo de que os pais/nais, titores/as e representantes legais queiran dispoñer das mesmas antes desta data. As datas das vacacións dos/as usuarios/ as non se poderán cambiar a partir do 15 de maio salvo causa xustificada.

Artigo 8.-Servizos xerais

1. Servizo de atención educativo-asistencial

Realízase conforme aos obxectivos, principios e fins do currículo do primeiro ciclo da educación infantil de Galicia sinalados no Decreto 330/2009, do 4 de xuño, polo que se establece o currículo de Educación Infantil. Inclúe actividades complementarias transversais ao currículo, festividades tradicionais de nosa terra e outros festivais: Samaín, Magosto, Entroido, etc.

Establécese un horario de atención educativa de 10.30 a 12.00 horas que queda reflectido nas rutinas de aula.

Establécense rutinas que están expostas en todas as aulas e se adecúan á planificación temporal das actividades:

A Escola abre as portas as 7.45 horas desde o primeiro momento cada neno/a vai coas súas educadoras/Mestras para a aula correspondente.

As 09:00 os nenos e nenas que almorzan séntanse nos comedores correspondentes, os outros están na zona de xogo.

Despois dos almorzos fanse as actividades programadas ata hora de saír o patio interior ou exterior (dependendo do tempo).

Tanto os patios interiores como exterior están divididos en espazos independentes, polo que cada grupo ten o seu espazo independente que será rotativo por días.

Media hora antes de comer os/as nenos/as volven outra vez as súas aulas para a realización de rutinas de hixiene, de cambio de cueiros e aseo necesario para ir o comedor.

Despois de comer todos se asean para prepararse para a sesta que cada neno/a fai na aula destinada para elo. Se non hai outro aviso por parte dos pais/nais, titores/as ou representantes legais, aos nenos/as deixáselle descansar ata que esperten, logo recollen os dormitorios, e os/as nenos/as aséanse e xogan un ratiño na aula e despois no patio ata hora da merenda na que volven o comedor.

Desde as 17:00-18:00 horas os/as nenos/as regresan as súas aulas coas educadoras/Mestras correspondentes para facer as actividades programadas ata hora de saír ao patio interior con xogo libre, ata hora que os veñen recoller.

O material que utilizamos é todo adecuado a idade dos/as nenos/as e cumprindo as normas de seguridade establecidas para estas idades.

2. Servizo de comedor

A escola Infantil Municipal oferta un servizo de comedor con cociña propia no centro, terá un carácter voluntario para as familias. A escola oferta almorzo, xantar e merendas.

O servizo de comedor ten vocación de atender á totalidade da demanda que se poida producir.

As comidas serán elaboradas polo persoal de cociña da EIM e o servizo será atendido polo persoal ao cargo dos nenos/as (Educadoras/Mestras e persoal de apoio) co fin de que adquiran hábitos relacionados coa educación e coa autonomía persoal.

O menú de cada xornada estará exposto no taboleiro de anuncios cun prazo dunha semana de antelación.

Os menús son supervisados por especialista en Dietética e nutrición ou outros profesionais competentes

Os seus horarios son:

· Almorzo: 9.00

· Xantar: 12.30 e 13.00 horas.

· Grupo 0-1 anos: Ao principio será a demanda, unha vez que empezan con papilla poderán comer entre as 12.30 e as 13.00 horas.

· Grupo 1-2 anos: 12.30 a 13.00 horas

· Grupos 2-3 anos ou grupo mixto (1-3) autorizado: 13.00 a 13.30 horas

· Merenda: de 16.30 a 17.00 horas

3. Servizo de cociña

Entendendo por tal a prestación consistente na achega dos medios persoais e materiais necesarios para a adecuada distribución e consumo dos alimentos que traen os/as propios/as usuarios/as.

A escola non oferta este servizo.

4. Servizo de horario amplo

Segundo o art. 26.3 do Decreto 329/2005 enténdese por horario amplo, a atención aos nenos/as por parte do centro polo menos durante 10 horas diarias ininterrompidas. Non obstante, evitarase que o/a neno/a prolongue a súa estancia no centro mais de 8 horas diarias, excepto que circunstancias excepcionais, que deberán en todo caso xustificarse, o determinen.

A escola ofrece un horario ininterrompido de 7:45 a 20:00 horas

5. Actividades complementarias/ actividades extraescolares.

As actividades complementarias trabállanse transversal ao currículo educativo.

A escola infantil réxese para a súa labor educativa a través de:

1. Proxecto educativo do centro.

2. Programación Anual

3. Programacións trimestrais

Algunha das actividades realizadas na escola son as seguintes:

1. Saídas didácticas

2. Celebracións: Día da Paz, Día do Medio Ambiente, Día do Libro, etc

A escola non oferta actividades extraescolares

Artigo 9.-Sistema de admisión

1. Idades de ingreso e permanencia.

Os requisitos de idade que deberán cumprir os nenos/as serán os seguintes:

1. Idade mínima: ter feitos os tres meses na data de ingreso

2. Idade máxima: Tres anos (agás casos excepcionais recollidos na lexislación vixente).

O procedemento de reserva de praza e de ingreso será informado anualmente desde a Comisión de Baremación, presidida polo/a Alcalde/a.

2. Solicitude de novo ingreso

Unha vez adxudicadas as prazas correspondentes ás reservas de praza do ano anterior, as prazas vacantes adxudicaranse as persoas solicitantes de novo ingreso segundo a puntuación obtida por aplicación do baremo que regula o procedemento de adxudicación de prazas.

Esta puntuación determinará a orde de prelación na adxudicación de prazas

No caso de que a solicitude non reúna os requisitos esixidos requirirase ao interesado/a para que emende os erros ou a falta de documentos preceptivos nun prazo de 10 días hábiles, con indicación de que se non o fai, terase por desistido da súa petición, consonte ao artigo 71 da Lei 30/1992 do 26 de novembro do Procedemento Administrativo Común.

As solicitudes de novo ingreso presentaranse nas oficinas do rexistro xeral do concello. Desde as dependencias prestarase a colaboración precisa aos usuarios/as para cubrir a solicitude co fin de que os datos estean debidamente cumprimentados.

Nas solicitudes farase constar o tipo de xornada que precisan.

Os cambios de horario durante o curso escolar serán solicitados e debidamente xustificados por escrito á dirección do centro, a cal aceptará ou denegará os mesmos. En todo caso de ser aceptada a modificación horaria será para todo o resto do curso escolar.

3. Ingresos urxentes ou emerxencias sociais

Consideraranse ingresos urxentes cando afecte a algún dos seguintes casos:

a) Menores tutelados/as pola Xunta de Galicia

b) Fillos/as de mulleres que se atopen en casas de acollida ou vítimas de violencia de xénero.

c) Aqueles outros nos cales concorran circunstancias socio-económicas e familiares que requiran unha intervención inmediata, previo informe dos servizos sociais da Concello.

A adxudicación ou denegación de praza nestes supostos será resolta pola Comisión de Baremación, no prazo de 15 días contados a partir da data de presentación da solicitude. Transcorrido este prazo sen ditar resolución expresa a solicitude terase por desestimada.

Contra esta resolución, que non esgota a vía administrativa, cabe interpoñer recurso de alzada perante o Alcalde, no prazo dun mes, que comezará a contar o día seguinte ao da notificación da resolución.

4. As solicitudes deberán ir acompañadas da seguinte documentación:

a) Modelo de aceptación das bases do Regulamento (a non aceptación das mesmas implica a imposibilidade de realizar a matrícula no centro).

b) Documentación acreditativa da situación familiar:

· Fotocopia do Libro de Familia onde figure o/a alumno/a que solicita o ingreso.

· Fotocopia do DNI ou do Pasaporte dos pais/nais, titores/as ou representantes legais.

· Certificado de empadroamento e convivencia que será expedido e incorporado ao expediente polo Concello de Santa Comba.

· Fotocopia do libro de familia numerosa

c) Documentación acreditativa de que o/a solicitante é familia monoparental:

· No caso de separación matrimonial: Sentenza de separación/divorcio (é válido achegar copia cotexada da demanda onde se recolla o selo de entrada da demanda no Xulgado, sempre e cando á hora de formalizar a matrícula se presente na escola o convenio regulador aprobado polo Xulgado)

· En caso de ruptura de parella de feito con fillos/as: Sentenza sobre medidas paterno-filiais onde se recollen as mesmas medidas que se ditan con respecto aos fillos/as no caso de rupturas matrimoniais.

· No caso de fillos/as non recoñecidos, o propio libro de familia será proba de monoparentalidade.

· No caso dalgunha deficiencia ou enfermidade alegada polos membros da unidade familiar: certificado expedido polo organismo correspondente

· No caso de nenos e nenas con discapacidade: deficiencia física, psíquica ou sensorial,: informe do organismo competente

· Outros documentos, se proceden, nos que consten incidencias familiares, económicas e sociais susceptibles de puntuación no baremo.

· Informe dos Servizos Sociais nos supostos de que sexa necesario por falta de acreditación documental suficiente ou pola situación especial na que viva a unidade familiar.

c) Documentación acreditativa da situación económica:

· Copia cotexadas da última declaración da renda, de todos os membros da unidade familiar ou, no seu defecto, certificado emitido pola Delegación de Facenda que avale a súa non presentación.

· Os/as profesionais autónomos acreditarán tamén os pagamentos do recibo de autónomos.

· Nos casos de nulidade matrimonial, separación ou divorcio considerase a renda de quen exerza a patria potestade.

· Aos efectos de beneficiarse dos descontos contemplados na Ordenanza reguladora do prezo público pola prestación do servizo na Escola Infantil Municipal do Concello de Santa Comba, a familia monoparental precisa da convivencia efectiva entre un proxenitor ou titor e os seus fillos/as, tutelados, menores ou dependentes, pero ademais esixe que a responsabilidade dese menor sexa en solitario. Considerarase que hai unha asunción en solitario cando das medidas paterno filiais establecidas na sentenza de separación ou divorcio, a pensión alimenticia coa que se obrigue a un dos proxenitores sexa inferior ao salario mínimo interprofesional

d) Documentación acreditativa da situación laboral

· Copia da última nómina ou xustificación da situación laboral no momento da solicitude.

· Certificado do INEM que acredite se está en paro ou se recibe algún tipo de prestación. (Este certificado renovarase cada tres meses)

5. Baremo de admisión

Entenderase por unidade familiar a formada polas/os nais/pais, titores/as e representantes legais e menores de dezaoito anos ou fillas/os maiores de dezaoito anos cun grao de discapacidade superior ao 33%.

A selección de solicitudes farase, en función da puntuación acadada segundo o baremo que regula o procedemento de adxudicación de prazas da Escola Infantil.

Mediante este baremo avaliaranse os factores socio-familiares, laborais e económicos da unidade familiar. En caso de obter igual puntuación daráselle prioridade á renda per cápita máis baixa.

Calquera indicio de cambio non declarado, de distorsión ou de falseamento da situación socio-familiar, da situación laboral-familiar ou da situación económica reflectidas na solicitude poderá dar lugar a que se inicie de oficio unha investigación para a comprobación dos referidos datos. Para a apertura deste expediente nomearase un instrutor/a que será o/a concelleiro/a de Servizos Sociais, un secretario/a que será o/a secretario/a do Concello ou funcionario/a en quen delegue. A secretaria elaborará un informe que poñerá en coñecemento da comisión de Baremación.

6. Relación provisional de admitidos/as

Unha vez realizada a Baremación, a comisión efectuará a proposta inicial de selección.

Farase pública a relación provisional coa puntuación obtida de nenos/as admitidos/as e excluídos/as na Escola.

A resolución corresponderalle ao/á Alcalde/Alcaldesa do Concello de Santa Comba. Esta relación será exposta nas oficinas da Escola Infantil Municipal do Concello de Santa Comba e no taboleiro de anuncios do propio Concello.

7. Reclamacións

As persoas solicitantes que o desexen poderán efectuar as reclamacións oportunas no prazo de 10 días hábiles contados dende a data de publicación da relación provisional.

8. Relación definitiva de admitidos/as e lista de agarda.

Unha vez estudadas pola Comisión todas as reclamacións presentadas, o/a alcalde/alcaldesa de Santa Comba, aprobará a lista definitiva de admitidos/as e lista de agarda coas puntuacións obtidas en cada caso.

As listas definitivas e a resolución, faranse públicas no taboleiro de anuncios do Concello de Santa Comba e na Escola Infantil Municipal .

As solicitudes, que por circunstancias excepcionais debidamente xustificadas, non se presentasen dentro dos prazos fixados serán tramitadas e baremadas pola comisión para a súa inclusión na lista de agarda segundo a puntuación obtida.

As vacantes que se vaian producindo ao longo do curso serán cubertas por rigorosa orde de puntuación entre os solicitantes en lista de agarda.

Artigo 10. Procedemento de ingreso

1. Reserva de praza para alumnado matriculado o curso anterior

O prazo de presentación de solicitudes de reserva de praza farase do 1 ao 15 de marzo.

Aqueles/as alumnos/as que fosen admitidos/as con anterioridade , terán garantido o acceso aos novos cursos sen necesidade de someterse a ningún proceso de admisión, tendo que acreditar, en todo caso, o mantemento das condicións económicas, familiares e laborais que permitan establecer as cotas e descontos correspondentes.

Para a reserva de praza é requisito imprescindible estar ao día no pagamento das cotas mensuais na data de presentación da solicitude calquera que sexa o curso escolar.

2. Solicitude de praza para alumnado de novo ingreso

O prazo de presentación de solicitudes de novo ingreso será do 1 ao 15 do mes de abril.

Terán preferencia para obter praza na Escola Infantil, aqueles nenos/as empadroados/as no Concello de Santa Comba.

3. Matriculación de alumnos/as

Sen prexuízo dos recursos que procedan, a matriculación farase do 1 ao 15 de xuño, coa presentación da documentación complementaria no rexistro do Concello de Santa Comba.

Se finalizado o período de matrícula, esta non fose formalizada, decaerá o dereito á praza obtido e tampouco quedará en lista de agarda.

Así mesmo, se unha vez rematado o mencionado prazo, non estivera entregada toda a documentación, estes usuarios/as terán 10 días hábiles, contados a partir da finalización do prazo de matrícula, para presentar a documentación restante. De non ser así decaerá o dereito á praza e tampouco quedarán en lista de agarda.

No mes de xuño, despois do proceso de matriculación, haberá unha reunión cos pais/nais, titores/as ou representantes legais dos/as nenos/as aceptados/as e explicarlles todo o que se considere de interese para eles.

4. Documentación para a matrícula

· Impreso de domiciliación bancaria.

· Impreso solicitude de confirmación matrícula

· Autorización para reportaxes fotográficos e vídeos.

· Autorización por escrito dos pais/nais ou representantes legais dos nenos e nenas para ser recollido no centro por outras persoas.

· Autorización de teléfonos dos pais/nais dos nenos/as para casos de emerxencia.

· Impreso recibo e acato normas e Regulamento.

· Impreso contrato de matricula.

· 2 fotos

· Impreso recibo e acato normas COVID e declaración responsable.

5. Vacantes

As prazas que sen causa xustificada non se atopen cubertas aos 15 días de iniciado o curso escolar, consideraranse como vacantes.

Durante o curso escolar poderá solicitarse o ingreso no centro, sempre que existan prazas libres.

As vacantes que se vaian producindo ao longo do curso serán cubertas por rigorosa orde de puntuación entre os/as solicitantes en lista de agarda.

No caso de haber algunha praza vacante esta será notificada aos pais/nais, titores/as ou representantes legais dos/as nenos/as que lle corresponda dentro da lista de agarda. Tanto se é aceptada como se é rexeitada, a familia terá un prazo de dez días para formalizar a matrícula ou firmar a súa renuncia á mesma.

En caso contrario serán dados de baixa na lista de agarda.

6. Período de adaptación

A asistencia por primeira vez a un centro educativo é un feito moi significativo. Posibilita o contacto con outros nenos e nenas da súa idade e o acceso a diferentes actividades, feito que permite o seu desenvolvemento psicolóxico e social.

Ao mesmo tempo, pode resultar algo delicado, porque se separa por vez primeira do seu ambiente habitual e das persoas coas que convivía sempre. Enfrontarse a un ambiente novo e estraño fai que sexa frecuente e moi normal que, sobre todo nos primeiros días, os nenos/as rexeiten as escolas infantís. Por iso precisan dun período de adaptación.

O presente Regulamento recolle unha serie de medidas que deberán ser postas en coñecemento dos pais/nais/ representantes legais por parte da Dirección do centro, para facilitar todo o proceso de adaptación:

O mes de setembro será utilizado como período de adaptación para os/as nenos/as de novo ingreso. Os/as nenos/as que empecen na escola un mes distinto de setembro utilizarán o mesmo sistema de adaptación.

Durante o período de adaptación iranse aumentando pouco a pouco os tempos de estancia na escola, organizándose da seguinte forma:

· A primeira semana asistirán á escola media hora

· A segunda semana asistirán unha hora, non podendo empregar o servizo de comedor nesta primeira quincena.

· A partir da terceira semana, iranse establecendo os tempos de estancia na escola, podendo empregar xa o servizo de comedor.

Evitaranse todo tipo de manifestacións que poidan transmitir ao neno ou nena sensación de angustia ou inseguridade relacionadas coa súa asistencia á escola.

Procurarase pola contra, transmitir expectativas positivas e interese especial por todo o relacionado co centro.

É recomendable que a asistencia sexa o máis regular posible. Que chegue a converterse nun hábito de vida do/a neno/a.

A incorporación progresiva posibilitará que na Escola Infantil se lle preste unha especial atención os primeiros días, mellorando a calidade da acollida e da adaptación /relación afectiva coas educadoras.

A Dirección do centro, porá en coñecemento da familia todas estas medidas e convidaraa a expoñer calquera tipo de dúbida ou aclaración en relación ao tema.

Artigo 11. Causas de baixa

Consideraranse baixas na escola as seguintes:

1. Incumprimento da idade máxima regulamentaria de permanencia na Escola Infantil Municipal.

2. Por solicitude dos pais/nais, titores/as ou representantes legais.

3. Por circunstancias laborais dos proxenitores, titores/as ou representantes legais

4. Por problemas de saúde do/a neno/a que requiran a súa ausencia continuada

5. Por falta de pagamento da cota establecida durante dous meses consecutivos ou tres alternos, calquera que sexa o curso escolar ao que se refira a débeda.

6. Por comprobación da falsidade dos datos achegados ou dos documentos.

7. Por incompatibilidade e inadaptación absoluta para permanecer no centro.

8. Por falta de asistencia continuada durante 1 mes sen causa xustificada.

9. Por incumprimento reiterado do presente Regulamento de Réxime Interior e as súas normas de funcionamento da Escola Infantil Municipal.

As baixas serán resoltas polo Alcalde/Alcaldesa á proposta da Comisión de Baremación.

No caso de incumprimento de calquera destas normas, comunicarase por correo certificado, e, se no prazo de 10 días hábiles desde a recepción da comunicación non se ten contestación, a Comisión de Baremación informará ao Alcalde/Alcaldesa para que proceda á baixa do neno no centro.

Artigo 12. Réxime de saídas

Os nenos e nenas poderán realizar as saídas establecidas na programación do curso, previa autorización por escrito por parte dos pais, nais ou representantes legais.

Obxectivos:

a) Explorar e observar o medio máis próximo.

b) Integrarse e coñecer manifestacións culturais do seu contorno

c) Fomentar a relación cos adultos e cos seus iguais, incentivando as relacións sociais

Artigo 13. Horario de visitas e recollida dos nenos/as

1. Horario de atención ao público

De luns a venres de 14:00 a 15:00 horas.

As familias terán que cumprir o horario estipulado na matrícula.

2. Horarios de recollida e entrega de nenos/as

Non se poderá recoller nin entregar nenos/as desde:

a) Pola mañá de 10:30 ata 12:00 (horario merenda e atención educativa)

b) Pola mañá de 12:30 ata 13:30 (horario de comedor).

c) Pola tarde de 16:30 ata 17:30 ( horario de merendas e descanso).

d) Pola tarde de 17:30 ata 18:30 (horario de atención educativa).

e) Horario límite de entrada pola tarde será as 17:30 horas

Os pais/nais, titores/as ou representantes legais dos nenos/as poderán solicitar unha reunión coa Dirección ou cos/as educadores/as no horario establecido para tal fin, ou concertar outra hora sempre e cando non se dificulte a boa marcha do centro.

O/a neno/a será entregado no centro ao pai ou á nai indistintamente, ou á persoa autorizada expresamente por escrito e documentada.

Terase en conta cuestións concretas reguladas por disposición xudicial.

Artigo 14. Organización interna

A Escola Infantil Municipal disporá da seguinte estrutura orgánica:

· Equipo directivo:

Estará formado pola Alcaldía/Presidencia do Concello como autoridade máxima responsable do servizo, Concelleiro/a competente e o/a director/a da Escola.

· Equipo educativo e de servizos:

a) Director/a da Escola Infantil Municipal.

b) Persoal de aula (educadoras/es-mestres/as e persoal de apoio ao neno/a)

c) Persoal de servizos xerais

1. Comisión baremación

Estará composta por:

1. Presidente/a: o/a Alcalde/Alcaldesa ou concelleiro en quen delegue.

2. Secretario/a do/a do concello ou funcionario/a en quen delegue.

3. Vocais:

· O/a director/a pedagóxico/a do centro ou un/ha mestre/a en quen delegue

· O concelleiro/a de Servizos Sociais, ou concelleiro/a en quen delegue.

Competencias:

· Velar polo cumprimento do proceso de ingreso.

· Velar pola aplicación do procedemento de admisión.

· Propoñer as altas e baixas que se produzan na escola ou en calquera dos servizos que se prestan na mesma e informar a Alcaldía para proceder a baixa.

· Resolver calquera dúbida ou conflito que puidera xurdir á hora da aplicación do estipulado neste Regulamento no relacionado coas competencias desta comisión.

2. Equipo técnico

Estará composta por:

· Director/a pedagóxico.

· Persoal de aula (Educadoras/ mestras

· Persoal de apoio ao neno/a

Competencias:

· Aprobar o proxecto educativo de centro e a programación anual de actividades.

· Facer o seguimento da programación do centro e do proceso educativo grupal e individual.

· Supervisar a Aplicación Curricular e a súa aplicación ao proxecto educativo de centro.

· Aplicación do presente Regulamento, así como revisión e actualización do mencionado documento.

Artigo 15. Procedemento para substitucións e imprevistos do persoal

As substitucións que podan xurdir dentro da escola infantil serán cubertas utilizando as listas de agarda que para tal fin existen no Concello de Santa Comba.

Artigo 16.-Relación do persoal.

A Escola Infantil dispón do seguinte persoal:

· 1 Director/a pedagóxico/a

· 2 Mestres/as Educación Infantil

· 1 Educadora

· 5 Persoas de apoio ao neno/a

· 1 persoa de servizos: cociña

· 1 Persoa de servizos de limpeza

Artigo 17. Dereitos e obrigas do persoal

Dereitos

1. Recibir regularmente información da marcha e do funcionamento do centro, a través do equipo directivo responsable.

2. Presentar propostas que contribúan a mellorar o funcionamento do centro e a atención prestada aos menores.

3. Desenvolver as súas funcións educativas segundo o seu criterio persoal, sempre que se axusten ao proxecto educativo e á programación anual do centro.

4. Desenvolver as funcións asistenciais de atención e coidado do alumnado

5. A que se lle proporcionen dentro das posibilidades do centro os instrumentos e medios precisos para desenvolver as súas funcións axeitadamente en beneficio dos menores atendidos.

Obrigas

1. Cumprir e facer cumprir de acordo coas súas funcións o presente Regulamento.

2. Velar polo respecto aos dereitos dos/as menores recollidos no presente Regulamento e aqueles outros recoñecidos na lexislación vixente.

3. Gardar estrita confidencialidade sobre os datos persoais dos/as menores aos que teñan acceso en razón das súas funcións.

4. Cumprimento das tarefas e responsabilidades derivadas do seu posto de traballo.

5. Todo o persoal que realice funcións educativas, de coidado e vixilancia dos/as menores deberá acreditar o seu correcto estado de saúde e con periodicidade anual someterase a un recoñecemento médico para acreditar que non padece enfermidade infecto-contaxiosa, nin defecto físico ou psíquico que impida ou dificulte as súas funcións. Será igualmente preceptiva a vacinación do persoal contra a rubéola co especial compromiso das mulleres en idade fértil de adoptar as medidas sanitarias e preventivas que corresponda durante os tres meses despois da vacinación.

6. Manter unha actitude correcta coas familias así como cos/as compañeiros/as de traballo.

7. Coidar a imaxe e hixiene persoal dos nenos e nenas así como a do Centro.

Artigo 18. Funcións e responsabilidades de cada persoa

1. Director/a pedagóxico/a

É o/a representante do centro e o/a responsable do seu correcto funcionamento. Depende orgánica e funcionalmente do/a Concelleiro/a de Servizos Sociais do Concello de Santa Comba.

As súas funcións mínimas serán as seguintes:

· Elaborar a memoria anual da programación do centro

· Propoñer e presentar o proxecto educativo que será elaborado pola Dirección mais o persoal de atención directa aos nenos/as (Mestras EI e Educadoras).

· Autorizar actuacións extraordinarias para o normal desenvolvemento do centro

· Convocar e presidir reunións do persoal, así como executar e facer cumprir os acordos adoptados nas mesmas.

· Prestar atención personalizada ás persoas usuarias tanto a través do desempeño da función educativa como directiva.

· Coordinar as relacións do persoal coas familias (anuais, Nadal, saídas,...)

· Comunicarlle ao Concello as incidencias relativas ás necesidades de mantemento do Centro, baixas do persoal, necesidades materiais, e calquera acontecemento.

· Exercer a garda dos/as menores ingresados no centro acorde co previsto na lexislación vixente.

· Supervisar, coordinar e facer cumprir o correcto desenvolvemento das actividades programadas.

· Cumprir e facer cumprir as leis, disposicións vixentes, etc. do Regulamento de Réxime Interior.

· Participar activamente en todas as actividades complementarias e extra-escolares reflectidas no PEC e na programación anual.

2. Mestras/es e Educadores/as

As súas funcións serán as seguintes:

· Elaborar a programación do Centro.

· Exercer a actividade educativa no centro.

· Atender as rutinas diarias de cada neno/a.

· Participar na elaboración do Proxecto Educativo do Centro.

· Participar na elaboración da programación anual e da memoria anual.

· Substituír ao/á director/a en caso de vacacións, asuntos propios ou enfermidade.

3. Persoal de apoio ao neno/a

As súas funcións serán as seguintes:

· Axudar, auxiliar ou apoiar nas tarefas diarias do centro que se lle encomenden, incluíndo entre outras tarefas, aquelas derivadas da orde, seguridade, entretemento, alimentación, aseo e atención persoal do coidado e hixiene dos/as nenos/as.

· Non poderán exercer as funcións derivadas da atención educativa no centro.

Funcións comúns de todo o persoal educativo e de apoio da escola:

· Atender ás entradas e saídas dos/as nenos/as da escola no seu conxunto.

· Dar almorzos, comidas e merendas aos nenos e nenas, sempre que estean dentro da súa xornada laboral.

· Interludio inicial coas familias usuarias e posibles provedores, ben sexa vía telefónica ou presencial.

4. Persoal de servizos xerais: cociñeira e limpadora

As súas funcións serán as seguintes:

Cociñeira:

· Encargado/a da preparación dos menús, compra e preparación dos alimentos.

· Responsabilizarase do bo estado dos alimentos e da súa preparación.

· Encargado/a da limpeza da cociña e do comedor así como dos utensilios de cocina.

· Tarefas de apoio administrativo básico que lle sexan requiridas pola dirección da escola.

· Limpadora:

· Atender a función da limpeza das dependencias da Escola Infantil.

· Atender a función de limpeza de todo o material empregado polos nenos/as no centro.

Artigo 19. Dereitos dos nenos e nenas

1. Acceso ao centro e a recibir información sen discriminación, por razón de nacionalidade, sexo, raza, relixión, ideoloxía ou calquera outra condición ou circunstancia persoal ou social.

2. A consideración no trato, debida á dignidade da persoa, tanto por parte do persoal do centro como dos demais usuarios e usuarias.

3. A realizar saídas ao exterior, sempre e cando os menores vaian acompañados por unha persoa adulta responsable, e sempre con autorización escrita por parte dos seus pais ou representantes legais.

4. Á intimidade persoal en función das condicións estruturais do centro.

5. A unha asistencia individualizada acorde coas súas necesidades específicas.

6. A que se lle facilite o acceso a todas as necesidades persoais que sexas precisas para acadar o seu desenvolvemento integral.

7. A que se lle facilite o acceso á atención social, sanitaria, educación, cultural e, en xeral a todas as necesidades persoais que sexan precisas para acadar o seu desenvolvemento integral.

8. A seren educados/as para a comprensión, a tolerancia e a convivencia democrática, posibilitándolles que poidan facer uso das súas opcións de xeito libre e persoal.

Artigo 20. Normas de funcionamento

1. Normas de saúde

1. Os/as nenos/as deberán acudir á Escola Infantil Municipal en condicións correctas de saúde e hixiene

2. No caso de enfermidade ou accidente, logo das primeiras atencións, porase dita circunstancia en coñecemento dos pais/nais, titores/as ou representantes legais, se é o caso. En caso de que o/a neno/a a precise unha atención médica axeitada, será a familia a encargada de facer os desprazamentos necesarios ou no seu caso, os servizos de urxencia sanitaria, previa comunicación por parte da dirección.

3. A falta de asistencia, debido a enfermidade ou a outras circunstancias, deberana comunicar os pais/nais, ou representantes legais á dirección do centro.

4. Cando por motivos de saúde o neno/a non poda asistir a Escola un período superior a 15 días deberá notificalo con anterioridade e xustificalo mediante informe médico, que se actualizará mensualmente, non podendo exceder na ausencia mais de 3 meses consecutivos, en caso contrario, a Comisión de Baremación decidirá se procede a baixa do neno ou nena na escola.

5. Non se administraran antitérmicos na escola. No caso de febres altas no que non se localice aos pais/nais, titores/as ou representantes legais dos/as menores, chamarase ao 112 e seguirase as instrucións deste servizo de urxencia.

6. Nos casos excepcionais nos que se deban administrar medicinas aos nenos/as e a súa asistencia ao centro esta autorizada polo/a médico, a familia axustará a dose fóra dos tempos de permanencia na escola. Naqueles casos nos que sexa imprescindible administrárllelas na escola, estas deberán ir acompañadas da receita médica actualizada á data do tratamento, na que constará o nome do/a neno/a, o nome do medicamento, forma, dose e periodicidade na administración. Non se administrará ningunha medicación que non veña acompañada da autorización por escrito dos pais/nais. O medicamento debe estar pautado por escrito polo médico dose e hora.

1. Evitarase a administración de medicamentos no Centro, as familias deberán axustar a administración dos medicamentos nas horas que os nenos/as permanezan na súa casa, sempre que o tratamento o permita. Nos casos excepcionais de necesidade de subministro de medicación, é imprescindible xuntar a correspondente prescrición médica e ter asinada a autorización das familias para poder administrar a medicación correspondente. Na dita autorización indicarase dose e pautas e días de tratamento, así como a conservación da mesma e as horas da súa administración.

2. Neses casos excepcionais, o Centro non subministrará ningún medicamento sen a receita médica e a autorización pertinente por parte das familias. Para evitar posibles reaccións alérxicas os medicamentos daranse por primeira vez na casa.

7. O/a neno/a permanecerá na casa cando teña febre (38.º rectal, máis de 37,5.º bucal, máis de 37,5.º axilar), diarrea, vómitos, ou enfermidade contaxiosa (rubéola, papeiras, sarampelo, lombrigas, piollos, etc.,...). De aparecerlle calquera destes síntomas na Escola será posto en coñecemento dos pais/nais/representantes legais para que recollan ao seu fillo/a da escola.

8. Se o neno/a da febre na Escola (38.º rectal, máis de 37,5.º bucal, máis de 37,5.º axilar), non poderá asistir a mesma en 3 días.

2. Normas de hixiene persoal

1. Todos os nenos e nenas asistirán en óptimas condicións hixiénicas

2. Como os/as nenos/as veñen á Escola Infantil a convivir con outros nenos/as, é imprescindible que o aseo na casa se faga a diario e dunha forma minuciosa de pés a cabeza.

3. Procurase ter ós nenos/as en liberdade: Non os vamos interromper na súa actividade porque poidan mancharse con barro, témpera, etc.

4. As familias deberán traer á escola:

· Unha muda completa para quedar na Escola Infantil.

· Unha gorra

· Dous babeiros

· Un chupete con porta chupetes ( uso exclusivo da Escola Infantil)

· Calzado (uso exclusivo Escola Infantil)

· Un paquete de cueiros e un bote de toalliñas, se usan cueiros. Este material repoñerase cando sexa preciso.

· Os nenos e nenas que tomen biberón (clase 0-1) deberán traer o biberón, o leite e os cereais que precisen. Os bebes tamén traerán un biberón para a auga.

· Un mandilón cunha cinta para poder poñelo nos colgadoiros.

3. Normas de nutrición/alimentación

1. Se unha vez iniciado o curso escolar algunha familia precisase usar comedor, deberá solicitalo por escrito.

2. Os horarios de comedor e merendas poderán ser modificados en algunhas datas do ano por razóns de servizo. Será a Dirección do centro a encargada da modificación dos mesmos, avisarase con antelación aos pais/nais, titores/as ou representantes legais.

3. Os/as nenos/as fixos/as de comedor ou merenda que non utilicen o servizo deberán avisar con antelación ou ben o mesmo día antes das 9.00 horas

4. Aqueles nenos/as que por razóns de enfermidade ou outras leven un tempo sen acudir á Escola, deberán avisar da súa reincorporación coa mesma antelación.

5. Poderán usar o comedor eventualmente os nenos/as que así o precisen, pagando a cota establecida por días soltos. Deberán avisar o día antes ou o mesmo día antes das 9.00 h.

6. Celebraranse os aniversarios na Escola Infantil dos/as nenos/as que cumpriron anos nesa semana. As familias non traerán nada da casa.

7. No servizo de comedor respectase todo tipo de intolerancias, alerxias alimentarias, etc. e, en todo caso se algún neno/a precisa unha especial atención ao tipo de comida, os pais/nais/representantes legais deberán presentar o informe pediátrico correspondente. Para tal caso a dirección da Escola asumirá estes casos.

8. Dende esta Escola, como se especifica neste Regulamento de réxime interior, intentarase adaptar as propostas de menús a calquera tipo de necesidade alimenticia, sempre e cando, non precise que o persoal de atención aos nenos/as teña que subministrarlle dita alimentación por medio de algún tipo de sonda, ou outro mecanismo, xa que non contamos con persoal especializado. En tal caso dende á escola facilitaráselle aos pais/nais ou persoal autorizado a posibilidade de vir á escola a administrarlle o alimento.

9. Non se poderá traer comida ó centro agás para os biberóns dos bebés.

10.Non se dan almorzos despois das 9.00 da mañá

4. Normas de convivencia

1. Respectar aos demais sen condicionalos por sexo, raza, orixe ou relixión

2. Compartir os xogos e xoguetes aceptando que son uns materiais de uso común e non individual

3. Rexeitar a violencia como diálogo, aprendendo a entenderse falando e comprendendo o outro

4. O tempo de permanencia na escola será de 8 horas agás casos excepcionais debidamente xustificados.

5. Os nenos e nenas non traerán ningún tipo de obxectos que podan resultar prexudiciais para a súa saúde, en caso contrario o Centro declina as responsabilidades.

6. Non se permite que os nenos e nenas traian xoguetes, pois iso pode ser fonte de conflitos cós/coas compañeiros/as e tamén porque o Centro dispón de materias suficiente e necesario para xogar.

7. É obriga das familias respectar os horarios establecidos pola escola para a atención educativa (rutinas diarias).

8. Os nenos/as asistirán á escola con roupa cómoda para poder realizar as actividades e xogos libremente. Non traerán petos, cintos, pinzas do pelo e tirantes.

9. Cando os/as nenos/as teñan algunha enfermidade que poda ser sospeitosa de contaxio por favor consultade co voso pediatra a conveniencia de asistir á Escola ou o posible contaxio.

10.Non poderán asistir ao centro con febre, diarrea, vómitos ou enfermidades contaxiosas.

11.Os nenos/as só serán entregados ao pai, nai, titor/a, representantes legais ou persoa autorizada por escrito pola familia do neno/a. As persoas autorizadas presentarán DNI.

12.Os teléfonos de contacto deberán estar actualizados en todo momento.

13.Os horarios estipulados na matrícula non se poden cambiar. Os posibles cambios solicitaranse por escrito á dirección do centro e estarán debidamente xustificados.

14.As familias terán a información diaria nos seus teléfonos móbiles. Mediante un grupo de difusión.

15.Os pais, nais, titores/as ou representantes legais poderán solicitar unha reunión coa dirección ou co resto do persoal no horario establecido para tal fin.

Artigo 21. Uso das dependencias e materiais.

A Escola Infantil Municipal sita nunha edificación de uso exclusivo situada na zona escolar de Santa Comba. Aparentemente está afastada de actividades molestas, nocivas e perigosas.

Conta cunha zona exterior delimitada ao redor do centro, unha parte habilitada como patio de xogos con chan tipo caucho.

O centro conta cunha soa planta e distribúese do seguinte xeito:

Entrada

· Zona de recepción con espazo para deixar os carriños.

· Despacho de dirección.

· Sala de profesores

· Sala de usos Múltiples

· Aula 0-1 con aseo (visible e accesible desde a aula) cun lavabo con billa hidromesturada, un inodoro e bañeira pediátrica e cambiador e zona de descanso con berces. Comparte o aseo coa unidade 1-2.

· Aula 1-2 con aseo (visible e accesible desde a aula) compartida coa unidade 0-1, zona de descanso diferenciadas compartida coa unidade 0-1.

· Aula 2-3 con zoa de aseo con 2 lavabos e 2 inodoros, con billas hidromesturadas visible e accesible desde a aula.

· Aula 2-3 con aseo con 2 lavabos e 2 inodoros visible e accesible desde a aula. As/os nenas/os destas idades realizan o descanso na unidade 1-2 (pero a distintas horas).

· Comedor

· Cociña equipada con microondas, placa, neveira-conxelador e lavalouzas.

· Despensa con conxelador.

· 2 aseos con ducha, inodoro e lavabo non adaptados a persoas con mobilidade reducida.

· Patio exterior valado con zona de caucho con aparellos de xogo, e areeiro.

· O Hall/saída ao patio exterior é empregado como almacén de material funxible e aparellos de xogo.

Todas as aulas e o material que nelas hai cumpren a Normativa vixente. Ademais a ratio de alumnado organizase en función dos metros cadrados das dependencias (2m2/neno/a)

Para poder levar a cabo a metodoloxía, entendemos a distribución do espazo como algo fundamental dentro do funcionamento global do centro. Trátase de facilitar un ambiente seguro, tranquilo e relaxado; rico en estímulos e medios.

A distribución de espazos e materiais permitirá ao neno/a a posibilidade de elección e creatividade.

Será flexible de modo que permita ás distintas transformacións do espazo dando lugar a múltiples opcións educativas e sociais: dende a posibilidade de organizar a actividade educativa do centro distribuíndo os recunchos dentro de cada aula para cada grupo en particular, a distribuír os recunchos de xeito común para todos os/as alumnos/as, excepto para o grupo de 0-1 anos, rotando os grupos polos diferentes espazos.

Nas aulas, os espazos estarán totalmente diferenciados por recunchos e momentos: de asemblea, traballo de mesa...

AULA 0-1 ANOS

Dentro deste espazo adicado a este grupo de idade, existen varias zonas perfectamente delimitadas:

· Zona de descanso.

· Zona de cambios.

· Zona ampla para a realización de actividades de relaxación, estimulación, psicomotricidade...

· Espazo destinado ao xogo: onde o neno/a disporá de xoguetes ao seu alcance e con liberdade de acción e de movemento dentro da aula.

· 1 comedor

AULA 1-2 ANOS

Nesta dependencia existen varias zonas perfectamente delimitadas:

· Zona de descanso.

· Zona de cambios.

· Zona de traballo: comezarase nesta idade con actividades destinadas á motricidade fina dispoñendo para isto do mobiliario e elementos precisos : puzzles, bolas de ensartar, contos, pinturas ....

· Zona de movemento libre, representa o 75% aproximado da aula e nela o neno/a poderá moverse ó seu gusto traballando principalmente a motricidade grosa e lateralidade (pelotas, material de arrastre, xogos de construción...)

AULAS DE 2-3 ANOS

Unha destas dúas aulas pode ser utilizada con autorización da Inspección como aula para a atención educativa dunha agrupación 1 a 3 anos.

Nestas dependencias existen varias zonas perfectamente delimitadas:

· Zona de aseos: (separada do resto da aula pero non illada)

· Zona de cambios

· Zona de descanso.

· Zona de movemento libre, representa o 75% aproximado da aula e nela o neno/a poderá moverse ó seu gusto traballando principalmente a motricidade grosa e lateralidade (pelotas, material de arrastre, xogos de construción...)

· Zona de traballo: destinada a potenciar a motricidade fina, dispoñendo para iso dunha zona de mesas onde se realizarán actividades destinadas á pintura, barro. puzzles...

· Zona de xogo simbólico: onde o neno/a pode acceder de forma individual e realizar xogos, actividades (profesións, cociña, bonecos, animais...)

· Zona de xogos estruturados: o obxectivo principal que se pretende conseguir é a estimulación intelectual; a actividade estará baseada na manipulación de obxectos para desenvolver as capacidades necesarias para o dominio psicomotor, a discriminación perceptiva, e a adquisición de esquemas mentais. Todo isto encamiñado á formación do pensamento lóxico ( puzzles, contos, papeis, tesoiras, telas...)

Artigo 22. Promoción do uso da lingua galega.

A lingua de uso habitual do centro é o galego. Isto non quita que se atenda de xeito individualizado a aqueles/as nenos/ as, pais/nais que non teñan coñecemento abondo do galego como indica o decreto 330/2009 do 4 de xuño polo que se establece o currículo da educación infantil na Comunidade Autónoma de Galicia e o Decreto 79/2010, do 20 de maio, para o plurilingüismo no ensino non universitario de Galicia.

Procurarase introducir unha terceira lingua que se traballará transversal ao currículo educativo introducindo as educado/as/ titor/as conceptos básicos, será o inglés basicamente.

Artigo 23. Promoción da igualdade entre os/as nenos/as

A Escola Infantil Municipal, promoverá a igualdade como valor fundamental de convivencia entre os/as nenos/as. Será o cerne de todas as actividades que se desenvolvan no centro, e reflectirase non só nas actividades e material de traballo senón tamén no comportamento habitual dos persoal de atención directa ao neno. Todas as actividades reflectiranse no proxecto educativo de centro e tamén nos deseños curriculares.

O centro poñerá especial coidado en revisar aqueles materiais e ilustracións que se utilicen como instrumentos de traballo. Así mesmo, vixiará que no uso da linguaxe se adopten expresións e formas non discriminatorias.

Asemade, desde a escola prestarase atención especial ao fomento e respecto da interculturalidade, coma instrumento de superación de desigualdades, inxustizas, prexuízos e racismo.

Artigo 24. Promoción da integración.

A Escola Infantil Municipal promoverá a integración de nenos/as con necesidades educativas especiais, fomentando deste xeito, a igualdade e o respecto como valores esenciais da convivencia.

Artigo 25. Dereitos e obrigas dos/as pais/nais, titores/as e representantes legais.

Dereitos

1. Ao sixilo profesional sobre os datos do seu historial sanitario e socio familiar.

2. A deixar de utilizar os servizos ou abandonar o centro por vontade propia.

3. A seren informados de xeito comprensible das medidas adoptadas respecto da educación dos seus fillos/as.

4. A participación nas actividades educativas {como festas escolares,(magostos, Nadal, Entroido,...), ou colaboración para preparar actividades dos nenos e nenas.

Obrigas

1. Manter e observar unha conduta inspirada no mutuo respecto, tolerancia e colaboración, encamiñada a facilitar unha mellor convivencia.

2. Participar na vida do centro, de acordo co que se dispoña neste Regulamento

3. Cumprir o presente Regulamento de Réxime Interno e as normas recollidas no mesmo ou outras que estableza o centro para o seu bo funcionamento.

Artigo 26. Participación dos pais/nais, titores/as e representantes legais.

1. A Dirección da Escola Infantil, fomentará a colaboración das familias co centro e as relacións co persoal deste.

2. Os pais/nais, titores/as e representantes legais poderán solicitar reunión co/coa titor/a-educador/a do seu fillo/a ou coa dirección da escola de conformidade co horario establecido para tal fin.

3. En todo caso a Dirección informará ao principio do curso dos horarios de atención aos pais, nais ou representantes legais dos nenos/as. Estes permanecerán expostos durante todo o curso escolar no taboleiro da escola.

4. Porase a disposición das persoas usuarias un libro de reclamacións.

Artigo 27. Instrumentos de información.

A información xeral da Escola estará a disposición das familias nos taboleiros da mesma.

Aquela outra información que o centro considere oportuna será notificada de forma individualizada

A notificación das incidencias diarias de cada neno/a dentro da aula, serán reflectidas as familias nos seus teléfonos móbiles por medio dun grupo de difusión.

A prestación do servizo da Escola Infantil Municipal do Concello de Santa Comba financiarase cos recursos xerais do Concello, coas achegas da Xunta de Galicia e coas tarifas que aboarán os/as usuarios/as.

Artigo 28. Matrícula

A COTA DE MATERIAL ANUAL, pode ser fraccionada en 2 pagos (setembro e xaneiro) cubre o material funxible que aporta a escola, encargándose os pais e nais de aportar os enseres persoais (cueiros, toalliñas, roupa de muda,biberón ou vaso..)

A matrícula corresponde a un curso escolar, variando a cota dependendo de si o/a neno/a se matricula en setembro/xaneiro ou marzo.

Os cambios de xornada: diminución ou aumento deberán ser notificados á dirección nun prazo mínimo de 15 días de antelación, de non ser así, aboarase a contía correspondente á contratada, no caso de que a nova sexa inferior

Os prezos dos servizos son os que se detallan no anexo 1

Artigo 29. Prezos

Ordenanza fiscal Nº6 reguladora da taxa pola prestación do servizo da Escola Infantil Municipal (Anexo I)

A actualización de prezos é establecida pola Xunta de Galicia na normativa de aplicación

Artigo 30.- Forma e período de pago

A liquidación da cota tributaria practicarase por meses naturais

Os prezos dos servizos deberán ser aboados do 1 ao 5 de cada mes

O réxime de pagamento é mediante domiciliación bancaria

Artigo 31. Liquidaciòn

Os pagos serán xustificados pola escola mediante liquidaciòns nas que se detallarán os servizos básicos e os complementarios.

No caso da gratuidade dos fillos/as, o centro emitirá recibo con custo 0 para a atención educativa no que se detallará a lenda ¿praza financiada ao 100¿% pola Xunta de Galicia".

Artigo 32. Réxime de reserva de praza para o caso de ausencias/vacacións.

1. Período vacacional

Todas as persoas usuarias aboarán a contía de once mensualidades por curso. Non se aboará a tarifa correspondente ao mes de vacacións anual do/a neno/a. Se por calquera motivo, o centro permanecese pechado durante un número superior a quince días consecutivos non se aboará a tarifa correspondente a este período.

A non asistencia do neno/a durante un período determinado non supón redución ningunha nin exención da tarifa mentres non se formalice a baixa correspondente.

2. Reserva de praza

· No caso de vacacións ou ausencias debidamente xustificadas o centro reservara a praza do/a alumno/a.

· En casos especiais poderán incorporarse alumnos/as no medio do curso escolar, sempre e cando teñan aboado a matricula do curso escolar seguinte e co compromiso de continuidade no curso seguinte.

Artigo 33. Medidas de seguridade e hixiene

A Escola conta coas seguintes medidas de seguridade e hixiene en todas as súas instalacións:

· Faise un programa de desratización , desinfección e de desinsectación anual.- DDD

· Conta cun Sistema de Autocontrol baseado na metodoloxía APPCC.

· Realízanse Inspeccións da Consellería de Sanidade periódicas.

· Conta cun técnico en riscos laborais encargado de implantar as medidas de emerxencia.

· Medidas anti-incendios: extintores, alarma, planos de evacuación, plan de actuación para casos de emerxencia, pulsadores de alarma anti-incendios distribuídas polo edificio, detectores de fume en todas as estancias,¿

· As portas de saída teñen apertura antipánico.

· Medidas de protección para evitar golpes e outras lesións nos nenos e nenas, tales como as cantoneiras e os antipilladedos.

· Os traballadores/as, contarán con coñecementos acreditados de prevención de riscos laborais e de primeiros auxilios.

· Todo o persoal do centro, está en posesión do carné de manipulación de alimentos e ten feito o curso de primeiros auxilios.

· En canto á hixiene, seguiranse as pautas marcadas por Sanidade nos seus controles periódicos.

· Será obrigatorio unha correcta hixiene persoal dos/as traballadores/as¡

O Centro conta con:

· Plan de autoprotección implantado e inscrito no REGAPE.

· Póliza de responsabilidade civil

· Póliza de accidentes

· Póliza de sinistros/danos do local

· Libro de reclamacións a disposición das persoas usuarias

· Proxecto educativo a disposición das familias

· Libro de rexistro de persoas usuarias

· Expediente individual do alumnado

O regulamento non dispón a súa entrada en vigor, pero se debe ter en conta que o artigo 70.2 da Lei 7/1985, de 2 de abril, reguladora das Bases do Réxime Local establece que:

¿¿..Las ordenanzas, incluídos el articulado de las normas de los planes urbanísticos, así como los acuerdos correspondientes a éstos cuya aprobación definitiva sea competencia de los entes locales, se publicarán en el ¿Boletín Oficial" de la provincia y no entrarán en vigor hasta que se haya publicado completamente su texto y haya transcurrido el plazo previsto en el artículo 65.2 salvo los presupuestos y las ordenanzas fiscales que se publican y entran en vigor en los términos establecidos en la Ley 39/1988, de 28 de diciembre, Reguladora de las Haciendas Locales....." (desde el 10 de marzo de 2004 RDL 2/2004, de 5 de marzo).

Artigo 65.2: ¿El requerimiento deberá ser motivado y expresar la normativa que se estime vulnerada. Se formulará en el plazo de quince días hábiles a partir de la recepción de la comunicación del acuerdo."