Sada - Prezo público polos servizos da Escola infantil municipal ¿Flora Ramos¿

De conformidade co disposto nos artigos 127 e 41 do Real Decreto lexislativo 2/2004, de 5 de marzo, polo que se aproba o texto refundido da Lei Reguladora das Facenda Locais, o Concello de Sada establece o prezo público por utilización dos servizos da Escola infantil municipal Flora Ramos.

Están obrigados ao pago do presente prezo público quen solicite a prestación dos servizos da Escola infantil municipal Flora Ramos

O Concello de Sada en base a ORDE do 22 de xullo de 2022 pola que se regulan as bases que rexerán o procedemento de concesión de axudas para o funcionamento e gratuidade da atención educativa das escolas infantís 0-3 e puntos de atención á infancia de titularidade municipal para o curso 2022/23, aplicará o réxime de prezos das escolas infantís 0-3 dependentes da Xunta de Galicia.

1. As solicitudes para acceder aos servizos que se prestan na Escola Infantil Municipal formalizaranse por escrito a través de instancias dirixidas á Alcaldía e haberá que achegar a documentación sinalada no Regulamento interno da escola infantil vixente.

2. As mensualidade pagaranse por adiantado nos primeiros 10 días de cada mes, mediante domiciliación bancaria, segundo a liquidación practicada, que incluirá, ademais do importe da mensualidade, o resto dos servizos que se lle presta ao alumnado.

O presente prezo público se rexerá, en todo o non previsto na presente texto regulador, pola Ordenanza xeral de prezos públicos do concello de Sada, polo Regulamento do servizo da escola infantil municipal e supletoriamente a efectos interpretativos a regulación aplicable ao réxime de prezos nas escolas infantís dependentes da administración autonómica.

O presente prezo público entrará en vigor o día seguinte da publicación do texto no Boletín oficial da Provincia, e continuará en vigor ata a sua modificación ou derogación.