Cee - Prezo público pola asistencia o Programa de Servizo de Madrugadores/as

De conformidade co previsto nos artigos 127 e do 41 ao 47 do Real Decreto Lexislativo, de 5 de marzo, polo que se aproba o Texto Refundido da Lei reguladora das facendas locais, este Concello establece o prezo público pola asistencia aos Programas de Madrugadores (Ceediño) que ten lugar nos meses escolares de 7.30 a 9.30h.

O prezo público regulado neste acordo constitúe unha prestación patrimonial de carácter público que se satisfará polas persoas usuarias que voluntariamente soliciten a participación nas actividades definidas no artigo 1.

Están obrigadas/os ao pago do prezo público, as persoas físicas ou xurídicas que soliciten nalgunha das actividades enumeradas no artigo 1.

Os prezos públicos rexeranse polo seguinte cadro de tarifas, tendo en conta a Renda per cápita mensual da unidade familiar:

RENDA PER CÁPITA MENSUAL PREZO

Inferiores ou igual a 200 € 5€/mes

Superior a 200 € ou Inferior ou igual a 500€ 20€/mes

Superior a 500€ e inferior ou igual a 1.000€ 30€/mes

Superior a 1.000€ e inferior ou igual a 2.000€ 40€/mes

Superior a 2.000€ 54,40€/mes

Precio por día solto: 5€

1. A obriga de pago xurdirá con carácter xeral cando se inicie a prestación dos servizos correspondentes. Non obstante, cando por causas non imputables a persoa demandante do servizo, este non se prestase, procederase á devolución do importe efectivamente aboado.

2. O prezo público aboarase en réxime de autoliquidación e depósito previo do mesmo, que deberá ser aboado cando se realiza a solicitude do servizo. En todo caso, non se iniciará a prestación do mesmo se non se realizou o depósito previo.

As débedas por impago dos prezos contemplados no artigo 4 esixiranse polo procedemento de constrinximento de acordo co disposto nos artigos 10.1 e 46.3 do Real Decreto Lexislativo 2/2004, do 5 de marzo, polo se aproba o Texto Refundido da Lei reguladora das facendas locais.

O presente acordo entrará en vigor o día seguinte da súa publicación no BOP.