Tordoia - ORDENANZA FISCAL REGULADORA DO PREZO PÚBLICO POLA UTILIZACIÓN DAS INSTALACIÓNS DEPORTIVAS MUNICIPAIS

De conformidade co previsto no art. 57 e 20.4.o) do texto refundido da Lei de facendas locais, aprobado por Real decreto lexislativo 2/2004, este Concello establece a taxa pola utilización das instalacións deportivas.

Constitúe o feito impoñible deste tributo:

a) O uso do pavillón polideportivo municipal.

b) O uso do ximnasio municipal.

c) O uso dos campos de fútbol.

A obrigación de contribuír nacerá desde que se acceda á instalación.

Están obrigadas ao pagamento desta taxa as persoas naturais ou xurídicas que solicitaren a utilización das instalacións obxecto de regulamento.

As tarifas para aplicar serán as seguintes:

5.1. Pavillón polideportivo.

Por cada hora: 10,00 €

Por media hora: 5,00 €

Cando o Concello organice directamente algunha actividade de carácter especial, sexa ou non deportiva, poderá establecer unha cota de entrada.

5.2. Ximnasio.

5.2.1. Entrada xeral:

Entrada individual: 2,00 €

Abono mensual:

Menores de 18 anos: 12,00€/mes

Maiores de 18 anos: 17,00€/mes

Maiores de 65 anos: EXENTOS

Actividades con monitor: 12,00 €/mes

Abono familiar:

Titular: 17,00 €/mes

Cónxuxe: 7,00 €/mes

Cada fillo menor de 18 anos: 3,00 €/mes

5.2.2. Entrada de mañán:

Abono individual de pola mañán de luns a venres:

Adultos: 12,00 €/mes

Maiores de 65 anos: EXENTOS

Abono familiar de pola mañán de luns a venres:

Titular: 12,00 €/mes

Cónxuxe: 5,00 €/mes

5.3. Campos de fútbol.

Por hora:

Sen luz: 30,00 €

Con luz: 40,00 €

6.1. Polideportivo.

6.1.1.-As persoas que desexan utilizar as instalacións deberán solicitalo por escrito, con, cando menos, tres días de antelación, perante o Concello. Na solicitude deberase expresar os días e as horas que desexan efectuar a utilización e demais circunstancias que estimaren oportunas.

6.1.2.-As solicitudes debidamente tramitadas serán resoltas polo alcalde-presidente ou pola persoa en que delegue. No momento de comunicar a concesión do uso da instalación, deberá ingresarse nunha conta bancaria de titularidade municipal o importe da taxa correspondente, sen que, en ningún caso, se abrirán as instalacións sen presentar a correspondente autorización e o xustificante de ingreso perante a persoa responsable.

6.1.3.-No caso de persoas abonadas, terán esta consideración aquelas que o soliciten ao Concello en instancia normalizada dirixida ao alcalde, unha instancia que se poderá recoller, ademais de na Casa Consistorial, nas propias instalacións municipais. Acompañando á instancia debidamente cuberta, xuntarase o xustificante de ter feito o ingreso da primeira cota na entidade bancaria correspondente. En ningún caso se admitirán pagamentos en efectivo nas instalacións municipais.

6.2. Ximnasio.

6.2.1.-No caso de persoas abonadas, terán esta consideración aquelas que o soliciten ao Concello en instancia normalizada dirixida ao alcalde, unha instancia que se poderá recoller, ademais de na Casa Consistorial, nas propias instalacións municipais. Acompañando á instancia debidamente cuberta, xuntarase o xustificante de ter feito o ingreso da primeira cota na entidade bancaria correspondente. En ningún caso se admitirán pagamentos en efectivo nas instalacións municipais.

6.2.2.-Para darse de baixa no aboamento ou no curso deberá ser solicitada polos interesados por escrito na propia instalación, a través dos formularios dispoñibles para o devandito trámite, antes do día 25 do mes anterior ao que se produza a baixa.

6.2.3.-A dita baixa será de oficio para aqueles participantes que non paguen dúas mensualidades consecutivas; así mesmo, a entidade xestora poderá dar de baixa como abonado a aqueles que reiteradamente incorran na tardanza do pagamento das cotas que lles sexan aplicábeis.

6.2.4.-Aos menores de 14 anos prohíbeselle o acceso á sala de musculación. Entre 14 e 16 anos só poderán acceder nos horarios nos que estivese presente o monitor/a de sala. Consultar horarios na propia instalación.

6.3.-Campos de fútbol.

6.3.1.-As persoas que desexan utilizar as instalacións deberán solicitalo por escrito, con, cando menos, tres días de antelación, perante o Concello. Na solicitude deberase expresar os días e as horas que desexan efectuar a utilización e demais circunstancias que estimaren oportunas.

6.3.2.-As solicitudes debidamente tramitadas serán resoltas polo alcalde-presidente ou pola persoa en que delegue. No momento de comunicar a concesión do uso da instalación, deberá ingresarse nunha conta bancaria de titularidade municipal o importe da taxa correspondente, sen que, en ningún caso, se abrirán as instalacións sen presentar a correspondente autorización e o xustificante de ingreso perante a persoa responsable.

6.3.3.-No caso de persoas abonadas, terán esta consideración aquelas que o soliciten ao Concello en instancia normalizada dirixida ao alcalde, unha instancia que se poderá recoller, ademais de na Casa Consistorial, nas propias instalacións municipais. Acompañando á instancia debidamente cuberta, xuntarase o xustificante de ter feito o ingreso da primeira cota na entidade bancaria correspondente. En ningún caso se admitirán pagamentos en efectivo nas instalacións municipais.

7.1.-De conformidade co disposto no artigo 9 do Real decreto lexislativo 2/2004, non se recoñece ningún beneficio tributario, agás os que foren consecuencia do establecido nos tratados ou acordos internacionais ou veñan previstos en normas con rango de lei.

7.2.-Os interesados na obtención de exencións ou bonificacións sobre o importe das tarifas que crean ter dereito de obtelas deberán solicitalo ao concello facendo constar as circunstancias que xustifiquen a súa solicitude.