Bergondo - Ordenanza fiscal nº 2, reguladora do ICIO no Concello de Bergondo

1.-De conformidade co prescrito no artigo 100 a 103 Real decreto lexislativo 2/2004, do 5 de marzo, polo que se aproba o Texto refundido da lei reguladora das facendas locais (TRLRFL), o Imposto sobre construcións, instalacións e obras é un tributo indirecto no que o feito impoñible está constituído pola realización, dentro do termo municipal, de calquera construción, instalación ou obra para a que se esixa a obtención da correspondente licenza de obras ou urbanística, obtivérase ou non dita licenza, ou para a que se esixa presentación de declaración responsable ou comunicación previa, sempre que a expedición da licenza ou a actividade de control corresponda a este Concello.

2.-As construcións, instalacións ou obras a que se refire o apartado anterior, poderán consistir en :

a) Obras de construción de edificacións e instalacións de tódalas clases de nova planta.

b) Obras de demolición.

c) Obras en edificios, tanto aquelas que modifiquen a súa disposición interior ou exterior.

d) Aliñacións e rasantes.

e) Obras de fontanería e sumidoiros.

f) Obras de cemiterios.

g) Calquera outra construción, instalación ou obra que requira licenza de obra ou urbanística.

1.-Son suxeitos pasivos deste imposto, a título de contribuíntes, as persoas físicas ou xurídicas e as entidades ás que se refire o artigo 35.4 da Lei xeral tributaria, que sexan donos da construción, instalación e obra sexan ou non donos do inmoble sobre o que se realiza aquela.

Ós efectos previstos no parágrafo anterior terán a consideración de dono da construción, instalación ou obra quen soporte os gastos e custo que comporte a súa realización.

2.-No suposto de que a construción, instalación ou obra non sexa realizada polo suxeito pasivo contribuínte terán a condición de suxeitos pasivos substitutos do mesmo aqueles que soliciten as correspondentes licenzas ou realicen as construcións, instalacións ou obras.

O substituto poderá esixir do contribuínte a cota tributaria satisfeita.

3.-Nas solicitudes da licenza deberá constar especificamente o nome e apelidos, denominación ou razón social, NIF/CIF, e domicilio fiscal do dono do terreo, do dono da obra e a empresa construtora.

1.-Está exenta do pago do imposto a realización de calquera construción, instalación ou obra da que sexa dono o Estado, a Comunidade Autónoma ou Entidades Locais, que estando suxeitas ó mesmo vaia a ser directamente destinada a estradas, ferrocarrís, portos, aeroportos, obras hidráulicas, saneamento de poboacións e das súas augas residuais, aínda que a súa xestión se leve a cabo por Organismos Autónomos, tanto se se trata de obras de inversión nova como de conservación.

2.-En base ó establecido na Disposición Adicional Terceira, do TRLRFL, non poderán alegarse respecto deste imposto os beneficios fiscais que estiveran regulamentados en disposicións distintas da normativa vixente de Réxime Local.

1.-A base impoñible deste imposto está constituída polo custo real e efectivo da construción, instalación ou obra, e enténdese por tal a estes efectos o custo de execución materia daquela.

Non formarán parte da base impoñible o IVE e demais impostos análogos propios de réximes especiais nin tampouco as taxas prezos públicos e demais prestacións patrimoniais de carácter público local relacionadas con ditas construcións, instalacións ou obras nin tampouco os honorarios de profesionais, o beneficio empresarial do contratista nin calquera outro concepto que non integre, estritamente, o custo de execución material.

2.-A cota deste imposto será o resultado de aplicar á base impoñible o tipo de gravame.

3.-O tipo de gravame do imposto para este Concello será do 2,5 por cento.

4.-O imposto devéngase no momento de iniciarse a construción, instalación ou obra, aínda cando non se obtivera a correspondente licenza ou non se houbese presentado por parte do interesado a correspondente de declaración responsable ou comunicación previa.

1.-Cando se conceda a licenza preceptiva ou cando, non habéndose solicitado, concedido ou denegado aínda dita licenza preceptiva, se inicie a construción, instalación ou obra, practicarase unha liquidación provisional a conta, determinándose a base impoñible en función dos índices ou módulos que a presente Ordenanza establece ó efecto, no Anexo da mesma , segundo a superficie indicada en cada proxecto.

2.-Cando non figuren no Anexo da Ordenanza os prezos medios de execución material aplicables ó caso, a liquidación provisional farase atendendo ós custos reais de execución material determinados polos Servizos Técnicos en base ós prezos medios de mercado.

3.-Unha vez finalizada a construción, instalación ou obra, e tendo en conta o custo real e efectivo da mesma, o Concello, mediante a oportuna comprobación administrativa, modificará, no seu caso, a base impoñible a que se refire o apartado anterior practicando a correspondente liquidación definitiva e esixindo do suxeito pasivo ou reintegrándolle, no seu caso, a contía que corresponda.

1.- En virtude do artigo 103.2 a) do TRLRFL aplicarase unha bonificación do 50% a favor das construcións, instalacións e obras que sexan declaradas de especial interese ou utilidade municipal por concorrer circunstancias sociais, culturais, histórico artísticas ou do fomento do emprego que xustifiquen tal declaración. Corresponderá dita declaración ó Pleno da corporación e acordarase, previa solicitude do suxeito pasivo, por voto favorable da maioría simple dos seus membros.

2.- En virtude do artigo 103.2 b) do TRLRFL, aplicarase Unha bonificación do 95 por ciento a favor das construccións, instalacións u obras nas que se incorporen sistemas para o aproveitamento térmico ou eléctrico da enerxía solar. A aplicación desta bonificación estará condicionada a que as instalacións para producción de calor incluan colectores que dispoñn da correspondente homologación da Administración competente. Dita bonificación unicamente terá efectos sobre o custo da construción, instalación e obra que dá lugar á instalación do sistema para o aproveitamento termo ou eléctrico da enerxía solar.

3.- En virtude do artigo 103.2 d) do TRLRFL aplicarase unha bonificación do 50% a favor das construcións, instalacións e obras referentes ás vivendas de protección oficial.

Esta bonificación no caso de concorrer coas anteriores aplicarase á cota resultante de aplicar as bonificacións anteriores

4.- En virtude do artigo 103.2 e) do TRLRFL aplicarase unha bonificación do 90% a favor das construcións, instalacións e obras que favorezan as condicións de acceso e habitabilidade dos discapacitados.

Esta bonificación no caso de concorrer coas anteriores, aplicarase á cota resultante de aplicar a bonificacións anteriores.

5.- As bonificacións ás que fan referencia os apartados anteriores deste artigo terán carácter rogado, e será necesaria a acreditación do suxeito pasivo de estar incurso nalgún ou nos supostos establecidos para cada unha de elas, presentando a documentación demostrativa dos mesmos.

Estas bonificacións poderán aplicarse simultaneamente, pero no caso de concorrer todas elas, a bonificación do apartado 4.º deste artigo aplicarase á cota resultante de aplica-la bonificación regulada no apartado 3.º deste mesmo artigo e a bonificación do apartado 3.º deste artigo aplicarase á cota resultante de aplica-la bonificación regulada no apartado 2º e a bonificación do apartado 2.º deste artigo aplicarase á cota resultante de aplica-la bonificación regulada no apartado 1º

A presente ordenanza derroga a aprobada polo Pleno da corporación na sesión celebrada o día 26 de marzo de 2009 e entrará en vigor o día seguinte ó da súa publicación no Boletín Oficial da Provincia.

APARTADO 1-Relación de prezos medios de execución material definida polos Servizos Técnicos Municipais adxunta á presente Ordenanza para as obras de edificación de nova planta ou ampliación das existentes (custos por m2 construído):

1. Vivenda unifamiliar illada:

1.a. Superficies residenciais illadas: 700,15 €/m2.

1.b. Resto de superficies (espazos libres, soportais cubertos, sotos/ semisotos de actividade non residencial adicados a garaxes ou instalacións, garaxes...): 254,60 €/m2.

2. Vivenda unifamiliar acaroada ou en ringleira:

2.a. Superficies vivenciais (actividade residencial): 649,23 €/m2.

2.b. Resto de superficies (espazos libres, soportais cubertos, sotos/ semisotos con actividade non residencial adicados a garaxes ou instalacións, garaxes en planta baixa...): 254,60 €/m2.

3. Vivenda colectiva :

3.a. Superficies vivenciais (actividade residencial): 636,50 € /m2.

3.b. Resto de superficies (espazos libres, soportais cubertos, sotos, instalacións, garaxes..): 254,60 € /m2.

4. Edificación industrial ou talleres ( en naves): 273,69 €/m2.

5. Edificación para uso terciario exclusivo ( comercial, oficinas e recreativo) : 623,77 €/m2.

6 .Centro comercial en edificio exclusivo, hoteleiro, uso turístico 572,85 €/m2

7.Galpóns ou alpendres:

7.a. Galpóns de fábrica de bloque de formigón, prefabricados ou ladrillo: 254,60 €/m2.

7.b. Galpóns de madeira ou elementos ecolóxicos / reciclados: 159,12 €/m2.

APARTADO 2- Relación de prezos medios de execución material definida polos Servizos Técnicos Municipais adxunto á presente Ordenanza para as obras de construción, instalacións e obras non contempladas no apartado anterior.

1.Demolicións:

1.a. Demolicións de muros de carga de todo tipo incluída a retirada de escombro : 45,82 €/m3

1.b. Demolicións de tabiques incluída a retirada de escombros : 5,72 €/m2.

1.c. Demolicións de soleiras de formigón incluída a retirada de escombros: 10,18 €/m2.

1.d. Demolición completa de edificación incluída a retirada de escombro : 12,73 €/m2.

2.Movemento de terras:

2.a. Escavación de gabias en terreos compactos, medios manuais: 30,55 € /m3.

2.b. Escavación de gabias en terreos compactos, medios mecánicos: 15,27 € /m3.

2.c. Baleirados: 2,67 €/m3.

2.d. Recheo de gabias: 19,09 €/m3.

2.e. Aterraplenado compactado con solo seleccionado: 12,09 €/m3.

2.f. Carga e transporte a vertedoiro: 06,36 €/m3.

3.Cerramentos / Peches de fincas:

3.a. Cerramentos de postes e arame sen zócalo: Peches completamente diáfanos, sobre piquetes sen cimentación de obra de fábrica, 19,05 €/ml.

3.b. Cerramentos de postes e tea metálica con zócalo de ata dúas fiadas de bloque: 38,19 €/ml.

3.c. Cerramentos de zócalo mais tea metálica ( 0,60 m de fábrica+1,00 m de tela ): 70,01 €/ml.

3.d. Cerramentos de zócalo de fábrica de bloque peches non diáfanos ou de fábrica, ( h=1,50 m) : 76,38 €/ml.

3.e. Cerramentos de manpostería ( 1m ) mais enreixado metálico: 159,12 €/ml

3.f. Cerramentos de manpostería: 254,60 €/m3.

3.g Instalación de postes, dos apoios das redes e infraestruturas aéreas de servizos públicos, cunha distancia entre postes, de media 40 mts, i/ dado de cimentación e cableado aéreo baixa tensión. 271,00 €/ml.

4. Reparacións de cuberta:

4.a. Cuberta de pranchas prefabricadas onduladas incluído desmontaxe da cuberta existente 28,00 €/m2.

4.b. Cuberta de de pranchas prefabricadas ondulada mais tella incluído desmontaxe da existente: 66,19 €//m2.

4.c. Cuberta de tella sobre estrutura existente: 35,64 €/m2.

4.d. Cuberta de panel sandwich incluso desmontaxe da cubrición existente : 61,10 €/m2

5. Albanelería:

5.a. Tabiqueria de ladrillo : 22,91 €/m2.

5.b. Cerramentos (dobre folla): 52,19 €/m2.

5.c. Recebados: 14,00 €/m2.

5.d. Soleiras pavimentos de formigón: 22,91 €/m2.

5.e. Beirarrúas incluída soleira de formigón: 31,82 €/m2.

5.f. Alicatados: 26,63 €/m2.

5.g. Solados: 35,64 €/m2.

5.h. Picado de fachadas: 17,82 €/m2

5.i. Encintado de fachadas de pedra: 15,27 €/m2

5.j. Aplicación de revocos proxectadas: 22,91 €/m2

6.Carpintería:

6.a. Peche de balcóns, terrazas (galerías): 178,22 €/m2.

6.b. Instalación de porta de entrada: 407,36 €/Ud.

6.c. Instalación de porta interior: 152,76 €/Ud.

6.d. Instalación de fiestra: 165,49 €/m2

6.e. Instalación de fiestra: tipo ¿velux" : 292,79 €/m2.

6.f. Formación / instalación de piso de madeira : 50,92 €/m2

6.g. Apertura de ocos en muros: 101,84 €/m2.

6.h. Portal de acceso á finca : 114,57 €/m2

7. Instalación de aseo completo: 1.400,03 €/ud.

8. Instalación de baño completo: 1.654,90 €/ud.

9. Instalación de cociña: 1.782,20 €/ud.

10. Instalación eléctrica en vivenda: 1.527,60 €/ud.

11 .Instalación de calefacción en vivenda: 3.564,40 €/ud.

12. Pinturas

12.a. Pintura interior en paramentos verticais e horizontais : 5,72 €/m2

12.b. Pintura exterior en paramentos verticais : 8,27 €/m2

13.Pozos de captación e piscinas:

13.a. Pozo de barrena: 1.654,90 €//ud.

13.b. Pozo artesiano: 2.291,40 €/ud.

13.c Piscina prefabricada aceiro ou fibra (m2 lámina de auga) 230,00 €/m2

13.c Piscina de formigón armado, impermeabilizada pvc (m2 lámina de auga) 526,00 €/m2.

14. Instalación e conexión Fosa séptica: 1.782, 20 €/ud.

15. Formación de salvafoxos con tubo de formigón de entre 250 a 400 mm. de diámetro e formigonado superior : 50,92 €/ml

No caso de non estar incluído algunha actuación solicitada (licenza ou comunicación previa) en calquera dos apartados anteriores, se valorará aplicando o o orzamento presentado. O tipo de gravame do imposto para este Concello indicado no artigo 4 apartado terceiro ( 2,5 por cento).