Paderne - Ordenanza fiscal reguladora da taxa por subministro e utilización de auga potable

Publicación provisional: 18/11/2003 BOP Nº: 265

Publicación definitiva: 30/12/2003 BOP Nº: 298

Aplicable dende: 01/01/2004

Artigo 1. Fundamento e obxecto.

En uso das facultades concedidas polos artigos 133.2 e 144 da Constitución e polo artigo 106 da Lei 7/85, de 2 de abril, Reguladora das Bases do Réxime Local, e de conformidade co disposto nos artigos 15 a 19 da Lei 39/88, do 28 de decembro, reguladora das facendas locais, o Concello de Paderne establece a taxa por distribución de auga, colocación e utilización de contadores e instalacións análogas, a que se refire o artigo 20.3.t) da citada Lei 39/88, que se rexerá pola presente Ordenanza Fiscal, e de acordo co artigo 58 da citada Lei reguladora das facendas locais.

Artigo 2. Feito imponible.

Constitúe o feito imponible desta taxa a prestación dos servicios de subministro de auga potable polo Concello de Paderne.

Artigo 3. Beneficios fiscais.

Aplicaranse os beneficios fiscais previstos en normas con rango de lei e nos tratados internacionais.

Artigo 4. Suxeitos pasivos.

1. É suxeito pasivo, en concepto de contribuínte, a persoa física ou xurídica e as entidades as que se refire o artigo 33 da Lei Xeral Tributaria que sexan usuarias ou que se beneficien dos servicios prestados por este Concello.

2. Responderán solidariamente das obrigacións tributarias do suxeito pasivo, as persoas físicas e xurídicas as que se refiren os artigos 38.1 e 39 da Lei Xeral Tributaria.

3. Serán responsables subsidiarios os administradores das sociedades e os síndicos, interventores e liquidadores de quebras, concursos, sociedades e entidades en xeral, nos supostos e co alcance que sinala o artigo 40 da Lei Xeral Tributaria.

Artigo 5. Base imponible.

A cota determinarase en función dos seguintes elementos que se determinan nas tarifas:

1. Por acometida á rede.

2. Cota variable en función do consumo realmente efectuado.

Artigo 6. Tarifas.

1.-Por acometida á rede
Todo abonado, por acometida á rede, por unha soa vez satisfará a tarifa que a continuación se sinala, en función do uso a que se destine o subministro
1. A acometida á rede de auga potable, por vivenda unifamiliar, establecemento comercial ou finca agrícola que sexa autorizado para utilizar o servicio, gravarase con	1.352,28
2. A acometida á rede de auga potable por industria que sexa autorizada a utilizar o servicio gravarase con	1.803,04
3. A acometida da rede de auga potable, por obra que sexa autorizada -con unha duración máxima de 12 meses- para utilizar o servicio gravarase con	300,51
2.-Consumo
1. Tarifa fixa por establecemento do servicio de auga potable, mantenemento da rede, man de obra de conservación de contadores, ó ano	18,00
2. Tarifa de consumo de abonados domésticos, comerciais e agrícolas, por metro cúbico
2.1. Ata 438 m³/ano	0,00
2.2. Máis de 438 m³/ano e ata 876 m³/ano	0,20
2.3. Máis de 876 m³/ano	1,00
3. Tarifa de abonados industriais, por metro cúbico
3.1. Industrias con superficie cuberta de 300 m² (pagarán idéntica tarifa que a doméstica)
3.2. Industrias con superficie cuberta a partir de 300 m² (por cada 100 m² que excedan da tarifa anterior, ampliaranse os límites e/ou cantidades de consumo nun 10% a efectos de determinar o precio por m³)
4. Tarifa de consumos de obras e outros usuarios,
4.1. Ata 30 m³/ano	0,85
4.2. Máis de 30 m³/ano	1,00

Artigo 7. Devengo.

Devéngase a Taxa e nace a obriga de contribuír polos conceptos fixos, incluídas tarifas mínimas, dende que se solicita a prestación do servicio ou dende que se utiliza o mesmo sen estar debidamente autorizado, e en consecuencia, dende que se inicie a posibilidade, por parte do usuario, de utilización do servicio. O período impositivo das cotas sucesivas e polos consumos de auga coincidirá co mes natural, devengándose o primeiro día do mes seguinte, salvo en caso de baixa, en que se devengará a taxa o día da última lectura de consumo.

Artigo 8. Normas de xestión.

1. A xestión e recadación desta taxa corresponderá ós servicios do Concello de Paderne.

2. A formalización do contrato de abono supón a alta na Taxa. O cobro das cotas realizarase como máximo en doce liquidacións anuais, podendo agruparse períodos bimensuais, trimestrais ou anuais, sen que sexa necesaria a notificación das cotas sucesivas que se deriven da súa declaración de alta, sen prexuízo da remisión do recibo correspondente cós detalles da súa facturación.

3. Para o non previsto nesta ordenanza, aplicarase a Ordenanza Reguladora do Servicio.

Artigo 9. Infraccións e sancións tributarias.

Para a cualificación das infraccións tributarias, así como das sancións que ás mesmas corresponden en cada caso, estarase ó disposto nos artigos 77 e seguintes da Lei Xeral Tributaria e na Ordenanza Xeral de Xestión

Disposición final

A presente Ordenanza, aprobouse definitivamente con data 26 de decembro de 2003, comenzará a rexer con efectos do día 1 de xaneiro de 2004 e surtirá efectos en tanto non se acorden a súa modificación ou derrogación.