Padrón - ORDENANZA FISCAL REGULADORA DE LA TASA POR ENTRADA DE VEHÍCULOS A TRAVÉS DE LAS ACERAS Y POR RESERVA DE LA VÍA PÚBLICA PARA APARCAMIENTO EXCLUSIVO

No uso das facultades concedidas polos artigos 133.2 e 142 da Constitución e polo artigo 106 da Lei 7/85 de 2 de abril, reguladora das Bases do Réxime Local, este Concello establece a taxa por utilización privativa do dominio público local pola entrada de vehículos a través das beirarrúas e reserva de vía pública para aparcamento exclusivo, a que se refire o artigo 20.1a) do TRLRFL, aprobado por Real Decreto Lexislativo 2/2004 de 5 de marzo, que se rexerá pola presente Ordenanza fiscal, cuxas normas atenden ó disposto nos artigos 20 e 57 do citado TRLRFL.

Constitúe o feito impoñible a utilización privativa ou aproveitamento especial do dominio público local pola ocupación do mesmo para a entrada de vehículos a través das beirarrúas ou pola reserva da vía pública para aparcamento exclusivo.

Son suxeitos pasivos, en concepto de contribuíntes, as persoas físicas e xurídicas e as entidades a que se refire o artigo 35.4 da Lei 58/2003 de 17 de Decembro, Xeral Tributaria, que disfruten, utilicen ou aproveiten especialmente o dominio público local en beneficio particular.

Terán a condición de substituto do contribuínte os propietarios das fincas ou locais que den acceso as entradas de vehículos que poderán repercutir, no seu caso, as cotas sobre os beneficiarios.

A base impoñible estará constituída polo número de metros de lonxitude da entrada ou paso de vehículos a través de beirarrúas, ou ben polos metros cadrados ocupados pola reserva de vía pública para o aparcamento exclusivo noutro suposto.

A cota resultará de aplicar as seguintes tarifas:

-Por cada metro lineal ou fracción de ocupación de dominio público para paso de vehículos: o 1º ano, 16,44 euros; os seguintes, 6,58 euros.

-Por cada metro cadrado de reserva de espazo: 6,58 euros.

O período impositivo coincide co ano natural, excepto cando se trate de supostos de inicio da utilización privativa ou aproveitamento especial do dominio público local, en tal caso abarcará dende a data da concesión da autorización municipal ata o fin do ano natural.

A taxa devengarase o un de xaneiro de cada ano nos supostos de autorizacións anuais e as cotas serán irreducibles, salvo que a data de inicio non coincida coa do devengo en tal caso as cotas calcularanse proporcionalmente ó número de trimestres naturais que resten para rematar o ano, incluído o do inicio da utilización ou aproveitamento. No caso de cese prorratearase polo número de trimestres transcorridos, incluíndo no prorrateo aquel no que se produce o cese.

A taxa xestionarase a partir do Padrón da mesma, comprensivo dos suxeitos pasivos e das cotas tributarias. No caso de concesión de licencia, practicarase a liquidación correspondente, notificándoselle ó suxeito pasivo para que proceda ó ingreso da cantidade correspondente.

Por todo o relativo á cualificación das infraccións tributarias e a determinación das sancións correspondentes estarase ó previsto nos artigos 183 e seguintes da Lei Xeral Tributaria.

A modificación da presente Ordenanza fiscal, que foi aprobada polo Pleno deste Concello en sesión celebrada o 12 de Novembro de 2007, entrará en vigor o mesmo día da súa publicación no Boletín Oficial da Provincia, e será de aplicación ata que se acorde a súa modificación ou derogación expresa.