Mesía - ORDENANZA REGULADORA DO PREZO PÚBLICO POR PRESTACIÓN DE SERVIZOS DEPORTIVOS E CULTURAIS NO CONCELLO DE MESÍA
Artigo 1º .- Fundamento e natureza
Artigo 2º.- Actividades gravadas
Constitúe servicio ou actividade gravada por este prezo público a prestación de actividades culturais consistentes en:
A.-Actividades manuais: manualidades, pintura, encaixe de bolillos e outras análogas.
B.-Actividades formativas: animación á lectura e psicomotricidade, obradoiro de contos, obradoiro de idiomas, actividades musicais e outras análogas.
C.-Visitas de carácter cultural, xeográfico e etnográfico: excursións para o coñecemento do contorno na Comunidade Autónoma ou fóra dela, sendeirismo fóra do Concello, visitas a exposicións ou museos e outras análogas.
Así mesmo,constitúe servicio ou actividade gravada por este prezo público a prestación de actividades deportivas consistentes en:
A.-Escolas deportivas municipais: ximnasia de mantemento, ximnasia de mantemento para a terceira idade, voleibol, patinaxe, fútbol-sala, baloncesto, tenis, xogos psicomotrices e outras de natureza análoga.
B.-Actividades acuáticas en piscina: natación (distintos niveis).
As actividades programadas nos eventos deportivos (día do deporte, festas da auga, xogos populares, tolo-olimpiadas,...). así coma o senderismo dentro do Concello, non están suxeitas a prezo de ningún tipo.
Artigo 3º.- Suxeitos obrigados ó pagamento.
Son suxeitos obrigados ó pagamento as persoas físicas que, tendo solicitado a súa participación nas actividades culturais ou deportivas organizadas, sexan admitidas polo servicio correspondente.
Artigo 4º.-Contías das actividades gravadas.
1.-O importe do prezo público fixado cubrirá, como mínimo, o custo das actividades prestadas, podendo así fixarse un prezo público por debaixo do custo cando existan razóns sociais benéficas, culturais ou de interese público que así o aconsellen. Especialmente nos casos enunciados no apartado 3 deste artigo.
2.-A contía do prezo público determinarase aplicando as tarifas seguintes e en función do número de horas prestadas en cada actividade:
Tarifa primeira: actividades culturais programadas.
A.-Actividades manuais: manualidades, pintura, encaixe de bolillos e outras análogas: 1,20 euros/hora.
B.-Actividades formativas: animación á lectura e psicomotricidade, obradoiro de contos, obradoiro de idiomas, actividades musicais e outras análogas: 1,20 euros/hora.
C.-Visitas de carácter cultural, xeográfico e etnográfico: excursións para o coñecemento do contorno na Comunidade Autónoma ou fóra da Comunidade Autónoma, sendeirismo fóra do Concello, visitas a exposicións ou museos e outras análogas:
- Dentro da Comunidade Autónoma.
- Con comida incluída: 15,00 euros/día.
- Sen comida incluída: 6,00 euros/día.
- Fóra da Comunidade Autónoma: dividirase o custo da actividade (incluido o transporte) entre o número de solicitantes.
Tarifa segunda: actividades deportivas programadas.
A.- Escolas deportivas municipais que se programen con carácter anual: ximnasia de mantemento, ximnasia de mantemento para a terceira idade, voleibol, patinaxe, fútbol-sala, baloncesto, tenis, xogos psicomotrices e outras de natureza análoga:
- 1 actividade/ano/2 horas á semana: 32,00 euros.
- 2 actividades/ano/2 horas á semana: 52,00 euros.
- 3 actividades/ano/2 horas á semana: 72,00 euros.
- Máis de 3 actividades: 96,00 euros.
Para actividades que non se desenvolvan con carácter anual, a tarifa será de 0,90 euros/hora.
B.-Actividades acuáticas en piscina: natación (distintos niveis): 6 euros (por toda a temporada de apertura da piscina municipal ó ano).
3.- O Concello de Mesía resérvase o dereito de programar cursos ou actividades de carácter gratuíto ou cunha reducción de contías de ata un porcentaxe do 100% para determinados colectivos con escasos recursos que se consideren desfavorecidos, previo informe da Área de Servicios Sociais, e/ou que sexa necesaria a súa formación neste campo, previo informe da Área de Educación. En ningún caso poderán disfrutar de reducción da tarifa as unidades familiares que superen en 2 veces o IPREM.
4.- Para persoas que acrediten formar parte de familia numerosa, para cursos ou actividades, a contía verase reducida nun 50%. As persoas que acrediten figurar nos rexistros do paro, terán unha unha reducción do 30% da tarifa. Finalmente, cando se inscriban, polo menos, tres participantes dunha mesma unidade familiar nun mesmo programa deportivo, aplicaráse o desconto do 50% ás cotas correspondentes ós menores de idade integrantes dela. A estes efectos, para a determinación da existencia ou non de unidade familiar, estaráse ó previsto no artigo 84 do RDLex. 3/2004, do 5 de marzo, polo que se aproba o Texto Refundido da Lei do IRPF.
Artigo 5º.-Obriga de pagamento.
A obriga de pagamento nace dende que se inicia a prestación da actividade cultural ou deportiva, se ben este Concello poderá esixir o depósito previo no momento da inscrición.
Artigo 6º .- Normas de Xestión
1.- O prezo público esixirase en réxime de autoliquidación.
2.- Os interesados na prestación destes servizos deberán presenta-la solicitude de matrícula nos prazos que se fixen para cada ano pola Área de Cultura e Deporte. No momento de presentación da solicitude, xurdirá o dereito a favor do Concello para o cobro do prezo. As baixas causadas polos abonados en calquera dos servizos especificados na tarifa surtirán efecto ó finalizar o período de abono ou do servizo concertado e, en ningún caso, terán dereito ó reintegro das cotas satisfeitas.
3.- A cota anual é obrigatoria dende o primeiro día de cada curso, ou aquel en que teña lugar a reincorporación ou alta, debendo satisfacerse nas contas abertas a nome do concello en calquera entidade colaboradora.
4.- En calquera momento e a requerimento de Intervención, o responsable das actividades poderá esixir ós suxeitos pasivos da taxa os xustificantes das liquidacións efectuadas, que non consten na Intervención deste Concello.
5.- As débedas non satisfeitas nos termos deste artigo esixiranse por vía de constrinximento de acordo co que dispón o Regulamento xeral de recadación.
6.- Nos supostos en que a actividade a desenvolver, previa autorización, non se encontre tarifada na presente ordenanza ou resulte necesaria a modificación ou actualización das contías, delégase na Xunta de Goberno Local, conforme o artigo 23.2 b) da Lei 7/85, do 2 de abril, o establecemento da tarifa a proposta do Servicio Técnico co previo informe da Intervención municipal.
Artigo 7º .- Exencións e bonificacións
Soamente a cota do prezo público polos servizos deportivos poderá reducirse pola aplicación das seguintes bonificacións:
* As persoas que acrediten formar familia numerosa, o 50% da cota en cada actividade.
* Cando se inscriban, polo menos, tres participantes dunha mesma unidade familiar nun mesmo programa deportivo, aplicarase o desconto do 50% ás cotas correspondentes ós menores integrantes dela.
* As persoas que acrediten debidamente figurar nos rexistros do paro, terán unha bonificación do 30% da tarifa.
* As persoas que acrediten a súa falta de capacidade económica para o pagamento da tarifa correspondente segundo o informe dos Servizos Sociais do Concello de Mesía ó respecto, o 100% da cota.
* As persoas que se inscriban en máis dunha actividade se lle aplicará o seguinte desconto: por dúas actividades, o 20 % do total, por tres actividades, o 25 %.
Estes beneficios fiscais só serán aplicables a aquelas persoas que figuren empadronadas no concello de Mesía.
Artigo 8º .- Infraccións e sancións
En todo o relativo á calificación de infraccións tributarias e sancións, ademais do previsto nesta ordenanza, estarase ó diposto nos Capítulo II do Título IV da lei xeral tributaria e demais normativa aplicable.
DISPOSICIÓN FINAL
A presente ordenanza entrará en vigor ó día seguinte da súa publicación no Boletín Oficial da Provincia, permanecendo en vigor ata a súa modificación ou derogación expresa."