Lousame - Ordenanza fiscal reguladora do prezo público por utilización do Ximnasio Municipal

En virtude do establecido no artigo 41 da Lei reguladora das facendas locais, de acordo coa redacción dada pola Lei 25/1998, do 13 de xullo; o Concello de Lousame establece o prezo público polo uso do ximnasio municipal.

Constitúe o feito impoñible o uso das dependencias, locais e aparellos do ximnasio municipal.

Estarán obrigados ó pagamento do prezo público as persoas físicas e xurídicas que soliciten o uso das instalacións do ximnasio municipal.

1.-O prezo público por utilización do ximnasio municipal aboarase polo sistema de autoliquidación.

2.-A tal efecto preséntanse as seguintes opcións:

A.1.) Bono anual de 11 meses. Cota anual de 60,00 euros por persoa, con dereito a tres (3) horas semanais.

A.2.) Bono mensual. Cota de 6,00 euros por persoa, con dereito a tres (3) horas semanais.

A.3.) Bono anual de 11 meses. Cota de 120,00 euros dous (2) días á semana, durante dúas (2) horas por clubes ou asociacións deportivas legalmente constituídos."

Terán bonificación do 50% do prezo público os minusválidos e mailos titulares de carné xove, así como os voluntarios da Agrupación de Voluntarios de Protección Civil de Lousame e os voluntarios do grupo de voluntariado do Concello de Lousame.

1.-Os interesados na utilización do ximnasio municipal solicitarán por escrito autorización, sinalando os días e horas a que opte.

2.-Concedida a autorización, ingresará en Tesourería municipal o importe do prezo público que corresponda, entregándoselle documento acreditativo dos seus dereitos, no que constarán os días e horas que lle corresponden.

O prezo público por utilización do ximnasio municipal e maila ordenanza correspondente, foron acordadas polo Pleno da Corporación municipal en sesión do 17 de novembro de 2000.

Comezará a rexer unha vez publicada no BOP, permanecerá en vigor ata que se acorde a súa modificación ou derrogación expresa.