Lousame - REGULAMENTO REGULADOR DO REXISTRO MUNICIPAL DE ASOCIACIÓNS DO DONCELLO DE LOUSAME

O fenómeno do asociacionismo, de gran importancia no ámbito local, vese reforzado en virtude da Lei 57/2003, de 16 de Decembro, de Medidas para a Modernización do goberno local, mediante unha profundización na regulación da participación dos veciños nos asuntos municipais.

Dita participación, require duns cauces normativos específicos, e , un paso adiante para a mesma, o constitúe a creación dun Regulamento regulador do rexistro municipal de asociacións.

Constitúese o Rexistro de Asociacións do Concello de Lousame cos seguintes obxectivos:

a) Establecer e definir un marco común de relación entre las asociacións existentes no termo municipal e o Concello .

b) Articula-la actuación subsidiaria en materias obxecto de interese común.

c) Plasmar un cauce de colaboración entre o Concello e as referidas asociacións.

d) Regulamentar o réximen de outorgamento de subvencións municipais a favor das asociacións, así como os requisitos ou obrigas mínimas para acceder ás mesmas.

Poderán obter do Concello de Lousame a condición de "Asociación Municipal", aquelas entidades que cumpran cos seguintes requisitos:

a) Revestir a natureza de persoa xurídica asociativa.

b) Estar inscrita neste concepto no Libro do Rexistro de Asociacións do Concello de Lousame, cumprindo tódolos trámites requiridos para a súa inscrición.

c) Ter o seu domicilio social ubicado no termo municipal.

d) Ter como obxecto social calquera das seguintes actividades: social, cultural, deportiva, ecolóxica o lúdica.

1. Non poderán, en ningún caso, obter a condición de "Asociación Municipal" aquelas entidades que teñan finalidades susceptibles de lesiona-los dereitos e liberdades constitucionais, que sexan constitutivas de infracción penal, ou que, en xeral, sexan contrarias o ordenamento xurídico vixente.

Para a obtención da condición de "Asociación Municipal" estarase o seguinte procedemento:

1. O presidente da entidade deberá presentar no Rexistro Xeral do Concello a seguinte documentación:

a) Instancia dirixida ó Alcalde na que solicite, en nome da entidade, a inscrición no Rexistro Municipal de Asociacións.

b) Certificación do órgano competente da entidade no que se acorde solicitar do Concello a referida inscrición.

c) Copia dos seus Estatutos, da Acta de constitución, localización da sede social e relación dos membros que compoñen a directiva.

d) Memoria das actividades realizadas pola entidade nos últimos años.

e) C.I.F.

f) Orzamento vixente da entidade.

2. No suposto de que a documentación sexa incompleta ou non reúna as condicións esixidas no apartado anterior, a Alcaldía requirirá á Entidade para que proceda a súa subsanación, con advertencia de que de non proceder en tal sentido no prazo de 30 días, a petición terase, previa Resolución de la Alcaldía, por desistida, e en consecuencia, arquivada.

3. Previa calificación da documentación validamente aportada, a Alcaldía disporá, mediante Resolución, la inscrición da entidade, no Rexistro Municipal de Asociacións.

Esta Resolución poderá ser recurrida potestativamente en reposición ante a propia Alcaldía, dacordo co disposto na Lei 30/1992, de Réximen Xurídico das Administracións Públicas e do Procedemento Administrativo Común e na Lei 7/1985, de 2 de abril, reguladora de las Bases del Réximen Local, e en todo caso poderá ser objeto de recurso contencioso - administrativo, ante la xurisdicción competente nos termos e prazos a tal efecto establecidos na Lei 29/1998, do 13 de xullo, Reguladora da Xurisdicción contencioso - administrativa.

1. As Asociacións inscritas que desexen obter axudas económicas do Concello de Lousame deberán presenta- la seguinte documentación:

a) Instancia firmada polo Presidente da entidade dirixida á Alcaldía na que solicite, en nome da entidade, o outorgamento da axuda de que se trate.

b) Orzamento aproximado das actuacións que deban ser subvencionadas.

c) No seu caso, Nº de conta córrente, a nome da asociación.

d) Declaración xurada do Presidente da Entidade na que exprese o seu compromiso de aplica-lo importe da axuda ás actuacións subvencionadas.

e) Calquera outro que puidese estar recollido na Ordenanza xeral de subvenciones do Concello de Lousame.

2. A Alcaldía (ou a Xunta de Goberno Local por delegación), previa valoración da documentación expresada no apartado anterior, e existiendo consignación presupostaria suficiente, disporá mediante a correspondente Resolución o outorgamento da correspondente axuda.

3. A axuda referida no apartado anterior abonarase na conta corriente de titularidade da Entidade, previa xustificación válida de tódolos gastos realizados.

1.As Entidades rexistradas poderán colaborar ou organizar conxuntamente co Concello de Lousame, actividades de interese común.

2.Ós efectos de solicitar axudas económicas ó Concello, estarase ó disposto no artigo anterior, e na ordenanza Xeral de Subvencións do Concello de Lousame.

3.Para a realización de actividades conxuntas co Concello, as Entidades colaboradoras designarán a unha persoa membro da mesma, en calidade de delegado e responsable.

4.Na realización de actividades conxuntas, o Concello de Lousame, en todo caso, ostentará a potestade de dirección superior.

As Entidades rexistradas poderán solicitar e, no seu caso, obter do Concello a cesión gratuíta do uso de terreos e/ou locais municipais, para a realización das súas actuacións, nos términos impostos no acordo resolutorio. No caso de denegarse a solicitude, a desestimación haberá de ser motivada.