Carballo - ORDENANZA REGULADORA DO ESTACIONAMENTO DE HORARIO LIMITADO NA QUE SE DENOMINA ZONA AZUL

De conformidade co establecido no artigo 25 da Lei de bases de réxime local, das disposicións contidas no RDL 339/90, que aproba o texto articulado da Lei sobre tráfico, circulación de vehículos a motor e seguridade vial, e da Lei 5/97, do 24 de marzo, de reforma do texto articulado da Lei 339/90 dita, díctase a presente ordenanza que ten por obxecto fixar medidas de estacionamento limitado, co fin de garantir a rotación dos vehículos.

O ámbito de aplicación da presente ordenanza estenderase a aquelas vías ou tramos destas que se relacionan de seguido, denominado "zona azul", durante o seu horario de funcionamento.

- Rúa Cervantes, marxe esquerda

- Rúa Colón, marxe esquerda

- Rúa Desiderio Varela

- Rúa Coruña, desde Desiderio Varela ata a rúa Hórreo

- Rúa Hórreo

- Rúa Valle Inclán, ata a súa confluencia coa rúa Rosalía de Castro

1.-A zona azul comprende a superficie do término municipal sinalada no artigo anterior e o seu réxime de estacionamento queda sometido ás normas desta ordenanza.

2.-Dentro da zona azul e durante o seu funcionamento, no hai libre aparcamento, senón que tódolos espacios están suxeitos ó réxime de estacionamento limitado, salvo que estea reservado ou prohibido expresamente, neste caso estarán sometidos ó réxime xeral de prohibición.

1.-Corresponde ó Pleno a fixación e modificación do perímetro da zona azul.

1.-Sinalización vertical da zona azul.

a) Tódalas entradas e saídas estarán indicadas mediante sinais verticais e específicos de comezo e fin da zona azul.

b) O formato dos sinais verticais ditos no apartado anterior será o establecido no anexo III desta ordenanza.

2.-En canto á sinalización horizontal, os espacios estarán delimitados mediante liñas descontinuas de cor azul.

Dentro da zona, o conductor, ó aparcar, ten a obriga de coloca-lo disco de control no parabrisas do seu vehículo, no lado máis próximo á beirarrúa, ou calquera outro medio indicador que permita comprobar a hora de chegada.

O disco de control consiste nunha pequena roda de 11 x 11 cm aproximadamente, onde na ventá da esquerda deberá figura-la hora de chegada que fixará o conductor ó xira-lo disco e automaticamente aparecerá na ventá da dereita a hora límite á que ten que abandona-lo lugar, de acordo coa franxa horaria establecida na presente ordenanza.

Non poderán estacionar na zona azul:

1.-Os vehículos de PMA superior a 1.000 kg, salvo autorización expresa.

2.-Os vehículos que realicen operacións de carga e descarga, salvo que tivesen lugar nos espacios expresamente habilitados para tal fin ou o fixesen coa oportuna autorización municipal.

Están exentos das limitacións de estacionamento de "zona azul":

1.-Os vehículos que dispoñan de título habilitante especial outorgado polo Concello.

2.-Aqueles vehículos que tivesen licencia municipal para actividades específicas de ocupación de vía pública.

3.-Os vehículos oficiais do Estado, comunidades autónomas e entidades locais adscritos á defensa nacional ou á seguridade cidadá.

4.-Os vehículos de representacións diplomáticas, oficinas consulares, axentes diplomáticos e funcionarios consulares de carreira acreditados en España, que sexan súbditos dos respectivos países, externamente identificados e a condición de reciprocidade na súa extensión e grao.

Así mesmo, os vehículos dos organismos internacionais con sede ou oficina en España e dos seus funcionarios ou membros con estatuto diplomático.

5.-As ambulancias e vehículos dos servicios de urxencia, cando se atopen cumprindo tales servicios.

Considéranse infraccións a esta ordenanza:

a) Estacionar en zona limitada e excede-lo tempo máximo autorizado reflectido no disco de control.

b) Estacionar en zona limitada sen ter colocado no vehículo o disco de control, ou elemento que o substitúa á vista.

c) Estacionar en zona limitada e te-lo disco de control, ou elemento que o substitúa colocado de forma non lexible.

d) Estacionar en zona limitada e indicar, no disco de control ou elemento que o substitúa, un horario distinto ó de chegada.

e) Estacionar en zona limitada e modifica-lo horario no disco de control, ou elemento que o substitúa sen retirar antes o vehículo a máis de 250 m do lugar de chegada.

Sen prexuízo da denuncia correspondente, o Concello poderá adoptar, nos supostos de infracción previstos no apartado 1 do artigo anterior, as medidas cautelosas seguintes:

1.-A inmobilización do vehículo en tanto non se identifique ó seu conductor.

2.-A retirada do vehículo da vía pública e o seu traslado ó Depósito municipal.

O axente encargado da vixilancia en zona azul poderá requiri-lo servicio do guindastre municipal ou, se é o caso, do privado, para retira-lo vehículo que incumpra as normas na presente ordenanza.

- Exceder no dobre o tempo máximo autorizado segundo a hora reflectida no disco de control ou noutro medio que o substitúa.

- Carecer de disco de control á vista, ou doutro medio que o substitúa.

Procedemento sancionador

O procedemento sancionador aplicable ás infraccións desta ordenanza será o establecido na normativa e o que no seu día figure na futura Ordenanza xeral de circulación.

Establécese o seguinte cadro de infraccións e multas:

 

Esta ordenanza entrará en vigor ó mes da súa publicación no Boletín Oficial da Provincia.