Brión - Regulamento de réxime interior para o funcionamento da escola infantil municipal

O presente regulamento ten por obxecto regular e ordenar o funcionamento interno e máis o sistema de adxudicación de prazas da Escola Infantil Municipal de Brión, baseándose na normativa autonómica existente.

 Definición: Escola Infantil 0-3 anos

 Datos identificativos:

a) Escola Infantil Municipal de Brión

b) Domicilio: urbanización Agro Novo 125, 15280 - Os Anxeles (Brión)

c) Tfno: 981 887742

d) Mail: garderia@briondixital.org

e) Responsable do centro: María Dolores Campos Lueiro

f) Responsable dirección administrativa: M.ª Victoria Varela Rodríguez

g) Responsable xestión administrativa: Águeda Paz Seijas

 Titularidade: municipal (Concello de Brión)

 N.º Inscrición en rexistro de entidades: F00259-C-002

 Permiso de inicio de actividades: 05/07/2002

 Representante legal: D. José Luis García García (alcalde-presidente)

 Domicilio: carballeira de Santa Minia, 2. 15865 - Brión

 Tfno. 981 887006

 Mail: cbrion@tresnet.com

 Autorizacións: autorización administrativa para modificación substancial: 04/12/2008

 Xestión:

a) Da función docente, asistencial e de organización diaria: directa, ao través de contratación de persoal municipal

b) Do servizo de comedor: por subcontrata a empresa autorizada: Manuel Romero Pérez (33.269.721-N). Riveira

 Capacidade do centro:

a) N.º total de unidades: 6

b) N.º unidades 0-1 anos: 2 (8 nenos/as por unidade) = 16

c) N.º unidades 1-2 anos: 2 (13 nenos/as por unidade) = 26

d) N.º unidades 2-3 anos: 2 (20 nenos/as por unidades) = 40

e) Total capacidade simultánea: 82 prazas

 Servizos:

a) Horario amplo: 7.30 a 19.00 sen límite de prazas ata o máximo autorizado (82)

b) Almorzo: 7.30-9.30 (aportando alimentos dende domicilios). Sen límite de prazas

c) Xantar: 12.30-14.00 (empresa katering). Sen límite de prazas para nen@s de máis de 12 meses

d) Merenda: 17.00-18.00 (aportando alimentos dende domicilios). Sen límite de prazas

Pto. 1. Pedagóxicos:

a) Construír progresivamente unha autoimaxe do nen@ positiva e axustada, logrando manifestar as súas necesidades máis frecuentes relacionadas co benestar (alimentación, hixiene, xogo...).

b) Promover a progresiva autonomía do nen@ no centro, para que colabore activamente en todas as tarefas cotiáns.

c) Proporcionar un ambiente de seguridade e afecto ao través da relación de calidade cos educador@s.

d) Desenvolver hábitos básicos de comportamento e hixiene.

e) Favorecer a aprendizaxe da linguaxe verbal.

f) Establecer un bó clima de colaboración entre o centro e a familia.

g) Administrativos.

Pto. 2. Administrativos:

a) Manter actualizados os expedientes persoais dos nen@s.

b) Remitir ás familias a información correspondente.

Pto. 3. Organizativos:

a) Manter unha estrutura organizativa clara e coherente, na que cada profesional teña presente cáles son as súas funcións, dereitos e deberes.

Pto. 4. Institucionais:

a) Velar polo bo funcionamento do servizo

b) Velar pola estricta aplicación dos criterios de uso

Pto. 1.

A insistencia d@ usuari@ por un período determinado, xustificado ou non, non da dereito á redución das tarifas, mentres non se formalice a baixa definitiva ou temporal correspondentes.

Pto. 2.

Con caracter excepcional poderase solicitar exención temporal de pagamento por causas de enfermidade d@ usuari@, dende o primeiro día do segundo mes posterior ó comezo da ausencia (aboaranse completos tanto o mes de inicio da baixa por enfermidade como o seguinte), ate o primeiro día do mesmo mes de incorporación (si a incorporación se produce despois do día 15, poderase solicitar ademais a redución do 50% do importe correspondente a ese mes).

Esta excepción de pago de taxas por enfermidade poderá ser aplicada como máximo a un total de 3 mensualidades consecutivas. Para facer uso efectivo deste dereito será necesario:

a) Formular a solicitude por escrito ante o Departamento de Servizos Sociais (a data de efectos da baixa será a data do escrito de solicitude, e non a data na que o neno/a deixara de asistir á E.I.M.).

b) Acompañar informe médico que xustifique a causa de enfermidade

Pto. 3.

Si por motivos diferentes ós períodos vacacionais anuais, o centro permanecera pechado por un período superior a 15 días hábiles consecutivos, non se aboará a tarifa correspondente a ese período.

a) Cada nen@ aportará unha muda completa para deixar no centro, así como unha bolsa de cueiros, toalliñas húmidas,biberón, chupete... O persoal do centro avisará con antelación aos pais para repoñer este material, e a súa falta continuada será causa de non recollida do nen@.

b) Identificaranse as roupas dos nen@s co seu nome e apelido, sobre todo abrigos, xerseis, mochilas, mandilóns..., para evitar posibles confusións.

c) No centro procurarase o uso de roupas cómodas (chándal ou similar).

d) Para asegurar o bo funcionamento do centro, é necesario avisar con antelación cando o nen@ non vaia a asistir

e) Aconséllase que os nen@s non leven á Escola Infantil obxectos de valor (pulseiras, aneis...). No caso de perda ou estrago, o centro quedará excluído de toda responsabilidade.

f) Os nen@s non poderán entrar no centro cos seus propios xoguetes unha vez rematado o período de adaptación.

g) Para calquera consulta sobre a evolución do nen@, cambios de aula, comedor, asesoramento pedagóxico... poderán solicitares citas persoais á dirección, de luns a venres, entre 10.00 e 12.00 horas. Os horarios de titorías do persoal de atención directa estarán expostos na entrada principal.

h) Para a mellor organización das actividades diarias do centro, o horario mínimo de asistencia en horario de mañá, establécese entre as 10.00 e as 12.00 horas, de luns a venres. Durante este período de tempo non se recollerán nin entregarán nen@s salvo causas xustificadas. Exceptúanse desta norma as matrículas que soliciten soamente horario de tarde.

i) Polas mesmas razóns, os nen@s que vaian facer uso do servizo de ¿Comedor Escolar", deberán iniciar o seu horario na Escola Infantil como mínimo, ás 12.30, para non interromper o horario de comidas do resto dos usuari@s.

j) O horario solicitado inicialmente deberá manterse ó longo de todo o curso. Calquera solicitude de cambio deberá ser presentada ante o Departamento de Servizos Sociais, por escrito e alegando e xustificando as causas, e soamente será atendida en caso de dispoñibilidade de prazas nos horarios solicitados.

k) Os nen@s serán recollid@s coa maior puntualidade posible, e somentes serán entregados ás persoas que figuran na folla de inscrición. A relación da E.I.M. serán tanto co pai como coa nai do menor. Nos casos en que se deba entregar ó nen@ a outra persoa (familia extensa, coidador/a...), os pais deberán comunicalo con anterioridade. A dirección do centro resérvase a posibilidade de solicitar a correspondente identificación. De darse unha situación de separación matrimonial (en proceso ou con sentencia) ou disputa pola garda do menor, deberá documentarse ante a Dirección da E.I.M. o procedemento a seguir na entrega do menor (persoas autorizadas, días, períodos, horarios...), que será acordado por ambolos dous pais ou representantes por escrito, ou ratificado xudicialmente. No caso de que non se documente este extremo, a E.I.M. procederá supoñendo total responsabilidade de ambos pais, de xeito indistinto.

l) En ningún caso se poderá deixar aos nen@s na Escola Infantil en horarios diferentes aos contratados, xa que durante eses períodos non surtirá efecto o aseguro escolar obrigatorio.

m) Durante o período de adaptación, os nen@s acudirán á Escola Infantil de xeito progresivo, que irá en aumento en función da súa evolución.

n) Os nen@s que asistan á Escola Infantil, deberán ¿descansar" ao menos durante 1 mes continuado ao ano. Este descanso deberá facerse coincidir dentro do posible co mes de agosto de cada ano, para tentar rendibilizar o funcionamento do centro. Este descanso non se asimila a baixa nin ausencia, polo que se conservará a praza, e non se cobrará a mensualidade correspondente. Só en casos excepcionais, e debidamente documentados, este período de descanso poderá fraccionarse en dúas quincenas.

o) No caso de que a baixa demanda de servizos así o recomende, a E.I.M. poderá permanecer pechada durante os meses de xullo e/ou agosto, en xornada de tarde ou completa. No caso de peche en xornada de tarde, os nen@s que estivesen usando só esa xornada terán opción a ocupar temporalmente aquelas prazas de mañá que quedaran vacantes en xullo e agosto, tendo prioridade os horarios máis amplos.

Os menores usuari@s da Escola Infantil Municipal de Brión e máis os pais/nais ou representantes legais destes, gozarán de tódolos dereitos e liberdades que lles atribúa a lexislación vixente en cada momento, sen máis limitacións que as derivadas da idade no caso dos primeiros. En particular recoñécenselle os seguintes:

Pto. 1. Dereitos:

a) A que as medidas que se adopten non atenten contra a súa liberdade de conciencia cívica, moral ou relixiosa, nin contra a súa dignidade persoal.

b) A recibir un trato igualitario, sen distinción nin discriminación ningunha, con especial mención ás medidas de igualdade entre homes e mulleres, así como o respecto á súa integridade e saúde.

c) A recibiren un tratamento individualizado de contido educativo e informativo de cara á súa integración socio-familiar, que terá como obxectivos prioritarios a protección, educación e formación do menor.

d) A que os menores sexan educad@s para a comprensión, a tolerancia e a convivencia democrática, posibilitándo que poidan facer uso das súas opcións de forma libre e persoal.

e) Ó sixilo profesional a cerca dos datos do seu historial sanitario e socio-familiar.

f) A que lles sexa asignado un titor, que será o responsable directo da aplicación do Proxecto Educativo Individualizado (PEI) e do seguimento da evolución do menor no centro, e que actuará como profesional de referencia en tódalas cuestións que afecten ó menor.

Pto. 2. Obrigas:

a) Cumprir as normas que estableza o centro para o seu bó funcionamento en canto a documentación, asistencia, horarios, prazas, cotas...

b) Manter unha actitude de respecto e consideración co persoal do centro, así coma respectar os dereitos establecidos no punto anterior.

c) Colaborar cos mestres na execución de pautas educativas que requiran continuidade fora do horario escolar.

Se por necesidades propias do servizo ou por necesidade de adaptación a criterios provintes da Vicepresidencia de Igualdade ou calquera outro organismo público do que pase a depender o ordenamento das Escolas Infantís, fose preciso introducir variantes no procedemento de adxudicación de prazas, baremos de admisión, cotas e prezos, ou calesqueira outras que afecten ao funcionamento da E.I.M. de Brión, estas realizaranse ao través de Resolución de Alcaldía previo informe técnico do Consello do Centro (regulado no artigo 16.º pto. 2 deste regulamento), dándose conta ao Pleno na sesión seguinte.

As modificacións que se introduzan na regulación do establecido neste regulamento por calquera outra lei ou disposición, e que resulten de aplicación directa, producirán, no seu caso, a modificación da correspondente ordenanza fiscal.

Pto. 1. Requisitos:

a) Ámbolos dous pais ou representantes legais, e mais o menor para o que se solicita praza, ou no caso de familias monoparentais (viuvez, separacións, divorcio...) a persoa responsable do menor, deberán figurar de alta no padrón municipal de habitantes de Brión na data da solicitude. A estes efectos, o domicilio real e efectivo, ao menos do menor, poderá ser comprobado ao través dos medios municipais necesarios. Excepcionalmente e só no caso no que non se cubran as prazas ofertadas, se poderá obviar o cumprimento deste requisito, a criterio da Comisión de Baremación.

b) O rapaz@ para o/a que se solicita praza deberá ter como mínimo tres meses de idade no momento de ingreso no centro, e non ter cumpridos os tres anos o 31 de decembro do ano no que se solicita praza.

c) No momento de presentación de solicitude de praza (mes de abril ou fóra de prazo), o ne@ para o que se solicite, debe ter nacido. Non se recollerán solicitudes de nen@s que aínda non naceron.

Pto. 2. Integración de nen@s con discapacidade:

a) A integración de nen@s con discapacidade estará supeditada para cada curso á existencia de persoal axeitado e en número suficiente. En ningún caso haberá máis dun nen@ de integración por aula, e a efectos de ratio, estas prazas contabilizaranse como dúas.

Pto. 3. Criterios de prioridade para a adxudicación de prazas:

a) PRIORIDADE 1: RENOVACIÓNS:

 Gozan de preferencia para a adxudicación de praza as solicitudes de nen@s matriculados no curso anterior, sempre que continúen reunindo os requisitos sinalados no artigo 1.º.

 Os nen@s que tivesen formalizada matrícula durante o curso anterior na xornada de tarde, só poderán renovar para o curso a seguir nesa mesma franxa horaria. Se precisaran cambiar á franxa horaria de mañá, deberán concorrer coas novas solicitudes ou presentar ambas.

 Ós nen@s que estivesen a ocupar horarios de mañá con xornada ampla e quixeran reservar para o curso seguinte xornada de mañá de menos de 4 horas, poderán ser trasladados á xornada de tarde, sempre que este cambio responda a necesidades de mellor organización e capacidade do servizo, e a criterio da Comisión de Baremación.

 As reservas de praza levaranse a cabo entre os días 1 e 10 de abril de cada ano, coas lóxicas variacións en caso de concorrencias de festivos.

 De darse a situación de incompatibilidade horaria para albergar a todos os solicitantes de renovación, terase en conta en primeiro lugar criterios de antigüidade no centro, e en segundo lugar de horario máis amplo.

 Non poderá renovar praza o solicitante que no momento da reserva teña pendente o pagamento dalgunha mensualidade.

 Para poder facer uso do dereito á reserva de praza, o nen@ deberá permanecer matriculad@ na Escola Infantil ata finalizar o curso (31 de agosto ou data anterior estipulada para peche vacacional). Si se producira a baixa con anterioridade a esta data, perderase o dereito a reserva, estivese ou non confirmada.

b) PRIORIDADE 2: NOVOS INGRESOS.-En segundo lugar teranse en conta as solicitudes de novo ingreso na E.I.M. , que serán atendidas por esta orde:

 Fill@s do persoal que preste servizos na E.I.M

 Solicitantes cun/ha irm@n con praza renovada na E.I.M.

 As prazas vacantes que resten, adxudicaranse segundo a puntuación obtida en aplicación do baremo establecido como anexo I. No caso de empate, e dadas as especiais características do entorno social, darase prioridade a:

* Solicitudes de horario amplo (máis de 6 horas)

* Á menor renda

* Ó traballo de ambos proxenitores

 O Concello, a petición da comisión de baremación, resérvase a potestade de trasladar a franxas horarias de tarde ou de maior dispoñibilidade, aquelas solicitudes con demandas inferiores a 4 horas de permanencia, que revertan nunha perda de capacidade do servizo para horarios amplos, sempre atendendo a razóns de conciliación.

 As novas solicitudes presentaranse entre os días 15 e 30 do mes de abril de cada ano (coas lóxicas variacións e caso de concorrencias de festivos) e a súa concesión estará condicionada á existencia de prazas vacantes. As que non obtivesen praza, conformarán unha lista de agarda que seguirá a mesma orde de puntuación coa que foron valoradas inicialmente.

c) PRIORIDADE 3: INGRESOS URXENTES.-Na E.I.M. de Brión, e debido á necesidade de dispoñer da capacidade completa do centro, non se reservan prazas para ingresos urxentes. Aínda así, e previa consulta e proposta á Vicepresidencia de Igualdade ou entidade autonómica responsable, procederase á adxudicación urxente de praza na aula correspondente nos seguintes casos:

 Nen@s tutelados pola Vicepresidencia ou entidade autonómica responsable.

 Fill@s de mulleres víctimas de violencia de xénero.

 Aqueles en que concorran circunstancias económicas e/ou familiares e sociais que o requiran, a interpretación dos Servizos Sociais Municipais.

d) PRIORIDADE 4: SOLICITUDES DE INGRESO FORA DE PRAZO.-Só se admitirán solicitudes fora dos prazos establecidos nos puntos 1) e 2) polas seguintes causas:

 Nacemento do neno/a con posterioridade ó remate do prazo de presentación de solicitudes

 Cambio de Concello de residencia posterior ó remate do prazo de presentación de solicitudes

 Outras circunstancias motivadas e valoradas polos Servizos Sociais Municipais (Violencia de xénero, Incorporación ó mundo laboral, incapacidade para os coidados...)

 Coas solicitudes fora de prazo achegarase documentación acreditativa da circunstancia alegada, e a súa concesión estará condiciona á existencia de prazas dispoñibles nas aulas do grupo de idade do nen@ para o que se solicita praza. De non ser así, pasará a formar parte da lista de agarda, por detrás das solicitudes presentadas en prazo.

Pto. 4. Solicitudes.

As solicitudes presentaranse no Departamento de Servizos Sociais en modelo normalizado (anexos II e III) acompañadas da seguinte documentación:

a) Copia do DNI dos pais ou representantes legais

b) Copia do libro de familia

c) Declaración do IRPF de cada membro computable. Si presentan devolución rápida, comunicación que devolve a Axencia Estatal. Si non presenta IRPF, certificación de imputación de rendas. Cando se produzan causas sobrevidas que afecten ós recursos da unidade económica, poderanse presentar outros documentos acreditativos que as xustifiquen debidamente. Cando non sexa posible acreditar o nivel de rendas, presentarase declaración xurada, e poderá solicitarse emisión de informe ós Servizos Sociais Municipais.

d) Informe do equipo de Valoración de Minusvalías no caso de prazas de integración.

e) Documentos xustificativos das situacións alegadas para puntuación: cargas familiares, enfermidade crónica, desemprego, familia numerosa, monoparentalidade, minusvalías...

f) No caso de víctimas de violencia de xénero: certificado da orde de protección ou medida cautelar, informe dos Servizos Sociais Municipais ou certificación dos servizos autonómicos de acollida

g) Poderase solicitar a acreditación dalgunha circunstancia de difícil xustificación, por parte dos Servizos Sociais do Concello.

h) No momento da incorporación do/a neno/a á Escola Infantil, deberase facer entrega no centro da seguinte documentación:

 2 fotografías tamaño carné

 Copia da tarxeta sanitaria

 Informe médico no cal quede constancia de que o nen@ non padece enfermidade infecto-contaxiosa e que ten ao día todas as vacinas

 10 euros para o pagamento do material escolar de nenos de 1 a 3 anos

Pto. 5. Comisión de baremación.

a) Estará constituída como mínimo por:

 Concelleir@ de Asuntos Sociais ou persoa en quen delegue.

 Director@ do centro ou persoa en quen delegue.

 Un/ha representante do departamento de Servizos Sociais.

 Un/ha representante dos pais/nais dos menores debidamente acreditad@.

b) Esta Comisión terá como funcións atribuídas as seguintes:

 Aplicar os baremos de admisión aprobados ás solicitudes recollidas, ou supervisar esta aplicación se fose realizada con anterioridade por persoal do Concello.

 Velar pola estrita adxudicación de prazas en función dos baremos aplicados e da capacidade da Escola Infantil, así como do recollido neste regulamento.

Pto. 6. Admisións e reclamacións.

a) A lista provisional de admitidos expoñerase durante cinco días hábiles despois de transcorrido o prazo de presentación de solicitudes, nos taboleiros de anuncios do Concello, Centro Social e Escola Infantil, así como na páxina web do Concello de Brión. Poderán presentarse reclamacións durante os cinco días naturais seguintes. A lista definitiva de admitidos e maila lista de espera coas puntuacións obtidas, publicarase dentro do prazo dos cinco días naturais seguintes ó través dos mesmos medios.

b) As resolucións definitivas de admisión, denegación e entrada en lista de espera, comunicaránselle ós interesados ó través de correo postal. A partires dese momento, contarán con 10 días para aportación de autorización para domiciliación bancaria de recibos e confirmación de aceptación da praza.

c) Autorización para domiciliación bancaria dos pagos.

Pto. 1. Causas de baixa:

Causarase baixa na Escola Infantil polas seguintes causas:

a) Cumprimento de idade máxima de permanencia.

b) Solicitude dos pais ou representantes legais, por escrito, ante o Departamento de Servizos Sociais (a efectos económicos, a baixa terá efectos dende o día 1 do mes seguinte ó que se solicite).

c) Por impago das cotas establecidas durante dous meses consecutivos ou tres alternos, independentemente do curso ó que se correspondan.

d) Por comprobación de falsidade nos documentos achegados.

e) Por incompatibilidade ou inadaptación absoluta para permanecer no centro, proposta pola dirección do centro e informada pola técnico en intervención familiar dos servizos sociais municipais.

f) Por falta de asistencia continuada durante un mes sen causa xustificada no horario de mañá.

g) Nos horarios correspondentes á tarde (15.00 h. en adiante), procederase á baixa de oficio da praza adxudicada coa acumulación de 7 faltas mensuais non xustificadas debida e documentalmente.

Pto. 2. Procedemento das baixas:

Para proceder á declaración de ¿baixa" na Escola Infantil Municipal, observarase o seguinte procedemento:

a) Preaviso aos pais/representantes legais do menor ao través de escrito certificado, con indicación das causas que motivan a proposta de baixa en referencia ao contido deste regulamento, asinada polo técnico que exerce a dirección técnica da Escola Infantil (Servizos Sociais de Atención Primaria). Esta proposta conterá a oferta de 5 días hábiles para a presentación de alegacións por parte dos pais/representantes do menor.

b) Transcorridos tres días hábiles dende a finalización deste prazo, procederase do mesmo xeito (por escrito certificado), a ratificar a baixa ou deixala sen efecto unha vez estudada a posible alegación presentada.

a) Todos os nen@s da Escola Infantil están cubertos por un seguro escolar.

b) Un nen@ enferm@ non debe asistir á Escola Infantil. No caso de presentar febre ou caslesqueira tipo de alteración, avisarase aos pais para que sexa recollid@ á maior brevidade.

c) Cando se sospeite a incubación dunha enfermidade infecto- contaxiosa (catarros, gripe, varicela, sarampelo, rubéola...), o nen@ non deberá asistir ó centro.

d) En caso de baixa por enfermidade contaxiosa, o nen@ reincorporarase aportando informe médico de alta.

e) No caso de accidente importante ou urxencia médica, procederase ó traslado do nen@ ó Centro Médico ¿A Rosaleda" de Santiago, e avisarase aos pais de xeito inmediato.

f) Se o nen@ precisa ser medicad@ durante a estancia na Escola Infantil, deberá aportarse unha solicitude escrita por parte dos pais, así como informe médico que indique: tipo de medicación, doses e horario de administración. Deberán así mesmo marcarse os envases da medicación a administrar con: nome do nen@, doses e horario.

g) A responsabilidade da administración de determinados tratamentos por parte do persoal da Escola Infantil, quedará supeditado ó criterio da Dirección do centro e dos Servizos Sociais Municipais, que terán en consideración a complexidade da administración, a formación ou dispoñibilidade do persoal ao servizo do centro, e as posibles efectos derivados do tratamento.

Pto. 1. Dereitos:

O persoal do centro gozará dos dereitos e liberdades que lle atribúa a lexislación vixente en cada momento. En todo caso recoñécenselle os seguintes dereitos:

a) Recibir información periódica da marcha e funcionamento do centro, ó través da Direción responsable deste.

b) Elixir aos seus representantes para os órganos de participación.

c) Presentar propostas que contribúan a mellorar o funcionamento do centro e a atención prestada ós menores.

d) Desenvolver as súas funcións educativas segundo o seu criterio persoal, sempre que se axuste nos seus obxectivos e contidos á programación xeral do centro.

e) A que se lle proporcionen, dentro das posibilidades do centro, os instrumentos e medios necesarios para o desenvolvemento das súas funcións de forma axeitada, en beneficio dos menores atendid@s.

f) A exercer as súas funcións con garantías de igualdade de oportunidades entre homes e mulleres, e a dispoñer plenamente das medidas de conciliación da vida familiar e laboral.

Pto. 2. Obrigas:

a) Manter actualizados os requisitos de acceso requiridos no momento de ocupación da súa praza (exames médicos, carnet de manipulación de alimentos, formación en primeiros auxilios, etc.)

b) Actualizar a súa formación docente e completar, se fose o caso, a súa formación lingüística no idioma galego.

c) Cumprir e facer cumprir de acordo coas súas funcións o Regulamento de Réxime Interior do centro.

d) Velar polo respecto aos dereitos dos menores recollidos no Regulamento de Réxime Interior do centro, e aqueles outros recoñecidos na lexislación vixente.

e) Gardar estrita confidencialidade sobre os datos persoais dos menores aos que teñan acceso en razón das súas funcións.

f) O cumprimento das tarefas e responsabilidades derivadas do seu posto de traballo e as adxudicadas de xeito temporal por necesidades do servizo, segundo as directrices da Dirección do centro.

Para o non contemplado neste documento no que respecta aos dereitos e deberes tanto dos alumn@s e os seus representantes, coma do persoal do centro, estarase ó disposto na Orde do 1 de agosto de 1996, pola que se regulan os contidos mínimos do Regulamento de Réxime Interior e o Proxecto Educativo dos centros de atención a menores (D.O.G.A. n.º 168 do mércores 28 de agosto de 1996)

A partir da data de entrada en vigor do presente regulamento quedará derogado o Regulamento de Réxime Interior para o funcionamento da Escola Infantil Municipal publicado definitivamente no BOP n.º 258 de 08/11/2008.

O mes de setembro será considerado como período de adaptación para os novos ingresos. Durante este tempo iranse aumentando progresivamente os tempos de estancia dos nen@s na Escola Infantil, e graduando as incorporacións dos novos usuari@s en diferentes días, para o cal é recomendable que a asistencia sexa o máis regular posible.

A dirección do centro encargarase de dar información sobre estas medidas individuais e aclarará calquera dúbida ou inconvinte ao respecto.

No caso de nen@s que se integrasen na Escola Infantil nun mes diferente ao de setembro, utilizarán o mesmo sistema de adaptación.

a) A Escola Infantil non dispón de servizo de cociña, pero si de katering con empresa externa para administración do xantar, e tamén poderá, si así o decide, dispor de servizo de merendas. Nestes dous casos (xantar e merenda), só se administrarán os alimentos servidos polo propio Centro, e non os aportados dende a casa, para garantir a homoxeneidade e os hábitos de aprendizaxe dos nen@s.

b) Os pais terán información previa a cerca dos menús que se distribuirá aos nen@s da E.I.M., existindo a posibilidade de administración de menús especiais (celíacos, diabetes, por cuestións relixiosas...). Os menús para cada mes estarán expostos ao público na Escola Infantil.

c) Cando o nen@ cumpra un ano utilizará necesariamente o servizo de xantar e merendas (de existir) do propio Centro, deixando nese momento de administrarse comidas preparadas de bebé.

d) Se por calquera motivo un nen@ non vai facer uso do servizo de xantar, ou necesita puntualmente un menú de dieta, será necesario avisar ao centro antes das 9.30 horas.

e) A dieta alimenticia dos bebés e as horas de administración de tomas, comunicaranse diariamente.

f) Só se administrarán galletas ou iogures na comida de media mañá (11.00 horas).

g) Os nen@s non poderán levar lambetadas ao centro, agás en casos de celebracións e sempre para compartir cos seus compañeir@s.

h) Os pais deixarán constancia no centro de si o seu fill@ e alérxic@ a algún alimento.

i) Os horarios para a administración de comidas son:

 Almorzo: 7.30 a 9.30 horas

 Xantar: 12.30 a 14.00 horas

 Merenda: 17.00 a 18.00 horas

j) Os nen@as maiores deberán traer ao centro o seu cepillo de dentes

Pto. 1. Dotacións:

A E.I.M. conta para o seu funcionamento cunha dotación mínima de:

 1 Director/a.

 11 educadores (ou proporción legalmente establecida en función do número de unidades en funcionamento).

 Servizo de katering para xantar con empresa externa.

 Servizo de limpeza ordinaria diaria a cargo de persoal municipal non exclusivo.

 Servizo de limpeza extraordinario anual a cargo de empresa externa.

 Servizo de mantemento de instalacións por parte de persoal municipal non exclusivo.

 Servizo de mantemento de zonas verdes e exteriores por parte de persoal municipal non exclusivo.

Pto. 2. Organización interna:

 A adicación do persoal de servizos na E.I.M. organizarase de xeito que en ningún caso interrompa ou perxudique o normal funcionamento das labores docentes e de coidado dos menores.

 O persoal con adicación docente e de atención directa aos menores, organizarase en turnos, de xeito que, en todo momento se cubran as necesidades legais e mínimas de ratio alumnos/profesor por aula, grupos e idades.

 A substitución de coidadores por causas imprevistas, levarase a cabo de xeito inmediato a través dun sistema de listas de substitución, elaboradas e actualizadas durante os procesos de selección de persoal.

Pto. 3. Réxime de saídas:

 Os usuari@s da Escola Infantil poderán participar nas actividades organizadas fóra do centro que estean contempladas na correspondente programación do curso, previa autorización por escrito dos seus responsables legais.

Pto. 4. Órganos de xestión e participación:

 A/O DIRECTOR/A do centro, será a persoa con maior titulación, e en concorrencia con outros profesionais de igual titulación, será nomeado/a dende o Concello.

As súas funcións serán:

a) Representar ao centro e responsabilizarse do seu correcto funcionamento.

b) Manter actualizados os expedientes individuais de cada alumn@/usuari@ do centro, e comunicar ao Concello tódalas incidencias relativas ás xestións anteriores.

c) Comunicar ao Concello as incidencias relativas ás necesidades de mantemento do centro, así coma as posibles baixas de persoal de forma inmediata, para que se proceda á súa substitución.

d) Exercer a xefatura do persoal adscrito ao centro.

e) Cumprir e facer cumprir as leis, disposicións vixentes, Regulamento de Réxime Interior, e cantas disposicións emanen dos órganos competentes da Vicepresidencia de Igualdade e do Benestar (ou administración autonómica responsable) e do Concello de Brión.

f) Supervisar, coordinar e facer cumprir o correcto desenvolvemento das actividades programadas.

g) Exercer a garda dos menores usuari@s do centro de acordo co previsto na lexislación do centro.

h) Remitir á Vicepresidencia de Igualdade e do Benestar (ou administración autonómica responsable) e ao Concello de Brión cantos informes e datos sexan requiridos relativos aos menores atendid@s e a aspectos organizativos e funcionais do centro.

i) Facilitar ao persoal do centro a formación necesaria e o apoio nas súas funcións.

j) Xestionar o material preciso para o bo funcionamento do centro.

k) Velar polo cumprimento estrito das medidas de igualdade de oportunidades entre homes e mulleres e as de conciliación da vida familiar e laboral, entre o persoal ao seu cargo.

l) Formar parte da Comisión de Baremación de solicitudes e do Consello do Centro.

 CONSELLO DO CENTRO: é un órgano colexiado que asumirá a coordinación xeral do centro, marcando as directrices e adoptando os acordos procedentes. Estará composto polos seguintes membros:

a) O/a director@ do centro.

b) Un/ha representante do persoal educativo.

c) Un/ha representante do persoal de servizos.

d) Un/ha representante dos pais/nais dos menores debidamente acreditad@

e) Un/hna representante do Concello.

As súas funcións serán:

a) Elaborar e avaliar a memoria anual de actividades

b) Propoñer á Vicepresidencia de Igualdade e do Benestar ou administración Autonómica responsable, e ao Concello de Brión cantas medidas se consideren necesarias para mellorar o funcionamento do centro

c) Vixiar a actualización, procedencia e aplicación do Proxecto Educativo de Centro, elaborado pola dirección do mesmo.

 CONCELLO DE BRIÓN: resérvase as funcións da xestión económica e as formas de financiamento, a supervisión xeral do funcionamento, as actuacións de caracter administrativo, xestión de baixas e circunstancias extraordinarias de uso, así como a supervisión do mantemento xeral do centro, ao través dos técnic@s que conforman o Departamento de Servizos Sociais Municipais.

O presente regulamento, unha vez aprobado definitivamente, será publicado integramente no Boletín Oficial da Provincia e comezará a aplicarse unha vez transcorran os prazos previstos nos artigos 49 e 70 da Lei 7/1985 , de 2 de abril, reguladora das bases de Réxime Local e manterase en vigor mentres non se acorde a súa derogación ou modificación expresa.

No caso de modificacións parciais, os artigos non modificados continuarán vixentes.

Pto. 1. Horarios:

A Escola Infantil permanecerá aberta entre as 7.30 e as 19.00 horas, de luns a venres.

Pto. 2. Calendario:

A Escola Infantil permanecerá pechada:

a) Os sábados e domingos.

b) En horario de mañá e/ou tarde durante os meses de xullo e/ou agosto, así como os días 24 e 31 de decembro e o 5 de xaneiro, e luns e martes de Antroido, de non existir suficiente demanda (15 nen@as como mínimo).

c) Os meses de xullo ou agosto si o descanso anual da maioría dos nen@s usuari@s coincidise nalgún destes meses.

d) Os días declarados festivos locais, autonómicos e nacionais.

e) En calquera caso, o Concello de Brión resérvase a potestade de pechar a Escola Infantil durante un período determinado ou en horario de mañá ou tarde, si:

 Non se rexistrase unha demanda ou asistencia suficientes para rendibilizar o servizo

 Por razóns de seguridade en casos de temporal, emerxencia...

 Outras suficientemente xustificadas

a) Os prezos da Escola Infantil Municipal de Brión, réxense polos determinados pola Ordenanza Fiscal do Concello, que se axustarán aos establecidos pola Vicepresidencia de Igualdade e do Benestar ou entidade autonómica responsable, para as Escolas Infantís de caracter autonómico, excepto no que se refire á redución por tramos horarios, que o Concello de Brión aplica en favor dos seus usuarios. Estes prezos son os establecidos no Decreto 70/2002 do 28 de febreiro. No caso de modificación dos prezos por parte da administración autonómica, o Concello de Brión asumirá os sen necesidade de modificación deste regulamento, sempre que se manteña a situación de financiamento autonómico para o mantemento da E.I.M.

b) O custe público de servizos que poida prestar a E.I.M. de Brión e que non se atopen recollidos na regulamentación de prezos de caracter autonómico, será directamente regulado polo Concello de Brión.

c) As familias terán dereito, e o Concello terá a potestade, de solicitar ou variar de oficio respectivamente, os prezos que se pagan por cada praza na Escola Infantil, en función da variación importante das circunstancias económicas familiares.

d) As cotas mensuais correspondentes faranse efectivas nos cinco primeiros días de cada mes posto ó cobro, o través de domiciliación bancaria. Os pagos correspondentes a servizos complementarios realizaranse conxuntamente coa cota correspondente ao mes seguinte.

e) Os gastos por devolución bancaria de recibos, serán aboados polos responsables dos menores en recibos posteriores ou por procedemento de reclamación administrativa municipal.

f) A E.I.M. non dispón de servizo de ¿horas extra" de permanencia, excepto naquelas situacións urxentes ou inescusables, debidamente xustificadas e, en caso posible, previstas con antelación. Neste caso, non se aboará importe algún polas horas extra, entendendo que se trata de situacións urxentes e extraordinarias. A solicitude farase ante o Departamento de Servizos Sociais.

g) Os usuari@s do centro que non disfruten de comedor, poderán solicitar este servizo en días soltos, sempre que coincida co seu horario de permanencia no mesmo, que o soliciten con suficiente antelación, e que aboen o prezo do mesmo.

h) A efectos de aplicación do baremo para adxudicación de prazas, e máis do cálculo de cotas a aboar, enténdese por Renda Per Capitá Mensual o resultado de dividir polo número de persoas que compoñen a unidade familiar o cociente de dividir entre doce a suma dos ingresos totais da unidade familiar.

i) Aos mesmos efectos, enténdese por Unidade Familiar a formada por: pai/nai e fill@s menores de 18 anos, ou maiores con minusvalía superior ó 33%. No caso de familias monoparentais increméntase en 0¿80 o número real de membros. As familias numerosas nas que se atopen fillos que non conviven na unidade familiar, só se terán en conta a efectos de renda per capitá e máis de aplicación de puntuación de baremación, no caso xustificado de pago de pensións alimenticias. Non se terán en conta á hora de puntuar no baremo o número de convivintes.

j) Enténdese por ingresos a suma da parte xeral máis a parte especial da base impoñible previa á aplicación do mínimo persoal e familiar do IRPF correspondente o derradeiro exercicio fiscal. Esta fórmula adaptarase ás indicacións emanadas da normativa autonómica correspondente en cada momento.

a) Todo o persoal laboral que actúa na Escola Infantil Municipal, así como o persoal de servizos adscritos a outros departamentos ou empresas externas, deben gardar na súa relación co centro a máis estrita vixilancia de todas as medidas de seguridade e hixiene contempladas na lexislación de referencia.

Todas os docentes e persoal de apoio deberá:

 Estar en posesión do carné de manipulador de alimentos

 Acreditar coñecementos básicos de primeiros auxilios

 No caso das mulleres, acreditar a vacina da rubéola

b) A Escola Infantil Municipal de Brión conta con:

 Plan de actuación para casos de emerxencia

 Póliza de responsabilidade civil e de accidentes

 Libro de reclamacións a disposición dos pais

 Proxecto educativo a disposición dos pais

 Libro de rexistro de usuarios

 Expedientes individuais de usuarios

Dende a dirección do centro fomentarase a colaboración individual e colectiva dos pais e nais coa Escola Infantil e as relacións co persoal desta, así como a súa participación nos órganos colexiados que puideran crearse.

O persoal docente e o de apoio da E.I.M. de Brión, usará a lingua galega, tanto na súa función pedagóxico-educativa, coma nas relacións cos pais/nais e administración.

A E.I.M. de Brión promoverá, tanto entre os seus alumn@s, como entre os pais e nais e entre os homes e mulleres que constitúen o persoal ao servizo do centro, a educación en igualdade, e promoverá a igualdade de oportunidades e o uso de linguaxe non sexista.

BAREMO DE APLICACIÓN ÁS SOLICITUDES DE ADMISIÓN NA ESCOLA INFANTIL MUNICIPAL DE BRIÓN

1.º.-SITUACIÓN SOCIO-FAMILIAR:

2.º.-SITUACIÓN LABORAL FAMILIAR:

3.-SITUACIÓN ECONÓMICA: RPC mensual da unidade de convivencia referida ó IPREM en vixencia.