Sada - Regulamento de participación cidadá do Concello de Sada

Artigo 1.

O obxecto deste regulamento é o establecemento das formas, medios e procedementos de información e participación, dos cidadáns/ás e das entidades e asociacións cidadás na xestión municipal do Concello de Sada, de conformidade coa lexislación vixente.

Artigo 2.

O Concello de Sada, a través do presente regulamento pretende cumprir os seguintes obxectivos:

a) Facilitar a máis ampla información sobre as súas actividades, obras e servicios e, en xeral, sobre a xestión municipal.

b) Fomentar a participación das parroquias na xestión municipal.

c) Facilitar e promover a iniciativa e a participación dos cidadáns/ás e entidades e asociacións cidadáns, na xestión municipal, sen menoscabo das competencias legalmente atribuídas aos órganos municipais, e facer efectivos os dereitos á información e participación dos cidadáns/ás que establece a normativa legal vixente.

d) Fomentar o asociacionismo cidadán.

e) Achegar a xestión municipal aos cidadáns.

f) Fomentar os mecanismos de participación cidadá, na vida pública, e de colaboración na toma de decisións por parte do Concello.

g) Garantir a solidariedade e o equilibrio entre as parroquias e os distintos núcleos de poboación do Concello.

h) Potenciar a información municipal dirixida aos cidadáns/ás e parroquias.

i) Promover a participación dos cidadáns/ás e das parroquias, no proceso de elaboración dos presupostos do Concello.

j) Regulamentar os consellos e asembleas parroquiais.

Capítulo I. Da información aos cidadáns

Artigo 3.

O Concello de Sada informará aos veciños sobre a xestión e servicios municipais, a través dos medios de comunicación social e municipal, mediante a edición de publicacións, bandos, taboleiros de anuncios e calquera outro medio que se considere apropiado. Así mesmo se recollerán opinións dos veciños e entidades a través de campañas de información, debates, asembleas, xuntas, consultas e campañas de opinión, cos únicos límites previstos polas disposicións legais vixentes e o preceptuado no artigo 105 da Constitución.

Artigo 4.

Sen prexuízo do disposto no artigo 70.2 da Lei 7/1985, do 2 de abril, as normas, acordos e, en xeral, as actuacións municipais, serán divulgadas da forma máis sinxela e apropiada para que poidan ser coñecidas polos cidadáns e cidadás e, como consecuencia poidan exercer os seus dereitos e cumprir as súas obrigas.

Artigo 5.

A divulgación das actuacións municipais terá unha especial difusión cando se trate de asuntos de transcendencia, relevancia ou interese público.

Artigo 6.

Todos os cidadáns/ás teñen dereito a:

a) Coñecer, en calquera momento, o estado de tramitación dos procedementos nos que teña a condición de interesado e a obter copia dos documentos contidos nel.

b) Identificar, ás autoridades e ao persoal en servicio da Corporación, que teñan baixo a súa responsabilidade a tramitación do dito procedemento.

c) Obter copia selada dos documentos que presenten, proporcionados xunto cos orixinais, así como a devolución de estes, agás cando os orixinais deban constar no procedemento.

d) Utilizar o idioma galego nas súas relacións co Concello de Sada e coas Corporacións locais de Galicia.

e) Formular alegacións e proporcionar documentos en calquera fase do procedemento nos que teñan a condición de interesados, anterior ao trámite de audiencia, que deberán ser tidos en conta polo órgano competente ao redactar a proposta de resolución.

f) Obter a información e orientación no referente aos requirimentos xurídicos ou técnicos que as disposicións legais vixentes lles impoñan aos proxectos de actuación e solicitudes que se profiran realizar.

g) Acceder aos rexistros e arquivos da Corporación local.

h) Ser tratados con respecto e deferencia polas autoridades e funcionarios, que lle facilitarán o exercicio dos seus dereitos e o cumprimento das súas obrigas.

i) Obter copias e certificacións acreditativas dos acordos da Corporación e dos seus antecedentes.

j) Esixir responsabilidades ao Concello de Sada, de acordo á normativa legal vixente.

k) Exercitar o dereito á acción pública cando así o posibilite a norma legal de aplicación.

l) Calquera outro que lle recoñezan a Constitución, as leis e demais disposicións legais.

Artigo 7.

A aplicación dos dereitos de acceso aos procedementos, arquivos e rexistros, exerase polo disposto na lexislación estatal e autonómica de réxime local e máis na Lei 30/1992, do 26 de novembro, ou norma legal que a substitúa.

Capítulo II. As oficinas de información e atención cidadá

Artigo 8.

Para dar resposta correcta e eficaz ás demandas da cidadanía, no Concello existirá unha oficina de información como servicio básico á poboación, coas seguintes funcións:

a) Atención aos cidadáns/ás, co obxecto de canalizar as solicitudes de información a que se refiren os artigos anteriores, así como facilitarlles a orientación e axuda que precisen no momento inicial da súa visita.

b) Informar acerca dos fins, competencias e funcionamento dos distintos órganos e servicios que comprende o Concello. Así mesmo, ofrecer aclaracións e axudas de índole práctica que os cidadáns/ás requiran sobre procedementos e trámites administrativos para os proxectos, actuacións ou solicitudes que se pretendan realizar.

c) De recepción das queixas e reclamacións dos cidadáns/ás.

d) Informar acerca dos servicios e competencias das outras administracións públicas.

e) Dadas as especiais características do Concello de Sada en relación á emigración, informar e asesorar aos emigrantes e inmigrantes que fixen a súa residencia no municipio, sobre todo no referente a trámites legais, axudas, beneficios, etc., e no seu caso derivar a consulta ás asociacións e entidades locais, secretaría ou organismo que entenda do asunto.

f) Xestión para a obtención de permisos, licencias, certificados, entrega de bases de ofertas e/ou concursos, entrega de pregos de condicións, etc., así como as actuacións de trámite e resolución que pola súa urxencia e simplicidade demanden unha resposta inmediata.

Capítulo III

Os medios de comunicación locais.

Artigo 9.

O Concello potenciará os medios de comunicación locais e propiciará o acceso aos mesmos dos cidadáns/ás e asociacións e entidades cidadás. Para facilitar o uso dos medios de comunicación municipais estableceranse canles e prazos, segundo as características do medio e o interese manifestado. Así mesmo, incorporará as novas tecnoloxías da información e da comunicación, ou no seu caso, mellorará os xa existentes para facilitar ao máximo a información municipal e a participación cidadá.

Artigo 10.

O Concello poderá promover accións de carácter formativo e informativo, mediante a creación e edición periódica dun boletín municipal que permita aproximar a Administración aos cidadáns.

Artigo 11.

O Concello potenciará a radio e no seu caso a televisión locais como ferramentas básicas de comunicación, información e participación cidadá. Con este obxectivo, poderase elaborar un regulamento interno para regular a figura do colaborador/a na proposta e realización de programas.

Artigo 12.

O Concello fomentará o uso das novas tecnoloxías da información e a comunicación, a páxina web do Concello permitirá:

1) Facilitar ao máximo as xestións coa Administración local.

2) Mellorar a transparencia da Administración local incorporando á rede toda a información de carácter público que se xere.

3) Potenciar a relación entre administracións a través de redes telemáticas para beneficio dos/as cidadáns/ás.

4) Posibilitar a realización de trámites administrativos municipais.

5) Facilitar á poboación o coñecemento da rede asociativa local.

Artigo 13.

Na medida que se xeneralice o uso dos recursos tecnolóxicos, o Concello desenvolverá e regulamentará progresivamente un foro ou rede informática cívica, aberta a todas as persoas residentes e non residentes na cidade.

Artigo 14.

O Concello fomentará o emprego da sinatura electrónica, dentro do proceso de modernización das administracións públicas e o seu achegamento progresivo e continuo aos cidadáns/ás.

Capítulo IV. Os estudios de opinión

Artigo 15.

O Concello poderá facer sondaxes de opinión á poboación co fin de coñecer a súa valoración sobre o funcionamento deste, ou de calquera servicio municipal e/ou sobre outras cuestións que considere.

Artigo 16.

O Concello poderá facer enquisas de calidade ás persoas usuarias dos servicios municipais.

Artigo 17.

O Concello dará a coñecer as resultados das sondaxes que leve a termo a través dos seus medios de comunicación. Porá ao alcance dos cidadáns/ás que os soliciten, a consulta da documentación utilizada, regulando os prazos e a forma máis idónea.

Artigo 18.

O Concello dará a coñecer os resultados das enquisas de calidade a través dos seus medios de comunicación, ou dos que estime oportunos.

Capítulo I. O dereito de petición

Artigo 19.

1. Todos os cidadáns/ás, así como calquera entidade veciñal ou persoa xurídica, poderá exercer o dereito de petición, individual ou colectivamente, nos termos establecidos pola Lei orgánica 4/2001, do 12 de novembro, ou norma legal que a substitúa.

2. O dereito de petición poderase exercer ante calquera autoridade ou órgano municipal, respecto das materias de competencia municipal, con independencia de que afecten ao peticionario ou sexan de interese colectivo ou xeral

3. As peticións formularanse por escrito, podendo empregar calquera medio dispoñible, incluídos os de carácter electrónico, que permitan acreditar a súa autenticidade, debendo incluír necesariamente a identidade do solicitante, a nacionalidade se a tivese, o lugar ou medio elixido para a práctica da notificación, o obxecto da petición e o destinatario desta.

4. O Concello de Sada, unha vez recibida a petición, acusará recibo desta comunicándoo ao interesado/a dentro dos dez días seguintes á súa recepción.

5. Unha vez admitida a trámite a petición, o Concello de Sada estará obrigado a contestar e notificar a resposta no prazo máximo de tres meses, que comezará a contar dende a data de presentación desta.

Capítulo II. O dereito de proposta e iniciativa popular e cidadán

Artigo 20.

1.Todos/as os/as cidadáns/ás teñen dereito a dirixirse a calquera autoridade ou órgano municipal para elevar propostas de actuación, comentarios ou suxestións en materias de competencia municipal ou de interese local.

A proposta poderá ser cursada por calquera dos medios dispoñibles nos Servicios municipais (presenciais, telefónicos, telemáticas, etc.),ou mediante instancia no Rexistro municipal.

A proposta poderá ser presentada individual ou colectivamente.

O alcalde/sa, ou concelleiro/a en quen delegue, deberá estudiar o contido da proposta e informar por escrito á parte proferinte sobre o curso que se lle dará no prazo máximo dun mes.

2. Os/as veciños/as que gocen do dereito de sufraxio activo nas eleccións municipais poderán exercer a iniciativa popular, presentando propostas de acordos, actuacións ou proxectos de regulamentos en materias de competencia municipal.

As ditas iniciativas deberán ir suscritas ao menos polo 15 por cento dos/as veciños/as do Concello.

Tales iniciativas deberán der sometidas a debate e votación no Pleno, cando sexan da súa competencia, ou ser resoltas polo órgano municipal competente, en outro caso, previo informe de legalidade do Secretario do Concello. Ademais será preciso o informe do interventor cando a iniciativa afecte a dereitos e obrigas de contido económico.

Tales iniciativas poden levar incorporada unha proposta de consulta popular local, que será tramitada en tal caso polo procedemento e cos requisitos previstos no art. 25 e 26 deste regulamento.

3. O disposto no apartado anterior enténdese sen prexuízo do disposto nos artigos 30 ao 32 deste regulamento.

Artigo 21.

Enténdese por iniciativa cidadá, a forma de participación mediante a cal os cidadáns/ás e as entidades e asociacións, propoñen ao Concello que leve a cabo unha determinada actuación ou actividade de competencia municipal, de interese público, e aporten medios económicos, bens, dereitos ou traballo persoal para conseguilo.

A iniciativa cidadá das asociacións administrativas de contribuíntes, se regulamentarán pola lexislación de facendas locais e polas ordenanzas municipais correspondentes.

Artigo 22.

A iniciativa deberá presentarse por escrito e deberán figurar os dados de identificación de quen realice o proposta, ou no seu caso, a entidade, asociación ou colectivo que represente. Cando o Concello reciba a iniciativa, someterase a información pública durante un prazo de trinta días, excepto que por razóns de urxencia fose aconsellable un prazo máis curto.

Artigo 23.

O Concello deberá decidir sobre a iniciativa cidadá no prazo de trinta días a contar desde o día seguinte da finalización da exposición pública. A decisión terá en conta principalmente o interese público da iniciativa. Antes da toma da decisión correspondente, o Concello poderá solicitar aclaracións complementarias á persoa ou colectivo que fixo a proposta.

Artigo 24.

En caso de que o Pleno do Concello aprobe a iniciativa cidadá, fará pública a forma e o calendario con que se levará a cabo, e destinará no seu caso a partida económica correspondente.

Capítulo III. A consulta popular

Artigo 25.

O alcalde, logo do acordo do Pleno por maioría absoluta, poderá someter a consulta popular, os asuntos de competencia municipal que teñan especial importancia para os intereses da poboación, excepto os relativos ás facendas locais

Artigo 26.

En todo caso, corresponde ao Concello a realización dos trámites de competencia municipal para levar a cabo a consulta popular, aténdose á lexislación estatal ou da comunidade autónoma vixentes na materia, especialmente a Lei orgánica 2/1980, do 18 de xaneiro, ou norma que a substitúa.

Capítulo IV. A audiencia pública

Artigo 27.

Os cidadáns/ás teñen o dereito de audiencia pública, forma de participación consistente en propor á Administración municipal a adopción de determinados acordos sobre calquera materia de competencia municipal ou solicitar información de determinados proxectos ou actuacións administrativas municipais, realizándose a dita audiencia de forma oral, en unidade de acto.

Artigo 28.

A audiencia pública será convocada polo alcalde/sa, xa sexa a iniciativa propia ou ben a petición das entidades cidadáns ou de calquera dos consellos existentes.

Tamén poderán solicitala os cidadáns/as do Concello, mediante escrito dirixido á Alcaldía, ao que debe xuntarse cincocentas sinaturas acreditadas de veciños/as maiores de 18 anos que teñan a consideración de interesados/as, e no que debe identificarse un representante.

Artigo 29.

O alcalde/sa, se o considera oportuno, convocará en audiencia pública aos veciños afectados por actuacións relevantes de especial transcendencia, significado e relevancia social.

Capítulo V. O dereito de intervención nos plenos municipais

Artigo 30.

Poderán solicitar a incorporación dunha proposición na orde do día do pleno ordinario da Corporación, as entidades de participación cidadá e asociacións inscritas no Rexistro municipal de entidades, calquera persoa ou colectivo cidadán, que presente como mínimo o 5 por cento de sinaturas acreditadas da poboación afectada maior de 18 anos, inscritos no censo municipal, cos dados persoais do solicitante. Para tal efecto dirixirán un escrito ao alcalde/sa, no que motivarán e fundamentarán a súa proposta, así como a designación dun representante. No suposto de que a dita proposición sexa incluída pola Alcaldía na orde do día do Pleno, con carácter previo á lectura, debate e votación desta, intervirá o representante por tempo máximo de dez minutos.

Artigo 31.

As entidades e asociacións de participación cidadá, inscritas no Rexistro municipal de entidades, que desexen efectuar unha exposición ante o pleno, en relación con algún punto da orde do día, no que intervirán na súa tramitación administrativa como interesados, terán dereito a intervir no Pleno, debendo solicitalo mediante escrito dirixido á Alcaldía, con unha antelación mínima dun día hábil á data de celebración do Pleno. No dito escrito deberá xustificar e motivar a solicitude e a condición de interesado, así como indicar o nome e apelido da persoa que fará a exposición e, no seu caso, o cargo que desempeña na entidade ou asociación. A intervención, con un tempo máximo de quince minutos, será previa á lectura, debate e votación do punto da orde do día.

Artigo 32.

As entidades e asociacións de participación cidadá, inscritas no Rexistro municipal de entidades, que desexen intervir en algún punto da orde do día dos plenos municipais, deberán solicitalo por escrito dirixido á Alcaldía, con unha antelación mínima dun día hábil á data de celebración deste. No dito escrito deberá xustificar e motivar a solicitude, así como indicar ou nome e apelidos dá persoa que fará a exposición e, non seu caso, ou cargo que desempeñe na entidade ou asociación. No suposto que a dita solicitude sexa admitida pola Alcaldía, o tempo máximo de exposición será de dez minutos, e previo á lectura, debate e votación do punto da orde do día.

Capítulo I. Dereitos das entidades e asociacións cidadás

Artigo 33.

O Concello de Sada, favorecerá o desenvolvemento das entidades e asociacións que se constitúan para a defensa dos intereses xerais ou sectoriais dos cidadáns/ás.

As entidades e asociacións constituídas para tal fin, terán a consideración de entidades e asociacións de particpación cidadá, e terán dereito a:

a) Recibir información directa sobre os asuntos que sexan do seu interese.

b) Facer propostas sobre os asuntos que afecten aos seus intereses e aos dos seus representados/as, no ámbito de competencia municipal e nos termos establecidos neste regulamento, así como o exercicio do dereito de petición.

c) Formar parte dos órganos de participación cidadá, de acordo co disposto no presente regulamento.

d) Ao uso dos medios públicos municipais, especialmente dos locais sociais e parroquiais, páxina web do Concello, boletíns, etc., nas condicións que determine a Administración municipal.

e) Asignación de medios e distribución de axudas, de acordo cos recursos orzamentarios que, se é o caso, se efectuarán con criterios obxectivos de acordo á representatividade das entidades e asociacións nos termos establecidos na normativa local ao respecto. En todo caso, os presupostos do Concello incluirán unha partida económica para tal fin.

f) Inscribirse no Rexistro municipal de entidades cidadás.

Capítulo II. Rexistro municipal de asociacións veciñais

Artigo 34.

O Rexistro municipal de asociacións veciñais ten dous obxectivos fundamentais no marco dunha correcta política municipal de fomento do asociacionismo participativo:

a) Recoñecer ás entidades inscritas, e garantirlles o exercicio dos dereitos recoñecidos neste regulamento e na lexislación vixente.

b) Permitir ao Concello coñecer en todo momento os datos máis importantes da sociedade civil da cidade, a representatividade, o grao de interese ou a utilidade cidadá das súas actividades, a súa autonomía funcional e as axudas que reciban de outras entidades públicas ou privadas.

Artigo 35.

As entidades que aspiren a inscribirse no dito Rexistro deberán presentar:

a) Instancia dirixida ao alcalde/sa, solicitando a inscrición.

b) Copia dos estatutos ou normas de funcionamento vixentes.

c) Número de inscrición no Rexistro xeral de asociacións ou similar.

d) Acta ou certificación, de acordo coa dita normativa, da última asemblea xeral de socios, ou dun órgano equivalente, na que fose escollida a xunta vixente no día da inscrición, co enderezo e o telefono, no seu caso, dos membros da dita xunta.

e) Sede social.

f) Código de identificación fiscal.

g) Certificación do número de socios inscritos no momento da solicitude.

h) Programa ou memoria anual das súas actividades.

i) Orzamento anual da entidade.

Artigo 36.

Todas as asociacións sen afán de lucro legalmente constituídas que teñan como obxectivos a defensa, o fomento ou a mellora dos intereses xerais ou sectoriais dos cidadáns/ás do municipio, que o seu ámbito de actuación comprenda en todo caso o termo municipal ou parte de este e teñan nel a súa sede social, poden optar a ser inscritas no Rexistro municipal de asociacións veciñais. Para poder acceder aos recursos municipais será preciso que as asociacións se teñan inscrito formalmente no dito rexistro.

Artigo 37.

No termo de trinta días dende a solicitude de inscrición, salvo que este se tivese que interromper pola necesidade de emendar deficiencias na documentación, o alcalde/sa decretará a inscrición da entidade no Rexistro municipal de asociacións veciñais e notificaráselle esta resolución, co número de inscrición asignado. A partir deste momento considerarase de alta para todos os efectos.

Artigo 38.

As asociacións inscritas están obrigadas a notificar ao Concello calquera modificación dos dados incluídos na documentación que servise de base para a inscrición, dentro do mes seguinte ao da data en que a dita modificación se producise.

Artigo 39.

Para os efectos da continuación da vixencia da inscrición, todas as entidades inscritas no Rexistro municipal de asociacións veciñais deberán presentar anualmente ao Concello, dentro do primeiro trimestre de cada ano, unha memoria onde constará como mínimo, unha relación de actividades e dos actos realizados no transcurso do ano anterior, balance económico do exercicio, o número de asociados a día trinta e un de decembro, programa de actividades e orzamento para o ano seguinte.

Artigo 40.

O incumprimento das obrigas contempladas nos artigos do presente regulamento, suporá a apertura do correspondente expediente que, previa audiencia ao interesado, poderá dar lugar á baixa da entidade ou asociación do Rexistro municipal de asociacións veciñais, e á perda dos dereitos que se deriven da dita inscrición.

Artigo 41.

Anualmente elaborarase e actualizarase un arquivo de Asociacións Veciñais, que incluirá, ademais dos dados xerais das entidades, as subvencións municipais que recibisen e que fixesen posible a realización das actividades, este arquivo remitirase a todas as entidades e asociacións do Rexistro que o soliciten.

Artigo 42.

Para conseguir que as asociacións cidadás podan desenvolver as súas actividades con plenas garantías. O Concello colaborará en:

- Os programas de formación e capacitación na xestión, na dinamización e no impulso do movemento asociativo.

- Un servicio de asesoramento, a diferentes niveis de participación e xestión, incluída a xestión compartida das instalacións e servicios municipais.

- A apartación de recursos para promover a realización das súas actividades.

Artigo 43.

As entidades inscritas no Rexistro municipal de asociacións veciñais, que teñan como obxectivo social a defensa dos intereses xerais ou sectoriais dos cidadáns/ás, e que realicen as súas actividades en relación con algún dos ámbitos de actuación municipal, poderán ser declaradas entidades de interese público municipal, na medida que o permita a lexislación vixente, e que leven a cabo unha acción continuada. Non poderán acollerse a esta declaración, aquelas entidades que contraviñesen calquera dos requirimentos establecidos neste regulamento no referido á vixencia da inscrición.

Artigo 44.

A solicitude de recoñecemento de utilidade pública municipal poderá face-la de oficio o Goberno municipal, por petición de calquera dos grupos políticos presentes na Corporación, ou a instancia da propia entidade. As entidades que aspiren a obter a declaración de entidades de interese público municipal, deberán presentar:

a) Instancia dirixida ao alcalde/sa solicitando a inscrición b) Copia da acta da asemblea na que se acordou a solicitude de interese público municipal.

c) A memoria de actividades, os convenios, concertos ou actuacións similares de colaboración co Concello que se establecesen.

d) A xustificación de ter cumprido os requirimentos que establece o artigo 42 do presente regulamento.

e) Xustificar a representatividade da entidade no seu ámbito de actuación.

Artigo 45.

Unha vez acordado por decreto da Alcaldía a condición de interese público municipal, quedará inscrito o dito recoñecemento no Rexistro municipal de asociacións veciñais, con todos os dereitos e obrigas que establecen as disposicións legais vixentes. Esta condición perderase cando deixen de cumprirse calquera dos requirimentos esixidos para permanecer inscrita no dito rexistro, previa audiencia ao interesado. Se posteriormente se pretende adquirir de novo a dita condición, a entidade interesada deberá iniciar o proceso dende o principio.

Capítulo I. Os consellos sectoriais ou de área

Artigo 46.

Os consellos sectoriais ou de área son órganos de participación, información,

seguimento, proposta e suxerencias na xestión municipal, referida aos distintos

sectores ou áreas de actuación. O alcalde/sa pode delegar nos edís-presidentes destes órganos funcións executivas naquelas materias que sexan delegables.

Artigo 47.

Por cada un dos sectores ou áreas da actividade municipal, poderanse crear

consellos sectoriais ou de área, para os que o fin será a participación na xestión

mediante o asesoramento e consulta aos diferentes órganos do Concello nos temas

da súa competencia, ademais de promover e canalizar a participación das entidades

e da cidadanía nos diferentes sectores da vida local en que o Concello teña competencias.

Artigo 48.

O Concello aprobará en sesión plenaria a creación dos consellos sectoriais ou de

área que considere adecuados para o fomento da participación cidadá e así mesmo, o alcalde/sa, nomeará por decreto aos representantes neste.

Artigo 49.

Constituirán os consellos sectoriais ou de área:

- Presidente: o alcalde/sa ou concelleiro/a en quen delegue.

- Vocais: dous representantes de entidades inscritas no rexistro. municipal de

entidades, relacionadas co sector e con interese directo na materia.

- Un concelleiro por cada grupo municipal da Corporación.

Artigo 50.

Ademais do disposto na lexislación sectorial aplicable, son competencia dos

consellos sectoriais ou de área:

1.-Presentar iniciativas, propostas e suxerencias ao Concello para o seu debate

nas comisións informativas municipais correspondentes, colaborar nos estudios e

elaboración de programas e proxectos, realizar un seguimento dos órganos

municipais e empresas prestadoras de servicios dentro da súa área de actuación.

2.-Discutir o programa anual de actuación e estudiar o orzamento.

3.-Ser informados dos dictames aprobados polas comisións informativas e dos

acordos que adopte a Comisión de Goberno, Alcaldía ou Pleno, en relación aos

temas de interese para eles, facilitándose ademais o acceso aos expedientes

correspondentes.

4.-Ser consultados en caso de que os órganos municipais debatesen e

aprobasen asuntos de especial incidencia no sector de que se trate.

5.-Fomentar a aplicación de políticas e actuacións municipais integrais,

encamiñadas á defensa dos dereitos da persoas.

Artigo 51.

Unha vez constituídos os consellos sectoriais ou de área, redactarán un

regulamento interno de funcionamento que deberá ser ratificado polo Pleno.

Capítulo II. Os consellos parroquiais

Artigo 52.

Os consellos parroquiais son órganos desconcentrados de participación,

consulta, información, control e propostas da xestión municipal, carentes de

personalidade xurídica propia, que permiten e impulsan a nivel parroquial a

participación de veciños/as, colectivos e entidades.

Constituirase un consello parroquial en cada unha das parroquias do Concello.

Artigo 53.

Cada consello parroquial estará composto por:

- Presidente: o alcalde/sa ou concelleiro/a en quen delegue.

- Vicepresidente: un veciño da parroquia.

- Vocal: un representante das entidades de participación cidadá inscritas no

Rexistro municipal, que teña como ámbito de actuación a parroquia.

Artigo 54.

O consello parroquial, e o representante do Concello de Sada na parroquia, en

tal condición, terán o carácter de autoridade no cumprimento dos seus cometidos

municipais.

O vicepresidente do consello parroquial, será nomeado polo alcalde/sa de Sada,

a proposta da asemblea parroquial.

O vocal será electo polas entidades de participación cidadá, inscritas no

Rexistro municipal, que teñan como ámbito de actuación a parroquia. no suposto

de inexistencia das ditas entidades de participación cidadá, designarase vocal un

veciño da dita parroquia, proposto pola asemblea parroquial.

A duración dos cargos estará suxeita á do mandato do alcalde/sa que os

nomeou, quen poderá cesa-los libremente cando o estime oportuno.

Artigo 55.

As competencias dos consellos parroquiais, son as seguintes:

a) Fomentar a participación directa e descentralizada dos veciños/as,

colectivos, asociacións e entidades, en actividades do Concello, establecendo os

mecanismos necesarios de información, impulso e seguimento das súas actividades.

b) Solicitar e transmitir propostas dos veciños/as, relativas ao funcionamento

dos servicios e actuacións municipais.

c) Elevar anualmente ao Concello, un estado de necesidades da parroquia, con

indicación e selección de prioridades, para a súa posible inclusión no plano de

actuación municipal (PAM), e nos presupostos do Concello.

d) Analizar o seguimento dos elementos do PAM, e dos seus obxectivos que

afecten á parroquia.

e) Proferir ao Pleno da Corporación, a inclusión de asuntos na orde do día e, no

seu caso, intervir nestes, nos termos e condicións establecidos por este

regulamento.

f) Facilitar a maior información e publicidade aos veciños/as, sobre as

actividades e acordos municipais, que teñan incidencia especial sobre a parroquia.

g) Colaborar co Concello, na solución dos problemas da parroquia e, axudar na

aplicación de políticas que preveñan actuacións de risco, conflictos veciñais e

causas de inseguridade e marxinación.

h) Promover e fomentar o asociacionismo, e a colaboración individual e entre

organizacións, potenciando a coordinación entre diferentes institucións ou entidades

que actúen na parroquia, xa sexan públicas ou privadas.

i) Pedir información, previa petición, dos temas de interese para o Concello.

j) Propoñer propostas para o mellor funcionamento dos servicios municipais.

Artigo 56.

Os consellos parroquiais reuniranse en sesión ordinaria, unha vez cada seis

meses, ou cando o estimen necesario para o cumprimento dos seus obxectivos,

extraordinariamente, cando así o decida o alcalde/sa de Sada.

Compete ao alcalde/sa de Sada ou concelleiro en quen delegue, a proposta do

consello parroquial, a convocatoria e elaboración da orde do día das sesións, das

cales se erguerá acta.

Publicitaranse as datas de xuntanza, co fin de que os veciños/as poidan

presentar solicitudes e propostas.

Con carácter anual, e previamente á aprobación dos presupostos do Concello, a

Alcaldía de Sada convocará unha sesión conxunta de todos os consellos parroquiais

do Concello, para informar e analizar a xestión municipal a nivel territorial, o

desenvolvemento dos PAM e, no seu caso, a desagregación territorial dos

presupostos do Concello.

Capítulo III. As asembleas parroquiais

Artigo 57.

A asemblea parroquial estará constituída por todos os veciños/as da parroquia,

maiores de 18 anos.

Artigo 58.

Son competencias da asemblea parroquial:

a) A proposta á Alcaldía de Sada, do nomeamento ou cese do vicepresidente do

consello parroquial e, no seu caso, o do vocal.

b) O debate e análise dos asuntos de interese a nivel parroquial, así como a

formulación de propostas de actuación dirixidas ao consello parroquial, ou aos seus

órganos municipais.

Artigo 59.

A asemblea parroquial, reunirase ordinariamente como mínimo unha vez ao ano

e, extraordinariamente, cando así o decida o alcalde/sa de Sada, ou a proposta do

consello parroquial, ou a iniciativa dos veciños que reúnan o 20 por cento de

sinaturas acreditadas do padrón parroquial.

A proposta de nomeamento ou cese, do vicepresidente do consello parroquial e,

no seu caso do vocal, farase nunha asemblea parroquial reunida para tal efecto,

con esa única orde do día, por maioría dos asistentes.

A asemblea parroquial estará presidida polo consello parroquial.

No prazo máximo de seis meses desde a aprobación deste regulamento, presentarase para a súa aprobación polo Pleno municipal, o plano de actuación municipal (PAM) e, se convocará ás Asembleas Parroquiais para a elección e proposta de nomeamento das autoridades dos consellos parroquiais.

No prazo máximo dun mes, dende o nomeamento polo alcalde de Sada do vicepresidente e vocal, constituiranse os consellos parroquiais.

O presente regulamento entrará en vigor ao día seguinte da súa publicación íntegra no BOP e, transcorrido o prazo previsto no artigo 65.2 da Lei 7/85, de bases do réxime local, en concordancia co disposto no artigo 70.2 do mesmo texto legal.