Valdoviño - ORDENANZA MUNICIPAL DO SERVIZO DE AXUDA NO FOGAR DO CONCELLO DE VALDOVIÑO

A Lei 7/1985, de 2 de abril, reguladora das bases de Réxime Local (BOE n.º 80, do 3 de abril de 1985), establece no seu artigo 25.2 k) que os concellos exercerán, en todo caso, competencias nos termos da lexislación do Estado e das Comunicades Autónomas en materia de prestación de servizos sociais e de promoción e reinserción social.

A Lei 13/2008, de 3 de decembro, de servizos sociais de Galicia, regula o dereito de todas as persoas aos servizos sociais, correspondéndolles, aos poderes públicos, garantir este dereito, posibilitando así que as liberdades e igualdades entre individuos sexan reais e efectivas, tal e como consagra a propia Constitución Española.

A Lei 13/2008, de 3 de decembro, de servizos sociais de Galicia, establece no seu capítulo II, o catálogo de servizos sociais, onde define o servizo de axuda no fogar coma un servizo consistente en ofrecerlles un conxunto de atencións ás persoas ou familias no seu propio domicilio, para facilitar o seu desenvolvemento e permanencia no seu contorno habitual. Esta mesma lei establece no seu artigo 11.f) que é función dos servizos sociais comunitarios básicos a xestión da axuda no fogar.

Coa entrada en vigor da Lei 39/2006, de 14 de decembro, de Promoción da Autonomía Persoal e Atención ás persoas en situación de dependencia, así como a normativa estatal e galega que a desenvolve, fíxose necesario establecer un novo marco regulador de carácter básico dos contidos, formas de prestación e aspectos procedimentais e organizativos de axuda no fogar de maneira que coa aprobación da Orde do 22 de xaneiro de 2009 pola que se regula o servizo de axuda no fogar, se estableceron pautas de carácter xeral para asegurar un nivel equitativo de atención a todas as persoas que tiñan limitada a súa autonomía persoal.

O Decreto 254/2011, do 23 de decembro, polo que se regula o réxime de rexistro, autorización, acreditación e a inspección dos servizos sociais en Galicia, establece no seu artigo 7. b) como requisito xeral dos centros e programas de servizos sociais, dispoñer dunhas normas de funcionamento, visadas polo órgano competente, en materia de autorización e inspección de servizos sociais, da Xunta de Galicia, que garanta o respecto ao dereito das persoas usuarias e establezan as condicións de prestación e desenvolvemento dos servizos.

Coa aprobación e publicación do Decreto 99/2012, do 16 de marzo, polo que se regulan os servizos sociais comunitarios e o seu financiamento, faise necesario adaptar a normativa municipal existente en materia de axuda no fogar co fin de dar cumprimento ao establecido na disposición derradeira primeira do citado decreto.

O Decreto 149/2013, do 5 de setembro, polo que se define a carteira de servizos sociais para a promoción da autonomía persoal e a atención ás persoas en situación de dependencia e se determina o sistema de participación das persoas usuarias no financiamento do seu custo, dálle unha nova redacción aos artigos 14.2, 59 e 61 do Decreto 99/2012, do 16 de marzo, polo que se regulan os servizos sociais comunitarios e o seu financiamento, polo que se fai necesario adaptar a normativa municipal existente en materia de axuda no fogar ao establecido nos mencionados artigos.

En consecuencia e coa finalidade de garantir unha equidade, calidade e intensidade homoxéneas nos tipos de atención e os criterios de participación económica das persoas usuarias, o Concello de Valdoviño, de conformidade co marco normativo referenciado que confire aos concellos a potestade regulamentaria, e de autoorganización dentro da esfera das súas competencias, regula os requisitos e condicións da prestación do servizo de axuda no fogar municipal, a través da presente ordenanza.

Artigo 1.º.-Obxecto.

É obxecto desta ordenanza a regulación do servizo de axuda no fogar desenvolvido polo Concello de Valdoviño.

Artigo 2.º.-Ámbito de aplicación.

O establecido nesta ordenanza é de aplicación ao servizo de axuda no fogar que se desenvolve no Concello de Valdoviño.

Artigo 3.º.-Natureza, definición e obxectivos do servizo.

1. O servizo de axuda no fogar é un servizo público de carácter local, consistente en ofrecer un conxunto de atencións ás persoas ou unidades de convivencia no propio domicilio, para facilitar o seu desenvolvemento e a permanencia no seu contorno habitual.

2. O servizo de axuda no fogar poderá prestarse, a calquera persoa ou unidade de convivencia, para as cales, de acordo coa valoración técnica correspondente, supoña un recurso idóneo de atención. De xeito particular, o servizo atenderá persoas maiores con déficits de autonomía e persoas con discapacidade, especialmente cando carezan de apoio persoal no seu medio inmediato.

3. O servizo de axuda no fogar ten por obxecto prestar un conxunto de atencións ás persoas no seu domicilio, dende unha perspectiva integral e normalizadora, naquelas situacións en que teñan limitada a súa autonomía persoal ou nos casos de desestructuración familiar.

Son obxectivos do servizo de axuda no fogar:

- Mellorar a calidade de vida das persoas usuarias.

- Posibilitar a permanencia das persoas no seu contorno de convivencia habitual.

- Favorecer e potenciar a autonomía persoal no propio domicilio.

- Manter, mellorar e recuperar as redes de relación familiar e social.

- Previr situacións de dependencia ou exclusión social.

- Retardar ou evitar a institucionalización.

- Reforzar a solidariedade e potenciar o voluntariado social.

Artigo 4.º.-Contido do servizo e tipos de atencións.

1. De conformidade coa valoración técnica realizada en cada caso polos servizos sociais, no marco do servizo de axuda no fogar poderán prestarse os seguintes tipos de atención de carácter básico:

a) Atencións de carácter persoal na realización das actividades básicas da vida diaria, tales como:

- Asistencia para levantarse e deitarse.

- Tarefas de coidado e hixiene persoal, así como para vestirse.

- Control do réxime alimentario e axuda, se é o caso, para alimentarse.

- Supervisión, cando proceda, das rutinas de administración de medicamentos prescritas por facultativos.

- Apoio para cambios posturais, mobilizacións, orientación espacio-temporal.

- Apoio a persoas afectadas por problemas de incontinencia.

- Outras tarefas para favorecer a atención integral da persoa usuaria.

b) Acompañamento persoal na realización doutras actividades complementarias:

- Seguimento das intervencións realizadas polo sistema sanitario.

- Apoio en trámites urxentes de carácter administrativo, xudicial e similares.

c) Atención das necesidades de carácter doméstico e da vivenda, tales como:

- Limpeza e mantemento da hixiene e salubridade da vivenda.

- Compra de alimentos e outros productos de uso común.

- Preparación dos alimentos.

- Lavado e coidado das pezas de vestir, así como do enxoval doméstico.

- Apoio á unidade familiar.

- Coidados e mantemento básico da vivenda.

Este tipo de atención poderá ser facilitado en parte, se é o caso, por programas específicos de lavandaría ou alimentación a domicilio.

d) Atencións de carácter psicosocial e educativo: intervencións técnico-profesionais formativas e de apoio ao desenvolvemento das capacidades persoais, á afectividade, á convivencia e á integración na comunidade así como á mellora da estructuración familiar.

2. Con carácter complementario, unha vez garantido o nivel básico de atención, o servizo de axuda no fogar poderá incorporar, entre outros, as seguintes actuacións e servizos:

a) Actividades de acompañamento, socialización e desenvolvemento de hábitos saudables.

b) Servizo de préstamo de axudas técnicas para persoas en situación de dependencia ou dependencia temporal. Para estes efectos enténdese por axuda técnica calquera produto, dispositivo, equipamento, instrumento, tecnoloxía ou software, fabricado especialmente ou dispoñible no mercado, para previr, compensar, controlar, mitigar ou neutralizar deficiencias ou limitacións na actividade e restriccións na participación social das persoas.

c) Prestación de atención a distancia mediante dispositivos de teleseguimento, teleasistencia e similares.

d) Adaptacións funcionais do fogar.

e) Servizo de podoloxía.

f) Servizo de fisioterapia.

3. Poderán integrarse, ademais, dentro do servizo de axuda no fogar, determinadas atencións e actividades que se desenvolvan fóra do marco do domicilio da persoa usuaria, sempre que, de acordo coa prescrición técnica sobre o contido do servizo, incidan de maneira significativa na posibilidade de permanencia no fogar e na mellora da autonomía e calidade de vida.

4. En todo caso, as atencións prestadas terán un carácter de reforzo e non substitutivo das propias capacidades da persoa usuaria ou doutras persoas do seu contorno inmediato, de maneira que se falicite e promova a súa autonomía.

5. En ningún caso poderán formar parte das actuacións desenvolvidas polo servizo:

- A realización de actividades domésticas, que non fosen incluídas no proxecto de intervención e no acordo de servizo.

- Actuacións, que polo seu carácter sanitaria, deban en todo caso, ser realizadas por persoal facultativo.

Artigo 5.º.-Persoas destinatarias.

1. O servizo de axuda no fogar estará aberto a todas as persoas ou unidades de convivencia para as que, de acordo coa valoración técnica correspondente, supoña un recurso idóneo de atención. De xeito particular, o servizo atenderá persoas maiores con déficits de autonomía e persoas con discapacidade, especialmente cando carezan de apoio persoal no seu contorno inmediato, así como fogares con menores, en que se observe a necesidade dunha intervención de carácter socioeducativo. Tamén poderá dar unha resposta preventiva e socializadora a diversas situacións de familias en risco de exclusión social.

2. En todo caso, darase prioridade de acceso ao servizo ás persoas que teñan un dereito recoñecido de atención dentro do sistema de autonomía e atención á dependencia.

3. As persoas destinatarias que soliciten o servizo de axuda no fogar polo sistema de libre concurrencia, deberán estar empadroadas no Concello de Valdoviño.

Artigo 6.-Dereitos das persoas usuarias.

As persoas usuarias do servizo, no marco dos dereitos que con carácter xeral se lle recoñecen na lexislación aplicable sobre servizos sociais e, se é o caso, sobre o procedemento administrativo común, terán dereito:

1. A seren tratadas co respecto debido á súa dignidade, intimidade e autonomía.

2. A accederen e utilizaren o servizo en condicións de igualdade e non discriminación.

3. A recibiren unha atención individualizada e adaptada ás súas necesidades, coa calidade e duración determinadas en cada caso.

4. A recibiren unha información de xeito áxil, suficiente, veraz e comprensible sobre os recursos e as prestacións do sistema galego de servizos sociais, así como a que sexan asistidas e orientadas nos trámites necesarios de cara ao seu acceso aos demais sistemas de benestar social.

5. A teren asignada unha persoa profesional de referencia que actúe como interlocutora principal e que asegure a coherencia da intervención.

6. A coñeceren a organización e o regulamento do servizo.

7. Ao tratamento confidencial dos seus datos, de acordo co disposto na Lei orgánica 15/1999, do 13 de decembro, de protección de datos de carácter persoal.

8. A coñeceren a situación do seu expediente.

9. A seren informadas, de xeito craro e preciso, sobre a intervención prevista e elixir libremente, dentro da capacidade de oferta do sistema e logo da valoración técnica, o tipo de medidas ou de recursos adecuados para o seu caso, así como a participar na toma de decisións que modifiquen o proceso de intervención acordado.

10. Á calidade dos servizos recibidos e a presentaren queixas e suxestións á persoa coordinadora do servizo.

11. Ao respecto dos seus dereitos lingüísticos, garantindo, en todo caso, o desenvolvemento da actividade do servizo dende a práctica dunha oferta positiva do idioma galego.

Artigo 7.º.-Deberes das persoas usuarias.

As persoas usuarias, no marco dos deberes que con carácter xeral se establecen no artigo 7 da Lei 13/2008, de servizos sociais de Galicia, e, se é o caso, na lexislación vixente sobre o procedemento administrativo común, terán os seguintes deberes:

1. Cumprir as normas, requisitos e procedementos para o acceso aos diferentes servizos.

2. Facilitar a información precisa e veraz sobre as circunstancias determinantes para o acceso e utilizacón dos servizos, así como comunicar ao persoal de referencia, os cambios de circunstancias familiares, sociais ou financeiras que puideran resultar relevantes na asignación, modificación, suspensión ou extinción das prestacións ou servizos.

3. Cumprir coas condicións do servizo, facilitando e colaborando na execución das tarefas do persoal ao seu cargo e poñendo á súa disposición, cando se trate dun servizo realizado no domicilio, os medios materiais necesarios.

4. Colaborar co persoal encargado do seu caso, acudindo ás entrevistas programadas, seguindo as orientacións e participando no desenvolvemento das actividades incluídas no servizo, centro ou programa en función das súas capacidades e nos termos acordados en cada caso.

5. Manter unha actitude positiva de colaboración coas persoas profesionais dos servizos sociais comunitarios, participando activamente no proceso pautado de mellora, autonomía persoal e inserción social.

6. Facilitar e cooperar no seguimento, avaliación e inspección do servizo.

7. Respectar a dignidade persoal e profesioal das persoas que lles presten o servizo, así como respectar os límites das súas obrigas laborais.

8. A comunicar, con dez días de antelación, en circunstancias ordinarias e previsibles, calquera ausencia temporal que puídese impedir ou dificultar a execución dos servizos que, se fose o caso, se prestasen no seu domicilio.

Artigo 8 .º.-Deberes dos/as auxiliares de axuda no fogar.

1. O trato será sempre de respecto, evitando que a confianza coa persoa usuaria e a súa familia interfiran no seu traballo.

2. Deber de respectar sempre e inescusablemente a intimidade das persoas usuarias e a gardar a debida confidencialidade.

3. Non acudir ao lugar de traballo acompañado de persoas alleas ao servizo.

4. Non recibir ningún tipo de gratificación, doazón ou contraprestación económica por parte do usuaria/ a do servizo de axuda no fogar.

5. Axustar as tarefas ao proxecto establecido previamente polo/a técnico/a responsable.

6. Non realizar en ningún caso tarefas domésticas que non foran incluídas no proxecto de intervención.

7. Non se disporá de chaves de ningún domicilio, salvo casos excepcionais, sempre co consentimento dos servizos sociais comunitarios e previa autorización por escrito da persoa usuaria.

8. Eludir todo conflito persoal coas persoas usuarias e cos restantes membros da unidade de convivencia, informando expresamente á coordinadora da empresa de SAF e/ ou as traballadoras sociais municipais.

9. En casos de ausencia no posto de traballo as auxiliares deberán poñelo en coñecemento da coordinación da empresa de SAF á maior brevidade posible ao fin de facilitar a súa substitución e evitar a non prestación do servizo ás persoas usuarias do mesmo.

Artigo 9.º.-Causas de extinción e modificación do servizo.

1. Son causas de extinción do servizo de axuda no fogar, as seguintes:

a) A renuncia da persoa usuaria, mediante solicitude segundo o modelo do ANEXO I.

b) Cambio de programa individual de atención ou do proxecto de intervención que implique un cambio de asignación de recurso e a súa incompatibilidade co servizo de axuda no fogar.

c) Traslado definitivo da súa residencia a outro concello, mediante solicitude segundo o modelo do ANEXO I.

d) Falecemento da persoa usuaria.

e) Incumprimento reiterado dos deberes e obrigas establecidas para as persoas usuarias na prestación do servizo.

f) A falta reiterada de pagamento do servizo.

g) Desaparición das causas que motivaron a prestación do servizo.

2. Ademais, con carácter xeral, a alteración das circunstancias tidas en conta para a concesión do servizo, poderá dar lugar á modificación das condicións de prestación nas que fora concedido inicialmente. Os cambios de circunstancias, en calquera caso, deberán substanciarse no expediente individual, mediante un novo informe social.

3. Cando se trate dun servizo público de axuda no fogar, asignado a persoas en situación de dependencia, na correspondente resolución de Programa Individual de Atención, consonte ao establecido na Orde de 2 de xaneiro de 2012, de desenvolvemento do Decreto 15/2010, do 4 de febreiro, polo que se regula o procedemento para o recoñecemento do sistema para a Autonomía e Atención á Dependencia, o procedemento para a elaboración do Programa Individual de Atención e a organización e funcionamento dos órganos técnicos competentes, modificado polo Decreto 148/2011, do 7 de xullo, a incoación por parte da entidade titular do servizo, dun expediente de extinción ou modificación das condicións de prestación do servizo, deberá notificarse en todo caso ao órgano competente para ditar resolución de Programa Individual de Atención.

Artigo 10.º.-Causas de suspensión temporal do servizo.

Previa solicitude (ANEXO I), son causa de suspensión temporal do servizo, logo de tramitación do correspondente expediente e informe razoado do persoal técnico coordinador do servizo, que deberá incorporarse ao expediente persoal, as que seguen:

1. Ausencia temporal do domicilio: neste caso o servizo poderá suspenderse por un máximo de tres meses, para as persoas usuarias de libre concorrencia e por un período de dous meses para as persoas usuarias de dependencia, debendo acreditar a persoa usuaria as causas que motivan a súa ausencia.

2. Modificación temporal das causas que motivaron a necesidade do servizo: poderá suspenderse o servizo en tanto persista o cambio de circunstancias causantes da suspensión, coa excepción das prazas vinculadas a un dereito exercido dentro do sistema de autonomía e a atención á dependencia, suposto no que se estará ao disposto na correspondente normativa reguladora.

Artigo 11.º.-Formas de prestación do servizo.

O servizo público de axuda no fogar será prestado polo Concello de Valdoviño ben directamente, ou ben mediante as diversas modalidades de contratación da xestión de servizos públicos, regulados na normativa vixente sobre contratos do sector público, a través de entidades privadas debidamente autorizadas.

Artigo 12.º.-Requisitos específicos.

1. Existirá un profesional de referencia, que actuará como coordinador do servizo e que deberá estar en posesión dunha cualificación mínima de diplomatura universitaria na área de servizos sociais. No caso de que o número de persoas usuarias sexa menor de 50, o persoal técnico mínimo exixible será de 0,02 profesionais en cómputo de xornada completa por persoa usuaria. Nos demais casos aplicarase a seguinte táboa:

2. O persoal que presta atención directa nos domicilios das persoas usuarias estará formado por auxiliares de axuda no fogar, que, no caso de prestar o servizo a persoas en situación de dependencia valorada, deberán estar en posesión do título de formación profesional de grao medio de atención sociosanitaria ou equivalente, regulado no Real Decreto 1593/2011, do 4 de novembro, por el que se establece el Título de Técnico en Atención a Personas en Situación de Dependencia y se fijan sus enseñanzas mínimas no Real Decreto 1379/2008, do 1 de agosto, polo que se establecen os certificados de profesionalidade da familia profesional de servizos socioculturais e á comunidade

3. O seguemento da prestación do servizo nos domicilios das persoas usuarias realizarase polo persoal coordinador, sempre que as circunstancias o fagan necesario e, como mínimo, con carácter bimestral. Da supervisión realizada quedará constancia no correspondente expediente individual. Mediante esta supervisión revisarase e axustarase, se fose o caso, o contido das prestacións expresado no proxecto de intervención e no acordo de servizo.

4. O Concello de Valdoviño, e de ser o caso, a entidade prestadora en réxime privado do servizo, abrirá un expediente por cada persoa usuaria ou por cada unidade de convivencia á que presta o servizo, no cal constará, cando menos:

- Un informe social, asinado por un traballador/a social da entidade titular do servizo.

- Un proxecto de intervención, asinado polo técnico responsable, segundo o ANEXO II desta ordenanza.

- Un acordo de servizo asinado entre o Concello de Valdoviño e a persoa usuaria, segundo o ANEXO III desta ordenanza.

- Informes de seguemento periódicos, que terán un carácter bimestral, ou extraordinarios, cando as circunstancias así o aconsellen.

En todo caso, o tratamento da información contida nos expedientes, realizarase de acordo coa Lei 15/1999, do 13 de decembro, de protección de datos de carácter persoal.

Artigo 13.º.-Modalidades de acceso ao servizo, organización e procedemento.

O acceso ao servizo de axuda no fogar municipal producirase de acordo co seguinte:

Acceso directo.-O acceso será prioritario e directo para as persoas que, tendo recoñecida unha situación de dependencia, se lles asigne a axuda no fogar na correspondente resolución de programa individual de atención, e consonte a aplicación do programa de asignación de recursos, establecido no título II do Decreto 15/2010, do 4 de febreiro, polo que se regula o procedemento para o recoñecemento da situación de dependencia e do dereito ás prestacións do sistema para a autonomía e atención á dependencia, o procedemento para a elaboración do programa individual de atención e a organización e funcionamento dos órganos técnicos. Para estes efectos, o Concello de Valdoviño, cando sexa o caso, procederá a dar de alta as persoas en agarda, de acordo coa orde de prelación establecida no programa de asignación de recursos. As persoas para as que o programa individual de atención, determine o servizo de axuda no fogar como recurso principal ou idóneo terán, en todo caso, preferencia sobre aquelas ás que se lles asigne o servizo de axuda no fogar como respiro do coidador.

Acceso por libre concorrencia.-Para as persoas que non teñan o recoñecemento da situación de dependencia, ou non as asista o dereito de acceso efectivo ao catálogo de servizos de atención á dependencia, segundo o calendario de implantación que se establece na Lei 39/2006, o acceso ao servizo, logo da prescrición técnica do profesional de referencia resolverase en réxime de libre concorrencia, segundo o seguinte procedemento:

1. Presentación da solicitude, segundo o ANEXO IV desta ordenanza, dirixida ao Alcalde no Rexistro Municipal do Concello, acompañada da seguinte documentación:

a) Fotocopia do DNI da persoa beneficiaria do servizo e das persoas que convivan no mesmo domicilio, de ser o caso.

b) Fotocopia da tarxeta sanitaria da persoa solicitante.

c) Certificado de convivencia.

d) Informe médico ou clínico sobre o seu estado de saúde (ANEXO V).

e) Certificado de discapacidade e/ou certificado do grao e nivel de dependencia, de ser o caso.

f) Certificado de n.º de conta (ANEXO VI).

g) Xustificantes de ingresos da persoa solicitante e do resto dos membros da unidade de convivencia:

- Fotocopia da última declaración da renda, ou no seu defecto, certificado de imputacións do IRPF, expedido pola Axencia Tributaria correspondente.

- Certificados de todos os ingresos procedentes de salarios, pensións, subsidios e outros bens que posúan

- Xustificante de aluguer de vivenda, de ser o caso.

- Autorización para a consulta do IRPF (ANEXO VII).

h) Xustificantes de patrimonio de todos os membros da unidade familiar:

- Recibo/s de IBI.

- Saldo/s contas bancarias actualizado a 31 de decembro e documentación dos vehículos de tódolos membros da unidade familiar

- Autorización para a consulta de datos patrimoniais (ANEXO VIII)

i) Calquera outra documentación que sexa requerida polo/a traballador/a social para a valoración do seu expediente.

As solicitudes incompletas contarán cun prazo de 10 días para enmendar deficiencias, en caso de non facelo, serán arquivadas sen máis trámite tal como se establece na lexislación que regula o procedemento administrativo.

2. As solicitudes presentadas serán valoradas polo/a traballador/a social dos servizos sociais comunitarios do Concello, que, unha vez realizada a correspondente visita domiciliaria, determinará, mediante o informe técnico, a idoneidade do servizo, así como a intensidade recomendable para cada caso concreto, tendo en conta todas as circunstancias de necesidade e a aplicación do baremo establecido a tal fin, segundo ANEXO IX.

3. O/A traballador/a social dos Servizos Sociais comunitarios elaborará un Informe - proposta (ANEXO X) que será elevado ao órgano competente para dictar resolución. O prazo máximo para resolver será de tres meses.

No caso de que sexa favorable, a mesma terá a consideración de alta no servizo. En caso de non existir dispoñibilidade, a solicitude pasará a integrarse na lista de agarda, nunha orde de prioridade determinada pola puntuación que obtivese na aplicación do baremo. No caso de empate da puntuación, atenderase por orde temporal da demanda.

4. Cando concorran circunstancias que aconsellen a intervención inmediata do servizo, a Alcaldía resolverá o expediente, á vista do informe-proposta do/a traballador/a social. Este informe conterá as causas que motiven a tramitación pola vía de urxencia. O procedemento de urxencia terá validez mentres se manteña a situación desencadeante. A desaparición desta, levará consigo a extinción do servizo e a tramitación pola vía ordinaria.

5. Para o inicio da prestación do servizo será requisito previo asinar o acordo de servizo, segundo o modelo establecido no ANEXO III desta ordenanza (anexo III da Orde de 22 de xaneiro de 2009).

6. Anualmente, farase unha revisión de todas as persoas beneficiarias do servizo, co fin de comprobar que cumpre as condicións para a continuidade do mesmo. Para a renovación anual do servizo, as persoas beneficiarias deberán presentar a documentación establecida no apartado a) deste artigo, agás aquela que xa conste no seu expediente individual.

Artigo 14.º.-Lista de espera SAF libre concorrencia.

1. Con carácter xeral, no caso de que o servizo de axuda no fogar non conte con capacidade suficiente para atender todas as situacións de necesidade, elaborarase unha lista de espera á que se accederá pola orde de puntuación acadada nos baremos aplicados.

2. En caso de obter a mesma puntuación terá prioridade a data máis antiga do rexistro de entrada municipal.

3. En todo caso quedarán en lista de espera aquelas solicitudes que non se poidan cubrir por falta do crédito orzamentario.

Artigo 15.º.-Desenvolvemento da prestación do servizo.

1. O prazo de alta no servizo, será como máximo dunha semana, dende que a persoa usuaria se lle asigna o recurso dende o Programa de Asignación de Recursos para as persoas que acceden ao servizo na modalidade de dependencia, ou dende que se dita resolución por parte da Alcaldía, para as persoas que acceden ao servizo na modalidade de libre concorrencia. Para as persoas usuarias ás que se lles concede o servizo, pola vía de urxencia, o prazo de alta será como máximo de dous días.

2. Previo ao inicio do servizo, o persoal técnico realizará unha avaliación da situación e establecerá un consenso coa persoa usuaria, sobre as actuacións e tarefas a desenvolver no domicilio. Designarase tamén a persoa profesional de referencia.

3. A asignación do persoal de atención directa farase en base ao perfil requerido para cada caso concreto, e realizarase unha visita domiciliaria para a presentación do persoal de atención directa á persoa usuaria.

Se a persoa beneficiaria, rexeita ao/á auxiliar de axuda no fogar que se lle asigna, sen razón suficientemente xustificada, pasará á lista de agarda ata que se lle asigne outro/a auxiliar, sempre que sexa técnicamente posible.

Os cambios no persoal técnico asignado, así como nos horarios de prestación do servizo, que deban efectuarse, por circunstancias de necesidades de organización do servizo, comunicaranse á persoa beneficiaria, seguindo en vigor o acordo asinado.

4. Para o inicio da prestación do servizo, será requisito previo, asinar o acordo de servizo, segundo o modelo establecido no ANEXO III desta ordenanza.

5. O/A traballador/a social elaborará un proxecto de intervención, segundo o ANEXO II desta ordenanza (anexo II da Orde do 22 de xaneiro de 2009), que deberá conter: días da semana de atención, horario concreto no que se desenvolverá a prestación, identidade do persoal de atención directa responsable da execución do proxecto, obxectivos e tarefas a desempeñar no domicilio, e o seguimento efectivo da prestación no domicilio do usuario, con carácter mínimo bimestral.

6. Farase entrega á persoa usuaria, dunha copia da ordenanza municipal de axuda no fogar, debidamente visada polo órgano competente así como do acordo e proxecto do servizo.

7. Así mesmo, entregarase á persoa usuaria e ao persoal de atención directa, o documento que conteña as tarefas a desenvolver no domicilio.

8. Informarase ás persoas usuarias da existencia dun libro de reclamacións, que estará á súa disposición, para calquera queixa ou reclamación. No caso de queixa ou reclamación, facilitarase unha copia da queixa á persoa usuaria e remitirase o orixinal ao servizo de inspección no prazo de tres días, xunto cun informe do caso, segundo establece o artigo 6.i) do Decreto 254/2011, do 23 de decembro, polo que se regula o réxime de rexistro, autorización, acreditación e a inspección dos servizos sociais en Galicia.

9. O departamento de servizos sociais do Concello abrirá un expediente por cada persoa usuaria ou por cada unidade de convivencia á que presta o servizo, no cal constará, cando menos:

- Un informe de avaliación inicial, asinado polo técnico competente, responsable da coordinación do servizo de axuda no fogar.

- Un proxecto de intervención, asinado polo técnico responsable, segundo o ANEXO II desta ordenanza (anexo II da Orde do 22 de xaneiro de 2009).

- Un acordo de servizo asinado entre o Concello de Valdoviño e a persoa usuaria, segundo o ANEXO III desta ordenanza.

- Informes de seguemento da prestación nos domicilios das persoas usuarias, que terán, como mínimo, un carácter bimestral, ou extraordinarios, cando as circunstancias así o aconsellen.

Artigo 16.º.-Intensidade na prestación do servizo.

A intensidade do servizo determinarase, con carácter xeral, en horas mensuais de atención, distribuidas en función das necesidades da persoa usuaria e do informe técnico.

1. Intensidade do servizo de dependencia: A intensidade do servizo de axuda no fogar, para as persoas atendidas no marco do sistema de autonomía persoal e atención á dependencia, estará predeterminada no seu programa individualizado de atención. A súa aplicación horaria será flexible e conforme co proxecto de intervención, de xeito que, cando menos, se garanta a cobertura das necesidades de atención de carácter persoal na realización das actividades básicas da vida diaria, relacionadas no artigo 4.1.º a) da Orde de 22 de xaneiro de 2009, pola que se regula o servizo de axuda no fogar, todos os días da semana.

A intensidade do servizo de axuda no fogar para persoas dependentes poderá ser reducido a pedimento da persoa usuaria, ANEXO I.

2. Intensidade do servizo por libre concorrencia: O tempo de atención e a periodicidade do servizo determinarase en cada caso, pola necesidade que presente a persoa, a criterio profesional do técnico responsable do servizo do Concello de Valdoviño, que poderá modificarse en función das variacións que se produzan na situación persoal e familiar baremables, ou por necesidade da organización do servizo.

A franxa horaria preferente para a prestación do servizo será de luns a venres en horario de 8.00 horas a 22.00 horas. De xeito excepcional, e a criterio da traballadora social responsable do servizo de axuda no fogar do Concello da Valdoviño, poderá prestarse os sábados, domingos e festivos.

Artigo 17.º.-Determinación da capacidade económica do sistema de atención a persoas usuarias da dependencia.

1. A capacidade económica das persoas dependentes, valoradas con dereito recoñecido de atención, mediante o servizo de axuda no fogar, calcularase de acordo coas normas de valoración contidas no capítulo II do título III do Decreto 149/2013, do 5 de setembro, polo que se define a carteira de servizos sociais para a promoción da autonomía persoal e a atención ás persoas en situación de dependencia e se determina o sistema de participación das persoas usuarias no financiamento do seu custo, observándose as normas de aplicación á materia, vixentes en cada momento, polo órgano competente en materia de servizos sociais da Xunta de Galicia .

2. O resultado do cálculo da capacidade económica, correspondente ás persoas dependentes valoradas con dereito de atención recoñecido no servizo de axuda no fogar, constará na resolución do plan individualizado de atención que se desenvolva en cada caso, de conformidade co que establece o artigo 38 do Decreto 15/2010, do 4 de febreiro, polo que se regula o procedemento para o recoñecemento da situación de dependencia e do dereito ás prestacións do sistema para a autonomía e atención á dependencia, o procedemento para a elaboración do programa individual de atención e a organización e funcionamento dos órganos técnicos competentes.

3. Estabécese como mínimo vital ou contía mínima para gastos persoais e quedará íntegramente á disposición do seu perceptor unha contía equivalente ao 49% dos ingresos líquidos percibidos, calculados en cómputo anual.

Garantiráselle á persoa usuaria unha dispoñibilidade anual mínima de 2.653 euros, no suposto de que a persoa usuaria traballe nun centro especial de emprego; este importe será actualizado anualmente consonte a variación interanual do IPREM.

4. Nos ingresos da persoa usuaria non se terán en consideración como renda a contía das prestacións de análoga natureza e finalidade recollidas no artigo 31 da Lei 39/2006, do 14 de decembro. As ditas prestacións sumaranse á contía calculada de acordo cos criterios de participación do servizo ata o 100% do custe de referencia do servizo.

Artigo 18.º.-Determinación da capacidade económica das persoas usuarias doutros servizos que impliquen copagamento.

No servizo de axuda no fogar prestado a persoas ou unidades de convivencia distintas ás referidas no artigo anterior, o cómputo da capacidade económica farase de acordo cos seguintes criterios:

1. Computarase a renda de todas as persoas residentes na mesma unidade de convivencia. Para estes efectos considérase renda a suma de calquera das modalidades de ingreso a que se refire o artigo 6.2 da Lei 35/2006, do 28 de novembro, do imposto sobre a renda das persoas físicas.

2. Computarase, así mesmo, o patrimonio neto de todas as persoas residentes na unidade de convivencia. Para estes efectos, enténdese por patrimonio neto o conxunto de bens e dereitos de contido económico de que sexan titulares, determinados consonte as regras de valoración recollidas na Lei 19/1991, do 6 de xuño, do imposto sobre o patrimonio, con dedución das cargas e gravames de natureza real que diminúan o seu valor, así como das débedas e obrigas persoais das cales deba responder. Igualmente, para o cómputo do patrimonio neto deberán terse en conta as exencións que prevé a Lei 19/1991, do 6 de xuño, do imposto sobre o patrimonio, ao respecto da vivenda habitual e doutros bens e dereitos.

3. A capacidade económica calcularase sumando todas as rendas computables, modificadas á alza pola suma dun 5% do patrimonio neto en cómputo anual, e dividindo o resultado da dita suma entre o total de persoas que convivan no fogar.

Artigo 19.º.-Revisión anual da taxa do Servizo de Axuda no Fogar pola modalidade de libre concurrencia.

O Concello de Valdoviño, fará unha revisión anual para a actualización da información relativa á capacidade económica das persoas usuarias do servizo de axuda no fogar, aplicando a taxa que lle corresponda en función da mesma. No caso de variar a taxa con respecto ao ano anterior, cobrarase unha vez comprobada a documentación e comunicado ao perceptor os cambios.

Para facer dita revisión, a persoa usuaria deberá presentar a documentación requirida polo persoal técnico responsable do servizo do Concello de Valdoviño, dentro do primeiro mes natural do ano, a fin de comprobar os seus datos económicos de xeito actualizado.

Artigo 20.º.-Participación no financiamento do servizo das persoas dependentes con dereito de atención recoñecido como usuarias do servizo de axuda no fogar.

1. No caso de que a capacidade económica da persoa usuaria do servizo de axuda no fogar para persoas dependentes valoradas con dereito de atención recoñecido, sexa igual ou inferior ao indicador público de rendas a efectos múltiples (IPREM), quedará exenta da obriga de participar no custo do servizo.

2. Nos demáis supostos, aplicarase a seguinte táboa, na cal se expresa o copagamento en termos de porcentaxe sobre a capacidade económica da persoa usuaria e en función da intensidade do servizo asignado:

(DECRETO 149/2013, do 5 de setembro, polo que se define a carteira de servizos sociais para a promoción da autonomía persoal e a atención ás persoas en situación de dependencia e se determina o sistema de participación das persoas usuarias no financiamento do seu custo)

3.-Nos casos en que, por renuncia parcial expresa da persoa beneficiaria ao seu dereito de atención co número de horas expresadas no PIA, ou cando por tratarse dun suposto de compatibilización do SAF con outro servizo ou prestación do catálogo as horas reais prestadas de servizo de axuda no fogar sexan inferiores á cantidade expresada en cada columna da táboa anterior para o grao e nivel correspondente, a cantidade a pagar será minorada proporcionalmente á diminución das horas efectivas de servizo.

4.-En ningún caso, o importe da participación económica que deberá ingresar a persoa beneficiaria en concepto de copagamento, poderá exceder o 90% do custo de referencia do servizo prestado.

5.-No caso das atencións e servizos complementarios do nivel básico do servizo de axuda no fogar, prestados ás persoas dependentes valoradas con dereito de atención recoñecido, para os efectos de facer efectiva a obriga de participar no custo do servizo por parte das persoas usuarias, aplicarase a seguinte táboa, na cal se expresa a súa participación en termos de porcentaxe sobre a capacidade económica da persoa usuaria e en función da intensidade e do tipo de atención ou servizo asignado:

Artigo 21.º.-Participación das persoas usuarias no financiamento doutros servizos que impliquen copagamento.

1. Para o servizo de axuda no fogar, en réxime de libre concorrencia, para as persoas que non teñan o recoñecemento da situación de dependencia, ou non as asista o dereito de acceso efectivo ao catálogo de servizos de atención á dependencia, segundo o calendario de implantación que se establece na Lei 39/2006, aplicarase a seguinte táboa que regula unha progresiva participación económica no custo do servizo en base ó cálculo da capacidade económica per cápita, de acordo co establecido no artigo 17 desta ordenanza.

2. Sen prexuízo do anterior, poderán establecerse excepcións aos criterios xerais do referido copagamento nos casos en que a situación causante da aplicación do servizo de axuda no fogar sexa unha problemática de desestructuración familiar, exclusión social ou pobreza infantil, circunstancia que deberá estar debidamente xustificada no correspondente informe social.

3. En calquera caso, establecerase un límite máximo de participación económica das persoas usuarias do 40% da súa capacidade económica.

4. A cuantificación do prezo da hora do servizo determinarase aplicando a porcentaxe correspondente en función da súa capacidade económica sobro o custo por hora de prestación do servizo que deba aboar o Concello á empresa adxudicataria do mesmo, en función do contrato asinado entre as dúas partes, e todo elo, polo número de horas de prestación do servizo.

Artigo 21.º.-Afectación dos ingresos municipais polo copagamento dos servizos.

De conformidade co artigo 56.7 de Lei 13/2008, de servizos sociais de Galicia, en todo caso, os ingresos que recade o Concello de Valdoviño, en concepto de achega das persoas usuarias para a súa participación no custo dos servizos sociais comunitarios, estarán afectados ao financiamento dos servizos sociais que reciban.

Artigo 22.º.-Da coordinación coas entidades privadas que atendan a persoas usuarias financiados total ou parcialmente con fondos públicos.

No caso das entidades privadas que presten o servizo de axuda no fogar, mediante financiamento total ou parcial con fondos públicos, ou que atendan a persoas usuarias derivadas do sistema de autonomía persoal e atención á dependencia, manterán unha coordinación efectiva cos servizos sociais comunitarios básicos, establecendo un protocolo de comunicación de altas no servizo de cada persoa usuaria, así como unha copia do correspondente proxecto de intervención e dos informes de seguimento, dirixidos aos servizos sociais comunitarios básicos do Concello ou entidade local.

Artigo 23.º.-Obrigados ao pagamento.

Están obrigados ao pagamento do prezo público regulado nesta ordenanza, as persoas usuarias beneficiarias do servizo prestado por este Concello ás que se refire o artigo 5.

Artigo 24.º.-Nacemento da obriga de pago.

A obriga de pagar os prezos públicos regulados neste acordo regulador, nace, en xeral, dende que se inicie a prestación do servizo e deberá facerse efectivo de acordo coas seguintes normas de xestión:

1. Os prezos públicos contemplados nesta ordenanza satisfaranse con carácter posterior á prestación do servizo e con carácter específico, durante os primeiros vinte días do mes seguinte.

2. Por parte do Concello e, sobre a base do parte de traballo asinado, elaborarase un recibo individual co importe correspondente ao servizo prestado no mes anterior, que se remitirá á entidade bancaria elixida pola persoa beneficiaria, para que se efectúe o pagamento.

Artigo 25.º.-Infraccións e sancións.

As infraccións e sancións rexeranse, no relativo aos pagos, pola Lei 58/2003, do 17 de decembro, xeral tributaria e polo Real Decreto 939/2005, do 29 de xullo, polo que se aproba o Regulamento Xeral de Recadación, e no resto das materias, polo disposto na Lei 13/2008, de 3 de decembro, de servizos sociais de Galicia.

Artigo 26.º.-Normativa subsidiaria.

O non expresamente previsto no presente Regulamento, atenderase ao disposto no Decreto 99/2012 da Consellería de Traballo e Benestar.

Esta ordenanza deroga expresamente as ordenanzas anteriores do regulamento de axuda no fogar e calquera outra disposición de igual ou inferior rango que sexa contraria á mesma.

Esta ordenanza entrará en vigor ao día seguinte da súa publicación no Boletín Oficial da provincia de A Coruña.

ANEXO I

SOLICITUDE DE EXTINCIÓN/MODIFICACION DO SERVIZO DE AXUDA NO FOGAR

D./Dna. ..¿¿¿¿¿¿¿¿¿¿¿¿¿¿¿¿¿¿¿¿¿.......¿¿...¿.......¿, DNI ¿¿¿¿¿¿.........¿...¿¿¿¿,

Domicilio ¿¿¿¿¿¿¿¿¿¿¿¿¿¿¿¿¿................................................... C.P. ¿¿¿¿¿.¿¿¿¿¿¿¿..

Teléfono ¿¿¿¿¿¿¿¿¿¿¿¿¿...

EXPOÑO:

Que é beneficiario/a do Servizo de Axuda no Fogar do Concello de Valdoviño dende a data ¿¿¿¿¿¿¿¿¿¿¿¿¿¿¿¿¿¿¿¿¿¿¿¿¿¿¿¿¿¿., e a causa de ¿¿¿¿¿¿¿¿¿¿¿¿..¿¿¿¿¿¿¿......................................................................................................................................................................................................................................................................................

SOLICITO:

 Baixa temporal con reserva de praza.

 Ampliación de horas de SAF número de horas ¿¿¿¿¿¿..¿¿/mes

 Reducción de horas de SAF: número de horas ¿¿¿¿¿¿¿.¿/mes

 Baixa definitiva do servizo.

 Baixa por traslado a outro Concello. Destino .............................

Valdoviño, ¿¿... de ¿¿¿¿.¿¿. de ¿¿¿..¿.

Asdo.

SR. ALCALDE DO CONCELLO DE VALDOVIÑO

ANEXO II

PROXECTO DE INTERVENCIÓN DO SERVIZO DE AXUDA NO FOGAR

1.-DATOS DE IDENTIFICACIÓN:

2.-ATENCIÓN A PRESTAR:

3.-OUTROS SERVIZOS/APOIOS PRESTADOS:

4.-AUXILIAR TITULAR:

5.-OBXECTIVOS E TAREFAS A REALIZAR:

Obxectivos:

Tarefas:

5.-PERIOCIDADE DO SEGUEMENTO:

6.-PRAZO REVISIÓN DO PIA: 1 ano.

Asdo.: Traballadora social do Concello Asdo.: Traballadora social empresa SAF Asdo.: Auxiliar titular

ANEXO III

ACORDO DO SERVIZO DE AXUDA NO FOGAR

Reunidos en VALDOVIÑO, o día ___ / __________ / 201__, dunha parte don/dona _________________________, con DNI _______________, e doutra ____________________, en calidade de técnica responsable do servizo de axuda no fogar do CONCELLO DE VALDOVIÑO

ACORDAN:

1. Que o Concello de VALDOVIÑO e a entidade concesionaria prestarán o Servizo de Axuda no Fogar (SAF) á persoa arriba citada, dende o día __ de ____________ de 201__.

2. Que a prestación do Servizo de Axuda no Fogar se realizará con caracter indefinido para as persoas usuarias de dependencia e por un periodo de para as persoas que acceden pola modalidade de libre concorrencia, con posibilidade de prórroga segundo valoración técnica do departamento de Servizos Sociais/da Entidade prestadora acreditada

3. Que o SAF levarase a cabo os días da semana ____________________________, por un total de _____ horas mensuais.

4. Que o custo do servizo para as persoas usuarias de dependencia calcurarase atendendo ao Decreto 99/2012, do 16 de marzo, ao Decreto 149/2013, do 5 de setembro, e á Orde do 22 de xaneiro de 2009 que regula o Servizo de Axuda no Fogar, a Ordenanza Fiscal municipal que regula as taxas do SAF, e a aplicación do baremo que corresponde. Así, a persoa usuaria conta cunha capacidade económica de euros, polo que lle corresponde unha porcentaxe de _________sobre a súa capacidade económica. En base ao anterior, e tendo en conta a intensidade do servizo, comprométese a achegar a cantidade de _______ euros polo total de horas prestadas.

Que o custo do servizo para as persoas usuarias de libre concorrencia calcularase atendendo ao Decreto 99/2012, do 16 de marzo, á Orde do 22 de xaneiro de 2009 que regula o Servizo de Axuda no Fogar, á Ordenanza Fiscal Municipal que regula as taxas do SAF, e a aplicación do baremo que corresponde. Así, a persoa usuaria conta cunha capacidade económica de _________ euros, polo que corresponde unha porcentaxe de _______ sobre o custo do servizo. En base ao anterior, e tendo en conta a intensidade do servizo, comprométese a achegar a cantidade de _______ euros polo total de horas prestadas.

5. Que a persoa usuaria acepta domiciliar o abono da taxa do SAF establecido no punto 4.º, na entidade bancaria da súa elección, no número de conta autorizada para tal efecto.

6. Que, de acordo co proxecto de intervención establecido para o caso, as actividades que se fixan inicialmente para o desenvolvemento do SAF son as seguintes:

● Atencións de carácter persoal

● Atencións de carácter persoal doutras actividades da vida diaria (acompañamentos fora do fogar)

● Atencións de carácter psicosocial e educativo

● Atencións de carácter doméstico e da vivenda

● Atencións de carácter técnico e complementario

7. Que as modificacións que puidese haber nas condicións inicialmente estipuladas neste acordo, deberán ser recollidas nun documento novo asinado pola persoa usuaria e a persoa responsable do SAF, sendo anexadas ao acordo orixinal.

8. Que o servicio prestaráse atendendo ás condicións reguladas na Orde 22 de xaneiro de 2009 que regula o Servizo de Axuda no Fogar e na ordenanza municipal sobre o SAF, onde están recollidas os dereitos e obrigas da persoa usuaria e auxiliares de axuda no fogar, así como codicións que regulan as altas, suspensións, e causas de extinción.

9. A persoa usuaria, representente legal ou de feito que asinan este acordo, comprométense a cumprir as normas que regulan o SAF, recollidas no regulamento municipal do Concello de Valdoviño, así como a notificar as variacións nas circunstancias de saúde, económicas e/ou de convivencia, ou calquera outras que deron lugar á concesión do servizo.

10. Que está a disposición das persoas usuarias un libro de queixas e reclamacións nas dependencias municipais.

11. Que co presente acordo entregaráselle á persoa usuaria unha copia da ordenanza reguladora do servizo de axuda no fogar debidamente visada polo órgano competente.

Ambas partes dan a súa conformidade ó presente acordo de prestación do SAF, e o asinan.

En VALDOVIÑO, a ___ de _____________ de 201__.

A persoa usuaria/representante legal A técnica responsable do Concello ou gardador/a de feito

_________________________________ ___________________________________________________

ANEXO IV

INSTANCIA DE SOLICITUDE DO SERVIZO

D./D.ª ¿¿¿¿¿¿¿¿¿¿¿¿¿¿¿¿¿¿¿¿¿¿¿¿¿¿¿¿¿¿¿¿¿¿.., con enderezo en ......................¿..¿¿.¿¿¿¿¿.........................¿¿¿¿..¿¿.., Concello de Valdoviño, con DNI/NIF ¿¿¿¿......¿¿¿¿¿¿., Tel. ¿¿¿¿¿¿¿¿¿¿¿¿.

Sendo coñecedor/a da ordenanza de regulamento do servizo

SOLICITO

Ser incluído/a como usuario/a do servizo de axuda no fogar municipal e declaro ser certos todos os datos aportados coa solicitude, e asemade presenta a seguinte documentación:

 Fotocopia do DNI da persoa beneficiaria do servizo e das persoas que convivan no mesmo domicilio.

 Fotocopia da tarxeta sanitaria da persoa solicitante.

 Informe médico ou clínico sobre o seu estado de saúde. Anexo VI

 Certificado de discapacidade e/ou certificado do grao e nivel de dependencia.

 Certificación do número de conta, anexo VII

Xustificantes de ingresos da persoa solicitante e do resto dos membros da unidade de convivencia:

 Fotocopia da última declaración da renda, ou no seu defecto, certificado de imputacións do IRPF, expedido pola Axencia Tributaria correspondente.

 Certificados de todos os ingresos procedentes de salarios, pensións, subsidios e outros bens que posúan

 Xustificante de aluguer de vivenda, de ser o caso.

 Autorización para a consulta do IRPF (Anexo VIII)

Xustificantes de patrimonio de todos os membros da unidade familiar.

 Recibo de IBI

 Saldo contas bancarias, actualizado a 31 de decembro.

 Documentación dos vehículos de tódolos membros da unidade familiar

 Autorización para a consulta de datos patrimoniais (Anexo IX)

Outros documentos: ¿¿¿¿¿¿¿¿¿¿¿¿¿¿¿¿¿¿¿¿¿..

VALDOVIÑO, ¿¿¿. de¿¿¿¿¿¿¿¿¿¿¿¿¿.. de ¿¿..

SINATURA

Sr. alcalde-presidente do Concello de VALDOVIÑO ( A Coruña)"

ANEXO V

INFORME MÉDICO PARA O SERVIZO DE AXUDA NO FOGAR

1. Indique os diagnósticos das enfermedades , trastornos ou outras condicions de saúde, enfermidade mental, discapacidade intelectual ou problemas relacionados co desenvolvemento, de carácter permanente , prolongado, crónico ou de longa duración.

2. Indique os tratamentos actuais, medidas de soporte funcional, axudas técnicas, ortoses e próteses prescritos*

3. Indique as medidas de soporte funcional, soporte terapéutico e axudas técnicas que ten prescritas (obrigado cumprimento

4. Indique se existe necesidade de apoio para as actividades de autocoidado (obrigado cumprimento).

5. Indique se entre as patoloxías descritas, algunha delas cursa en períodos (obrigado cumprimento).

6. Indique se a persoa se pode trasladar fóra do domicilio

Sinatura ______________________________ Selo ¿¿¿¿¿....¿¿¿

ANEXO VI

MODELO DE FICHA BANCARIA

DATOS PERSOAIS

1.º apelido ¿¿¿¿¿¿¿¿¿¿¿¿¿¿¿¿¿¿¿¿ 2.º Apelido ¿¿¿¿¿¿¿¿¿¿¿¿¿¿¿¿¿¿...

Nome ¿¿¿¿¿¿¿¿¿¿¿¿¿¿¿¿¿¿¿¿¿¿¿¿¿¿¿¿¿¿¿¿¿¿¿¿¿¿¿¿¿¿¿¿¿¿¿¿

Enderezo ¿¿¿¿¿¿¿¿¿¿¿¿¿¿¿¿¿¿¿¿¿¿¿¿¿¿¿¿¿¿¿¿¿¿¿¿¿¿¿¿¿¿¿¿¿¿

Localidade ¿¿¿¿¿¿¿¿¿¿¿¿¿¿¿¿ Provincia¿¿¿¿¿¿¿¿¿¿¿¿¿¿¿¿¿¿¿¿¿¿¿

CP ¿¿¿¿¿¿¿¿¿¿¿¿¿¿¿¿¿ DNI/NIE ¿¿¿¿¿¿¿¿¿¿¿¿¿¿¿¿¿¿¿¿¿¿.¿¿¿¿.

DATOS DA ENTIDADE BANCARIA

Nome da entidade:

Enderezo da axencia

Localidade

Provincia

Valdoviño, ¿¿¿¿. de ¿¿¿¿¿¿¿¿¿¿¿¿¿¿¿¿¿ de ¿¿¿¿¿¿¿¿¿¿¿

Sinatura da persoa beneficiaria

Delixencia do/a axente bancario. Acéptase a designación de conta bancaria para a domiciliación dos recibos de axuda no fogar

Clave banco Clave sucursal D.C. N.º de conta

Valdoviño, ¿¿¿¿. de ¿¿¿¿¿¿¿¿¿¿¿¿¿¿¿¿¿ de ¿¿¿¿¿¿¿¿¿¿¿

Sinatura e selo da entidade bancaria

ANEXO VII

MODELO DA AUTORIZACIÓN DA PERSOA BENEFICIARIA PARA QUE O CONCELLO DE VALDOVIÑO POIDA RECADAR DATOS TRIBUTARIOS A AXENCIA TRIBUTARIA RELATIVOS AO NIVEL DE RENDA (IRPF)

A/s persoa/s abaixo asinante/s autoriza/n ao Concello de Valdoviño a solicitar á Axencia Estatal de Administración Tributaria, información de natureza tributaria para o recoñecemento, seguimiento e control da prestación do servizo de axuda no fogar.

A presente autorización outórgase aos efectos do recoñecemento, seguimiento e control para o establecementos da taxa da prestación do servizo de axuda no fogar,( artigos do 59 ao 62 do Decreto 99/2012, do 16 de marzo, polo que se regulan os servizos sociais comunitarios e o seu financiamento) e en aplicación do disposto pola disposión adicional 4.ª da Lei 40/1998, que mantén a súa vixencia tras a entrada en vigor do Real decreto lexislativo 3/2004, polo que se aproba o

texto refundido da Lei do imposto sobre a renda das persoas físicas, en no artigo 85.1. k) da lei 58/2003, xeral tributaria que permiten previa autorización do/a interesado/a, a cesión dos datos tributarios que precise con Concello de Valdoviño para o desenvolvemento das súas funcións.

INFORMACIÓN TRIBUTARIA AUTORIZADA:

Datos que posúa a axencia tributaria do imposto sobre a renda das persoas físicas do exercicio.........

Datos de outros membros da familia, cuxos ingresos son computable segundo a ordenanza reguladora de axuda no fogar, para o recoñecemento, seguimiento e control a prestación do servizo.

Valdoviño, ¿¿¿¿. de ¿¿¿¿¿¿¿¿¿¿¿¿¿¿.. de ¿¿¿..

ANEXO VIII

MODELO DE AUTORIZACIÓN DA PERSOA BENEFICARIA PARA QUE O CONCELLO DE VALDOVIÑO POIDA RECADAR DATOS PATRIMONIAIS NA DIRECCIÓN XERAL DE CATASTRO

A/s persoa/s abaixo asinante/s autoriza/n ao Concello de Valdoviño a solicitar á Dirección Xeral de Castastro, información de natureza patrimonial para o recoñecemento, seguimiento e control da prestación do servizo de axuda no fogar.

A presente autorización outórgase aos efectos do recoñecemento, seguimiento e control para o establecementos da taxa da prestación do servizo de axuda no fogar, en aplicación do Decreto 99/2012, do 16 de marzo, polo que se regulan os servizos sociais comunitarios e o seu financiamento (artigos 59 e 60).

INFORMACIÓN PATRIMONIAL AUTORIZADA:

Datos que posúa a dirección xeral de Catastro sobre o patrimonio

Datos doutros membros da familia, cuxos valores patrimoniais son computable segundo a ordenanza reguladora de axuda no fogar, para o recoñecemento, seguimiento e control a prestación do servizo.

Valdoviño, ¿¿¿¿. de ¿¿¿¿¿¿¿¿¿¿¿¿¿¿.. de ¿¿¿..

ANEXO IX

BAREMO PARA DETERMINAR A ASIGNACIÓN DO SERVIZO DE AXUDA NO FOGAR POR LIBRE CONCURRENCIA

O baremo para determinar a asignación do Servizo de Axuda no Fogar en Réxime de Libre Concurrencia será o que este en vigor en cada momento, aprobado polo órgano competente da Xunta de Galicia. Na actualidade, anexo I da Orde do 22 de xaneiro de 2009 pola que se regula o servizo de axuda no fogar.

FACTOR 1: AUTONOMÍA PERSOAL (máximo total 40 puntos)

O valor asignado en función da falta de autonomía das persoas será o que se deduza da valoración realizada polos órganos oficiais competentes para a valoración da discapacidade e do grao de dependencia.

As persoas dependentes valoradas que, polo calendario oficial de implantación, teñan dereito á prestación pola vía de acceso directo do sistema da dependencia (PIA con posible asignación de servizos de axuda no fogar), non poderán acceder polo sistema de libre concorrencia.

A asignación de valor en función do factor autonomía persoal realizarase de acordo coa seguinte táboa:

FACTOR 2: APOIO SOCIAL (máximo total 20 puntos)

FACTOR 3: SITUACIÓN FAMILIAR/ SOCIALIZACIÓN MENORES (máximo total 20 puntos)

FACTOR 4: OUTROS ASPECTOS SOCIAIS (máximo total 20 puntos)

ANEXO X

PROPOSTA DE RESOLUCIÓN PARA O ACCESO AO SERVIZO DE AXUDA NO FOGAR

________________________________________________ traballador/a social do Concello de Valdoviño, propoño a seguinte resolución para que a Concellería de Servizos sociais, adopte a resolución que estime oportuna.

PROPÓN:

 CONCEDER A D./Dna.___________________________________________, con DNI_____________, e puntación de baremación ________, a prestación do Servizo de Axuda no Fogar solicitado, por reunir tódolos requisitos esixidos e coas seguintes condicións:

 Prestacións:

o

o

 Achega conómica:

 Data de inicio do servizo:¿¿¿¿¿¿¿¿¿¿¿¿¿¿¿.. Lista de agarda:

 Número de horas e días á semana ¿¿¿¿¿¿¿¿¿¿¿¿ horas/día, días ¿¿¿¿¿¿¿¿¿¿¿¿¿¿

 Intensidade do servizo: ¿¿¿¿¿¿¿¿¿¿¿¿¿¿¿¿¿¿¿¿¿¿¿¿¿¿¿¿¿¿¿¿¿¿¿¿¿¿¿..

 DENEGAR A: D./Dna.___________________________________________ con DNI______________, e puntación de baremación_________,a prestación do Servizo de Axuda no Fogar solicitado, por non reunir tódolos requisitos esixidos para tal fin e que se especifican a continuación:

1.

2.

3.

Valdoviño, a ¿¿¿¿¿ de ¿¿¿¿¿¿¿¿¿.. de ¿¿¿¿¿¿

O/a traballador/a social

A ordenanza dispón a súa entrada en vigor ó día seguinte a súa publicación no B.O.P., pero se debe ter en conta que o artigo 70.2 da Lei 7/1985, de 2 de abril , reguladora das Bases do Réxime Local establece que:

¿¿..Las ordenanzas, incluídos el articulado de las normas de los planes urbanísticos, así como los acuerdos correspondientes a éstos cuya aprobación definitiva sea competencia de los entes locales, se publicarán en el ¿Boletín Oficial" de la provincia y no entrarán en vigor hasta que se haya publicado completamente su texto y haya transcurrido el plazo previsto en el artículo 65.2 salvo los presupuestos y las ordenanzas fiscales que se publican y entran en vigor en los términos establecidos en la Ley 39/1988, de 28 de diciembre, Reguladora de las Haciendas Locales....." (desde el 10 de marzo de 2004 RDL 2/2004, de 5 de marzo).

Artigo 65.2: ¿El requerimiento deberá ser motivado y expresar la normativa que se estime vulnerada. Se formulará en el plazo de quince días hábiles a partir de la recepción de la comunicación del acuerdo."