Cedeira - ORDENANZA FISCAL 3.1 REGULADORA DA TAXA POLO APROVEITAMENTO ESPECIAL OU UTILIZACIÓN PRIVATIVA DO DOMINIO PÚBLICO LOCAL

En uso das facultades concedidas polos artigos 133.2 e 142 da Constitución e polo artigo 106 da Lei 7/1985, de 2 de abril, reguladora das Bases de Réxime Local, e de conformidade co disposto nos artigos 15 a 19 do Real Decreto Lexislativo 2/2004, de 5 de marzo, polo que se aproba o Texto Refundido da Lei reguladora das Facendas Locais, este Concello establece a ¿Taxa polo aproveitamento especial ou utilización privativa do dominio público local ¿, que rexerase tanto por a presente Ordenanza Fiscal, así como no seu caso, pola Ordenanza Xeral de Xestión, Recadación e Inspección dos Tributos e outros Ingresos de dereito público, e demais normativa de aplicación, as normas da cal atenden ao prevido no artigo 57 e concordantes do citado Real Decreto Lexislativo 2/2004.

Constitúe o feito impoñible desta Taxa a utilización privativa ou aproveitamento especial do dominio público local como consecuencia da instalación de calquera elemento, aparato ou obra, independentemente de que se obtivera a correspondente licenza ou autorización.

1. Son suxeitos pasivos da Taxa, en concepto de contribuíntes, as persoas físicas e xurídicas e as entidades a que se refire o artigo 35.4 da Lei Xeral Tributaria que gocen, utilicen ou aproveiten especialmente o dominio público local en beneficio particular.

2. Terán a condición de substitutos do contribuínte os que soliciten as correspondentes licenzas ou realicen as obras, se non fosen as propias contribuíntes.

A responsabilidade, solidaria ou subsidiaria, das obrigas tributarias do suxeito pasivo, aplicarase nos supostos e co alcance que se sinala nos artigos 41 a 43 da Lei Xeral Tributaria.

1. A contía da taxa regulada na presente Ordenanza calcularase de acordo cos conceptos e importes establecidos nos correspondentes números dos epígrafes da Tarifa contida no apartado dous seguinte.

2. A Tarifa a que se refire o número anterior, estrutúrase nos seguintes epígrafes:

3. As cantidades resultantes da aplicación destas tarifas, esixiranse por cada aproveitamento solicitado ou realizado e serán irreducibles polos períodos naturais de tempo sinalados nesta, correspondendo o 10 por 100 dos dereitos xerados por tal concepto, á tramitación e concesión da oportuna licenza.

4. Naqueles casos en que a utilización privativa ou o aproveitamento especial se realice por Empresas explotadoras de servizos de subministracións que afecten á xeneralidade ou a unha parte importante da veciñanza, o importe da presente taxa considerarase incluído dentro da compensación do 1,5 por 100 dos ingresos brutos que obteñan anualmente no termo municipal ditas Empresas, en virtude do establecido polo artigo 24.1 do Real Decreto Lexislativo 2/2004, do 5 de marzo, polo que se aproba o Texto Refundido da Lei reguladora das Facendas Locais.

1. Non estarán obrigadas ao pagamento da presente taxa as Administracións Públicas polos aproveitamentos inherentes aos servizos públicos de comunicacións que exploten directamente e por todos os que inmediatamente interesen á seguridade cidadá ou á defensa nacional.

2. Así mesmo, non estarán obrigadas ao pagamento da presente taxa as empresas concesionarias do Concello polos aproveitamentos inherentes aos servizos públicos obxecto da concesión, nin os contratistas das obras municipais pola realización desas mesmas obras.

1. A presente taxa devengarse cando se inicie o uso privativo ou o aproveitamento especial do dominio público local que determina o seu feito impoñible. Non obstante, no caso de aproveitamentos xa autorizados ou prorrogados, a remuneración da taxa prodúcese o día primeiro de cada ano natural.

2. De conformidade co previsto no artigo 26.1.a) do Texto Refundido da Lei Reguladora das Facendas Locais, toda solicitude de licenza para que poida ser admitida a trámite, deberá acompañarse dun xustificante do depósito previo da presente taxa.

Ao amparo do establecido no artigo 27 do citado texto legal, o importe da taxa regulada na presente Ordenanza, esixirase en réxime de autoliquidación, debendo presentarse simultaneamente coa oportuna solicitude. Para os aproveitamentos prorrogables, poderase xirarse mediante autoliquidación, liquidación ou recibo, emitido polo Concello ou Deputación Provincial da Coruña.

Os escritos recibidos polos condutos distintos do Rexistro Municipal, a que fai referencia o artigo 38.4 da Lei 30/1992, do 26 de novembro, que non vingan acompañados do xustificante de ingreso dos dereitos correspondentes, serán admitidos provisionalmente pero non poderá dárselles curso sen que se emende a deficiencia ao fin da cal se requirirá ao interesado para que no prazo de dez días contados a partir do seguinte a aquel en que lle sexa notificado o devandito requirimento, aboe as cotas correspondentes co apercibimento de que transcorrido o devandito prazo sen efectualo, se terán os escritos por non presentados e será arquivada a solicitude, previos os trámites oportunos.

Unha vez recaída resolución sobre a concesión da licenza, practicarase a liquidación oportuna, ben elevando a tal categoría a autoliquidación presentada, ben emitindo unha nova liquidación, deducindo o importe da autoliquidación realizada e esixindo ou reintegrando no seu caso o suxeito pasivo as diferenzas existentes.

Se a licenza fose denegada, e sempre que a utilización privativa ou o aproveitamento especial non se efectuasen, o interesado poderá solicitar a devolución dos dereitos ingresados por tal concepto.

Así mesmo, o interesado poderá instar a devolución dos dereitos pagados nos casos en que, non realizándose a utilización privativa ou o aproveitamento especial, se renuncie ou desista deste. Nestes casos, se a renuncia ou desistimento se produce con posterioridade á concesión da licenza, non procederá a devolución da parte da taxa correspondente á tramitación desta.

A práctica da liquidación, éo sen prexuízo da potestade administrativa para a inspección dos datos declarados ou da actividade desenvolvida realmente polo suxeito pasivo, e para a aplicación de sancións, se iso é procedente.

Todas as liquidacións que se practiquen como consecuencia da regulado nos apartados anteriores serán notificadas aos obrigados ao pagamento da taxa, para o seu ingreso nas arcas municipais, a través de entidade colaboradora correspondente, utilizando os medios de pagamento e os prazos que sinala a Lei Xeral Tributaria e normas ditadas no seu desenvolvemento.

3. Cando con ocasión dos aproveitamentos regulados nesta Ordenanza se producisen danos no pavimento ou instalacións da vía pública, os suxeitos pasivos virán suxeitos á obriga do reintegro total dos gastos de reconstrución e reparación de tales danos ou a reparar os danos causados, de acordo coas especificacións técnicas que fixe o Concello, sendo esta obriga, en todo caso, independente dos dereitos liquidados polos aproveitamentos realizados.

No caso de que, efectuada a reposición do pavimento polo concesionario da licenza, os servizos municipais estimen que as obras non se realizaron de acordo coas esixencias técnicas correspondentes, o Concello poderá proceder á nova realización das obras defectuosas, vindo obrigado o suxeito pasivo da taxa a satisfacer os gastos que se produzan por esta causa.

4. Os servizos municipais correspondentes establecerán, en todo caso, un prazo determinado para a utilización privativa ou aproveitamento especial para o que se solicita licenza. Se transcorrido o prazo se continuase co devandito aproveitamento, liquidaranse novos dereitos de conformidade coa tarifa vixente nese momento, sen prexuízo das sancións que puidesen impoñerse.

En todo o relativo á cualificación de infraccións tributarias, así como das sancións que por estas correspondan en cada caso, estarase ao disposto nos artigos 181 e seguintes da Lei Xeral Tributaria e na normativa regulamentaria ditada en desenvolvemento desta última.

A partir da aplicación da presente Ordenanza Fiscal, quedan derrogadas cantas disposicións de igual ou inferior rango opóñanse ao disposto nesta.

A presente Ordenanza Fiscal entrará en vigor o día da súa publicación no Boletín Oficial da Provincia, e será de aplicación a partir do día 1 de xaneiro de 2016 publicación, permanecendo en vigor ata a súa modificación ou derrogación expresas.