Corcubión - ORDENANZA FISCAL REGULADORA DA TAXA POR DEREITOS DE EXAME

No uso das facultades conferidas polos artigos 4 e 106 da Lei 7/1985, do 2 de abril, reguladora das Bases do Réxime Local e de conformidade co disposto nos artigos 15 a 19, 20.4 e 57 do Texto Refundido da Lei Reguladora das Facendas Locais, aprobado por Real Decreto Lexislativo 2/2004, do 5 de marzo, establécese a taxa por dereitos de exame.

Artigo 2

Constitúe o feito impoñible da taxa, a actividade técnica e administrativa conducente á selección do persoal funcionario e laboral entre as persoas que soliciten participar nas correspondentes probas de acceso ou de promoción aos Corpos ou Escalas de funcionarios ou ás categorías de persoal laboral convocadas por este Concello.

Artigo 3

Serán suxeitos pasivos da taxa as persoas físicas que soliciten a inscrición como aspirantes nas probas selectivas ás que se refire o artigo 2.

Artigo 4

4.1.- A vindicación da taxa producirase no momento da solicitude de inscrición nas probas selectivas.

4.2..- A dita solicitude de inscrición non se tramitará mentres non se faga efectivo o importe da taxa, nos termos previstos no artigo 6 desta Ordenanza.

Artigo 5

5.1. As taxas que corresponde satisfacer polos servizos regulados nesta Ordenanza, serán as seguintes:

5.2. Ás taxas anteriores seralle de aplicación as seguintes redución: Do 100 por 100, naqueles supostos nos que o suxeito pasivo sexa unha persoa que figura como demandante de emprego, cunha antigüidade mínima dun ano, referida á data de publicación da convocatoria das probas selectivas de que se trate.

Para a aplicación desta redución, o suxeito pasivo deberá acreditar as circunstancias descritas no parágrafo anterior, mediante presentación de certificado de desemprego, emitido polo Instituto Nacional de Emprego ou, no seu caso, polo Servizo Rexional de Emprego que corresponda.

Artigo 6

6.1.- A taxa regulada nesta Ordenanza esixirase en réxime de autoliquidación.

Os suxeitos pasivos deberán practicar autoliquidación, nos impresos habilitados ao efecto polo Concello e realizar o seu ingreso en calquera entidade bancaria autorizada, antes de presentar a correspondente solicitude de inscrición, non admitíndose o pagamento fora de dito prazo.

A falla de pagamento da taxa no prazo sinalado no parágrafo anterior, determinará a inadmisión do aspirante nas probas selectivas.

6.2.- Á solicitude de inscrición deberá acompañarse, en todo caso, copia da autoliquidación, debidamente ingresada. No caso de que o suxeito pasivo sexa unha das persoas ás que se refire o artigo 5.2 desta Ordenanza, deberá achegar a documentación que no mesmo se indica.

6.3.- Cando por causas non imputables ao suxeito pasivo, a actividade técnica e/ou administrativa que constitúe o feito impoñible da taxa non se realice, procederá a devolución do importe correspondente. Polo tanto, non procederá devolución algunha dos dereitos de exame nos supostos de exclusión das probas selectivas por causas imputables ao interesado.

Artigo 7

Se concederán as seguintes exencións e bonificacións:

7.1.- Estarán exentas do pago as persoas con discapacidade igual ou superior ao 33 por cento, que se acreditará mediante orixinal ou copia compulsada do certificado de discapacidade emitido pola Dirección Xeral de Servizos Sociais, e que se deberá atopar actualizado á data de finalización do prazo de presentación das solicitudes.

7.2.- Os aspirantes integrantes dunha unidade familiar recoñecida como familia numerosa coa acreditación en vigor terán una reducción do 50% da taxa.

Os expresados beneficios fiscais non terán carácter acumulativo, polo cal, en supostos de concorrencia de diversas causas que sexan a orixe do dereito a demandar os beneficios citados, o interesado deberá optar só por un deles. No caso de que o interesado non exercitase a opción anterior, procederase de oficio, a considerar por orde de preferencia decrecente no que se atope debidamente xustificado ou resulte máis favorable ao interesado.

Artigo 8

En todo o relativo a infraccións e sancións tributarias e as súas distintas cualificacións, así como as sancións que ás mesmas corresponda, serán de aplicación as normas xerais establecidas na vixente Lei Xeral Tributaria.

A presente Ordenanza Fiscal entrará en vigor o día seguinte ao da súa publicación no Boletín Oficial da Provincia.