Vedra - ORDENANZA FISCAL NÚM. 27, REGULADORA DA TAXA POLA PRESTACIÓN DE SERVIZOS DEPORTIVOS E UTILIZACIÓN DO PAVILLÓN MUNICIPAL

En uso das facultades contidas polos artigos 133.2 e 142 da Constitución, polo artigo 106 da Lei 7/1985, de 2 de abril, Reguladora das Bases do Réxime Local, e de conformidade co disposto no artigo 20 en relación cos artigos 15 a 19 do Real Decreto Lexislativo 2/2004, de 5 de marzo, polo que se aproba o texto refundido da Lei reguladora das facendas locais, este Concello establece a taxa por prestacións de servizos deportivos e utilización do pavillón municipal.

Constitúe o feito impoñible desta taxa a realización de actividades deportivas e a utilización do pavillón municipal.

Son suxeitos pasivos as persoas físicas e xurídicas, así como as Entidades a que se refire o artigo 35.4 da Lei 58/2003, de 17 de decembro, Xeral Tributaria, que soliciten ou resulten beneficiadas ou afectadas pola prestación dos servizos deportivos.

A cota tributaria consiste na aplicación das seguintes tarifas:

1. Actividades deportivas en idade escolar (menores de 16 anos)

2. Actividades deportivas para adultos (dende os 16 anos)

3. Ximnasio municipal (dende os 18 anos)

4. Utilización do pavillón municipal

1. Actividades deportivas en idade escolar (menores de 16 anos)

a) Bonificación do 50% no 2º irmán.

b) Bonificación do 75% no 3º ou máis irmáns

c) Bonificación do 50% pola matrícula na segunda ou máis actividades deportivas. Esta bonificación aplicarase, no seu caso, unha vez obtida a taxa bonificada nos puntos a) e b) anteriores.

De acordo coas normas e calendario que se aprobe e publique anualmente polo Concello, o pago das taxas periódicas realizarase mediante domiciliación bancaria debidamente autorizada coa sinatura e presentación das solicitudes de inscrición. Excepcionalmente poderá habilitarse outra forma de pagamento.

O incumprimento da obriga de pago ou devolución do recibo dará lugar á baixa da persoa usuaria no servizo. Non admitiranse inscricións nos servizos aos/as usuarios/as que teñan recibos pendentes.

No suposto da utilización do pavillón municipal, o pagamento da taxa deberá realizarse no momento de realizar a reserva.

En todo o referente a infraccións e sancións, será de aplicación a Lei 58/2003, de 17 de decembro, Xeral Tributaria, en concreto os artigos 181 e seguintes, así como as súas disposicións de desenvolvemento, segundo o disposto no artigo 11 o Texto Refundido da Lei Reguladora das Facendas Locais, aprobado polo Real Decreto Lexislativo 2/2004, de 5 de marzo.

Quedan derrogadas a Ordenanza nº 14 reguladora da taxa por servizos culturais e deportivos e a Ordenanza fiscal nº10 reguladora da taxa pola utilización do pavillón municipal.

A presente Ordenanza fiscal entrará en vigor o mesmo día da publicación do seu texto íntegro no Boletín Oficial da Provincia.