Vimianzo - Regulamento de réxime interno da escola infantil municipal do Concello de Vimianzo.

Exposición de motivos

Capítulo I. Obxecto, ámbito de aplicación e función

Artigo 1. Obxecto

Artigo 2. Ámbito de aplicación

Artigo 3. Función

Capítulo II. Datos do Centro

Artigo 4. Datos identificativos

Capítulo III. Capacidade do Centro

Artigo 5.

Capítulo IV. Procedemento de ingreso

Artigo 6. Persoas destinatarias

Artigo 7. Condicións

Artigo 8. Lugar e prazo de presentación de solicitudes

Artigo 9. Documentación requirida

Artigo 10. Criterios de preferencia para a adxudicación de prazas e xornadas

Artigo 11. Baremo de admisión

Artigo 12. Listaxes provisionais

Artigo 13. Reclamacións

Artigo 14. Listaxes definitivas

Artigo 15. Formalización de matrícula/reserva de praza

Artigo 16. Incorporación do alumnado á Escola

Artigo 17. Listaxes de agarda e adxudicación de vacantes durante o curso escolar

Artigo 18. Modificacións nas condicións do servizo

Artigo 19. Causas de baixa

Artigo 20. Criterios de subvencionalidade pola Xunta de Galicia

Capítulo V. Obxectivos da Escola

Artigo 21.

Capítulo VI. Calendario e horario xeral da EIM

Artigo 22.

Capítulo VII. Horarios de permanencia dos nenos e nenas

Artigo 23. Horarios de asistencia

Artigo 24. Entradas e saídas

Artigo 25. Programación educativa

Capítulo VIII. Referente ás Familias

Artigo 26. Dereitos e obrigas dos pais/nais, titores/as e representantes legais

Artigo 27. Participación e relación cos pais e nais, titores/as e representantes legais

Artigo 28. Instrumentos de información para as familias

Artigo 29. Asociación de Pais e Nais.- ANPAs

Capítulo IX. Servizos que poderá ofertar

Artigo 30. Servizos básicos

Artigo 31. Normas de saúde, hixiene, vestiario e alimentación

Artigo 32. Normas referidas ao servizo de comedor

Artigo 33. Normas referidas ao servizo de transporte

Artigo 34. Normas referidas ás actividades educativas e complementarias/extras

Artigo 35. Outras normas de convivencia

Artigo 36. Uso das dependencias e dos materiais

Capítulo X. Promoción da integración e da igualdade entre nenos e nenas

Artigo 37. Integración do alumnado con NEAE - Necesidades Específicas de Apoio Educativo

Artigo 38. Fomento da Igualdade entre nenos e nenas

Capítulo XI. A lingua

Artigo 39.

Capítulo XII. Persoal

Artigo 40. Relación de persoal

Artigo 41. Equipo técnico

Artigo 42. Cualificacións profesionais e funcións

Capítulo XIII. Réxime de cobramento

Artigo 43. Gratuidade da atención educativa e da matrícula

Artigo 44. Prezos

Artigo 45. Revisión de prezos

Artigo 46. Facturas

Artigo 47. Réxime de reserva de praza para o caso de ausencias/vacacións

Artigo 48. Réxime de financiamento

Capítulo XIV. Medidas de seguridade e hixiene

Artigo 49.

Capítulo XV. Libro de Reclamacións

Artigo 50.

Capítulo XVI. Das infraccións e sancións

Artigo 51. Réxime sancionador

Capítulo XVII. Comisión de Baremación, Coordinación e Seguimento

Artigo 52.

Capítulo XVIII. Normativa de Aplicación

Disposición derrogatoria

Disposición transitoria única

A Constitución española, norma suprema e fundamental do ordenamento xurídico español establece no Título I Dos dereitos e deberes fundamentais, Capítulo Segundo Dereitos e Liberdades, concretamente no seu artigo 27, o dereito á educación como un dereito fundamental, e articulase substancialmente mediante a Lei 2/2006 de 3 de maio, onde se regula especificamente no Capítulo I do Título I, a etapa de educación infantil.

A efectos de determinar o seu cumprimento, e sobre a base do anteriormente exposto, resulta necesario facer mención o disposto no Título VI da Lei 39/2015, do 1 de outubro, de Procedemento Administrativo Común das Administracións Públicas no Título VI Da iniciativa lexislativa e da potestade para ditar regulamentos e outras disposicións, regulase no apartado primeiro do artigo 129 que:

No exercicio da iniciativa lexislativa e da potestade regulamentaria, as Administracións Públicas actuarán de acordo cos principios de necesidade, eficacia, proporcionalidade, seguridade xurídica, transparencia e eficiencia. Na exposición de motivos ou no preámbulo, segundo se trate, respectivamente, de proxectos de lei ou de proxectos de regulamento, quedará suficientemente xustificada a súa adecuación a ditos principios.

En virtude dos principios de necesidade e eficacia, esta iniciativa normativa xustificase co fin que persigue, sendo o seu obxectivo fundamental a determinación dos criterios e requisitos que se teñen que cumprir para artellar un procedemento que resulte máis adecuado no acceso a este servizo municipal, contando cun procedemento de admisión, que garante non só a educación do alumnado procedente de contornas sociais e culturais menos favorecidas, senón tamén na regulación das súas normas de funcionamento, facilitando o desempeño dos cometidos asignados ao mesmo.

Así mesmo, e de acordo co principio de proporcionalidade, este regulamento conten as normas para establecer un equilibrio entre os recursos públicos dispoñibles e os fins que se pretenden conseguir cos mesmos.

En aplicación do principio de eficiencia, pretendese establecer un procedemento interno na Escola Infantil Municipal Os Vimianziños que permite dunha maneira áxil e eficaz, reducir cargas administrativas innecesarias, así como establecer unhas normas, tanto para o equipo docente, así como para os/as pais/nais do alumnado da mesma, sempre coas garantías establecidas na lei, e con suxeición ao principio de seguridade xurídica, aplicándose de maneira coherente co resto do ordenamento xurídico.

Finalmente, de acordo co principio de transparencia previsto no apartado quinto do artigo 129 da Lei 39/2015, de 1 de outubro, na que determinase que as administracións públicas, posibilitarán o acceso sinxelo, universal e actualizado da normativa en vigor e os documentos propios do seu proceso de elaboración, nos termos establecidos no artigo 7 da lei 19/2013, de 9 de decembro, de transparencia, acceso á información pública e bo goberno, definindo claramente os obxectivos das iniciativas normativas e a súa xustificación na exposición de motivos; o presente regulamento será sometido, de acordo co disposto no artigo 49 da Lei 7/1985, de 2 de abril, Reguladora de Bases de Réxime Local, ao correspondente trámite de información e audiencia pública, tras a súa aprobación inicial polo Pleno, a efectos de que a cidadanía poida presentar as reclamacións ou suxestións que consideren oportunas, por un prazo de trinta días, sendo ademais, tras a súa aprobación definitiva, publicado no Boletín Oficial da Provincia.

Artigo 1. Obxecto

Estas Normas de Funcionamento (Regulamento de Réxime Interno) teñen por obxecto establecer a organización e o funcionamento da Escola Infantil Municipal (EIM) Os Vimianziños do Concello de Vimianzo.

Artigo 2. Ámbito de aplicación

Constitúe o ámbito de aplicación destas normas a escola infantil de atención á primeira infancia, empregada como equipamento diúrno de carácter educativo/asistencial dirixido á poboación infantil de 0 a 3 anos.

Artigo 3. Función

Os centros de atención á primeira infancia, escolas infantís 0-3, cumpren unha función eminentemente educativa, proporcionando ás persoas usuarias unha atención integral sen distinción de raza, sexo, condición social ou económica, a través dun programa global que garanta o pleno desenvolvemento físico, intelectual, afectivo, social e moral dos nenos e nenas.

A escola infantil cooperará estreitamente cos proxenitores e coas persoas titoras co fin de facilitar a conciliación da vida familiar e laboral e conseguir a mellor integración entre o centro e as familias.

Artigo 4. Datos identificativos

· Denominación do centro: Escola Infantil Municipal de Vimianzo Os Vimianziños

· Enderezo: Rúa Evaristo Martelo, núm. 1 - 15129 Vimianzo

· Teléfonos: 981 106 376 - 607 381 507 // Fax: 981 707 425

· Correo electrónico: eim.osvimianzinos@gmail.com

Titularidade

· Entidade titular: Concello de Vimianzo

· CIF.: P1509300H

· Enderezo: Praza do Concello, núm. 6 - 15129 Vimianzo

· Teléfono: 981 716 001 Fax: 981 716 650

· Correo electrónico: correo@vimianzo.gal

· Páxina web: www.vimianzo.gal

· Representante legal: Alcalde/Alcaldesa do Concello de Vimianzo

· Nº Rexistro de Entidades Prestadoras de Servizos Sociais.¿ RUEPSS: E¿ 392 ¿ C¿1

Autorizacións

· Data de Permiso de inicio de Actividade: 11/11/2005.

· Resolución de 24 de setembro de 2019, modificación substancial: consistente na realización de novos espazos: unha unidade 2¿3 anos, (aula 4), ramplas de accesos e saídas accesibles ata o espazo exterior e peche do patio interior de xogos.

· Resolución de 21 de novembro de 2023, modificación substancial: consistente dunha unidade 2-3 anos, (aula5).

Tipo de Xestión: Indirecta. Contrato de xestión de servizos públicos

Artigo 5.

A EIM Os Vimianziños conta con autorización para 5 unidades e 75 prazas para nenas e nenos de 3 meses a 3 anos distribuídas da seguinte maneira:

· 1 unidade 0 a 1 ano .......................... 8 prazas

· 1 unidade 1 a 2 anos ........................13 prazas

· 1 unidade 2 a 3 anos ........................ 19 prazas

· 1 unidade 2 a 3 anos ......................... 20 prazas

· 1 unidade 2 a 3 anos ........................ 15 prazas

No caso de non existir demanda suficiente para formar un ou varios grupos do mesmo nivel de idade, o alumnado poderá ser agrupado conforme á seguinte proporción:

· Grupos formados por nenos e nenas de ata 2 anos de idade: 1/10.

· Grupos formados por nenos e nenas de idades comprendidas no tramo 0 - 3: 1/15

Esta redistribución da escola realizarase para o curso e requirirá de autorización da Inspección de Centros da Xunta de Galicia.

Nos intervalos da xornada, primeiras horas da mañá e tarde, debido á escasa presenza de alumnado na EIM, poderanse realizar agrupamentos 0 -2 e 0 -3, respectando as ratios.

Reservarase unha praza por cada grupo de idade e, como máximo, unha por unidade aberta para casos de emerxencia social. Terán a consideración de ingresos urxentes aqueles nos que concorran circunstancias socioeconómicas, familiares ou doutra índole que requiran dunha intervención inmediata. Entenderase por ingresos de urxencia os casos de:

a) Menores tutelados ou en situación de garda pola Administración autonómica.

b) Fillos e/ou fillas das mulleres que se atopen en casas de acollida e/ou sexan vítimas de violencia de xénero.

c) Naqueles outros casos onde as circunstancias socioeconómicas e familiares requiran unha intervención inmediata, tralo informe dos servizos sociais do concello.

No caso de que as prazas reservadas por este motivo non estean ocupadas, poderase facer uso delas de maneira ordinaria, pero sempre condicionado este uso a causar baixa dunha maneira inmediata por unha situación de máxima urxencia.

De integrarse alumnado con necesidades específicas de apoio educativo, en ningún caso, poderá haber máis dunha nena ou neno de integración por aula. Para efectos da ratio, estas prazas contabilizaranse como dúas. 

Artigo 6. Persoas destinatarias

Nenos e nenas de 3 meses a 3 anos.

Artigo 7. Condicións

Poderán solicitar praza na escola infantil as nais, pais, titores/as ou representantes legais dos nenos e nenas que cumpran os seguintes requisitos:

a) Nenas/os que estean nados no momento de presentar a solicitude.

b) A idade mínima de incorporación ao centro será de 3 meses cumpridos, salvo situacións especiais e previo informe do equipo técnico da Área de Benestar Social.

Idade máxima: as nenas/os poderán ser usuarios do servizo ata o momento no que lle corresponda a incorporación á educación infantil do segundo ciclo. Neste caso poderán permanecer na escola infantil ata o derradeiro día do correspondente curso escolar.

c) Estar ao corrente no pagamento das cotas polos servizos recibidos na data de presentación da solicitude, no caso de persoas usuarias do servizo da escola en cursos anteriores.

No momento do seu ingreso, abriráselles un expediente persoal individual no que constarán, con carácter confidencial, os datos de filiación, sanitarios, enderezo e teléfono para avisos en casos de urxencia, así como cantas circunstancias aconsellen unha atención diferenciada.

Poderanse integrar menores con necesidades específicas de apoio educativo, en función das dispoñibilidades dos recursos humanos e materiais adecuados, e excepcionalmente nenas/os maiores de 3 anos respectando o seu desenvolvemento evolutivo por enriba da idade biolóxica, previa solicitude para a flexibilización e informe do equipo de valoración e orientación correspondente.

Artigo 8. Lugar e prazo de presentación de solicitudes

As solicitudes presentaranse no Rexistro Xeral no Concello de Vimianzo ou en calquera dos modos establecidos no artigo 16 da Lei 39/2015, do 1 de outubro, de procedemento administrativo común das administracións públicas.

O prazo ordinario de presentación de solicitudes será do 1 ao 31 de marzo de cada ano, ambos incluídos.

As solicitudes que se presenten fóra do prazo ordinario pasarán a formar parte da listaxe de agarda, en función da dispoñibilidade de prazas na escola, e serán tramitadas e baremadas nos procedementos extraordinarios que se establezan a partir do día 19 de cada mes. A incorporación destes escolares ao centro farase a partir do primeiro día do mes seguinte ao da concesión da praza, sempre e cando os expedientes estean resoltos.

O alumnado poderá asistir á escola infantil un máximo de 11 meses por curso escolar. Por causas debidamente xustificadas poderase admitir a asistencia do/a menor durante os doce meses do ano. De ser o caso, deberán formalizar unha solicitude na dirección da escola antes do 19 de maio de cada ano, agás causas sobrevidas que o impidan, motivando a/as razón/s da necesidade de asistencia á escola durante todo o curso de forma ininterrompida. Dita circunstancia virá aprobada por Resolución da Alcaldía, previo informe favorable dos servizos sociais municipais. Neste caso, deberán aboar a taxa que lle corresponda polos doce meses de asistencia.

Artigo 9. Documentación requirida

Co fin de acreditar cada unha das circunstancias socio¿familiares, laborais e económicas, as persoas interesadas achegarán, xunto coa solicitude debidamente cuberta e asinada, a seguinte documentación:

a) Documentación xustificativa da situación socio¿familiar:

· Copia do DNI das persoas proxenitoras, titores/as ou representantes legais, segundo proceda.

· Copia do libro de familia completo ou, no seu defecto, outro documento que acredite oficialmente a situación familiar. Se hai fillas e/ou fillos de anteriores parellas que convivan no domicilio, por ter asignado unha das dúas persoas proxenitoras a garda e custodia, tamén se entregará a copia destes libros de familia.

· Certificado de convivencia e sentenza de separación ou divorcio, convenio regulador ou resolución xudicial de medidas paterno¿filiais, de ser o caso.

· Copia da resolución administrativa de acollemento ou de garda con fins adoptivos, de ser o caso.

· Certificado de empadroamento da unidade familiar expedido polo concello correspondente. No caso das unidades familiares empadroadas en Vimianzo, o concello expedirá os certificados de oficio.

· No caso de persoas que non estean censadas no Concello de Vimianzo pero que teñan os seus postos de traballo neste municipio, achegarán a documentación acreditativa de tal situación.

b) Documentación xustificativa da situación laboral da unidade familiar:

· Informe de vida laboral actualizado das persoas proxenitoras, titores/as ou representantes legais, segundo proceda.

· No caso de persoas traballadoras por conta allea: contratos de traballo ou documentación que acredite o tempo traballado e a xornada laboral do último ano e copia das tres últimas nóminas.

· No caso de persoas traballadoras por conta propia: certificado expedido pola Axencia Estatal da administración tributaria que acredite a alta no imposto sobre actividades económicas e copia dos últimos tres recibos do pagamento da cota á Seguridade Social no réxime especial de traballadores por conta propia ou da correspondente mutualidade.

· No caso de persoas desempregadas: certificación da demanda de emprego das persoas proxenitoras, titores/as ou representantes legais.

c) Documentación xustificativa da situación económica da unidade familiar:

· Copias certificadas pola administración tributaria das declaracións do IRPF ou a certificación de ingresos das persoas que non presentasen as declaracións do IRPF, referidas ao ano que determine o concello para cada curso escolar, que por norma xeral vai ser sempre o referido ao ano anterior ao exercicio que se declare. A documentación anterior poderá ser substituída pola correspondente autorización para obter os datos de carácter tributario necesarios para a determinación da renda da unidade familiar.

· No caso de producirse variacións de ingresos que supoñan unha diminución ou incremento do 20% no cómputo anual fronte aos que figuren na declaración do IRPF referida ao ano que determine o concello, a persoa interesada deberá acreditar documentalmente tales circunstancias no momento de presentación da solicitude.

· No caso de nulidade matrimonial, separación ou divorcio, presentarase a renda de quen exerza a garda e custodia do neno ou nena e as pensións compensatorias que percibe o/a cónxuxe que a ostente e de alimentos dos fillos e/ou fillas ao seu cargo. No caso de non percibiren, acreditarase esta circunstancia coa copia da reclamación xudicial presentada ao efecto.

· Unha vez adxudicada a praza da escola infantil, as persoas usuarias deberán achegar entre o 1 e o 15 de xullo a documentación xustificativa da situación económica segundo se lle requira co fin de establecer a cota a pagar.

d) Outros documentos acreditativos de todas aquelas situacións que, segundo o baremo, sexan susceptibles de puntuación:

· Certificado do grao de discapacidade e/ou dependencia da nena ou neno para quen se solicita a praza, se é o caso.

· Informe dos servizos especializados na materia sobre a necesidade de integración na escola infantil, no caso de menores con necesidades de apoio educativo.

· Certificado do grao de discapacidade e/ou de dependencia das persoas proxenitoras, titores/as ou representantes legais ou doutros membros da unidade familiar, se é o caso.

· Informe do equipo técnico da área de Benestar Social, nos supostos nos que sexa necesario por razón da especial situación socioeconómica ou socio¿familiar da unidade familiar.

· Documentación acreditativa de situacións tales como: familia monoparental (recoñecida pola Comunidade Autónoma de Galicia), familia numerosa, vítima de violencia de xénero, abandono do fogar ou de calquera outra circunstancia socio¿familiar alegada.

A falta de presentación dalgún destes documentos acreditativos, dentro do prazo de solicitude e emenda, suporá a renuncia implícita a ser valorado no apartado correspondente dos criterios de prioridade e baremo aplicable, de calquera das circunstancias alegadas.

Cando se trate dunha solicitude para a renovación de praza, achegarase só aquela documentación que permita actualizar a situación da unidade familiar que incida nos criterios de prioridade, na puntuación do baremo e no cálculo da contía da praza, sen necesidade de achegar a que xa figura no expediente do menor.

Toda a documentación deberá estar actualizada e en vigor para que se poida proceder á valoración do expediente. Poderá achegarse copia simple. As persoas interesadas responsabilizaranse da veracidade dos documentos que se presenten. Poderáselles requirir a exhibición do documento orixinal para o cotexo da copia presentada.

Se a solicitude achegada non reunise os requisitos recollidos nestas normas de funcionamento, requirirase á persoa interesada para que, nun prazo de 10 días a partir da data de notificación do requirimento, emende a falta ou acompañe os documentos preceptivos, coa indicación de que, se así non o fixese, de acordo co establecido na Lei 39/2015, do 1 de outubro, de procedemento administrativo común das administracións públicas, se entenderá que desiste da súa petición, previa resolución.

Poderáselle reclamar en calquera momento á persoa solicitante todos aqueles datos que se coiden precisos para a tramitación do expediente e a súa debida acreditación documental.

Artigo 10. Criterios de preferencia para a adxudicación de prazas e xornadas

As solicitudes de praza presentadas serán tramitadas e valoradas co obxecto de adxudicarlle unha praza na escola infantil, xunto coa xornada e servizos optativos que lle correspondan.

No caso de existiren máis solicitudes que prazas/xornadas vacantes, a súa adxudicación farase acorde aos criterios de preferencia que se especifican nos seguintes apartados:

a) Adxudicación de prazas

A adxudicación das prazas existentes na escola realizarase atendendo aos seguintes criterios de prioridade:

Grupo 1: unidades familiares empadroadas no Concello de Vimianzo.

Entenderase por unidade familiar a formada pola/s persoa/s proxenitora/s, ou a persoa proxenitora e o/a cónxuxe ou persoa con análoga relación de afectividade e:

· Os/as fillos/as menores de dezaoito anos, agás que, con consentimento das persoas proxenitoras, vivan de xeito independente.

· Os/as fillos/as maiores de idade con incapacitación xudicial e patria potestade prorrogada ou rehabilitada.

· Os/as fillos/as maiores de dezaoito anos cun grao de discapacidade igual ou superior ao 33%.

· Os/as menores en situación de garda con fins adoptivos ou en situación de acollemento familiar por tempo superior a un ano.

A determinación dos membros da unidade familiar realizarase atendendo á situación existente no momento de solicitude de praza.

Na adxudicación de prazas dentro deste grupo seguirase a seguinte orde de prelación:

1.1. Co obxecto de darlle continuidade ás persoas usuarias matriculadas no curso anterior, terán preferencia as solicitudes que formalizaran a súa matrícula antes do 1 de xaneiro de cada ano, e fagan un uso efectivo e continuado da praza ata o 30 de xuño do ano en curso, agás aquel alumnado que por razóns do cumprimento da idade mínima dos 3 meses, non puidera ter formalizada a matrícula con anterioridade. Non obstante, en ningún momento terán garantido o tipo de xornada nin os servizos optativos solicitados.

1.2. Aquelas solicitudes de novo ingreso de menores que xa teñan unha irmá e/ou un irmán no centro, e seguidamente, aquelas solicitudes presentadas de forma conxunta de 2 ou máis irmás e/ou irmáns, garantindo nestes casos que o grupo de irmás e/ou irmáns teñan a mesma xornada e servizos optativos.

1.3. Todas as demais solicitudes que pertenzan a unidades familiares empadroadas no Concello de Vimianzo.

A asignación das prazas dentro de cada un dos subgrupos anteriores farase de maneira independente atendendo á puntuación obtida no baremo de maior a menor.

Grupo 2: unidades familiares non empadroadas no Concello de Vimianzo.

Para o resto de solicitudes seguirase a seguinte orde de prelación:

2.1. As solicitudes nas que parte da unidade familiar estea empadroada no Concello de Vimianzo.

2.2. As/os fillas/os de persoas que, estando empadroadas noutro concello, as dúas persoas proxenitoras, titores/as ou representantes legais desempeñen o seu posto de traballo no termo municipal de Vimianzo.

2.3. As/os fillas/os de persoas que, estando empadroadas noutro concello, unha das dúas persoas proxenitoras, titores/as ou representantes legais desempeñe o seu posto de traballo no termo municipal de Vimianzo.

2.4. As/os nenas/os doutros concellos.

Todas as situacións anteriores terán que estar debidamente acreditadas.

A asignación das prazas dentro de cada un dos subgrupos anteriores farase de maneira independente atendendo á puntuación obtida no baremo de maior a menor.

b) Asignación de xornada e servizos optativos

A asignación das distintas xornadas, do servizo de comedor e do horario ampliado realizarase conforme aos seguintes criterios, tendo en conta os grupos anteriores:

Criterio 1: todas as solicitudes que estean englobadas dentro do grupo 1, e dentro destas seguirase a orde que estableza a puntuación do baremo de maior a menor.

Criterio 2: todas as solicitudes que estean englobadas dentro do grupo 2, asignaránselle en atención á puntuación obtida en cada un dos subgrupos de maior a menor.

No caso de expedientes con igual puntuación, terán preferencia, en primeiro lugar, as solicitudes de xornada completa con servizo de comedor e logo, as solicitudes de xornada completa sen comedor fronte ás solicitudes de media xornada con comedor e seguidamente sen comedor. Unha vez aplicado este criterio, daráselle prioridade á renda per cápita máis baixa.

Aqueles expedientes que non obtiveran praza nas condicións sinaladas na solicitude presentada, adxudicaráselle, de ser posible, outra praza cun servizo alternativo sempre e cando indiquen no impreso de solicitude que aceptan esta opción. Igualmente pasarán a formar parte da listaxe de agarda, previa solicitude da persoa interesada. De non sinalar un servizo alternativo, pasarán a formar parte da listaxe de agarda, sempre que a persoa interesada o manifestara expresamente.

De non haberen praza vacante na opción de preferencia nin servizo alternativo, a solicitude pasará a formar parte da listaxe de agarda, tras a petición da persoa solicitante.

Artigo 11. Baremo de admisión

a) Situación socio¿familiar

a.1. No caso de que a nena ou neno para quen se solicita a praza nacese nun parto múltiple: 1 punto

a.2. No caso de solicitar praza varias irmáns e/ou irmás: 1 punto

a.3. Por cada membro da unidade familiar afectado por un grao de discapacidade igual ou superior ao 33% ou teña recoñecida a condición de persoa dependente: 2 puntos

a.4. Pola condición de familia monoparental: 2 puntos

Entenderase por familia monoparental a unidade familiar formada por unha única persoa proxenitora que non conviva con outra persoa coa que manteña unha relación análoga á conxugal e os fillos ou fillas ao seu cargo, sempre que a outra persoa proxenitora non contribúa economicamente ao seu sustento.

a.5. Pola condición de familia numerosa: 2 puntos

a.6. Calquera situación socio¿familiar especial da nena ou neno debidamente acreditada, sendo imprescindible un informe social emitido polo persoal técnico de referencia do concello: 2 puntos

b) Situación laboral

b.1. Situación laboral de ocupación

Para situacións nas que exista un contrato laboral de 20 ou máis horas semanais.

Puntuarase de 2 a 6 puntos (por cada persoa proxenitora, titor/a ou representante legal) nos seguintes intervalos de meses traballados durante o último ano a contar antes do día 1 do mes no que se presente a solicitude do ano en curso:

· 12 meses ou máis: 6 puntos

· De 6 meses a menos de 12 meses: 4 puntos

· Menos de 6 meses: 2 puntos

b.2. Situación laboral de desemprego

Aquelas persoas que se atopen en situación de desemprego ou de mellora de emprego.

· Persoa proxenitora 1: 1 punto

· Persoa proxenitora 2: 1 punto

A situación laboral de desemprego valorarase coa certificación expedida polo órgano correspondente que acredite que a persoa está inscrita como demandante de emprego no momento de achegar a documentación. No caso de familias monoparentais adxudicaráselles a puntuación do epígrafe correspondente multiplicado por 2.

c) Situación económica

Renda Per Cápita (RPC) mensual da unidade familiar referida ao Indicador Público de Renda de Efectos Múltiples (IPREM) vixente:

c.1. RPC inferior ou igual ao 75% do IPREM: 2 puntos.

c.2. RPC superior ao 75% e igual ou inferior ao 125% do IPREM: 1,5 puntos.

c.3. RPC superior ao 125% e igual ou inferior ao 175% do IPREM: 1 punto.

c.4. RPC superior ao 175% do IPREM: 0 puntos.

No caso de familias monoparentais, incrementarase nun 0,8 o número real de membros que compoñen a unidade familiar.

De producirse cambios na situación socio¿familiar, laboral e/ou económica da unidade familiar ao longo do curso, poderase proceder á revisión dos criterios de preferencia, da puntuación obtida no baremo así como da cota mensual, previa solicitude da persoa interesada. En todo caso, dita solicitude deberá estar documentalmente acreditada.

Calquera indicio de cambio non declarado, distorsión ou falseamento da situación socio¿familiar, da situación laboral ou da situación económica reflectidas na solicitude, poderá dar lugar a que se inicie de oficio un expediente de comprobación dos datos referidos. Coa apertura deste expediente nomearase instrutor/a e secretario/a (de ser preciso pola complexidade das actuacións), quen elaborará un informe¿proposta que será elevado á comisión de baremación, coordinación e seguimento da EIM para a súa análise. Poderase requirir á persoa solicitante os documentos que se consideren precisos para a resolución do expediente.

Artigo 12. Listaxes provisionais

A Comisión de baremación, coordinación e seguimento da escola será a competente para efectuar a proposta inicial da listaxe provisional de admisión e de agarda, correspondendo a resolución ao órgano competente.

Esta resolución publicarase no taboleiro de anuncios do concello, no taboleiro da EIM, e poderase consultar na páxina web do Concello de Vimianzo (www.vimianzo.gal).

Na relación provisional de persoas admitidas e de agarda estarán incluídas as solicitudes presentadas fóra do prazo ordinario que teñan entrada con anterioridade ao día 19 do mes anterior ao da data da súa publicación.

Artigo 13. Reclamacións

As solicitudes que o desexen poderán efectuar as reclamacións que se estimen oportunas no prazo de 10 días hábiles, contados a partires do día seguinte á data de publicación da relación provisional, ao abeiro do establecido na Lei 39/2015, do 1 de outubro, de procedemento administrativo común das administracións públicas.

Artigo 14. Listaxes definitivas

Unha vez estudadas pola comisión de baremación, coordinación e seguimento da EIM todas as reclamacións presentadas, emitirá informe motivado ao respecto, que se elevará ao órgano competente para resolver.

A resolución pola que se aprobe a relación definitiva de admisión e da listaxe de agarda publicarase no taboleiro do concello e da EIM, coa puntuación obtida, podéndose consultar tamén na páxina web do concello.

Artigo 15. Formalización de matrícula/reserva de praza

As persoas admitidas disporán de 15 días naturais para matricularse, computados a partires do día seguinte á publicación da listaxe definitiva.

No caso das prazas adxudicadas atendendo á listaxe de agarda terán un prazo de 5 días naturais, contados a partires do día seguinte da notificación de concesión de praza, para formalizar a matrícula/reserva de praza na escola.

Se finalizado o prazo de matrícula/reserva de praza, esta non fose formalizada, darase por rexeitada a praza obtida e tampouco quedará en listaxe de agarda. Excepcionalmente, non decaerán da listaxe de agarda aqueles casos nos que a praza ofertada non coincida co servizo escolar da súa preferencia, se así o manifesta a persoa interesada.

A matrícula/reserva de praza formalizarase a través do impreso normalizado que se facilitará nas dependencias da escola, e que se complementará coa achega da seguinte documentación:

· Ficha de datos cuberta polas familias na que conste o horario de asistencia que os pais/nais, titores/as e representantes legais solicitan.

· 4 Fotografías tamaño carné actualizadas do neno/a.

· Copia da tarxeta sanitaria do neno/a.

· Cartilla de vacinación actualizada ou outra documentación do SERGAS xustificativa de que o/a neno/a segue o calendario de vacinación infantil do Programa Galego de Vacinación, de acordo co establecido no artigo 48 da Lei 5/2021, do 2 de febreiro, de impulso demográfico de Galicia.

· Informes médicos no caso en que o neno/a padeza algunha alerxia, intolerancia ou incidencia de calquera índole.

· Impreso de domiciliación bancaria e certificado da entidade bancaria de titularidade da conta.

· Xustificante de ingreso da cota da matrícula/reserva de praza.

· Modelo de aceptación das Normas de Funcionamento da EIM así como da demais normativa de aplicación (a non aceptación das mesmas implica a imposibilidade de realizar a matrícula/reserva de praza no centro).

· Autorizacións que correspondan: para o tratamento informático de datos persoais sensibles, para a toma e emprego de material fotográfico e audiovisual, para a recollida da/o menor por terceiras persoas e todas as que se consideren oportunas asinadas polos pais/nais, titores/as e representantes legais do neno ou nena.

· Todos aqueles outros datos/documentación que sexan oportunos incluír.

Os pais/nais, titores/as ou representantes legais das persoas usuarias, deben coñecer antes de formalizar a solicitude de matrícula/reserva de praza as Normas de Funcionamento da Escola. A escola facilitaralle, polos medios acordados, as citadas normas visadas polo Servizo de Inspección de Familia e Menores.

A matrícula/reserva de praza no centro implicará a todos os efectos que as familias, titores/as ou representantes legais coñecen, aceptan e dan plena conformidade a estas Normas de Funcionamento de Centro e demais normas complementarias que o desenvolvan e, por conseguinte, comprométense a cumprir e asumir as responsabilidades e obrigas que para este estamento se derivan.

Así mesmo, facilitarase ás nais/pais, titores/as ou representantes legais das persoas usuarias, un xustificante no que conste o número de inscrición da solicitude.

No caso de acollerse ás axudas para o fomento da gratuidade, o pago da correspondente cota a modo de matrícula/reserva de praza, farase efectivo para os casos das prazas concedidas dentro do prazo ordinario, nos 15 días naturais computados a partires do día seguinte á publicación da listaxe definitiva e, para os casos de prazas concedidas dentro dos prazos extraordinarios, durante os 5 días naturais contados a partires do día seguinte da notificación da concesión de praza. Unha vez incorporado o menor no mes de setembro, o importe correspondente á reserva de praza aboado compensarase con outros servizos distintos da atención educativa que preste o centro.

Se o/a menor non se incorporara á escola, perdería a praza e non se devolverá a cota aboada para a súa matrícula/reserva, agás causa xustificada de atraso na súa incorporación.

Artigo 16. Incorporación do alumnado á escola

As prazas que non se atopen cubertas unha vez transcorridos 5 días naturais desde o inicio do curso escolar serán consideradas vacantes. No caso das prazas adxudicadas atendendo á listaxe de agarda, a persoa usuaria deberá iniciar o servizo nos 5 primeiros días do mes seguinte ao da concesión da praza.

O alumnado matriculado será inscrito no rexistro de persoas usuarias no que quedará constancia da data de alta e de baixa no servizo así como doutros datos regulamentariamente esixidos.

Artigo 17. Listaxes de agarda e adxudicación de vacantes durante o curso escolar

Formarán parte da listaxe de agarda aquelas solicitudes que o manifestaran expresamente e que se atopen nalgunha das seguintes circunstancias:

a) Solicitudes que non teñan praza.

b) Solicitudes, con praza adxudicada, que non teñan a xornada e/ou servizos da súa preferencia.

As vacantes que se vaian producindo ao longo do curso serán cubertas atendendo ás solicitudes que conforman a listaxe de agarda.

Para a adxudicación dunha praza vacante levarase a cabo unha nova baremación, que terá en conta a documentación actualizada nese momento, dos expedientes que figuren na listaxe de agarda con anterioridade ao día 19 do mes no que se produza dita vacante.

Para a xestión das prazas e xornadas vacantes atendendo á listaxe de agarda, observarase o previsto sobre criterios de preferencia e baremo aplicable segundo recollen os artigos 10 e 11 respectivamente destas normas de funcionamento.

Artigo 18. Modificacións nas condicións do servizo

A xornada educativa e os servizos optativos especificados na solicitude de praza como opción de preferencia deberán manterse durante todo o curso, agás circunstancias sobrevidas debidamente acreditadas, que xustifiquen a necesidade de modificación da opción elixida inicialmente.

Os cambios nas condicións do servizo deberán ser solicitados na dirección do centro antes do día 19 de cada mes e pasarán a formar parte da listaxe de agarda existente nese momento.

En todo caso, para a concesión dos cambios terase en conta o especificado no artigo 17 destas Normas de Funcionamento de Centro sobre xestión de listaxes de agarda e faranse efectivos a partir do primeiro día do mes seguinte ao da súa adxudicación, sempre e cando os expedientes estean resoltos.

Artigo 19. Causas de baixa na escola infantil

a) Por cumprimento da idade máxima de permanencia na escola infantil, con excepción de menores con necesidades específicas de apoio educativo sempre que exista informe do servizo especializado, podendo permanecer un ano máis no centro.

b) Por solicitude das persoas proxenitoras, titores/as ou representantes legais.

c) Por falta de pagamento da cota establecida polos servizos que se prestan durante dous meses consecutivos ou tres alternos.

d) Por comprobación de falsidade na documentación ou datos achegados.

e) Por incompatibilidade ou inadaptación absoluta para permanecer na escola infantil.

f) Por falta de asistencia durante 15 días naturais sen causa xustificada ao longo do curso. Cando o/a menor non poida asistir á escola por un período superior a 15 días deberá notificalo con anterioridade e xustificalo mediante a correspondente documentación acreditativa que deberá actualizarse mensualmente, non podendo exceder na ausencia máis de 2 meses. No caso contrario, decidirase se procede a baixa do/da menor.

g) Cando non se entregue a documentación para a revisión e/ou clarificación de datos nos prazos legalmente establecidos ao efecto, previo requirimento expreso pola entidade municipal.

h) Por incumprimento reiterado das normas da escola.

i) Por outras razóns que poidan darse, por proposta da dirección da escola infantil.

A baixa resolverase pola alcaldía ou órgano competente por proposta, se fose necesario, do equipo técnico da área de Benestar Social e previo informe emitido pola dirección da escola no que se recollan as circunstancias que motiven a baixa.

As baixas no servizo da escola serán solicitadas por escrito perante o Rexistro Xeral do Concello de Vimianzo ou calquera dos lugares previstos no artigo 16.4 da LPACAP e faranse efectivas a partires do primeiro día natural do mes seguinte.

As baixas producidas por calquera dos motivos expostos cubriranse coas solicitudes que quedasen en listaxe de agarda.

Artigo 20. Criterios de subvencionalidade pola Xunta de Galicia

A escola infantil acóllese á gratuidade da Xunta de Galicia polo que conta cunha bonificación do 100% do prezo correspondente á atención educativa e matrícula, de ser o caso, das prazas ocupadas polo alumnado de 0-3 anos.

O período subvencionable é o comprendido entre 1 de setembro, coincidindo co inicio do curso escolar e o 31 de xullo do seguinte ano natural pola totalidade do alumnado matriculado. No suposto excepcional e xustificado, de facer uso da EIM por un período superior ao subvencionado deberá ser aboado polas familias.

Enténdese por atención educativa o conxunto de atencións e coidados profesionais de carácter integral, prestados baixo unha perspectiva educativa, aos nenos e ás nenas durante a súa estadía na escola infantil, segundo a modalidade de xornada pola que opten. A opción elixida implica a asistencia regular e continuada á escola durante un máximo de 8 horas e un mínimo de 3 horas diarias.

A escola infantil ofertará o servizo de atención educativa durante un mínimo de 8 horas diarias.

En cada expediente das persoas usuarias figurará o horario de asistencia solicitado polos pais/nais, titores/as e representantes legais.

Exceptúanse da actuación subvencionable o custo dos servizos de comedor, transporte e horario ampliado así como as actividades extra á atención educativa, os materiais e calquera outro tipo de servizos e conceptos que supoñan un custo adicional cuantificable para a escola infantil.

As axudas pola aplicación da bonificación do 100% do prezo da matrícula serán o equivalente ao recollido na correspondente ordenanza fiscal aplicable para o curso anterior ao curso vixente, sen que en ningún caso poida superar os 100 euros.

Artigo 21.

Son obxectivos específicos da Escola:

· Promover e fomentar o desenvolvemento integral dos nenos e nenas e a aprendizaxe das habilidades cognitivas e creativas do alumnado. Coñecer o seu propio corpo e o das outras persoas, as súas posibilidades de acción e aprender a respectar as diferenzas.

· Facilitar o desenvolvemento de valores individuais e sociais básicos: cooperación, solidariedade, respecto, etc.

· Lograr un equilibrio afectivo satisfactorio desenvolvendo as súas capacidades emocionais e afectivas.

· Respectar a singularidade e diversidade de cada nena/o.

· Posibilitar a integración progresiva dos nenos e nenas na cultura do seu medio. Observar e explorar o seu contorno familiar, natural e social.

· Crear un ambiente que favoreza o desenvolvemento individual e grupal nas actitudes e nas actividades diarias. Adquirir progresivamente autonomía nas súas actividades habituais.

· Facilitar a adquisición progresiva de hábitos de orde, limpeza e conservación dos materiais, facendo uso axeitado destes.

· Facilitar a integración das nenas e nenos con necesidades específicas de apoio educativo.

· Fomentar un uso responsable das tecnoloxías dixitais.

· Promover hábitos saudables e sustentables a partires das rutinas.

· Promover modelos positivos que favorezan a aprendizaxe de actitudes baseadas nos valores de respecto, equidade, inclusión e convivencia e que ofrezan pautas de resolución pacífica e dialogada dos conflitos.

· Promover, aplicar e desenvolver as normas sociais que promoven a igualdade de xénero.

Estes obxectivos serán desenvolvidos no Proxecto Educativo e na correspondente Proposta Pedagóxica da EIM.

Artigo 22.

A escola permanecerá aberta de 07:45 horas a 19:45 horas, cinco días á semana de luns a venres e doce meses ao ano, agás os días considerados festivos no calendario laboral ou que teña que ser pechada por unha causa xustificada. As causas dos peches deberán estar acreditadas mediante documentos asinados polo/a representante legal ou técnico/a competente.

Non obstante, respectando estes mínimos, a escola poderá determinar os seu calendarios e horarios de apertura e peche ao público en función da demanda existente.

O curso académico abranguerá desde o 1 de setembro ata o 31 de agosto do seguinte ano.

O día de incorporación do alumnado ao novo curso será o primeiro día hábil do mes de setembro, que será o primeiro día de apertura efectiva da escola e da actividade educativa. O último día do curso será o último día hábil do mes de agosto do seguinte ano natural.

Os días 24 e 31 de decembro, o 5 de xaneiro e o martes de Entroido, no caso de que coincidan en día lectivo, a EIM pechará ás 15:00 horas. O horario do persoal nestes días adaptarase ao horario do servizo.

O horario de apertura e peche deberán figurar no taboleiro de anuncios do Centro e no RUEPSS.

Artigo 23. Horarios de asistencia

1. A permanencia dos escolares na EIM non poderá exceder as 8 horas, agás causas excepcionais debidamente xustificadas. Todo o que exceda o horario ordinario entenderase como hora complementaria a efectos de cálculo da tarifa a repercutir sobre a persoa usuaria.

2. Horario amplo: Enténdese por horario amplo a atención aos nenos e ás nenas por parte do centro polo menos durante 10 horas diarias ininterrompidas. Non obstante, evitarase que o/a neno/a prolongue a súa estancia no centro máis de 8 horas diarias, agás que circunstancias excepcionais, que deberán en todo caso quedar xustificadas documentalmente no expediente.

3. As xornadas e horarios de atención educativa deberán cumprirse agás causas xustificadas.

A dirección do centro solicitará ás familias, titores/as ou representantes legais o cumprimento do horario adxudicado que implica a asistencia regular e continuada do alumnado durante a semana, agás a concorrencia de circunstancias que así o xustifiquen.

De non facer un uso axeitado dos horarios, o concello poderá proceder de oficio á modificación do horario de asistencia do/da neno/a ao centro, previo informe da EIM do incumprimento reiterado do horario de permanencia da nena ou neno na escola.

4. Non se poderán facer modificacións de horario ao longo do curso escolar agás por circunstancias debidamente acreditadas mediante unha solicitude perante o Rexistro do Concello de Vimianzo ou en calquera dos lugares establecidos polo artigo 16.4 da LPACAP. A proposta de modificación do dito horario será aprobada ou denegada polo órgano competente en función da dispoñibilidade horaria e da necesidade acreditada.

Artigo 24. Entradas e saídas

a) O horario de entrada-saída das nenas e nenos no centro débese caracterizar pola flexibilidade que requiran as necesidades da familia, sempre que non leve consigo alteración das actividades dos demais nenos e nenas e do normal funcionamento do centro. Non obstante, unha vez acordados co centro os horarios de entrada e saída das nenas e nenos, as familias procurarán respectalos. En caso de atrasos inxustificados e reiterados, a dirección do centro está obrigada a adoptar as medidas oportunas poñéndoo en coñecemento das familias.

Os horarios de asistencia á EIM deben respectar o desenvolvemento das propostas educativas e demais rutinas fisiolóxicas do resto de iguais. Non obstante, estableceranse uns horarios flexibles de entradas e saídas do centro, que coincidirá con aqueles tramos da xornada nos que non supoña unha alteración do normal funcionamento da escola.

Para a xornada de mañá, determínase un horario de entrada flexible ata as 10:15 horas. O horario de saída para o alumnado que non xante na Escola será ás 13:00 horas e para aquel que si xante pero non continúe a xornada no Centro, ás 14:00 horas.

Todo o alumnado que continúe na EIM máis alá do horario establecido para o xantar terá que seguir coa organización educativa da escola e que se corresponde co momento de sono e descanso, polo que os horarios de recollida serán entre as 15:45 horas e as 16:45 horas.

Para as xornadas de tarde, haberá horario de entrada/saída libre de 15:45 horas a 16:45 horas. A saída realizarase ás 19:45 horas.

A entrada¿saída do alumnado fóra dos horarios establecidos ao efecto terá un carácter puntual, excepcional e debidamente xustificado debendo as familias, titores/as ou representantes legais avisar coa suficiente antelación.

Os momentos das comidas e os tempos de sono e descanso só poderán ser interrompidos en circunstancias sobrevidas e de carácter urxente, debendo en caso contrario axustarse ás horas fixadas para as entradas e saídas.

b) Ao remate da xornada escolar as/os alumnas/os serán entregados ás persoas proxenitoras indistintamente ou titores/as e representantes legais, agás cuestión concretas reguladas por disposición xudicial que deberán ser postas en coñecemento da dirección da escola por quen sustenta a garda e custodia do neno ou nena, así como a todas aquelas persoas que estean autorizadas polas nais, pais, titores/as ou representantes legais por escrito para a recollida e veñan debidamente identificadas.

O persoal da escola estará obrigado a solicitar o DNI ou documento identificativo equivalente á persoa que veña recollela/o para comprobar se está na listaxe de persoas autorizadas. De non producirse a identificación, os/as menores non poderán ser entregados procedéndose ao contacto cos pais, nais, titores/as ou representantes legais. Os escolares non poderán ser entregados a unha persoa menor de idade.

c) No caso de que a escola realice algunha saída educativa do centro, avisarase por escrito e con antelación a todos os pais e nais, titores/as e representantes legais que deberán dar o seu consentimento, no caso de que non consintan a saída do/a menor quedará na escola co resto do persoal. Se as saídas son por grupos e no caso de que sexa unha saída conxunta, non poderán asistir á escola nesa data, xa que o centro permanecerá pechado.

Artigo 25. Programación educativa

A programación diaria de actividades terá a natural flexibilidade que esixan as características psicopedagóxicas e sociais do alumnado.

A programación destas actividades, concretaranse nos Proxectos educativos de Centro e a súa correspondente Proposta Pedagóxica.

Artigo 26. Dereitos e obrigas dos pais/nais, titores/as e representantes legais

Dereitos

· Deixar de utilizar o servizo de escola por vontade propia.

· Ser informados/as, regularmente, da situación do neno ou nena na escola: desenvolvemento evolutivo, actitude, progresos¿

· Solicitar ampliación de dita información en titorías e reunións co/a educador/a e o/a director/a.

· Realizar unha visita ás instalacións e entrevistas persoais antes do comezo do curso.

· Coñecer o funcionamento da EIM e o modo en que se formula o Proxecto educativo do Centro coa súa correspondente Proposta Pedagóxica antes da formalización da matrícula/reserva de praza.

· Ser informados/as daqueles sucesos que afecten á marcha ordinaria do funcionamento e das medidas adoptadas.

· Dispoñer das Normas de Funcionamento do Centro visadas con carácter previo a realizar a matrícula/reserva de praza.

· Interpoñer queixas e reclamacións.

· Ser informado/a polo centro, de forma inmediata, de calquera accidente ou calquera circunstancia relevante.

· Asociarse co obxecto de favorecer a súa participación na programación e no desenvolvemento das actividades da EIM.

· Recibir indemnización polos danos que lles ocasione o funcionamento do servizo, por parte da entidade concesionaria prestadora do servizo, agás que o dano se producira como consecuencia do cumprimento dunha cláusula imposta pola corporación (entidade concedente) con carácter ineludible.

En todo caso, nos conflitos que se produzan entre o concesionario prestador deste servizo e a persoa usuaria, sempre debe ser posible a intervención decisoria do Concello de Vimianzo, como entidade titular deste servizo público, de conformidade co establecido na lexislación sobre procedemento administrativo.

Deberes/obrigas

· Informar en todo momento da situación persoal da nena ou neno no referente ao seu proceso educativo na casa e no seu entorno (gustos, aversión, cambio na situación familiar...) así como de calquera outra circunstancia que afecte ao/á menor e deba ser coñecida polos responsables do centro.

· Ser puntuais na hora da traída e recollida da nena ou neno.

· Cumprir os horarios de asistencia solicitados.

· Ser puntuais no referente á contribución de material solicitado pola EIM, á devolución de notas e enquisas enviadas pola mesma.

· Ser puntuais nos pagos e nas notificacións das baixas e cambios de horario.

· Colaborar na medida do posible nas actividades da escola, que serán o eixo da relación familia-escola.

· Cooperar desde a súa posición de responsables da educación das/os menores no proceso educativo.

· Respectar o Proxecto educativo do Centro e a súa Proposta Pedagóxica, así como as Normas de Funcionamento visadas polo Servizo de Inspección de Familia e Menores.

· Non levar ás nenas e nenos á EIM cando non estean en condicións idóneas (procesos víricos, febre, ou calquera outra circunstancia...).

· Responsabilizarse daquelas situacións en que por motivos de saúde ou malestar sexa conveniente que o neno ou nena abandone a escola.

· Tratar con respecto ao persoal do centro e ás demais persoas usuarias; coidando as instalacións.

· Pagar a contía que se lle liquide consonte á Ordenanza Fiscal Municipal establecida ao efecto.

· Comunicar calquera variación na situación social, económica ou familiar que poida implicar cambios nas condicións económicas da praza.

En todo caso, serán de aplicación supletoria e/ou complementaria os dereitos e deberes sinalados no Título Preliminar disposicións xerais da Lei 13/2008, do 3 de decembro, de servizos sociais de Galicia, así como calquera outra normativa que sexa de aplicación.

Artigo 27. Participación e relación cos pais e nais, titores/as e representantes legais

Como garante dunha educación eficaz e de calidade, desde a EIM facilitaranse e promoveranse as relacións casa¿escola, xa que a educación nesta etapa enténdese como un proceso compartido, e planificaranse distintas estratexias que dean cabida ás funcións de participación, comunicación e formación das persoas proxenitoras, titores/as ou representantes legais.

Ademais da participación institucional en órganos como o Consello Escolar da EIM e/ou nas Asociacións de Nais e Pais de Alumnos/as, a escola establecerá outras fórmulas para que as familias, titores/as ou representantes legais participen e coñezan a actividade do centro. Ao efecto poderá contemplarse, previa organización e convocatoria pola dirección do centro, a súa participación durante o período de adaptación, nas actividades educativas de aula, nas xornadas de portas abertas e nas actividades complementarias tales como saídas didácticas, celebración de festas ou acontecementos locais.

A EIM procurará os intercambios de información continuos que permitan a coherencia entre as actuacións de ambos axentes mediante medios informais como as conversas diarias ou medios formais coma as xuntanzas de grupo e entrevistas individuais.

A función de orientación ás persoas usuarias artellarase a través de distintas actividades formativas ¿ charlas, talleres¿ ou difusión de documentación elaborada pola propia escola sobre temas relacionados coa educación e desenvolvemento das nenas e nenos durante a primeira infancia.

As visitas dos pais/nais, titores/as ou representantes legais dos nenos/as realizaranse de conformidade co horario establecido pola dirección para tal fin, logo de ser oído ao equipo técnico educativo, sempre e cando non dificulte a boa marcha do centro.

Para o alumnado que se matricula por primeira vez, e independentemente do momento do curso no que se produza o inicio do servizo, así como naqueles casos nos que se efectúe unha reincorporación tras un tempo de ausencia, haberá un período de adaptación ou readaptación progresiva que terá unha duración mínima de quince días naturais.

O período de adaptación será planificado coas familias co obxectivo principal de facilitarlle á poboación infantil atendida a interiorización e aceptación da nova situación. Poderanse ir aumentando ou diminuíndo pouco a pouco os tempos de estancia e/ou alternar a asistencia do alumnado en distintos días, sempre en función das necesidades específicas de cada nena ou neno.

O período de adaptación será de obrigado cumprimento e axustarase ás pautas organizativas establecidas ao efecto no Proxecto Educativo de Centro. Durante este tempo e para facilitar a súa mellor adaptación, o alumnado non poderá empregar os servizos optativos. Todas as familias serán informadas do período de adaptación. A escola conta cun protocolo de adaptación que será facilitado ás familias.

Artigo 28. Instrumentos de información para as familias

A escola considerará os seguintes instrumentos para a obtención e transmisión de información entre familias, titores/as ou representantes legais e escola:

a) Manteranse coas nais, pais, titores/as ou representantes legais reunións periódicas que poderán ter ben carácter xeral ou ben grupal, segundo a natureza dos temas a tratar. Recoméndase que, con carácter xeral, se celebren as seguintes reunións:

a. Reunións xerais, coincidindo co inicio e co remate do curso.

b. Reunións de grupo para realizar unha en cada semestre.

b) O persoal educativo levará a cabo entrevistas de información individual con cada unha das familias, titores/as ou representantes legais do seu grupo, previa cita. Establecerase unha entrevista inicial antes de incorporarse por primeira vez á escola da que se deixará constancia no expediente do neno ou nena e, como mínimo, dúas xuntanzas a realizar unha en cada semestre do curso escolar. Igualmente, e con independencia das titorías programadas polo centro, os pais, nais, titores/as ou representantes legais do alumnado poderán solicitar ao longo do curso reunirse co persoal educativo e/ou coa dirección da escola de conformidade co horario establecido para tal fin, sempre e cando non dificulte a boa marcha da escola.

c) En todo caso, a dirección do centro informará por escrito ao principio de curso dos horarios de atención e información aos pais/nais, titores/as ou representantes legais dos/as menores. No caso de non poder cumprir co horario estipulado, baixo causa xustificada e previo aviso, as persoas proxenitoras, titores/as ou representantes legais poderán concertar cita noutra franxa horaria que mellor conveña a ambas partes. En todo caso, a dirección do centro informará por escrito ao principio do curso dos horarios de atención e información aos pais/nais, titores/as ou representantes legais das nenas e nenos.

d) A escola deberá dispor de conexión telefónica co exterior e dun enderezo de correo electrónico que permita a transmisión de información entre ambos axentes. Non obstante, as chamadas telefónicas que non teñan un carácter urxente deberán realizarse no horario no que o persoal da EIM poida atendelas debidamente, e sempre sen comprometer a atención e coidado do alumnado. Se o estima necesario, a dirección especificará por escrito o horario que resulte máis idóneo.

e) Outros mecanismos de información, serán as circulares e folletos, sobre contidos puntuais relativos á escola que sexan de interese xeral para todas as persoas usuarias así como, as cartas ou notas individuais, que terán como finalidade notificar aquela información de interese particular para as familias, titores/as ou representantes legais.

f) A escola poñerá en coñecemento dos pais/nais, titores/as ou representantes legais de cada neno/a unha información sobre a súa evolución integral, que terá como mínimo carácter trimestral e que se realizará a través de informes evolutivos das áreas establecidas de acordo á normativa vixente que establece o currículo da educación infantil na Comunidade Autónoma de Galicia. Esta información complementarase, de ser preciso, con entrevistas individuais convocadas pola escola ou solicitadas polas persoas proxenitoras, titores/as ou representantes legais.

g) Para o intercambio de información acerca da rutina diaria das nenas e nenos ou doutros asuntos puntuais, a escola poñerá a disposición das familias, titores/as ou representantes legais, ao inicio de cada curso, unha axenda escolar ben en formato papel ou ben electrónica. Esta será de uso diario obrigatorio por ambos axentes. Unha maior profundidade de transmisión de información corresponderá ao nivel de entrevistas individuais que se concerten cos pais, nais, titores/as ou representantes legais dos/as alumnos/as.

h) Na EIM figurará nun lugar claramente visible e exposto ao público ¿taboleiro de anuncios- a documentación que acredite as autorizacións e licenzas concedidas, as normas de funcionamento previamente visadas pola administración e o cartel informativo sobre a existencia dun libro de reclamacións a disposición das persoas usuarias. Ademais, exporase a información básica referida aos servizos prestados, ao horario e aos períodos de funcionamento do servizo, así como, cando a natureza do servizo non o desaconselle, os prezos ou as tarifas esixibles pola prestación dos servizos, onde consten claramente as taxas totais das prestacións básicas e dos servizos optativos ou susceptibles de cobramento a parte.

i) O Centro terá na entrada e nun lugar visible unha caixa do correo onde manifestar calquera suxestión ou queixa que se considere oportuna.

Artigo 29. Asociación de Pais e Nais.- ANPAs

A asociación de pais e nais é o órgano de participación na vida do Centro. A súa constitución e funcionamento fomentarase por parte da dirección.

Poderán pertencer á ANPA todas as persoas proxenitoras, titores/as ou representantes legais do alumnado matriculado na escola.

Sen prexuízo do que establezan os seus propios estatutos, a asociación promoverá os seguintes fins:

a) Defender os dereitos dos pais/nais, titores/as ou representantes legais no relativo á prestación de servizos aos nenos/as.

b) Colaborar coa dirección e co persoal do centro para favorecer o desenvolvemento integral da poboación atendida en todo canto supoña unha mellora da calidade na prestación dos servizos.

c) Elevar propostas á dirección para a modificación de calquera documento de xestión da escola.

d) Informar aos asociados da súa actividade.

e) Propoñer, participar e colaborar nas actividades educativas ordinarias e complementarias da EIM, seguindo as instrucións do equipo educativo.

f) Calquera outra que dentro da normativa vixente lle asignen os seus respectivos estatutos sempre que non contradigan as presentes Normas de Funcionamento.

A constitución da ANPA realizarase segundo o establecido pola normativa vixente ao efecto.

A Dirección da EIM informará á ANPA, a principio de curso, dos programas e actividades que se desenvolverán, da normativa establecida en relación coa escola e doutros aspectos de interese. Igualmente, a dirección da escola proporcionará á ANPA, durante o resto do curso, canta información relativa ao funcionamento da mesma lle sexa requirida polos órganos de representación desta.

A ANPA poderá utilizar os locais da EIM para celebrar as súas reunións sempre e cando non perturben o normal desenvolvemento das actividades. Para iso terán que informar á dirección do centro da convocatoria de reunión con, polo menos, 48 horas de antelación.

Artigo 30. Servizos básicos

1. Atención Educativa

A EIM Os Vimianziños conta cun Proxecto Educativo de Centro (PEC) e proposta pedagóxica que se axusta na súa estrutura ao Decreto 150/2022, de 8 de setembro, polo que se establece a ordenación e o currículo da educación infantil na Comunidade Autónoma de Galicia e no Decreto 95/2022 e as ensinanzas mínimas da educación infantil. Dito proxecto está a disposición das familias e autoridades competentes para a súa consulta.

A escola infantil atenderá a todas as facetas relativas ao desenvolvemento afectivo, ao movemento e aos hábitos de control corporal, ás manifestacións da comunicación e linguaxe, ás pautas elementais de convivencia e relación social, así como ao descubrimento das características físicas e sociais do entorno no que viven as/os nenas/os.

A escola infantil facilitará o desenvolvemento educativo do alumnado, garantindo a súa formación integral, e contribuíndo ao pleno desenvolvemento da súa personalidade.

A EIM poderá establecer a organización dos grupos de acordo co seu Proxecto Educativo e coa súa proposta organizativa, sen poder superar en ningún momento o número máximo de menores determinados no artigo 5 destas Normas de Funcionamento.

A actividade educativa abranguerá desde as 10:15 horas ata as 13:00 horas pola mañá e de 16:45 horas a 19:45 horas pola tarde.

Estableceranse rutinas que estarán expostas en todas as aulas e que se adecuarán á planificación temporal das actividades.

A EIM ofertará dúas modalidades de atención educativa:

a) Xornada completa: asistencia da nena ou neno á escola superior a catro horas diarias ata un máximo de oito horas. As familias, titores/as ou representantes legais con xornada completa deberán distribuír as horas de forma continuada. Con carácter excepcional, poderán admitirse solicitudes de xornada completa partida cando por circunstancias familiares acreditadas documentalmente se xustifique esta necesidade.

b) Media xornada: aquela na que a/o nena/o permanece na escola un máximo de 4 horas, ben durante a xornada de mañá ou ben durante a xornada de tarde.

No caso dos horarios de media xornada ou de xornada completa partida, o tempo de permanencia no centro non poderá ser inferior a 3 horas tanto para o tramo horario da mañá como para o da tarde.

Aqueles pais, nais, titores/as ou representantes legais que soliciten horarios de media xornada e xornada completa que abranguen a franxa horaria asignada a cada comida do día terán a obriga de facer uso do dito servizo. De non ser así, deberán axustar a súa solicitude a outro horario distinto.

2. Servizo de comedor, cociña, transporte e horario ampliado

Poderán optar a estes servizos todas as nenas e nenos independentemente do grupo de idade 0-1, 1-2 ou 2-3 ao que pertenzan.

Os servizo de comedor, cociña, transporte e horario ampliado son de uso optativo por parte das familias, titores/as ou representantes legais e, agás o servizo de cociña que será gratuíto, os restantes serán susceptibles de tarifas independentes.

As taxas destes servizos serán reguladas na Ordenanza Fiscal Municipal correspondente.

a) Servizo de comedor

O Decreto 329/2005 do 28 de xullo, polo que se regulan os centros de menores e os centros de atención á infancia establece no seu artigo 26 apartado a).1. Servizo de comedor: incluirá en todo caso o xantar e, opcionalmente, almorzo e merenda e/ou cea, podendo ser ofertado nalgunha das seguintes modalidades: ¿a) Como servizo de comedor propiamente dito, prestado por persoal do propio centro ou ben alleo a el contratado con tal fin (servizo de catering), incluídos os alimentos.

A EIM Os Vimianziños conta con servizo de comedor propio. Os alimentos son preparados e administrados por persoal da propia empresa concesionaria, previa acreditación da normativa sanitaria aplicable.

As comidas serán elaboradas polo persoal de cociña da escola e o servizo será atendido polo persoal educativo co fin de que o alumnado adquira hábitos relacionados coa educación e coa autonomía persoal. As familias serán informadas da modalidade coa que conta o centro.

En todo caso deberá existir a disposición das familias unha relación semanal dos menús previstos, que deberán proporcionar unha dieta equilibrada e axeitada ás idades das/os nenas/os.

A capacidade e distribución descrita no artigo 5 tamén será de aplicación para o servizo de comedor.

O servizo de comedor ofertará o xantar. O almorzo e a merenda de media tarde funcionará como servizo de cociña. Ademais destas comidas, proporcionaráselles ao alumnado unha parva de media mañá.

Os horarios para as distintas comidas son:

· Almorzo: ata as 8:30 horas

· Xantar: ás 13:00 horas

· Merenda: ás 17:00 horas

Aquelas persoas solicitantes que asistan ao centro sen opción ao servizo de comedor, poderán ter acceso a este servizo en días soltos sempre que a organización e funcionamento da escola o permita, e que a necesidade de facer uso de dito servizo sexa por razóns puntuais e debidamente xustificadas. A solicitude farase na dirección da escola antes do día que se necesita, tendo a obriga de abonalo aínda no caso de que chegado o momento non se faga uso do mesmo. O servizo de comedor por días soltos cobrarase xunto coa mensualidade do mes seguinte.

b) Servizo de cociña

O Decreto 329/2005, do 28 de xullo, polo que se regulan os centros de menores e os centros de atención á infancia define no seu artigo 26 b) ¿Como servizo de cociña, entendendo por tal a prestación consistente na achega dos medios persoais e materiais precisos para a adecuada distribución e consumo dos alimentos que traen os/as propios/as usuarios/as¿.

O servizo de cociña incluirá o almorzo, a merenda de media tarde e a administración dos biberóns para os bebés en lactancia. Non conlevará ningún custe adicional para as familias.

As familias asinarán autorización para proporcionar os alimentos que se achegan cada día á escola co compromiso de levar os alimentos segundo as medidas hixiénicas establecidas, isto é: envasados en recipientes axeitados e correctamente identificados coa data de consumo, nome e apelidos do neno ou nena e transportados en recipientes isotérmicos que manteñan a temperatura axeitada e con indicación de se precisan ou non refrixeración.

c) Servizo de transporte

Terá como principal finalidade facilitar o acceso á escola das/os nenas/os que viven fóra do núcleo urbano de Vimianzo e, en todo caso, só se prestará dentro dos límites xeográficos do termo municipal. Daráselle prioridade ás solicitudes de transporte de ida e volta fronte ás solicitudes só de ida ou de volta.

Cumprirá todos os requisitos establecidos na normativa específica, en especial os relativos á seguridade e autorización deste servizo. O vehículo está homologado e con todas as revisións actualizadas para este tipo de transporte.

O servizo de transporte non poderá ser utilizado para outros fins distintos aos legalmente autorizados.

O transporte está adaptado para o alumnado e conta coas axudas técnicas precisas. Contan cunha persoa condutora, con permiso axeitado, e cunha persoa auxiliar de acompañamento, con capacidade para recoller e transmitir información e prestar axuda e supervisión no traslado. Ofertaranse 6 prazas para cada unha das viaxes que se establezan.

O horario de transporte deberá estar adaptado de tal xeito que non interfira nas actividades do centro. A hora de chegada do transporte á escola deberá coincidir co inicio da xornada escolar. O tempo da ruta ou da permanencia do alumnado dentro do vehículo non poderá superar os 45 minutos.

A planificación das rutas e a súa zona de influencia correrá a cargo da dirección da escola con avaliación de factores externos: tráfico, afastamento de domicilios, etc. e será aprobada polo concello no momento en que sexa oportuno.

Co afán de non interferir no bo funcionamento da escola, a dirección poderá establecer un número de rutas determinado en base ás posibilidades do centro e á existencia dun número mínimo de persoas usuarias do transporte dentro da ruta.

A dirección fixará as paradas nos lugares máis convenientes atendendo á seguridade do alumnado, que non terá necesariamente que coincidir co domicilio exacto de residencia do neno ou nena.

d) Servizo de horario ampliado

Enténdese por horario amplo a atención ás nenas e nenos por parte do centro polo menos durante 10 horas diarias ininterrompidas. Non obstante, evitarase que a/o nena/o prolongue a súa estancia no centro máis de 8 horas diarias, agás que circunstancias excepcionais, que deberán en todo caso quedar xustificadas documentalmente no expediente, o determinen.

Se algunha familia utiliza, por causas xustificadas, un horario ampliado, aboará o importe establecido por horas.

As persoas que sexan usuarias deste servizo e non o utilicen sen causa xustificada, poderán perder o seu dereito de uso.

3. Actividades extra

Segundo a orde de gratuidade, exceptúase da actuación subvencionable o custo do servizo de comedor, transporte, horario amplo e as actividades extra á atención educativa e que supoñan un custo cuantificable para a escola infantil.

Dedúcese que as actividades extra son as que se desenvolven fóra do horario de atención educativa (subvencionado ao 100% pola Xunta de Galicia), é dicir, actividades extraescolares que aboarán as familias e que terán carácter voluntario.

As actividades complementarias desenvolveranse transversais ao currículo educativo.

Artigo 31. Normas de saúde, hixiene, vestiario e alimentación

1. Normas de saúde e hixiene persoal

O alumnado deberá acudir ao centro en condicións correctas de saúde e hixiene.

a) Saúde

· Non serán admitidos na EIM as nenas e nenos que padezan enfermidades infecto-contaxiosas.

· Como medida preventiva, o alumnado non poderá vir á escola en caso de presentar síntomas como:

o Malestar xeral.

o Temperatura, de calquera orixe, igual ou superior a 38º, ou solapada con antitérmicos. A reincorporación do alumnado non poderá producirse ata que pasen 24 horas sen febre.

o Vómitos. Non poderá vir á escola ata que pasen 24 horas desde o último vómito.

o Diarrea. A volta ao centro non se producirá ata que pasen 24 horas desde a última deposición. Se a orixe non é contaxiosa estudiarase cada caso en particular, previo informe do persoal sanitario.

o Infeccións na boca.

o Tose repetitiva e/ou intensa.

o Dificultade respiratoria.

o Secreción purulenta nos ollos e/ou irritación conxuntival.

o Dor de calquera localización.

o Erupción, alteración e/ou cor anormal na pel.

o Coloración anormal nos ouriños.

o Sempre que o alumnado, polo motivo que sexa, non poida seguir o desenvolvemento normal das actividades da escola ou presente calquera outro síntoma que poida ser indicativo de padecemento dunha enfermidade.

· No caso da aparición de enfermidades infecto-contaxiosas durante a súa asistencia ao centro deberá ser comunicada polos pais/nais, titores/as ou representantes legais á dirección da EIM coa maior brevidade que, á sua vez, o poñerá de inmediato en coñecemento do concello naqueles casos nos que o protocolo de actuación o requira.

· Se existe sospeita do padecemento dunha enfermidade infecto¿contaxiosa e de que, polo tanto, poida supoñer unha vía insalubre para os demais, non se admitirá á nena ou neno na escola, agás quede debidamente xustificado que ditas sospeitas son infundadas.

· No caso de observarse síntomas dun proceso infecto¿contaxioso nos escolares na propia EIM, informarase á dirección desta, e avisarase ás persoas proxenitoras, titores/as ou representantes legais, co fin de evitar a propagación da enfermidade entre o resto de iguais. O reingreso no centro só será posible logo de transcorrido o período de contaxio e sempre que a melloría dos síntomas lles permita ás nenas e nenos seguir o normal funcionamento das actividades e rutinas.

· No caso de enfermidade ou accidente sobrevido na EIM, despois das primeiras atencións in situ e, á maior brevidade posible, poñerase dita circunstancia en coñecemento dos pais/nais, titores/as ou representantes legais, que deberán acudir á escola o antes posible para se faceren cargo da/o nena/o. Se é o caso, procurarase que o/a menor reciba a atención médica axeitada. A este efecto, a dirección da EIM estará facultada para autorizar o desprazamento a un centro sanitario, de ser o caso.

· As persoas usuarias deberán comunicar á dirección da escola varios teléfonos e/ou correos electrónicos que permitan a súa localización na maior brevidade posible. Estes datos de contacto deberán estar permanentemente actualizados. As persoas proxenitoras, titores/as ou representantes legais poderán especificar outras persoas de contacto que, na súa ausencia, poidan responsabilizarse do escolar en caso de urxencia. Estas terceiras persoas deberán estar previamente autorizadas por escrito para a recollida do/a neno/a.

· Cando se produza a falta de asistencia do neno ou nena á EIM debido a enfermidade ou outras circunstancias, as persoas proxenitoras, titores/as ou representantes legais deberán comunicar este feito á dirección da escola, ademais de achegar a debida xustificación. Para aqueles casos de ausencias xustificadas de longa duración observarase o previsto na letra f) do artigo 19 destas Normas de Funcionamento.

· Evitarase, con carácter xeral, a administración de medicamento no centro. Se algún neno/a precisase medicación e a súa asistencia ao centro estivese autorizada polos servizos médicos, a familia, titor/a ou representante legal axustará a/s hora/s de administración fóra dos tempos de permanencia na escola. A EIM non administrará ningún tipo de medicamento, salvo casos excepcionais de enfermidades crónicas non contaxiosas e sempre que se xustifique a necesidade de administrar a medicación dentro do horario escolar.

· Nos casos nos que se deban administrar medicinas á poboación infantil atendida na EIM (porque supón un risco para a súa saúde), deberán vir acompañadas da receita médica actualizada á data do tratamento, na que constará o nome e apelidos da/o nena/o, o nome do medicamento, forma, a dose así como a periodicidade e duración da administración. Non se lle administrará ningunha medicación que non sexa por prescrición escrita e conte coa correspondente autorización por escrito das persoas proxenitoras, titores/as ou representantes legais indicando as horas de administración da dose correspondente. A medicación só será administrada se a información requirida é clara e lexible.

· Durante un proceso febril nos nenos/as no tempo de permanencia na escola, o persoal tentará reducila por medios físicos, mentres as persoas proxenitoras, titores/as ou representantes legais non veñan buscalos/as. De non conseguilo, seguiranse as instrucións das autoridades sanitarias, dando aviso ás familias, titores/as ou representantes legais do acontecido.

· A familia, titor/a ou representante legal deberá notificar por escrito á dirección do centro calquera dato ou circunstancia (intolerancias, alerxias ou outros que se consideren) que poida afectar á saúde e benestar do alumnado e presentar o correspondente informe médico.

· Con carácter xeral atenderase ao disposto nas Guías de Saúde Pública da Consellería de Sanidade da Xunta de Galicia.

· Se por parte da escola se aprecia un comportamento reincidente no incumprimento da normativa vixente relativa á saúde do/a menor, apreciándose un risco non só para o/a neno/a enfermo senón tamén para o resto do alumnado e profesorado, por posible contaxio ou benestar propio e dos demais, a EIM resérvase o dereito a poñelo en coñecemento do Concello de Vimianzo, para que se avalíe se esta circunstancia pode dar lugar de oficio á baixa da persoa usuaria no servizo da EIM.

b) Hixiene

· Todas/os as/os nenas/os asistirán en óptimas condicións hixiénicas.

· É requisito imprescindible para a asistencia á escola que as unllas das/os nenas/os se conserven todos os días o suficientemente curtas e limpas, para que no caso de producirse un arañazo accidental, este sexa superficial e se minimice o risco de infección na zona afectada. En caso contrario, o persoal do centro solicitará ás nais/pais, titores/as ou representantes legais que as/os traian en mellores condicións hixiénicas.

· O alumnado afectado por parásitos como piollos, lombrigas, etc. deberá utilizar tratamento desparasitario e deberá permanecer na casa ata que queden eliminados completamente.

· O alumnado será cambiado na medida en que o precisen seguindo os protocolos internos de hixiene e control de deposicións.

· Nos casos nos que as persoas usuarias requiran, por razón das súas circunstancias persoais, unhas medidas de atención específicas para a súa saúde, hixiene e benestar, deberán xustificarse mediante o informe correspondente. Cubrir este tipo de atencións por parte do centro estará en función dos recursos persoais e materiais dispoñibles.

· O non cumprimento das normas de saúde e hixiene poderá ser motivo de sanción.

2. Normas de vestiario

· O alumnado deberá vir á escola con roupa e calzado que lles permita moverse con comodidade e acadar unha maior autonomía persoal. Será obrigatorio o uso do chándal ou similar (pantalón con goma na cintura e de tecido elástico) camiseta básica e calzado que, de levar mecanismo de peche, este sexa mediante velcro ou cremalleira.

· Non se admitirá vestimenta e/ou calzado que polas súas características e/ou mecanismos de peche dos que dispón, dificulte a vestimenta dos escolares ou poña en risco a súa seguridade e benestar. Evitaranse no posible botón ou tirantes. Débense descartar os modelos tipo buzo. Seguiranse as indicacións que a dirección da EIM estableza ao efecto.

· Dado que o centro mantén a temperatura idónea, procurarase non abrigar en exceso aos/ás nenos/as.

· Por razóns de seguridade, o alumnado non poderá vir á EIM con obxectos como pulseiras, medallas, cadeas ou obxectos similares. Excepcionalmente autorizarase o uso de pendentes sempre e cando estean suxeitos por un sistema de rosca. A dirección non se responsabilizará do seu deterioro ou perda.

· Evitaranse ademais os lazos, pinzas do cabelos, gomas con abelorios, diademas ríxidas, broches, moedas e outros que poidan ser perigosos. Tampouco se admitirá o uso de obxectos que polas súas características poidan representar un perigo para a saúde e benestar do alumnado.

· Agás durante o período de adaptación ou algún outro momento educativo concreto, e sempre previo consentimento do persoal da escola, non se autorizará a entrada de material de xogo ou similar.

· Ademais do material escolar destinado ás actividades educativas, as nais, pais, titores/as ou representantes legais deberán achegar calquera outro material que se lle solicite de cara a cubrir as necesidades básicas da poboación infantil atendida, seguindo as indicacións recibidas polo persoal do centro para cada grupo de idade (cueiros, toalliñas húmidas, mandilón, babeiros, chupete, mudas completas, vaso ou biberón, etc.). Estes materiais serán de uso exclusivo para a escola e permanecerán nela ata que deixen de usalos. A escola non estará obrigada a substituílos por propios. As familias, titores/as ou representantes legais deberán repoñelos na medida en que se vaian usando ou deteriorando. No caso de uso da muda de reposto, deberá substituírse ao día seguinte. O material escolar non se lle devolverá ás nais/pais, titores/as ou representantes legais, aínda que as/os nenas/os non asistan ou causen baixa no servizo antes de rematar o ano académico en curso.

· Para evitar perdas e confusións, a vestimenta e calzado, incluída a muda e roupa de abrigo (gorros, bufandas, abrigos¿) e demais efectos persoais deberán vir identificados da casa co nome de forma e en lugar visible. O mandilón deberá levar o nome da nena ou neno na parte dianteira superior. Ante a falta de identificación, a escola non se fará responsable de posibles perdas.

· Recoméndase non traer obxectos de valor á escola.

3. Normas de alimentación

· Os menús escolares serán variados, equilibrados e axeitados ás necesidades nutricionais de cada grupo de idade.

· A escola publica no taboleiro de anuncios e/ou facilita ás familias, unha relación semanal, mensual ou por tempadas dos menús previstos, os que procurarán proporcionar unha dieta sa, equilibrada e axeitada para os distintos grupos de idade. Informarase de calquera modificación nos mesmos.

· Os alimentos para os almorzos e o leite e cereais para as distintas tomas dos bebés en lactancia deberán ser facilitados polas persoas usuarias que os terán que repoñer cando sexa necesario. O persoal da escola encargarase da preparación básica (quentar os alimentos) e da súa administración.

· A partires da incorporación do bebé á alimentación complementaria ou, en todo caso, a partires dos 6 meses de vida, e agás causas debidamente xustificadas, as persoas usuarias deberán axustarse aos menús establecidos pola escola para cada grupo de idade.

· Os pais, nais, titores/as ou representantes legais responsabilizaranse da introdución dos novos alimentos, previamente ao momento no que o faga o centro.

· A EIM ofrecerá menús especiais para aqueles escolares que polas súas circunstancias persoais deban tomar alimentos especiais. As persoas proxenitoras, titores/as ou representantes legais deberán deixar constancia por escrito de calquera posible intolerancia, alerxia alimentaria ou outras enfermidades que requiran da elaboración de menús especiais, comunicándoo por escrito á dirección do centro coa suficiente antelación e sempre previo informe médico xustificativo. Non se realizarán menús especiais por mero gusto ou crenzas.

· Para as excepcións ao establecido no parágrafo anterior atenderase ao ditado no artigo 40.5 da Lei 70/2011, do 5 de xullo, de seguridade alimentaria e nutrición.

· O centro facilitará os medios necesarios para refrixerar e quentar os alimentos naqueles casos nos que deban ser achegados polas familias, titores/as ou representantes legais. Non obstante, a dirección da escola non se responsabilizará dos efectos nocivos que para a saúde e benestar do alumnado poida ter a inxesta dos alimentos que veñan da casa, debendo as nais, pais, titores/as ou representantes legais asinar previamente un impreso asumindo dita responsabilidade. Se ocasionalmente se observa por parte do persoal que os alimentos facilitados desde a casa están en mal estado, non serán administrados e avisaráselles para que os substitúan.

· Os menús serán supervisados por técnico/a en dietética e nutrición ou especialista competente e expostos no taboleiro de anuncios cunha antelación semanal.

· Todo o alumnado deberá respectar os horarios establecidos pola escola para as distintas comidas. De non ser así, o centro non estará obrigado a proporcionar o correspondente menú fóra do horario marcado ao respecto. Exceptúanse destas obrigas os bebés en lactancia menores de 6 meses que seguen uns horarios personalizados e o alumnado que debido ás súas circunstancias persoais deba tomar alimentos en horarios distintos, previo informe médico xustificativo. Os bebés maiores de 6 meses con alimentación complementaria, irán axustándose progresivamente ata os 12 meses aos horarios que para as distintas comidas marque o centro.

Artigo 32. Normas referidas ao servizo de comedor

Os menús serán supervisados por técnico/a en dietética e nutrición ou especialista competente e expostos no taboleiro de anuncios cunha antelación semanal.

· Todo o alumnado deberá estar na escola polo menos un cuarto de hora antes da hora asignada para cada comida do día.

· O alumnado usuario fixo de comedor que non vaia utilizar o servizo deberá avisar, con antelación suficiente ou ben o mesmo día antes das 9:00 horas. Se non se avisa, pagarase o custo da comida dese día coma se fose unha persoa usuaria ocasional. Así mesmo aqueles escolares que por razóns de enfermidade ou outras leven un tempo sen acudir á escola, deberán avisar da súa reincorporación coa mesma antelación, senón non poderán usar ese mesmo día o servizo de comedor.

· A familia deberá presentar informes médicos no caso en que a/o nenao padeza algunha alerxia ou enfermidade pola inxesta dalgún tipo de alimento.

· Aquelas persoas usuarias do servizo de comedor que de forma reiterada prescindan do seu uso sen causa debidamente xustificada, poderán perder o dereito a seguir sendo usuarias do mesmo.

Artigo 33. Normas referidas ao servizo de transporte

· As/os nenas/os de concellos limítrofes poderán optar a unha praza no servizo de transporte; non obstante, o seu uso estará condicionado a causar baixa no momento en que exista demanda de prazas neste servizo por persoas empadroadas no Concello de Vimianzo.

· De haberen persoas usuarias deste servizo pertencentes a concellos limítrofes, establecerase a súa parada nunha zona do termo municipal que coincida en ruta.

· O traslado será desde a parada establecida para a recollida da/o nena/o ao centro e viceversa de forma diaria, sen prexuízo de que aquelas persoas usuarias que teñan solicitado o servizo de transporte e que sen causa xustificada non o utilicen de forma reiterada, se lles poida ser retirado do seu dereito de uso.

· As persoas usuarias deberán adaptarse aos horarios e rutas establecidas pola escola atendendo ás actividades e situacións extraordinarias que puideran producirse e, no seu caso, á modificación de horarios e rutas debido a novas incorporacións e/ou baixas das persoas usuarias.

· Os escolares deberán estar preparados na parada á hora que se lles indique para a súa recollida. A entrega efectuarase a partires da hora estipulada, debendo as familias, titores/as ou representantes legais acudir á parada de forma puntual. Puntualmente, de non haber ningunha persoa debidamente autorizada para a súa recollida, a/o nena/o continuará a ruta ata a súa finalización debendo as persoas proxenitoras, titores/as ou representantes legais achegarse a outras paradas ou, en último caso, á escola para facerse cargo dela/del.

· As persoas proxenitoras, titores/as ou representantes legais que sexan usuarios do servizo de transporte deberán avisar con suficiente antelación cando, por un período determinado de tempo, non vaian facer uso del, así como cando volva reiniciar dito servizo.

· Para aqueles casos de menores que, de forma puntual e sen notificación previa á escola, non utilicen o servizo de transporte nalgunha das súas viaxes, entenderase que este queda suspendido temporalmente, e só se retomará previo aviso das persoas interesadas.

Artigo 34. Normas referidas ás actividades educativas e complementarias/extras

Todo o alumnado deberá seguir as pautas e actividades educativas marcadas polo equipo educativo para cada grupo de idade, agás causa debidamente xustificada.

Incluídas dentro da programación pedagóxica e en horario lectivo, a escola organizará actividades didácticas complementarias tales como obradoiros, celebración de festas estacionais e tradicionais (Magosto, Samaín, Nadal, Entroido, etc.), conmemoracións especiais ou aniversarios dos/as nenos/as.

Poderán programarse saídas didácticas ao exterior que se anunciarán con tempo suficiente. O alumnado deberá estar previamente autorizado por escrito polos pais, nais, titores/as ou representantes legais. No suposto de que esta non sexa outorgada, a dirección arbitrará a forma máis conveniente para atender aos escolares que non participen nelas.

A celebración dos aniversarios correrá a cargo do centro. Celebraranse no día e horario que a dirección asigne, debendo as persoas proxenitoras, titores/as ou representantes legais axustarse a dita planificación.

Nas festas escolares, as/os nenas/os deberán estar acompañados das nais, pais, titores/as ou representantes legais ou, na súa ausencia, das persoas asignadas por estes/estas. Se por unha causa xustificada, a/o nena/o non ten acompañante quedará ao coidado do persoal da escola. Neste último caso, deberá comunicarse á dirección do centro a imposibilidade de asistencia.

Artigo 35. Outras normas de convivencia

· A dirección do centro non se fará responsable do extravío, roubo ou dano que poida sufrir calquera obxecto persoal que veña de fóra e non fose requirido especificamente polo equipo de profesionais para o coidado e atención das/os nenas/os.

· Por razóns de hixiene, non se poderá acceder á zona das aulas con cadeiras de paseo ou similar.

· Para cumprir a normativa vixente en materia de seguridade, non se permitirá que as cadeiras de paseo, xoguetes (correpasillos, bicis, etc.) queden gardados nos corredoiros da escola.

· Está prohibido fumar na escola así como o acceso ao local de animais non autorizados.

Artigo 36. Uso das dependencias e dos materiais

· Coidarase por parte de toda a comunidade educativa e melloraranse, se é posible, as instalacións, os distintos equipamentos e materiais educativos, procurando facer un uso prudente e correcto dos mesmos para o posterior desfrute dos demais. Respectaranse as pertenzas dos outros membros da comunidade educativa.

· As instalacións/estanzas serán empregadas adecuadamente, respectando o uso específico para o que están destinadas e cumprirán os requisitos esixidos ao efecto na normativa vixente. As persoas usuarias non poderán servirse das dependencias da escola para recados e/ou outras finalidades privadas entre elas.

· As aulas deberán ser respectadas como ambiente educativo, polo que terán a obriga de permanecer ordenadas, limpas e estruturadas.

· O acceso das familias, titores/as ou representantes legais ás salas habilitadas para os/as nenos/as será excepcional e sempre que non dificulte o normal funcionamento da actividade que se estea a desenvolver dentro dela.

· Deberase contar co permiso previo do equipo de profesionais encargado. Non se permitirá o acceso ás zonas reservadas para uso exclusivo do persoal do centro.

· Nas entradas e saídas ao centro respectaranse en todo momento as indicacións do persoal.

· Os carteis referidos a asuntos laborais, sindicais, etc. colocaranse exclusivamente no lugar designado para iso. Non se permitirá a distribución de publicidade allea ao centro ou ao Concello de Vimianzo.

· Os préstamos ou doazóns á escola deberán xestionarse a través do concello. A persoa responsable do Concello de Vimianzo xunto coa dirección da escola procederán a analizar o estado e idoneidade dos obxectos doados tendo en conta o regulado na normativa aplicable. Cumpridos os requisitos esixidos, emitirase informe favorable pasando o contido da doazón a formar parte do inventario de material da escola.

Artigo 37. Integración do alumnado con NEAE - Necesidades Específicas de Apoio Educativo

A escola promoverá, dentro das súas posibilidades, a integración das/os nenas/os con necesidades educativas especiais ou outras necesidades educativas por dificultades específicas de aprendizaxe- DEA, sempre e cando conten cos recursos materiais e humanos necesarios.

Nestes casos requirirase o informe previo dos equipos de valoración e orientación sobre o grao de discapacidade e a súa necesidade de integración.

A efectos da orde de gratuidade, considérase que as/os nenas/os con NEAE ocupan dúas prazas. Neste caso, a axuda que resulte multiplicarase por dous.

Artigo 38. Fomento da Igualdade entre nenos e nenas

1. A escola é o principal axente educativo da infancia e a xuventude. Nela non só se aprenden coñecementos senón que tamén se adquiren actitudes, valores e normas de comportamento.

2. Na escola, a educación non sexista implica a participación non só do profesorado senón tamén da familia e a sociedade en xeral.

3. A escola programará actividades para promover a igualdade entre os/as nenos/as evitando os comportamentos discriminatorios por razón de sexo. As ditas actividades reflectiranse nos proxectos educativos e curriculares.

4. Estará presente na aula unha oferta de materiais de diferente tipo e coidarase dun xeito especial os materiais continuos, os non específicos e os elementos do medio natural e sociocultural que favorezan a relación coa identidade e creen ambientes significativos.

5. Deberase ter en conta o coidado na selección e emprego dos materiais e dos espazos de cara a evitar desigualdades por razón de xénero e a transmisión de actitudes e comportamentos sexistas a través do currículo oculto.

6. O achegamento do alumnado ao coñecemento dos elementos identificadores da cultura propia e tamén das outras, desde unha perspectiva aberta, crítica e ilustradora, que potencia en todo momento actitudes de respecto e aprecio.

Artigo 39.

A escola infantil cumprirá cos contidos esixidos para o proxecto lingüístico, de acordo co decreto 79/2010, do 20 de maio, para o plurilingüismo de Galicia.

Os documentos oficiais da escola entregaranse en galego ou castelán, a demanda das persoas solicitantes.

Na etapa de educación infantil o persoal educador empregará na aula as dúas linguas cooficiais, fomentando a participación en diferentes situacións de uso das dúas linguas cooficiais recoñecendo a importancia de ambas. As palabras e o vocabulario propio de cada unha das linguas cooficiais actuarán como nexo de unión desde o que enriquecer a bagaxe cultural e desenvolver a sensibilidade e a creatividade, de xeito que se lle ofrece á infancia, simultaneamente, a chave de acceso a unha cidadanía crítica, solidaria, igualitaria e comprometida coa sociedade.

De acordo co previsto no Decreto 150/2022, do 8 de setembro do 2022, as ensinanzas mínimas requirirán o 50 por cento dos horarios escolares para as comunidades autónomas que teñan lingua cooficial, como é o caso da Comunidade Autónoma de Galicia. 

Artigo 40. Relación de persoal

O cadro de profesionais da escola estará integrado por:

· Persoal de dirección

· Mestres/as¿educadores/as

· Persoal de apoio

· Persoal de servizos xerais: cociñeiro/a, condutor/a e persoal de limpeza.

A escola cumprirá en todo momento as rateos de persoal establecidas na normativa de aplicación.

Artigo 41. Equipo técnico

Recoméndase a constitución dun equipo técnico configurado como un grupo de traballo a través do que o persoal de atención directa ao alumnado participa do proxecto integral do centro. Este equipo estará integrado polo/a director/a, que actuará como coordinador/a, e polo persoal de atención directa a nenas/os.

Artigo 42. Cualificacións profesionais e funcións

1. O persoal de dirección será o que estando en posesión da titulación ou habilitación correspondente realice funcións que segundo a súa categoría profesional se establezan no correspondente convenio.

2. O persoal de atención directa a nenos/as será o que estando en posesión da titulación ou habilitación correspondente realice funcións que segundo a súa categoría profesional se establezan no correspondente convenio colectivo.

3. O persoal de apoio á atención e coidado dos/as nenos/as será o que estando en posesión da titulación ou habilitación correspondente realice funcións que segundo a súa categoría profesional se establezan no correspondente convenio colectivo.

4. O persoal de servizos xerais será o que estando en posesión da titulación ou habilitación correspondente realice funcións que segundo a súa categoría profesional se establezan no correspondente convenio colectivo. Deberán dispoñer, polo menos, do título de graduado/a en Educación Secundaria Obrigatoria ou título equivalente. A ser posible, o persoal de cociña posuirá coñecementos en nutrición infantil. A persoa condutora do vehículo usado para efectuar o servizo de transporte contará co permiso axeitado. 

Artigo 43. Gratuidade da atención educativa e da matrícula

A escola Infantil aplicará un réxime de prezos equivalente ao previsto no decreto 49/2012, do 19 de xaneiro, polo que se aproba o réxime de prezos das escolas infantís 0-3 coas actualizacións publicadas da variación interanual positiva experimentada polo índice xeral de prezos de consumo para a Comunidade Autónoma de Galicia segundo a Resolución do 10 de maio de 2017.

Para o servizo de comedor e horario amplo poderase percibir das persoas usuarias o importe do prezo máximo unitario equivalente ao establecido no Decreto 49/2012, do 19 de xaneiro.

En canto á actualización de prezos do servizo optativo de transporte, este poderá ser obxecto de revisión anual polo Concello de Vimianzo. Dita revisión estará suxeita ás disposición vixentes e axustarase á evolución do índice de prezos ao consumo (IPC) ou ao índice que o substitúa, sempre e cando sexa aprobado polos órganos competentes conforme á normativa aplicable.

Unha vez realizada a inscrición e constatada a asistencia á escola, o pagamento efectuado en concepto de matrícula/reserva de praza será compensado con outros servizos distintos de atención educativa que preste o centro.

Se non se produce a incorporación no mes de setembro na data do inicio do curso, dun neno/a, agás causas xustificadas, non será devolta a cota da matrícula/reserva de praza.

A non asistencia á escola infantil durante un período de 5 días sen xustificar dará lugar á baixa da/o alumna/o no programa da gratuidade polo que as familias aboarán a cota correspondente á atención educativa se non queren perder a praza.

As cotas de servizos de comedor, cociña, transporte, matrícula/reserva de praza, horario amplo, actividades extra, etc. serán detalladas no documento relación de prezos que se publicará no taboleiro de anuncios da escola e no apartado correspondente do RUEPSS. Ditos importes serán aboados polas familias.

Artigo 44. Prezos

Os prezos dos servizos prestados e deben ser aboados por mes anticipado dentro dos dez primeiros días do mes que proceda. Para os casos nos que a/o nena/o efectúe o ingreso na escola con posterioridade ao día 15, a cota que lle corresponda pagar polo dito mes, terá un desconto do 50%. No caso de utilizar o servizo de comedor por días soltos, realizarase o pagamento deste servizo xunto coa cota do mes seguinte.

O pago efectuarase na modalidade de domiciliación bancaria. A persoa usuaria achegará a autorización bancaria correspondente. Cando algún recibo sexa devolto pola entidade bancaria, a escola poderá emitir un novo recibo no que se cargarán os gastos bancarios derivados da devolución do anterior. De xeito excepcional poderase establecer outro medio de pago cando se produzan circunstancias que a xuízo da escola, sexan de entidade abondo como para facer necesario habilitar un medio de pago axeitado ao caso concreto, que será determinado polo centro.

Artigo 45. Revisión de prezos

Durante o curso poderase proceder á revisión da taxa fixada inicialmente, sempre que se produzan ou xustifiquen variacións nas circunstancias económicas ou familiares referidas aos seguintes casos:

a) A modificación das variables que determinan os descontos recollidos na correspondente ordenanza fiscal municipal.

b) As variacións nos ingresos da unidade familiar que conleven unha modificación substancial da súa capacidade económica. Só se terán en conta as variacións que supoñan unha diminución ou incremento de máis do 20% no cómputo anual fronte aos ingresos declarados no momento de efectuar o cálculo inicial do custe de praza ou, de ser o caso, nunha variación posterior. Estas variacións deberán ter como mínimo unha duración de 4 meses para ser tidas en conta e deberán estar debidamente xustificadas.

c) A modificación do número de membros da unidade familiar, se fose o caso.

Neste sentido a persoa beneficiada queda obrigada a comunicar calquera variación que se produza ao respecto e desde a administración poderase citala en calquera momento para proceder á revisión da taxa que se vén aboando.

A modificación da cota mensual será resolta e aplicarase a partir do primeiro día do mes natural seguinte ao da data da correspondente resolución.

Artigo 46. Facturas

As facturas detallarán, entre outros, o número, data de emisión, datos da entidade e destinatario e os servizos prestados desagregados por tipo de gasto, modalidade de servizo etc. Unha copia das facturas quedará no expediente individual do/a neno/a e outra estará a disposición da familia, titor/a ou representante legal.

No caso de acollerse ás axudas para o fomento da gratuidade da atención educativa durante todo o período subvencionable, a escola entregará ás familias os xustificantes mensuais de pagamento nos que consten o número de horas ao día de asistencia e o importe que lles correspondería aboar coa lenda prezo bonificado 100% pola Xunta de Galicia.

Artigo 47. Réxime de reserva de praza para o caso de ausencias/vacacións

A non asistencia non exime dos pagos mensuais das cotas correspondentes, xa que estes pagos garanten a reserva de praza durante todo o curso.

No caso de vacacións ou ausencias, debidamente xustificadas, o centro reservará a praza do alumnado.

O alumnado deberá gozar dun mes de vacacións por curso escolar, entre o 1 de setembro e o 31 de agosto. O período de vacacións poderá distribuirse en trinta días naturais continuados ou repartidos en quincenas. Neste último caso, non se abonará o mes correspondente á segunda quincena.

As familias poderán escoller libremente o período de desfrute das vacacións, preferentemente nos meses de verán.

O mes de vacacións deberá solicitarse na dirección do centro coa suficiente antelación.

En todo caso, e para unha mellor planificación e organización da escola, as persoas usuarias deberán comunicar á dirección da EIM con anterioridade ao 19 de maio de cada ano o mes de vacacións. A partires desta data, e agás razóns debidamente xustificadas, o período de vacacións elixido non poderá modificarse.

Artigo 48. Réxime de financiamento

En canto ao sistema de financiamento da EIM, artellarase coas achegas procedentes das distintas administracións públicas ou institucións, incluídas as transferencias que poida efectuar o propio concello e coas achegas, mediante taxa, das persoas usuarias nas condicións previstas na Ordenanza Fiscal Municipal.

Artigo 49.

1. Medidas de seguridade e hixiene

A EIM conta coas seguintes medidas de seguridade e hixiene en todas as súas instalacións:

· Técnica/o en riscos laborais encargada/o de implantar as medidas de emerxencia no centro.

· Medidas anti-incendios.

· Medidas de protección para evitar golpes e outras lesións nas nenas e nenos, tales como as cantoneiras e os antipilladedos.

· Caixa de primeiros auxilios para a asistencia inmediata, encargándose do seu mantemento o persoal responsable da EIM.

2. Persoal

· Os traballadores/as, contan con coñecementos acreditados de prevención de riscos laborais e de primeiros auxilios.

· O persoal da EIM manterá una actitude activa e vixiante dirixida á prevención de incidentes e ao control e conservación dos espazos, material, ferramentas, e obxectos perigosos e instalacións.

· Todo o persoal que realice funcións de atención e coidado dos nenos e nenas deberá acreditar o seu correcto estado de saúde e con periodicidade anual someterase a un recoñecemento médico. Será igualmente preceptiva a vacinación do persoal contra a rubéola, co especial compromiso das mulleres en idade fértil de adoptar as medidas sanitarias preventivas que correspondan durante os 3 meses seguintes á vacinación.

· Todo o persoal de atención e coidado ten coñecementos básicos en primeiros auxilios.

· O persoal que manipule alimentos está en posesión do carné de manipulador segundo a normativa vixente.

· Todo o persoal do centro que teña contacto coas nenas e nenos conta cun certificado negativo do Rexistro Central de Delincuentes Sexuais e Trata de Persoas.

Artigo 50.

A Escola Infantil dispón dun libro de reclamacións a disposición das persoas usuarias. O procedemento para a tramitación está recollido na Orde do 12 de xaneiro de 2021 pola que se regula a presentación e a comunicación das reclamacións en materia de servizos sociais (códigos de procedemento BS105A e BS105B).

A Subdirección Xeral de Autorización e Inspección de Servizos Sociais fai un seguimento continuo dos centros e programas a través das oportunas inspeccións co obxecto de comprobar o cumprimento dos requisitos legais esixibles a calidade educativa e asistencial procurando a mellora continua na prestación dos servizos, segundo o establecido nos artigos 75 da Lei 13/2008, de 3 de decembro, de servizos sociais de Galicia e 49 do Decreto 254/2011, do 23 de decembro, polo que se regula o réxime de rexistro, autorización, acreditación e a inspección dos servizos sociais en Galicia.

A dirección do centro deberá poñer en coñecemento do Concello de Vimianzo de xeito periódico o contido das reclamacións, agás nos casos nos que se requira unha comunicación inmediata. 

Artigo 51. Réxime sancionador

A este efecto, resultará aplicable a regulación contida no título IX e X da Lei 3/2008, do 3 de decembro de servizos sociais de Galicia. 

Artigo 52.

Garantirá o bo funcionamento do proceso de admisión en canto á aplicación deste RRI. A comisión terá a seguinte composición:

· Presidente/a: o/a alcalde/sa ou persoa en quen delegue.

· Vogais:

· O/a concelleiro/a de Benestar Social.

· 2 técnicos/as da área de Benestar Social.

· Directora da EIM ou representante en quen delegue.

· Secretario/a da corporación ou funcionario/a en quen delegue.

Serán competencias desta Comisión:

· Velar polo cumprimento do presente RRI no proceso de ingreso.

· Aplicar a contía a aboar ou a exención a aplicar en cada caso segundo se dispoña na Ordenanza Fiscal Municipal reguladora.

· Propoñer á Alcaldía as solicitudes de ingreso.

· Estudo e resolución dos conflitos de réxime interno.

· Aplicación do presente RRI.

· Decreto 245/2003, de 24 de abril, polo que se establecen as normas de seguridade nos parques infantís.

· Lei 13/2008, do 3 de decembro, de servizos sociais de Galicia.

· Decreto 329/2005, do 28 de xullo, polo que se regulan os centros de menores e os centros de atención á infancia.

· Decreto 254/2011, de 23 de decembro, polo que se regula o réxime de rexistro, autorización, acreditación e inspección dos programas e dos centros de servizos sociais.

· Lei 17/2011, de 5 de xullo, de seguridade alimentaria e nutrición.

· Lei 39/2015, de 1 de outubro, de procedemento administrativo común das administracións públicas.

· Lei Orgánica 3/2020, de 29 de decembro, pola que se modifica a Lei Orgánica 2/2006, de 3 de maio, de Educación.

· Real Decreto 132/2010, de 12 de febreiro, polo que se establecen os requisitos mínimos de centros que impartan as ensinanzas do primeiro e segundo ciclo da educación infantil, a educación primaria e a educación secundaria.

· Real Decreto 476/2013, de 21 de xuño, pola que se regulan as condicións de cualificación e formación que deben posuír os mestres dos centros privados de Educación Infantil e de Educación Primaria, Art. 2.2. (BOE núm.167, de 13 de xullo).

· Real Decreto 95/2022, de 1 de febreiro polo que se establece a ordenación e as ensinanzas mínimas da Educación Infantil.

· Decreto 150/2022, de 8 de setembro polo que se establece a ordenación e o currículo da Educación Infantil na Comunidade Autónoma de Galicia.

· Ordes anuais polas que se regulan as axudas ás escolas infantís.

· DECRETO 49/2012, do 19 de xaneiro, polo que se aproba o réxime de prezos das EI e a súa actualización de prezos segundo Resolución de 10 de maio de 2017 pola que se actualizan os prezos das escolas infantís.

· DECRETO 148/2014, de 6 de novembro, polo que se modifica o Decreto 99/2012, de 16 de marzo, polo que se regulan os servizos sociais comunitarios e o seu financiamento.

· Ordenanza fiscal núm. 24 reguladora da taxa pola prestación dos servizos públicos municipais do servizo de Vivenda Comunitaria, Escola Infantil, Centro de Día, Comedor sobre rodas e Lavandería sobre rodas do Concello de Vimianzo.

· Instrucións ditadas polos órganos competentes da consellería competente en materia de servizos sociais.

DISPOSICIÓN DERROGATORIA

Quedan derrogadas aquelas disposicións municipais contrarias ou anteriores no tempo á regulación da presente Ordenanza.

DISPOSICIÓN FINAL ÚNICA

O presente Regulamento entrará en vigor unha vez publicado o seu texto íntegro no Boletín oficial da provincia da Coruña e transcorra o prazo previsto no artigo 65.2 da Lei 7/1985, do 2 de abril, Reguladora das Bases de Réxime Local.

Calquera instrución ditada pola escola non pode ser contraria ás presentes Normas de Funcionamento visadas polo Servizo de Inspección de Familia e Menores