Val do Dubra - ORDENANZA FISCAL REGULADORA DA TAXA POLA UTILIZACIÓN DOS CAMPOS DE FÚTBOL MUNICIPAIS (TILLEIRA E JUAN BALEATO) PERTENCENTES AO DOMINIO PÚBLICO LOCAL, PARA UNHA FINALIDADE LUCRATIVA

En uso das facultades concedidas polos artígos 133.2 e 144 da Constitución e polo artigo 106 da Lei 7/85, do 2 de abril, reguladora das bases do réxime local, e de conformidade co disposto nos artigos 15 a 19 do Real Decreto Lexislativo 2/2004, do 5 de marzo, polo que se aproba o Texto Refundido da Lei reguladora das facendas locais, o Concello de Val do Dubra establece a taxa pola utilización dos campos de fútbol municipais (Tilleira e Juan Baleato) pertencentes ao dominio público local, para unha finalidade lucrativa, que se rexerá pola presente ordenanza fiscal e cuxas normas atenden ao previsto no artigo 57 da Lei reguladora das facendas locais.

Constitúe o feito impoñible desta taxa a utilización dos campos de fútbol municipais, pertencentes ao dominio público local, para unha finalidade lucrativa:

-Campo de fútbol da Tilleira

-Campo de fútbol Juan Baleato

Aplicaranse os beneficios fiscais previstos nas normas con rango de lei nos tratados internacionais.

Son suxeitos pasivos, en concepto de contribuíntes, as persoas físicas e xurídicas e as entidades ás que se refire o artigo 33 da Lei 58/2003, do 17 de decembro, xeral tributaria, que se beneficien da utilización das instalacións que constitúen o feito impoñible da taxa.

Establécese a seguinte tarifa: 23,3 euros por día e por cada campo de fútbol.

Aplicarase unha bonificación do 100% ás asociacións e entidades municipais sen ánimo de lucro que utilicen os campos de fútbol municipais.

A taxa devindicarase no momento en que se conceda a utilización dos campos de fútbol municipais.

1. Unha vez autorizada a utilización das instalacións, deberase practicar polo suxeito pasivo a declaración-liquidación (autoliquidación) correspondente conforme ao sinalado na presente ordenanza.

2. O importe da taxa realizarase por ingreso directo nas entidades bancarias colaboradoras deste concello e sempre antes de comenzar a utilización da instalación.

Para a cualificación das infraccións tributarias, así como das sancións que ás mesmas corresponden en cada caso, estarase ao disposto na Lei xeral tributaria.

10.1. A utilización dos campos quedará supedita á dispoñibilidade dos mesmos. No suposto de que o concello precise das instalacións para eventos municipais poderá revocarse a utilización e practicarase de oficio a correspondente devolución do importe liquidado.

10.2. A utilización do uso destas instalacións deportivas a entidades privadas será concedida de xeito motivado en base ao interese do evento para o Concello de Val do Dubra ou para os seus habitantes e sempre que non interfira coa actividade habitual das instalacións, co seu mantemento ou co seu coidado.

10.3. As actividades a realizar asegurarán en todo momento o bo estado das instalacións. Consideraranse responsables directos dos posibles danos ou prexuízos ocasionados os terceiros aos que se lles autorice o uso.

A presente ordenanza entrará en vigor o día seguinte da súa publicación no Boletín Oficial da Provincia e manterá a súa vixencia en tanto non sexa modificada ou derogada expresamente.