Negreira - Ordenanza fiscal reguladora da taxa por prestación de actividades deportivas e culturais municipais do Concello de Negreira

No uso das facultades concedidas polos artigos 133.2 e 142 da CE e polo artigo 106 da Lei 7/1985, do 2 de abril, Reguladora das Bases de Réxime Local, e de conformidade co disposto no artigo 20 do RDL 2/2004, do 5 de marzo, polo que se aproba o Texto Refundido da Lei Reguladora das Facendas Locais, este Concello establece a taxa pola prestación de servizos deportivos municipais, que se rexerá pola presente Ordenanza fiscal, atendendo ás normas ó previsto no artigo 57 do citado RDL.

Son suxeitos pasivos e están obrigados ó pagamento das taxas reguladas nesta Ordenanza as persoas ou entidades que utilicen as instalacións deportivas municipais ou sexan usuarias dos servizos deportivos abaixo citados.

1. A contía das taxas reguladas nesta Ordenanza será a fixada nas tarifas contidas no apartado seguinte para cada un dos distintos servizos ou actividades.

2. Tarifas:

· Por uso de instalacións

a) Entrada á piscina: 1,00 euros por persoa.

b) Abono mensual piscina: 20 euros por persoa.

c) Abono temporada piscina: 50 euros por persoa.

d) Abono familiar de tempada: 80 euros (ata un máximo de 3 persoas).

e) Abono familiar de tempada: familia numerosa: 80 euros.

Ámbolos dous abonos familiares quedaran limitados a nais/pais, fillas/os, avoas/avós.

· Por actividades

a) Escolas deportivas e culturais:

· 80 euros

· 70 euros por persoa cando haxa máis dun membro da mesma familia ou se acuda a máis dunha escola deportiva.

· 65 euros por persoa cando haxa máis de dous membros da mesma familia ou se acuda a máis de dúas escolas deportivas.

b) Campamentos:

· 80 euros,

· 70 euros cando haxa máis dun membro da mesma familia.

c) Curso de natación: 20 € /mes.

d) Manualidades de maiores: 50 € tempada.

1. Non están suxeitos a esta taxa aquelas utilizacións correspondentes a competicións organizadas ou patrocinadas por iniciativa do Concello de Negreira.

2. A Xunta de Goberno Local poderá conceder exencións ou bonificacións desta taxa no caso de utilización das instalacións para a celebración de actos organizados con fins benéficos.

3. Haberá un desconto do 30% para aquel usuario/a que reúnan algún dos seguintes requisitos:

- informe social que indique a necesidade do servizo en base as circunstancias socioeconómicas e familiares.

- sexa fillo/a de muller vítima da violencia de xénero.

- familia monoparental.

- familia numerosa.

As persoas ou entidades interesadas na obtención da devandita exención ou bonificación deberán solicitalas por escrito con anterioridade á celebración das actividades, acreditando documentalmente as circunstancias que concorran na súa pretensión.

1. No caso xeral de utilización individualizada das instalacións deportivas municipais fundiranse nun só intre procesual as fases de devindicación, liquidación e pago da taxa. Dito intre procesual producirase cando a persoa manifeste a súa pretensión de utilizar as referidas instalacións.

2. No caso de solicitude por colectivos para a utilización nun momento posterior, a devindicación e a liquidación produciranse coa autorización da Alcaldía. O pago, que se efectuará con anterioridade á utilización efectiva, realizarase nas contas bancarias do Concello.

3. No caso de actividades a devindicación, liquidación e ingreso poderase facer en dúas mensualidades (Outubro- Febreiro).

Queda derrogada a Ordenanza reguladora da Taxa por prestación dos servizos deportivos municipais, así como calquera outra normativa que se opoña á ordenanza que se aproba.

A presente Ordenanza entrará en vigor ó día seguinte o da súa íntegra publicación no Boletín Oficial da Provincia, permanecendo en vigor ata a súa modificación ou derrogación expresa.