Negreira - ORDENANZA FISCAL REGULADORA DAS TAXAS POLO USO DE ESPAZOS, LOCAIS E INSTALACIÓNS MUNICIPAIS DO CONCELLO DO NEGREIRA

O feito impoñible das taxas está constituído pola utilización e cesión do uso común especial de espazos, salas, locais ou calquera outra instalación de titularidade municipal, tanto de carácter demanial como patrimonial.

Devindícase a taxa e nace a obriga de contribuír coa efectiva utilización das instalacións municipais despois de ter solicitada a preceptiva autorización.

O pagamento efectuarano os interesados na entidade financeira colaboradora, unha vez autorizada a utilización ou cesión solicitada, consonte á ordenanza correspondente e, en todo caso, con carácter previo ao inicio da actividade. O Concello expedirá o correspondente xustificante de ingreso.

Son suxeitos pasivos das taxas reguladas nesta ordenanza fiscal as persoas físicas e xurídicas ou entidades públicas ou privadas a favor das que se outorguen as preceptivas autorizacións para a utilización das instalacións municipais cuxo uso se regula na Ordenanza reguladora das condicións de uso de espazos, locais e instalacións municipais do Concello do Negreira.

Con relación á responsabilidade solidaria e subsidiaria da taxa, estarase ao establecido nos artigos 42 e 43, respectivamente, da Lei 58/2003, de 17 de decembro, Xeral Tributaria.

A cota da taxa regulada na presente ordenanza para actos ou actividades será a fixada nas tarifas contidas nos apartados seguintes.

4.1 Taxa pola utilización dos auditorios.

Utilización das instalacións por entidades privadas con prezo:

· Auditorio Afonso Eáns ¿ 100 €/hora.

· Auditorio Vello ¿ 80 €/hora.

Utilización das instalacións por entidades privadas sen ánimo de lucro e que non supoñan custo para o público asistente :

· Auditorio Afonso Eáns ¿ 70 €/hora.

· Auditorio Vello ¿ 50 €/hora.

4.2 Taxa pola utilización de aulas ou sala de xuntas (¿pecera¿), telecentro, aula de informática ou calquera espazo análogo:

Utilización das instalacións por entidades privadas con fin de lucro: 15 euros por hora.

Utilización das instalacións por entidades privadas sen fin de lucro: gratuíto.

4.3 Taxa pola utilización da carpa municipal:

A) A carpa municipal só será solicitada por asociacións sen ánimo de lucro, tales como as asociacións veciñais, culturais, deportivas, ou de festexos. Non está permitido o seu uso a particulares.

B) Só poderá ser solicitada por cada asociación un máximo de dúas veces cada ano natural.

C) utilización da carpa municipal: 250 euros por solicitude.

4.4 Taxa pola utilización das instalacións deportivas:

Utilización pavillón polideportivo: 20 €/hora

Utilización campo de fútbol de herba artificial de Cepelo: 50 €/hora.

Utilización das pistas de tenis e pádel: 10 €/hora.

Haberá un desconto do 50% si o suxeito pasivo pertence a algunha das escolas culturais ou deportivas do Concello de Negreira.

4.5 Taxa pola utilización dun local social pertencente ó Concello de Negreira: 50 €/día.

4.6 Taxa polo alugueiro do local do Refuxio de Covas:

- Para Asociacións: 50 €/día.

- Para particulares: 30 €/día.

1.¿As cotas tributarias esixibles con arranxo ás tarifas liquidaranse por cada aproveitamento solicitado ou realizado.

2.¿Nas solicitudes de utilización emitirase a liquidación da taxa.

Non se consentirá ningunha utilización das instalacións ata que non se faga efectiva a liquidación e as persoas ou entidades interesadas non obteñan a autorización correspondente.

Non se poderá presentar ningunha solicitude sen a acreditación do pagamento previo.

Se se retira a solicitude antes da resolución da concesión da autorización non se esixirá pago ningún. Pola contra, unha vez concedida a autorización non se devolverá cantidade algunha, salvo causa debidamente xustificada e a criterio do Concello.

3.¿Se por causas non imputables ao interesado non se puidesen utilizar as instalacións, procederá a devolución do importe abonado. Esta circunstancia non dará lugar a indemnización ou compensación económica ningunha para os solicitantes.

4.¿As autorizacións de uso terán carácter persoal e non poderán ser cedidas ou subarrendadas a terceiros. O incumprimento deste mandato dará lugar á anulación da autorización, sen prexuízo das contías que lles correspondan aboar ás persoas ou entidades interesadas.

Os usuarios dos espazos, locais e instalacións municipais obxecto de utilización responderán dos danos e perdas que polo seu dolo ou neglixencia se ocasionen nestes. Se foren varios os ocupantes, todos eles responderán conxunta e solidariamente do pagamento dos prezos públicos, da indemnización dos danos e perdas que ocasionen nos locais, instalacións e bens que neles puidesen encontrarse e das sancións que, de ser o caso, se puidesen impoñer.

Son infraccións as accións ou omisión seguintes:

1.¿Infraccións leves:

a) Non manter ou non deixar limpo o local ou espazo ocupado con autorización na forma establecida na presente ordenanza.

b) Non apagar todas as luces e demais aparellos que formen parte do equipamento dos espazos cedidos antes de saír.

c) O incumprimento das disposicións que regulan a utilización dos espazos, locais ou instalacións cedidos en uso cando non poidan considerarse graves ou moi graves.

2. Infraccións graves:

a) Excederse no horario autorizado.

b) O uso das instalacións para outra finalidade distinta á autorizada.

c) Perturbar o normal funcionamento dos servizos municipais durante os horarios de utilización.

d) Causarlle molestias á veciñanza ou perturbar a tranquilidade da zona durante os horarios de utilización.

e) Fumar, inxerir bebidas alcohólicas ou substancias estupefacientes nos espazos cedidos.

f) Incorrer en tres infraccións leves.

3. Infraccións moi graves:

a) Ocupar os espazos e locais municipais sen autorización do Concello.

b) Causar danos nos locais, nas instalacións, nos equipos e demais bens mobles que se atopen nos locais utilizados.

c) Manipular aparellos relacionados co equipamento das salas.

d) Reproducir as chaves de acceso aos locais.

e) A transmisión ou cesión dos espazos cedidos en uso a outro usuario sen o consentimento do Concello.

f) O seu uso para actividades que vulneren a legalidade.

g) O uso dos locais e espazos para aquelas actividades que fomenten a violencia, o racismo, a xenofobia e calquera outra forma de discriminación ou que atenten contra a dignidade humana.

h) O seu uso para aquelas actividades que impliquen crueldade ou maltrato para os animais, poidan ocasionar sufrimentos ou facelos obxecto de tratamentos antinaturais.

i) Incorrer en tres infraccións graves.

As infraccións moi graves prescribirán aos tres anos; as graves, aos dous anos, e as leves, aos seis meses. Para o cómputo destes prazos estarase ao establecido no artigo 30 da Lei 39/2015, do 1 de outubro, do Procedemento Administrativo Común das Administración Públicas.

As infraccións serán sancionadas da seguinte forma:

a) As leves, coa revogación da cesión do uso e a inhabilitación para acceder ao uso dos espazos, locais e instalación municipais obxecto desta ordenanza polo prazo dun mes e/ou unha multa de 60 a 600 euros.

b) As graves, coa revogación da cesión do uso e a inhabilitación para acceder ao uso dos espazos, locais e instalación municipais obxecto desta ordenanza polo prazo dun ano e/ou multa de 601 a 1.500 euros.

c) As moi graves, coa revogación da cesión do uso e a inhabilitación para acceder ao uso dos espazos, locais e instalación municipais obxecto desta ordenanza desde un prazo de tres anos ata unha incapacitación absoluta, e/ou multa de 1.501 a 3.000 euros.

O tramitación do procedemento sancionador correspondente efectuarase de conformidade coa regulación prevista na Lei 39/2015, do 1 de outubro, do Procedemento Administrativo Común das Administración Públicas.

1. A imposición de sancións é compatible coa obriga de restituír as cousas ao seu estado orixinal.

2. Cando a utilización privativa ou o aproveitamento especial leve aparellada a destrución ou deterioración das instalacións, a persoa ou entidade beneficiaria, sen prexuízo do pagamento da taxa a que houber lugar, estará obrigada ao reintegro do custo total dos respectivos gastos de reconstrución ou reparación.

3. Se os danos fosen irreparables, o Concello será indemnizado cunha contía igual ao valor dos bens destruídos ou ao importe da deterioración dos elementos danados.

4. As indemnizacións e reintegros aos que se refire o presente artigo non poderán ser condonados total nin parcialmente.

5. A Administración poderá en calquera momento, se o considerar oportuno por razóns de interese público local, esixir o depósito previo das cantidades para lle facer fronte á posible deterioración ou destrución do dominio público municipal.

DISPOSICIÓN ADICIONAL PRIMEIRA

O non previsto especificamente nesta ordenanza fiscal, serán de aplicación as normas contidas na Ordenanza reguladora das condicións de uso de espazos, locais e instalacións municipais do Concello de Negreira.

DISPOSICIÓN DERROGATORIA

A presente ordenanza derroga as ordenanzas anteriores aprobadas sobre a materia.

DISPOSICIÓN FINAL

A presente ordenanza entrará en vigor, tras a aprobación definitiva, o día da súa publicación no Boletín Oficial da Provincia e permanecerá en vigor ata a súa modificación ou derogación expresa.