Baña A - ORDENANZA FISCAL REGULADORA DA TAXA POLA UTILIZACIÓN DAS INSTALACIÓNS DEPORTIVAS MUNICIPAIS

O Concello da Baña establece a taxa pola utilización das instalacións deportivas municipais, de conformidade co considerado no artigo 57 do texto refundido da Lei reguladora das facendas locais, aprobado polo Real decreto lexislativo 2/2004, do 5 de marzo, e demais normativa concordante de aplicación.

As taxas reguladas nesta ordenanza constitúen un ingreso de dereito público que será satisfeito polas persoas usuarias que soliciten a utilización das instalacións deportivas municipais.

Están obrigadas a pagar as taxas reguladas nesta ordenanza as persoas naturais xurídicas que soliciten utilizar as instalacións deportivas municipais, e as entidades, organismos, asociacións, federacións, clubs, etc., no nome dos cales se solicite autorización para utilizar as instalacións.

A contía das taxas reguladas nesta ordenanza será fixada nas tarifas contidas no apartado seguinte para cada un dos distintos servizos ou actividades.

Tarifas.

4.1. Pavillón polideportivo cuberto.

Alugamento do pavillón de San Vicenzo: 8 €/hora.

4.2 Pistas de padel de Lañas

Alugamento de unha pista de padel de Lañas: 8 €/hora

4.3. Campo de fútbol municipal.

Alugamento do campo de fútbol municipal: 100 €/partido.

Abono por 10 partidos: 650 €.

Abono por 15 partidos: 1.000 €.

Abono por 20 partidos: 1.300 €.

O alugamento ou cesión do uso concertarase exclusivamente con entidades, clubs deportivos ou federacións para disputar os encontros correspondentes a competicións federadas

Estará exento do pagamento da taxa o Concello da Baña nas actividades organizadas ou patrocinadas por este. O patrocinio será sempre obxecto de previo acordo da Xunta de Goberno Local ou da resolución do alcalde.

Os clubs, entidades, federacións etc., que desexen utilizar as instalacións deportivas municipais deberán solicitalo por escrito, con, polo menos, sete días de antelación, ante o Concello e expresarán os días e as horas que desexan efectuar a utilización e demais circunstancias que estimen oportunas.

As solicitudes debidamente tramitadas serán resoltas pola Xunta de Goberno Local, resolución do alcalde ou concelleiro delegado de deportes, se se delegase nel esta facultade.

A liquidación da taxa efectuarase en calquera das entidades bancarias nas que o Concello ten conta aberta.

A taxa devindicarase no momento de conceder a utilización das instalacións e a persoa encargada destas non as abrirá se non se presenta a autorización e o xustificante de que foran ingresadas as taxas.

A presente ordenanza, unha vez aprobada definitivamente, será publicada integramente no Boletín Oficial da Provincia de conformidade co establecido no artigo 17 do Real Decreto Lexislativo 2/2004 de 5 de marzo, polo que se aproba o texto refundido da Ley Reguladora das Facendas Locais.

Entrará en vigor ao día seguinte da sua publicación definitiva no Boletín Oficial e manterase en vigor mentres non se acorde a súa derrogación ou a súa modificación expresa

A presente ordenanza deroga expresamente a ordenanza fiscal da mesma denominación aprobada polo Pleno e publicada no BOP número 36, do 24 de febreiro de 2016.