Consorcio Contraincendios Coruña - Ordenanza Fiscal nº 5 Reguladora da taxa por concorrencia ás probas selectivas para o ingreso de persoal do Consorcio Provincial contra Incendios e Salvamento de A Coruña

En uso das facultades concedidas polos arts. 133.2 e 142 da Constitución, da potestade atribuída pola Lei 7/1985, do 2 de abril, Reguladora das Bases do Réxime Local no seu artigo 4.1.b, e en exercicio das facultades atribuídas polo artigo 106 da citada norma, de conformidade co disposto nos artigos 15 a 27 e 132 do Real Decreto Lexislativo 2/2004, do 5 de marzo, polo que se aproba o Texto Refundido da Lei de Facendas Locais, establécese a taxa por concorrencia ás probas selectivas convocadas polo Consorcio Provincial contra Incendios e Salvamento de A Coruña, que se rexerá polos devanditos preceptos e por medio de Ordenanza Fiscal.

Constitúe o feito impoñible da taxa, a actividade técnica e administrativa conducente á selección de persoal funcionario e laboral entre quen solicite participar nas correspondentes probas de acceso convocadas por este Organismo.

Serán suxeitos pasivos desta taxa as persoas físicas que soliciten participar na celebración das probas selectivas para o ingreso definitivo do persoal ao servizo deste Consorcio.

O pagamento da taxa, producirase pola inclusión nas listas de admitidos das correspondentes probas pero efectuarase o depósito previo do importe total dentro do prazo de presentación de solicitudes,

nos termos previstos no artigo 7 desta ordenanza fiscal.

Concederanse as exencións previstas expresamente nas leis ou as derivadas da aplicación dos Tratados Internacionais.

En relación ás tarifas, aplicaranse as seguintes bonificacións:

a) Cando o interesado sexa membro dunha familia numerosa de categoría xeral de acordo á normativa en vigor, aplicarase unha redución do 50% nas cotas.

O interesado deberá de achegar coa solicitude:

· Copia do título de familia numerosa expedido pola Comunidade Autónoma competente e que deberá de estar vixente o último día do prazo de presentación das instancias do proceso selectivo ao que se presente.

· Documento público de empadroamento ou convivencia da unidade familiar.

b) Cando o interesado sexa membro dunha familia numerosa de categoría especial de acordo á normativa en vigor, aplicarase unha redución do 50% nas cotas.

O interesado deberá de achegar coa solicitude:

· Copia do título de familia numerosa expedido pola Comunidade Autónoma competente e que deberá de estar vixente o último día do prazo de presentación das instancias do proceso selectivo ao que se presente.

· Documento público de empadroamento ou convivencia da unidade familiar

A cota tributaria será a que corresponda ao grupo/subgrupo de adscrición ou asimilado da praza, ou categoría convocada a que se opte polo suxeito pasivo, segundo a seguinte táboa:

1. A taxa esixirase en réxime de autoliquidación.

2. Quen desexe participar nas probas selectivas deste Consorcio, deberán de realizar o ingreso da cota de acordo á presente ordenanza fiscal, antes de presentar a correspondente solicitude dirixida á Presidencia do Consorcio, sen cuxo pago non se iniciará actividade administrativa algunha e determinará a inadmisión do aspirante ás probas selectivas.

3. O contribuínte está obrigado a practicar a autoliquidación, debendo cumprimentar un modelo que estará a disposición dos interesados na sede electrónica do Consorcio.

4. O pagamento realizarase mediante ingreso na conta bancaria que se determine nas bases que rexan o proceso de selección.

5. A solicitude de participación no proceso selectivo deberá de ir acompañada do modelo de autoiquidación debidamente cumprimentado e do xustificante do abono da cota.

6. A taxa por inscrición en probas selectivas só será devolta cando por causas non imputables ao suxeito pasivo, estas non se realicen. Non procederá por tanto a devolución nos supostos de exclusión das probas selectivas ou non participación por causas imputables ao interesado.

En todo o relativo a infraccións tributarias e á súa cualificación, así como ás sancións que ás mesmas correspondan en cada caso, aplicaranse as normas contidas na Lei Xeral Tributaria e o Real Decreto 2063/2004, de 15 de Julio, polo que se desenvolve o procedemento sancionador.

A presente Ordenanza aprobada polo Pleno do Consorcio Provincial contra Incendios e Salvamento de A Coruña en sesión celebrada o 24.07.2025 e entrará en vigor o día seguinte da súa publicación no Boletín Oficial da Provincia e continuará vixente mentres non se acorde a modificación ou derrogación.»