En uso das facultades concedidas polos artigos 133.2 e 141 da Constitución e polo artigo 106 da Lei 7/85, do 2 de abril, reguladoras das Bases do Réxime Local, e de conformidade co disposto nos artigos 15 a 19 do Real decreto lexislativo 2/2004, do 5 de marzo, polo que se aproba o texto refundido da Lei reguladora das facendas locais, este Concello establece a taxa por entrada de vehículos e vaos permanentes, que se rexerá pola presente Ordenanza Fiscal, atendendo as súas normas ao disposto no artigo 57 do citado Real decreto.

Artigo 2º.-Feito impoñible.

Constitúe o feito impoñible desta Taxa a utilización privativa ou o aproveitamento especial por entrada de vehículos a través das beirarrúas e a reserva de vía pública para aparcamentos exclusivos, carga e descarga de mercadorías de calquera clase.

Artigo 3º.-Suxeitos pasivos.

Son suxeitos pasivos desta Taxa, en concepto de contribuíntes, as persoas físicas e xurídicas, así como as entidades as que se refire ó artigo 35.4 da Lei 58/2003, de 17 de decembro Xeral Tributaria que se beneficien do aproveitamento que constitúe o feito impoñible.

Terán a condición de substitutos do contribuínte os propietarios das fincas e locais as que dean acceso as entradas de vehículos, que poderán repercutir, no seu caso, as cotas sobre os respectivos beneficiarios.

Artigo 4º.-Responsables.

- Serán responsables solidarios da débeda tributaria as persoas ou entidades ás que se refire o artigo 42 da Lei xeral tributaria.

- Serán responsables subsidiarios os administradores das sociedades e os síndicos, interventores ou liquidadores das sociedades e entidades en xeral nos supostos e co alcance que sinala o artigo 43 da Lei xeral tributaria.

Artigo 5º.-Base impoñible.

A base tributaria estará constituída, segundo o feito impoñible:

1. Polo número en metros da lonxitude da entrada ou paso de vehículos no caso da entrada de vehículos a través da beirarrúa.

2. Pola superficie, en metros cadrados, ocupada pola reserva de vía pública para o aparcamento exclusivo noutro suposto.

Artigo 6.º .-Cota tributaria.

Tarifa primeira.- Reserva con entrada de garaxe.

a. Entradas a garaxes ou locais de uso exclusivo do/a propietario/a do local para a garda dos seus propios vehículos, incluída a reserva de espazo, ata tres metros lineais, e unha capacidade máxima de tres prazas:

Casco urbano da vila	Mesón do Vento
76,21 €/anuais	41,37 €/anuais

b. Entradas a garaxes ou locais para a garda de vehículos, podendo realizar reparacións dos mesmos, prestación de servizos de engraxe, lavado, petroleado, etc., incluída a reserva do espazo até tres metros lineais, segundo a capacidade do local:

	Casco urbano da vila	Mesón do Vento
Ata 5 prazas	91,46 €/anuais	49,64 €/anuais
De 6 a 20 prazas	152,42 €/anuais	82,73 €/anuais
De 21 a 60 prazas	228,63 €/anuais	124,10 €/anuais
Máis de 60 prazas	266,33 €/anuais	144,56 €/anuais

c. Por cada metro lineal superior a tres incrementarase a tarifa nun 100%.

Tarifa segunda.- Reserva sen entrada de vehículos.

Reserva de espazos ou prohibición de estacionar sen entrada de vehículos.

a. Reserva de espazos nas vías e terreos de uso público concedidos a entidades ou particulares,para aparcamento exclusivo ou prohibición de estacionamento.

Satisfarán ao ano por cada metro lineal ou €. fracción: 114,32

b. Reserva de espazos ou prohibición de estacionamento nas vías e terreos de uso público para paradas de servizos de transporte colectivo de viaxeiros. Por cada metro lineal ou fracción de calzada que acade a reserva de espazo: 38,10 € anuais.

En todo caso será de conta do solicitante a sinalización da zona de reserva, tanto horizontal como vertical, segundo modelo oficial.

As zonas de carga e descarga debidamente sinalizadas polo Concello non serán obxecto de tarificación nas horas expresamente indicadas, nas que estará prohibido o seu uso fora do fin previsto, isto é, carga e descarga.

Artigo 7º.-Devengo.

Devengase a Taxa, e nace a obriga de contribuír:

a) Coa presentación da solicitude de utilización ou aproveitamento, que non se tramitará sen que efectuase o pago correspondente.

b) Dende o momento no que a utilización ou aproveitamento se iniciara, se este tivera lugar sen a preceptiva licencia municipal.

c) No caso de aproveitamentos xa autorizados e prorrogados, devengarase periodicamente o día 1 de xaneiro de cada ano.

Artigo 8º.-Período impositivo.

O período impositivo coincidirá co ano natural, salvo nos supostos de inicio ou cese no aproveitamento especial, no caso do cal o período impositivo axustarase a esa circunstancia co conseguinte prorrateo da cota, que terá lugar, en todo caso, por trimestres naturais.

Artigo 9º.-Réxime de declaración e de ingreso.

Este Concello poderá establecer convenios de colaboración con entidades, institucións e organizacións representativas dos suxeitos pasivos da taxa, co fin de simplificar o cumprimento das obrigas formais e materiais, derivadas de aquela ou os procedementos de liquidación ou recadación.

Cando por causas non imputables ó suxeito pasivo, o aproveitamento especial non se produza, procederá a devolución do importe correspondente.

Establécense dúas modalidades:

Autoliquidación:

Coa solicitude de autorización de aproveitamento especial do dominio público, terá que acompañarse a folla de autoliquidación, ingresada na Tesourería Municipal ou Entidade colaboradora do Concello.

Declaración:

Coa solicitude de aproveitamento especial do dominio público, presentarase declaración polos interesados, na que se reflectirá a superficie a ocupar, para a súa liquidación e pago da cota, na Tesourería Municipal ou Entidade colaboradora.

Artigo 10º.-Pago da taxa.

Efectuarase, o pago da taxa, tratándose de concesións de novos aproveitamentos, por ingreso directo na Tesourería Municipal ou Entidade colaboradora designada polo Concello, sen xustificante do cal non poderá retirarse a licencia.

No suposto de concesións de aproveitamento xa autorizados e prorrogados unha vez incluídas no correspondente Padrón Municipal, por anos naturais, nas Oficinas da Recadación Municipal ou Entidade Colaboradora

Artigo 11º.-Normas de xestión.

Terá que ir acompañada, a solicitude de entrada de vehículos ou vao permanente dunha declaración na que conste a superficie que se pretende ocupar, reflectida nun plano detallado do seu emprazamento concreto dentro do termo municipal.

O Concello procederá a practicar a oportuna liquidación complementaria, que terá que ser satisfeita, antes de retirar a licencia, de producirse contradición, entre a superficie declarada e a que se pretende ocupar realmente.

Entenderase prorrogada, unha vez autorizada a ocupación mentres non se presente a declaración da baixa polo interesado ou polos seus lexítimos representantes, no caso de falecemento, salvo as autorizacións outorgadas por un prazo concreto.

Artigo 12º.-Reintegro do custo ou reparación de danos.

Cando o aproveitamento especial leve aparellado a destrución ou deterioro do dominio público local, o beneficiario, sen prexuízo do pago da taxa a que houbera lugar, estará obrigado o reintegro do custo total dos respectivos gastos de reconstrución ou reparación e ó depósito previo do seu importe, segundo informe dos Servizos Técnicos Municipais, sen o cal non será outorgada a licencia.

Se os danos foran irreparables, a entidade será indemnizada en contía igual o valor dos bens destruídos ou ó importe de deterioro dos danados.

Disposición derradeira.

A presente ordenanza fiscal, aprobada definitivamente polo Pleno do Concello de Ordes en sesión celebrada o 29 de outubro de 2007 comezará a aplicarse a partir do primeiro de xaneiro do ano dous mil oito, permanecendo en vigor ata a súa modificación ou derrogación expresa.

NOTA DO SAEM

BOP nº 43 de 05/03/2026:

Correccción de erros na aprobación definitiva da ordenanza fiscal nº 11, reguladora da taxa por entrada de vehículos e vaos permanentes.

A modificación do artigo 6.º (cota tributaria. Tarifa primeira), quedando redactado como segue:

A tarifa segunda permanece invariable, non sufrindo modificación algunha o seu contido e redacción.