Muxía - Ordenaza fiscal reguladora da taxa por prestación de servizo de auga a domicilio

No uso das facultades concedidas polos artigos 133.2 e 142 da Constitución e polo artigo 106 da Lei 7/1985, do 2 de abril, reguladora das Bases de Réxime Local, e de conformidade co disposto nos artigos 15 a 19 da Lei 39/1988, do 28 de decembro, reguladora das Facendas Locais, este Concello establece a taxa por distribución de auga, que se rexerá pola presente ordenanza fiscal, a cal contén unhas normas que atenden ó previsto no artigo 58 da cita Lei 39/1988, e o 20 do mesmo texto legal na redacción que dá a lei 25/98.

Está constituído pola actividade municipal desenvolvida con motivo da distribución da auga a domicilio.

Ó tratarse dunha taxa de retribución periódica, a retribución ten lugar o 1 de xaneiro de cada ano, salvo nos supostos de inicio ou remate da actividade, nos que se presentará por trimestres naturais.

Para o cobramento periódico procederase conforme ó artigo 7.

Son suxeitos pasivos da taxa en concepto de contribuíntes as persoas físicas ou xurídicas, así como as entidades a que se refire o artigo 33 da Lei Xeral Tributaria, que soliciten ou resulten beneficiadas polos servicios a que se refire a presente ordenanza.

Terán a consideración de substitutos do contribuínte os propietarios das vivendas ou locais ó que se dote do servicio.

Os propietarios con vivendas alugadas deberán de facilitar a este Concello os datos do inquilino se desexa que os recibos se xeren a nome deste, así como comunicar no seu momento o fin da relación de arrendamento con motivo de xerar de novo os recibos ó seu nome (propietario).

Está constituída polo custo da auga a subministrar, así como pola utilización do servicio.

De conformidade co disposto no artigo 9 da Lei 39/88, non se recoñece ningún beneficio tributario, salvo os que sexan consecuencia do establecido nos tratados ou acordos internacionais, ou os expresamente previstos en normas con rango de lei.

Realizarase por escrito ó Concello, que se outorgará polo órgano competente tralo informe técnico. Unha vez concedida, e tralo pagamento das taxas ou gravames, se os houber, incluirase no padrón correspondente.

A día 1 de xaneiro de cada ano establecerase o padrón xeral, que incluirá a tódolos contribuíntes.

A finais de cada trimestre, tras efectuarse a lectura correspondente, formaranse os padróns cobratorios que incluirán os datos do trimestre anterior e as altas e baixas que se produzan durante o período.

Este padrón será aprobado polo órgano competente, e remitirase un edicto ó BOP para que proceda á súa publicación.

Despois da aprobación definitiva, procederase ó seu cobramento conforme ás normas da Lei Xeral Tributaria.

O prazo de ingreso en período voluntario da presente taxa será de 3 meses contados desde a aprobación definitiva.

A) Suministro de auga con estación de bombeo:

-consumo mínimo: de menos de 21 m3 trimestre: 4,42 euros.

-consumo normal: entre 21 m3 e 54 m3 trimestre: 0,27 euros/m3

-consumo de exceso: superior a 54 m3 trimestre: 0,36 euros/m3

B) Suministro de auga sen estación de bombeo.

-consumo mínimo: de menos de 21 m3 trimestre: 4,42 euros.

-consumo normal: entre 21 m3 e 54 m3 trimestre: 0,21 euros/m3

-consumo de exceso: superior a 54 m3 trimestre: 0,28 euros/m3

O Concello, tralo cumprimento dos requisitos legais, poderá suspende-lo subministro nos casos seguintes:

- Cando se ceda por calquera título a un terceiro a auga, quedando por tanto prohibida esta práctica.

- Cando se entorpeza ou negue a lectura ou manipulación do contador por parte do empregado municipal.

- Cando se teñan indicios de manipulación dos precintos ou selos postos polo Concello.

Se posteriormente se procede a reanuda-lo servicio, dará lugar á retribución da taxa por conexión da rede de distribución da auga, se existise.

Ningún usuario poderá facer uso da auga para fins distintos a aqueles para a que se lle concedeu, salvo casos moi excepcionais que apreciará en cada caso o Concello.

Cando por causas non imputables ó suxeito pasivo o servicio de prestación domiciliaria de auga non se preste durante un mínimo de 7 días ininterrompidamente, procederase á devolución do recibo semestral correspondente.

Esta ordenanza entrará en vigor o mesmo día da súa publicación no BOP e será de aplicación a partir do 1 de xaneiro de 1999, permanecendo en vigor ata a súa modificación ou derrogación expresa.