Cerdido - ordenanza reguladora da taxa polo uso das instalacións deportivas e culturais do Concello de Cerdido:

De conformidade co establecido no artigo 106 da Lei 7/1985, do 2 de abril, reguladora das Bases do Réxime Local, e 15 a 19 da Lei 39/1988 do 28 de decembro, reguladora das Facendas Locais, este Concello establece a taxa polo uso das instalacións deportivas e culturais do Concello.

Constitúe o feito impoñible desta taxa o uso das instalacións deportivas e culturais do Concello, agás a piscina municipal, por parte de persoas físicas e xurídicas. Non estará suxeito a este tributo o uso destas instalacións por parte do Concello e do colexio público de Cerdido, así como os actos que organiza ou patrocina o Concello.

Serán suxeitos pasivos desta taxa, en concepto de contribuínte, as persoas físicas ou xurídicas e as entidades ás que se refire o artigo 33 da Lei Xeral Tributaria que soliciten a utilización das instalacións deportivas e culturais do Concello. Responderán solidariamente das obrigas tributarias do suxeito pasivo as persoas físicas ou xurídicas ás que se refiren os artigos 38 e 39 da Lei Xeral Tributaria. Serán responsables subsidiarios os administradores das sociedades e os síndicos, interventores ou liquidadores das crebas, concursos, sociedades e entidades en xeral, nos supostos e alcance que establece o artigo 40 da Lei Xeral Tributaria.

Non se recoñecerán outras exencións ou beneficios fiscais que os expresamente previstos nas normas con rango de lei, ou os derivados da aplicación de tratados internacionais.

A cota tributaria consistirá nunha cantidade fixa en función do seguinte baremo.

O ánimo de lucro presúmese naquelas actividades que se cobre unha tarifa ou cota ós participantes. Aplicarase a tarifa correspondente a persoas xurídicas cando a utilización da instalación sexa realizada para máis de 10 persoas físicas á vez aínda que o solicitante sexa unha persoa física.

A obriga de pagamento da taxa nace dende o momento que se proceda o uso destas instalacións. O pagamento da taxa terá lugar por ingreso directo no momento de solicita-la utilización da instalación, con carácter de depósito previo, podéndose empregar o procedemento de declaración - liquidación ou de autoliquidación.

Para aquelas persoas que soliciten a utilización dunha instalación deportiva con carácter periódico, poderán realizar o ingresos desta taxa conxuntamente polos dias solicitados. No caso que se soliciten mais de catro dias, as tarifas aplicables seranlle de aplicación unha bonificación dun 10 % da cota. Para aquelas persoas que soliciten a utilización dunha instalación par uso cultural con carácter periódico, poderán realizar o ingresos desta taxa conxuntamente polos dias solicitados. No caso que se solicite o uso de mais de 100 horas, as tarifas aplicables seranlle de aplicación unha bonificación dun 50 % da cota.

A utilización das instalacións deportivas, obxecto desta taxa, haberá ter lugar fóra do horario do centro escolar do Concello. Os horarios e calendarios de utilización da instalación municipal serán fixadas por decreto da Alcaldía e publicaranse no taboleiro de anuncios do Concello. A utilización das instalacións culturais existentes no Concello quedarán condicionadas ó horario que reste das actividades que teña programado o Concello dentro do calendario de actividades que se realicen nas citadas instalacións. As solicitudes para a realización de actividades diversas, actos extradeportivos, competicións ou torneos presentaranse no rexistro do Concello cunha antelación de cinco días hábiles ó da data da realización da actividade.

As autorizacións do uso da instalación serán concedidas pola Alcaldía, quen poderá esixi-la constitución dunha garantía en metálico cando a actividade a realizar poida ocasionar danos ou deterioros da instalación, a contía establecerase segundo a estimación previa dos riscos e perigos de deterioro que se poidan ocasionar pola actividade que se realice. No caso que o uso das instalacións producise a destrucción ou deterioro das instalacións municipais, o suxeito pasivo da taxa estará obrigado o reintegro dos gastos de reconstrucción ou reparación que se producisen. Terán preferencia para o uso das instalacións aquelas actividades promovidas ou patrocinadas polos veciños do Concello de Cerdido.

En materia de sancións e infraccións estarase ó disposto no artigo 77 e seguintes da Lei Xeral Tributaria.