Carral - ORDENANZA FISCAL Nº 7 REGULADORA DA TAXA POR EXPEDICIÓN DE DOCUMENTOS ADMINISTRATIVOS

Este Concello, conforme ao autorizado polo artigo 106 da Lei 7/85 do 2 de abril, reguladora das bases do réxime local, e de acordo co previsto no artigo 20.4.i) do Real decreto lexislativo 2/2004, do 5 de marzo, polo que se aproba ou Texto refundido da Lei de facendas locais, establece a taxa reguladora da expedición de documentos de que entendan a administración ou autoridades locais, que se regulará pola presente ordenanza.

1. Constitúe o feito impoñible a actividade municipal desenrolada como consecuencia da tramitación, a instancia de parte, de toda clase de documentos que expidan ou de expedientes que entendan a Administración ou Autoridades Municipais.

2. A estes efectos, entenderase tramitada a instancia de parte calquera documentación administrativa que fora provocada polo particular ou redunde no seu beneficio aínda que non mediara solicitude expresa do interesado.

3. Non estará suxeita a esta taxa a tramitación de documentos e expedientes necesarios para o cumprimento de obrigas fiscais, as consultas tributarias, expedientes de devolución de ingresos indebidos, recursos administrativos contra resolucións municipais de calquera índole e os relativos á prestación de servicios ou realización de actividades da competencia municipal e a utilización privativa ou aproveitamento especial de bens de dominio público municipal, que estean gravados por outra taxa municipal ou polo que se esixa un prezo público por este Concello, e aquelas establecidas por leis especiais.

Tampouco estará suxeita a expedición de certificados esixidos na tramitación de expedientes no Concello de Carral para a concesión da axudas e outros beneficios asistenciais de carácter social.

Son suxeitos pasivos desta taxa, en concepto de contribuíntes, as persoas físicas e xurídicas, así coma as herdanzas xacentes, comunidades de bens e demais entidades que, carentes de personalidade xurídica, constitúan unha unidade económica ou un patrimonio separado susceptible de imposición, que provoquen ou resulten beneficiadas pola tramitación ou expedición dos documentos a que se refire o artigo 2.

Estará constituída pola clase o natureza do documento tramitado ou expedido pola Administración Municipal.

1.-A cota tributaria determinarase por unha cantidade fixa sinalada segundo a natureza dos documentos ou expedientes a tramitar, de acordo, coa tarifa que contén o artigo seguinte.

2.-A cota de tarifa corresponde á tramitación completa, en cada instancia, do documento ou expediente de que se trate, dende a súa iniciación ata a súa resolución final, incluída a certificación e notificación ó interesado do acordo recaído.

A tarifa á que se refire o artigo anterior, estructúrase nos seguintes epígrafes.

Non se recoñecen máis beneficios fiscais ca os derivados de norma con rango de lei ou da aplicación dos Tratados Internacionais. Calquera bonificación ou exención deberá ser interesada ó tempo de solicita-la oportuna licencia.

Devéngase a taxa, e nace a obriga de contribuír de pago no momento no que se presente a solicitude que inicie a tramitación dos expedientes e documentos suxeitos á taxa. No caso de iniciación de oficio, a taxa devéngase no momento da expedición do documento, ou do inicio da tramitación do expediente de que se trate.

1-A taxa pola emisión de documentos administrativos esixirase en réxime de autoliquidación, debendo o suxeito pasivo, no momento de presentar a correspondente solicitude, acreditar o ingreso do importe total estimado da cota tributaria na Entidade Bancaria habilitada a tal efecto.

2-Cando por causas no imputables ao suxeito pasivo, a actividade administrativa que constitúe o feito impoñible da taxa non se preste ou desenvolva, procederá a devolución do importe da cota correspondente.

3-Non se tramitará o expediente correspondiente, se non se acredita a autoliquidación e o pagamento da presente taxa

En todo o relativo á cualificación de infraccións tributarias, así como nas sancións que ás mesmas correspondan en cada caso, estarase ó disposto nos artigos 183 e seguintes da Lei 58/2003, do 17 de decembro, Xeral Tributaria.

As cotas tributarias fixadas no artigo 7 desta Ordenanza modificaranse anualmente de acordo coa variación do Índice de Prezos ó Consumo que sinale o Instituto Nacional de Estatística. O resultado da aplicación deste índice redondearase sempre por exceso ou por defecto á centena superior ou inferior.

A presente ordenanza derogará calquera precepto doutra ordenanza ou acordo que se opoña á mesma.

Esta Ordenanza, unha vez aprobada definitivamente polo Pleno da Corporación, entrará en vigor o mesmo día da súa publicación no Boletín Oficial Provincial.