Monfero - ORDENANZA FISCAL REGULADORA DA TAXA POR TRAMITACIÓN DE EXPEDIENTES E POR EXPEDICIÓN DE DOCUMENTOS ADMINISTRATIVOS

No uso das facultades concedidas polos artigos 133.2 e 142 da Constitución e polo artigo 106 da Lei 7/1985, de 2 de abril, Reguladora das Bases de Réxime Local, e de conformidade co disposto nos artigos 15 a 19 do Real Decreto lexislativo 2/2004, do 5 de marzo, polo que se aproba o Texto refundido la Lei reguladora das facendas locais, este concello establece a Taxa por tramitación de expedientes e por expedición de documentos administrativos que se rexerá polo presente Ordenanza Fiscal.

1. Constitúe o feito impoñible da taxa a actividade administrativa desenvolvida con motivo da tramitación, a instancia de parte, dos expedientes e para a expedición dos documentos administrativos que se indican no artigo 6 desta ordenanza.

2. Entenderase tramitada a instancia de parte calquera documentación administrativa que fose provocada polo particular ou redunde no seu beneficio aínda que non mediase solicitude expresa polo interesado.

3. Non estará suxeita a esta Taxa a tramitación de documentos e expedientes necesarios para o cumprimento de obrigas fiscais, así como as consultas tributarias, os expedientes de devolución de ingresos indebidos, os recursos administrativos contra resolucións municipais de calquera índole e os relativos á prestación de servizos ou realización de actividades de competencia municipal e a utilización privativa ou o aproveitamento especial de bens do dominio público municipal, que estean gravados por outra Taxa Municipal ou polos que se esixa un prezo público por este Concello.

Son suxeitos pasivos desta laxa, en concepto de contribuíntes, as persoas físicas ou xurídicas, así como as entidades as que se refire o artigo 33 da Lei 58/2003, do 17 de decembro, Xeral Tributaria, que soliciten, provoquen ou en cuxo interese redunde a tramitación do documento ou expediente de que se trate.

1. Responderán da débeda tributaria, xunto cos deudores principais, outras persoas ou entidades. A estes efectos, consideraranse debedores principais os obrigados tributarios do parágrafo 2 do artigo 35 da Lei 58/2003, de 17 de de-cembro, Xeral tributaria.

2. Agás precepto legal expreso en contra, a responsabilidade será sempre subsidiaria.

1.- A cota tributaria determinarase por unha cantidade fixa sinalada segundo a natureza dos documentos ou expedientes a tramitar, de acordo coa tarifa que contén o artigo seguinte.

2.- A cota de tarifa corresponde á tramitación completa, en cada instancia, do documento ou expediente de que se trate, desde a súa iniciación ata a súa resolución final, incluída a certificación e notificación ao interesado do acordo recaído.

3.- As cotas resultantes por aplicación das anteriores tarifas incrementaranse nun 50% cando os solicitados solicitasen con carácter de urxencia a tramitación dos expedientes que motivasen o devengo.

A taxa á que se refire esta ordenanza rexirase polas seguintes tarifas:

1.- Certificacións de acordos de órganos municipais ou de expedientes administrativos con máis de cinco anos de antigüidade: 20,00 €

A partir de cinco folios, por unha cara, 5,00 € máis por cada folio.

2.- Certificados de empadroamento para os que sexo necesario consultar padróns de habitantes anteriores ao 1 de maio de 1.996: 20,00 €.

3.- Bastanteos de poderes para a participación en procesos de selección de contratistas: 50,00 €.

4.- Expedientes iniciados a instancia de parte relativos a infraccións legais (urbanísticas, prevención de incendios, etc) que requiran un informe técnico de inspección con traslado ao lugar dos feitos: 100,00 €.

5.- Celebración de vodas civís:

- Se algún dos contraentes está empadroado no Concello de Monfero cunha antigüidade mínima continuada dun ano: 20,00 €

- Noutros casos: 100,00 €

6.- Licencias de segregación de parcelas: 60,00 €

1. Devéngase a taxa e nace a obriga de contribuír cando se presente a solicitude que inicie a tramitación do expediente ou pola que se solicite a expedición do documento administrativo suxeito ao tributo.

2. Ademais, o devengo prodúcese cando teñan lugar as circunstancias que provexan a actuación municipal de oficio ou cando esta se inicie sen previa solicitude do interesado mais redunde no seu beneficio.

1. A taxa esixirase en réxime de autoliquidación. O ingreso realizarase nas contas bancarias autorizadas polo Concello.

Os/as interesados/as na expedición dun documento administrativo ou na tramitación dun dos expedientes suxeitos a taxa presentarán, xunto coa solicitude, a acreditación de ter efectuado o ingreso que corresponda no impreso de autoliquidación debidamente cumprimentado.

2. Os escritos presentados persoalmente no Rexistro de Entrada do Concello e os recibidos polos condutos aos que fai referencia o artigo 66 da Lei de Procedemento Administrativo, que non veñan debidamente reintegrados, serán admitidos provisionalmente mais non poderá dárselles curso sen que se subsanen a deficiencia, para esta finalidade requirirase ao interesado para que, no prazo de dez días abone as cotas correspondentes e así o acredite ante o Concello, co apercibimento de que, transcorrido dito prazo sen efectualo, teránse os escritos por non presentados e será arquivada a solicitude.

En todo o relativo á cualificación de infraccións tributarias, así como das sancións que ás mesmas correspondan en cada caso, estarase ao disposto nos artigos 77 e seguintes da Lei Xeral Tributaria.

A presente ordenanza fiscal, aprobada definitivamente, entrará en vigor e será de plena aplicación ao día seguinte ao da súa publicación no BOP, permanecendo en vigor ata a súa modificación ou derogación expresa.