Frades - ORDENANZA FISCAL REGULADORA DAS TAXAS POR EXPEDICIÓN DE DOCUMENTOS

No uso das facultades concedidas polos artigos 133.2 e 142 da Constitución, polo artigo 106 da Lei 7/1985, do 2 de abril, reguladora das Bases de Réxime Local, de conformidade co disposto nos artigos 15 ó 19, 57 e concordantes do Real Decreto Lexislativo 2/2004, de 5 de marzo, polo que se aproba o Texto Refundido da Lei Reguladora de Facendas Locais e artigos 35, 41, 42 e 43 da Lei 58/2003 de 17 de decembro Xeral Tributaria: establécese a taxa pola expedición de documentos e apertura de expedientes que se rexerá pola presente ordenanza fiscal.

1.-Constitúe o feito impoñible da taxa a actividade administrativa desenvolvida con motivo da tramitación, a instancia de parte, dos documentos ou expedientes a que se refire o artigo 5 desta Ordenanza dos que entenda ou coñeza a Administración municipal. A este efecto enténdese tramitada a instancia de parte calquera documentación administrativa que fose provocada polo particular.

2.- Constitúe tamén feito impoñible aquela actuación que redunde en beneficio dun particular, aínda que non mediase solicitude expresa do interesado.

Son suxeitos pasivos contribuíntes as persoas físicas e xurídicas e as entidades ás que se refire o artigo 35 da citada Lei Xeral Tributaria, que soliciten ou provoquen a tramitación do documento ou expediente de que se trate.

Responderán solidaria e subsidiariamente deste tributo as persoas físicas e xurídicas ás que se refiren os artigos 41, 42 e 43 da Lei 58/2003, de 17 de decembro, Xeral Tributaria.

A cota tributaria determinarase por unha cantidade fixa sinalada segundo a natureza dos documentos ou expedientes a tramitar, de acordo coa seguinte tarifa:

1. Expediente iniciado a instancia de parte relativo a infraccións legais que requiran un informe técnico: 30,00 euros. Se require saída ó campo: 50,00 euros.

2. Certificación do Servizo de urbanísmo: 30,00 euros. Se require saída ó campo: 50,00 euros.

3. Certificados de acordos municipais: 3,00 euros.

4. Certificación catastral literal: 3,00 €. Certificación catastral descriptiva e gráfica: 5,00 euros.

Concederase exención subxectiva previo informe dos servizos sociais municipais en caso de emergencia social.

1.-Devéngase a taxa e nace a obriga de contribuír, cando se inicia a actividade municipal que constitúe o feito impoñible.

2.-Nos casos ós que se refire o número 2 do artigo 2.º, o devengo producirase cando teñan lugar as circunstancias que deriven na actuación municipal de oficio ou cando esta comece sen a previa solicitude do interesado, pero redunde no seu beneficio.

1.A taxa esixirase en réxime de autoliquidación, procedendo ó ingreso nas entidades financeiras autorizadas polo concello.

2. Os escritos recibidos polos conductos a que fai referencia o artigo 38.4 da Lei 30/1992 de Réxime Xurídico das Administracións públicas e Procedemento Administrativo Común , que non veñan debidamente reintegrados, serán admitidos provisionalmente, pero non poderá dárselles curso sen que se emende a deficiencia, para o que se requirirá ó interesado para que no prazo de dez días abone as cotas correspondentes, co apercibimento de que transcorrido o devandito prazo sen efectualo teranse os escritos por non presentados e será arquivada a solicitude.

En todo o relativo a infraccións tributarias e a súa cualificación, así como ás sancións que a estas correspondan en cada caso, aplicaranse as normas contidas nos artigos 183 e seguintes da Lei 58/2003, de 17 de decembro, Xeral Tributaria.

Coa entrada en vigor da presente ordenanza fiscal queda derogada calquera outra Disposición Municipal que entre a contradiga.

A presente ordenanza fiscal, aprobada definitivamente, entrará en vigor ó día seguinte da súa publicación no BOP, permanecendo vixente ata que se acorde a súa modificación ou derogación expresa.