Cee - REGULAMENTO DE RÉXIME INTERIOR DA ESCOLA INFANTIL MUNICIPAL VILA DE XUNQUEIRA.- CEE
INTRODUCIÓN
Normativa aplicable:
Decreto 254/2011, de 23 de decembro, polo que se regula o réxime de rexistro, autorización, acreditación e inspección dos programas e dos centros de servizos sociais, artigo 7b) do referido decreto que establece como un dos requisitos funcionais o dispor dunhas normas de funcionamento.
Decreto 329/2005, do 28 de xullo, polo que se regulan os centros de menores e os centros de atención á infancia.
Decreto 330/2009 de 4 de xuño, polo que se establece o currículo de Educación Infantil.
OBXECTO E ÁMBITO DE APLICACIÓN
1. DATOS DO CENTRO
Artigo 3.º.-Definición.
As Escolas Infantís (EI) defínense como aqueles equipamentos diúrnos de carácter educativo e asistencial, dirixidos ao sector infantil da poboación de ata 3 anos de idade, que teñen por obxecto o desenvolvemento harmónico e integral das nenas e nenos realizando ademais unha importante labor de apoio á función educativa da propia familia, á vez que facilitan o acceso das nais e pais ao mundo laboral.
A Escola Infantil Municipal - EIM é un servizo municipal regulado que desenvolverá a súa actividade educativa nos seguintes ámbitos:
- Identidade e autonomía persoal a través do coñecemento e desenvolvemento do seu propio corpo, as súas capacidades sensoriais e a súa afectividade.
- O coñecemento activo do entorno no que vive (obxectos, persoas, relacións)
- A comunicación e representación a través da iniciación nas diferentes linguaxes que lle permiten á nena ou neno comunicarse e representar a súa propia realidade (linguaxe oral, linguaxe corporal, expresión plástica, relacións lóxico-matemáticas)
Os principios metodolóxicos desde os que se traballa son os seguintes:
Enfoque globalizador.
O xogo como principio de actividade.
Ambiente de afectividade e seguridade.
NOME DO CENTRO:
|
CENTRO |
ESCOLA INFANTIL MUNICIPAL DE CEE ¿VILA DA XUNQUEIRA" |
|
ENDEREZO |
Raíces de Arriba, 7-8 |
|
LOCALIDADE |
Cee |
|
PROVINCIA |
A Coruña |
|
CÓDIGO POSTAL |
15.270 |
|
TELÉFONO |
981 747 506 - 664 347 241 |
ENTIDADE TITULAR
|
NOME |
Concello de Cee |
|
REPRESENTANTE LEGAL |
D. Ramón Ramiro Vigo Sambade |
|
ENDEREZO |
Praza Domingo Antonio de Andrade, S/N. 15.270 Cee (A Coruña) |
|
Nº inscrición no Rexistro Único de Entidades Prestadoras de Servizos Sociais (RUEPSS): |
E-616 |
|
Data do Permiso de inicio de actividades (PIA): |
27.09.2012 |
|
Tipo de xestión: |
Contrato Servizos |
Artigo 4º.-Dependencia.
A EIM depende, administrativamente, da Concellería de Presidencia, Benestar Social, Igualdade e Emprego do Concello de Cee. En todo caso, unicamente ao Concello corresponde exercer a representación do centro ante outras entidades distintas á local, debendo estipular en que persoa, persoas ou órganos delega ás mesmas cando así o estime oportuno.
Artigo 5º.-Finalidade.
As Escolas Infantís Municipais.- EIM son un recurso organizado para o coidado das nenas e nenos que cumpre unha función eminentemente social e educativa, proporcionando ás súas usuarias e usuarios unha atención que leve o desenvolvemento harmónico e integral e a compensación das desigualdades sociais, económicas e culturais, ademais de levar a cabo un labor de apoio á función educativa da propia familia, á vez que se facilita o acceso desta ao mundo laboral. Isto lógrase a través dun programa global que garanta o pleno desenvolvemento físico, intelectual, afectivo, social e moral das nenas e nenos.
II. FUNCIONAMENTO
Artigo 6º.- Obxectivos específicos.
Son obxectivos específicos da Escola Infantil Municipal - EIM:
- Promover e fomentar o desenvolvemento integral das nenas e nenos e a súa aprendizaxe de habilidades cognitivas e creativas.
- Facilitar a conciliación entre a vida familiar e laboral a través da cooperación coas nais/pais, titores/as ou representantes legais.
- Facilitar o desenvolvemento de valores individuais e sociais básicos: igualdade, cooperación, solidariedade, respecto, etc.
- Lograr un equilibrio afectivo satisfactorio.
- Respectar a singularidade e diversidade de cada crianza.
- Posibilitar a integración progresiva das nenas e nenos na cultura do seu medio.
- Crear un ambiente que favoreza o desenvolvemento individual e grupal nas actitudes e nas actividades diarias.
- Facilitar a adquisición progresiva de hábitos de orde, limpeza e conservación dos materiais, facendo uso axeitado destes.
- Facilitar a integración das nenas e nenos con necesidades educativas especiais.
O proxecto educativo do centro debe desenvolver estes obxectivos.
Artigo 7º.- Contidos do proxecto educativo.
A EIM aplicará o proxecto educativo xeral no que se regulan e organizan dinámicas particulares de intervención educativa, obxectivos da acción educativa e áreas de actuación, así como os medios humanos, técnicos e materiais para o seu desenvolvemento.
En todo caso, deberá reflectir os aspectos recollidos na lexislación autonómica que regula os contidos mínimos do mesmo, tal e como recolle o Decreto 330/2009 de 4 de xuño, polo que se establece o currículo de Educación Infantil.
A programación de actividades deberá incluírse no programación xeral anual para cada curso.
Artigo 8º.- Capacidade do Centro
A Escola Infantil Vila de Xunqueira conta con 4 unidades e 57 prazas autorizadas que se distribúen en:
* 1 Unidade 0-1 anos.............. 1/8 prazas.
* 1 Unidade 1-2 anos.............. 1/13 prazas.
* 1 Unidades 2 a 3 anos..........1/20 prazas.
* 1 unidades 2-3 anos............. 1/16 prazas.
No caso de non existir demanda suficiente para formar un ou varios grupos do mesmo nivel de idade, os nenos e/ou nenas poderán ser agrupados conforme á seguinte proporción:
- Grupos formados por nenos e/ou nenas de ata 2 anos de idade: 1/10.
- Grupos formados por nenos e/ou nenas de idades comprendidas no tramo 0-3: 1/15.
Artigo 9º.- Servizos Xerais que oferta a escola infantil
9.1.- Servizo de Atención Educativa
A escola infantil conta cun Proxecto Educativo de Centro que se axusta na súa estrutura ao Decreto 329/2005 que desenvolve o Currículo de Educación Infantil na Comunidade Autónoma de Galicia.
Co obxectivo de promover e fomentar o desenvolvemento físico, intelectual, afectivo e social das nenas e nenos de xeito que se garanta o desenvolvemento dos obxectivos establecidos no currículo da educación infantil ademais da cobertura das necesidades de coidado e atención que garantan o seu benestar.
Na escola desenvolveranse as seguintes actividades e rutinas:
- Atención educativa por grupos de idades (de 0 a 1 ano, de 1 a 2 anos e de 2 a 3 anos)
- Actividades lúdicas.
- Actividades de estimulación temperá.
- Xogo libre.
9.2.- Servizo de Cociña
Enténdese este servizo como a prestación consistente na achega dos medios persoais e materiais necesarios para a adecuada distribución e consumo dos alimentos que traen as nenas e nenos usuarios. O horario de cociña será de 12:00 a 13:30 horas.
As familias ou representantes legais deberán proporcionarlle ao centro a alimentación que veñan recibindo as crianzas, así como os instrumentos para a súa subministración. As familias asinarán autorización para proporcionar os alimentos que se achegan cada día a escola para alimentar ás súas fillas e fillos co compromiso a levar os alimentos segundo as medidas hixiénicas establecidas, isto é: envasados en recipientes axeitados e correctamente identificados coa data de consumo, nome e apelidos da nena ou neno e transportados en recipientes isotérmicos que manteñan a temperatura axeitada e con indicación de se precisan ou non refrixeración.
9.3. Servizo de horario amplo
Entendese por horario amplo a atención ás crianzas por parte do centro polo menos durante 10 horas diarias ininterrompidas. Non obstante, evitarase que a nena ou neno prolongue a súa estancia no centro mais de 8 horas diarias, excepto que circunstancias excepcionais, que deberán, en todo caso xustificarse, o determinen.
9.4. Actividades complementarias
Celébranse as festas estacionais e tradicionais (Magosto, Samaín, Nadal, Entroido, etc.), así como, actividades de coñecemento da contorna e de relación coa comunidade (asociacións e entidades da contorna, Escola de Música Municipal, Policía Local, bombeiros, centros educativos do Concello, etc.)
Artigo 10º.- Sistemas de admisión e baixas
10.1.- Solicitantes.
Poderán solicitar praza na Escola Infantil Municipal (EIM) durante os prazos estipulados ao efecto, as nenas e nenos que reúnan os seguintes requisitos:
Estar empadroada toda a unidade familiar ou de convivencia no Concello de Cee con anterioridade ao inicio do prazo de presentación de solicitudes, requisito que haberá que cumprir todo o tempo de permanencia na escola, en caso contrario será causa de baixa.
Idade máxima: non ter cumpridos os 3 anos de idade o 31 de decembro do ano en que se solicita a praza, non existindo idade mínima. No caso de que á apertura do prazo para solicitar a escola o neno ou nena aínda non nacese, poden facer igual a solicitude.
10.2.-Unidade familiar.
Entenderase por ¿unidade familiar", aos efectos de valoración de solicitudes, a formada polos cónxuxes non separados legalmente e, no seu caso, as fillas e fillos menores, con excepción daqueles que, con consentimento dos pais e nais, vivan independentes destes, e as fillas ou fillos maiores de idade e menores de 26 anos cunha discapacidade superior ao 33% e as fillas e fillos incapacitados xudicialmente suxeitos á patria potestade prorrogada ou rehabilitada ou aqueles así declarados pola administración autonómica competente.
Nos casos de separación legal ou cando non existise vínculo matrimonial, a unidade familiar estará formada polo nai ou pai e todas as fillas e fillos que convivan con unha ou outro e reúnan os requisitos descritos no parágrafo anterior e, sei é o caso, pola persoa que sexa parella de feito de calquera dos proxenitores que teña os fillos e fillas a cargo.
Para a condición de familia monoparental enténdese a formada pola nai solteira ou pai solteiro que non manteñan relación de convivencia ou situacións de separación, divorcio ou viuvez (acreditada mediante fotocopia compulsada do libro de familia e certificado de convivencia)
A determinación dos membros da unidade familiar farase atendendo á situación existente a 31 de decembro de cada ano.
10.3.-Renda per cápita.
Enténdese por ¿renda per cápita mensual" o resultado de dividir polo número de persoas que compoñen a unidade familiar o cociente resultante de dividir entre 12 meses a suma dos ingresos totais da unidade familiar (u.f.). É dicir, é o resultado de aplicar as seguintes fórmulas:
- Ingresos totais anuais da u.f. / 12 = ingresos totais mensuais da u.f.
- Ingresos totais mensuais da u.f. / n.º membros da u.f. = renda per cápita mensual
No caso de familias monoparentais, incrementarase nun 0,8 o número real de membros que compoñen a unidade familiar aos efectos de cálculos da renda per cápita a que se refire o artigo seguinte.
A renda per cápita obterase da base impoñible e do aforro da declaración da renda; no caso de non estar obrigado a presentación o dato obterase do líquido mensual da nómina.
10.4.-Criterios de valoración.
As solicitudes valoraranse de acordo co baremo establecido ao efecto (anexo I desta ordenanza) no que se teñen en conta as seguintes circunstancias:
* Situación socio-familiar.
* Situación laboral familiar.
* Situación económica.
10.5.- Procedemento de solicitude.
As solicitudes para acceder aos servizos que se prestan nas garderías municipais formalizaranse por escrito a través de instancias dirixidas á Alcaldía-Presidencia da corporación municipal acompañadas de modelo oficial que para tal fin se pode recoller nas oficinas municipais, achegando a documentación sinalada no apartado 10.15 do presente regulamento.
10.6.- Prazos de solicitude e adxudicación.
Os prazos que se establecen para a solicitude e adxudicación de prazas na EIM, son os seguintes:
|
Renovación de praza |
15 ao 31 de abril |
|
Oferta de prazas para nova ocupación |
2 de maio |
|
Solicitudes novo ingreso |
10 ao 31 de maio |
|
Publicación de lista provisional |
10 de xuño |
|
Prazo de reclamacións |
Do 11 de xuño ao 21 de xuño |
|
Publicación lista definitiva |
1.ª semana de xullo |
|
Formalización de matrícula |
2.ª e 3.ª semana de xullo |
10.7.- Solicitudes de non empadroados.
As solicitudes de nenas e nenos non empadroadas no termo municipal de Cee só se terán en conta finalizado o proceso de matriculación se quedasen prazas vacantes.
10.8.- Adxudicación de prazas.
A selección das solicitudes efectuarase en función da puntuación acadada segundo o baremo establecido nesta ordenanza reguladora (anexo I).
En cumprimento da conciliación da vida laboral e familiar, para a concesión de horarios solicitados teranse en conta os horarios laborais acreditados dos pais e nais e titores e titoras cando coincidan co solicitado. No caso de que non se xustifique a necesidade de horario por necesidades laborais, as adxudicacións realizaranse segundo dispoñibilidade de prazas e respectando o baremo de puntuación.
No caso de que se produza un empate na puntuación total, o criterio preferente para a adxudicación será o da renda per cápita máis baixa.
Se un nivel se completa, a neno ou neno quedará en lista de espera ata que se produza unha vacante nos grupos nos que poida incluírse e que se definen na lexislación de aplicación.
10.9.- Lista de espera.
A efectos de axilizar a lista de espera, o procedemento para a inclusión na mesma é o seguinte: as familias que soliciten praza nas datas regulares establecidas e non obteñan praza, pasarán á lista de espera por orde de puntuación. As prazas irán adxudicándose a medida que queden dispoñibles nos grupos que lle correspondan á neno ou neno, respectando rigorosamente a orde.
10.10.- Reservas de praza.
Os nenos e nenas que ingresen na EIM terán dereito á reserva de praza durante o período que poidan permanecer no centro, no mesmo horario que no momento da concesión inicial da praza, e sempre que non se produzan variacións nas condicións iniciais que deron lugar á primeira matriculación.
Para a renovación aplicaranse os prazos estipulados no apartado 10.6 deste Regulamento.
10.11.- Procedemento de baremo.
Recibida a instancia coa documentación, procederase polo persoal técnico responsable á comprobación dos datos achegados.
Se as solicitudes non estivesen debidamente cumprimentadas ou non se acompañasen da documentación esixida, procederase segundo o recollido no apartado 10.16 deste regulamento.
Se a solicitude presentada cumpre cos requisitos esixidos nesta normativa, e segundo o procedemento que se fixa, a Comisión de Baremo nomeada ao efecto (composta polos membros que se especifican no apartado 10.13 deste regulamento) realizará a avaliación das solicitudes segundo baremo.
Contra a denegación dos servizos recollidos na solicitude, o interesado ou interesada poderá interpoñer os recursos e reclamacións estipulados na lexislación vixente.
10.12.- Baremo de características especiais.
En caso de urxencia motivada, e sempre que exista dispoñibilidade de praza, será a Alcaldía-Presidencia quen decida a concesión ou denegación do servizo.
10.13.- Comisión de baremo.
A Comisión de Baremo estará constituída polos seguintes membros:
Presidente/a: Concelleira ou concelleiro de Benestar Social ou persoa na que delegue.
Secretario/a: Persoal funcionario da Corporación ou persoa na que delegue.
Vogais:
- Traballadora ou traballador social do equipo de servizos sociais.
- Directora ou director da EIM.
A presidenta ou presidente da Comisión poderá solicitar asesoramento do persoal técnico municipal se así o considera oportuno.
10.14.- Funcións da Comisión de Baremo.
Garantir o bo funcionamento do proceso de admisión en aplicación desta ordenanza.
Valorar as solicitudes e elaborar a relación provisional de crianzas admitidas e listas de espera.
Determinar o número de vacantes para cada curso.
Determinar a asignación de cotas segundo a presente ordenanza e aplicación da ordenanza fiscal vixente.
Requirir ás familias solicitantes a documentación adicional que se precise para a xustificación das situacións e circunstancias derivadas.
Informar as reclamacións que no seu caso se presenten.
10.15.- Documentación.
Ademais da instancia de solicitude, as interesadas e interesados deberán obrigatoriamente achegar a seguinte documentación:
a) Modelo oficial de solicitude.
b) Fotocopia do DNI ou do pasaporte dos pais e nais ou titores e titoras.
c) Fotocopia do libro de familia.
d) Certificado de empadroamento e convivencia expedido polo concello.
e) Verificación documental da situación de parella de feito.
f) Documentación acreditativa de situacións de separación, divorcio, abandono do fogar, maltrato ou calquera outra que se alegue.
g) Xustificación de ingresos: copia da declaración do IRPF de cada membro da unidade familiar computable para efectos económicos. No caso de non ter obriga de presentar declaración:
Certificado do INEM no que figure se percibe prestación económica, especificando a contía, ou de que non é persoa perceptora, se é o caso.
As persoas solicitantes de devolución rápida achegarán copia da comunicación que lles remita a Axencia Estatal de Administración Tributaria.
As persoas non obrigadas a declarar e que non solicitan devolución rápida achegarán certificacións dos datos existentes na administración, expedida pola Axencia Estatal da Administración Tributaria.
As persoas profesionais autónomas acreditarán os pagamentos fraccionados do ano correspondente.
Cando se produzan causas sobrevidas que afecten os recursos da unidade familiar, é preciso un informe social emitido pola traballadora social do concello. Así mesmo, é preciso este informe nos casos en que, por distintas razóns, non se poidan acreditar as rendas dos pais/nais ou titores/titoras con escasos recursos.
h) Xustificantes de ocupación ou desemprego: contratos, informe de vida laboral, últimas nóminas, certificado de empresa ou certificado de que é demandante de emprego.
i) Informe do equipo de valoración e orientación dos órganos competentes da Administración do Estado ou nas respectivas comunidades autónomas, no que se motive a necesidade de integración, de ser o caso.
j) Certificado de minusvalía alegada polos membros da unidade de convivencia, se é o caso.
k) No caso de cursar estudios, verificación documental do calendario, horario e xustificante de matrícula.
l) Outros documentos, se procede, nos que consten incidencias familiares, económicas e sociais puntuais no baremo:
Cargas familiares.
Enfermidades crónicas máis outras afeccións alegadas polos membros da unidade familiar ou de convivencia.
Outras situacións que poderán ser tidas en conta pola Comisión de Baremo.
De carecer dalgún dos documentos sinalados nas letras c) e g) do punto anterior, será necesario presentar calquera outro documento que acredite oficialmente a situación familiar ou económica segundo proceda.
Así mesmo, e de carecer de verificación documental dalgunha das incidencias alegadas, poderase presentar informe dos Servizos Sociais Comunitarios do Concello de Cee.
A Comisión de Baremo poderá solicitar calquera documentación complementaria que considere necesaria para a clarificación das circunstancias alegadas.
10.16.- Emendas.
No caso de que a solicitude non reúna os requisitos esixidos, o Concello de Cee, conforme o artigo 71 da Lei 30/1992, do 26 de novembro, de réxime xurídico das administracións públicas e do procedemento administrativo común, requirirá á familia interesada para que, nun prazo de 10 días, emende os erros detectados, con indicación de que, se así non se fixese, terase por desistido na súa petición, logo de resolución en tal sentido.
10.17.- Resolución.
As listas de nenas e nenos admitidos e listas de espera, por orde de puntuación, publicaranse no taboleiro de anuncios do concello, nos taboleiros da Escola Infantil e na páxina web do concello: (https://cee.gal/es/)
As reclamacións presentaranse nas datas especificadas a tal efecto no anterior apartado 10.6 deste regulamento acompañadas da documentación que se considere necesaria.
Unha vez resoltas as reclamacións, procederase á publicación da relación definitiva de nenas e nenos admitidos e a da lista de espera, coa puntuación obtida en cada caso.
As nenas e nenos solicitantes admitidos deberán formalizar a matrícula e achegar a documentación complementaria nas datas especificadas ao efecto no apartado10.6 deste regulamento.
As vacantes que se vaian producindo ao longo do curso serán cubertas por rigorosa orde de puntuación entre as nenas e nenos solicitantes da lista de agarda.
10.18. Apertura de expedientes individuais.
No momento do ingreso do neno ou nena na EIM, abriráselles un expediente persoal no que constarán, con carácter confidencial, os datos de filiación, sanitarios, enderezo e teléfono para avisos en caso de urxencia, así como cantas circunstancias aconsellen unha atención diferenciada.
10.19.- Formalización de matrícula.
Para formalizar a matrícula é necesario que o neno ou nena teña a idade mínima de tres meses con anterioridade ao 31 de decembro.
Entenderase formalizada a matrícula cando:
* Se efectúe o ingreso correspondente por ese concepto.
* Se presente a seguinte documentación:
a) Xustificante de pago inicial.
b) Certificado médico do neno ou nena.
c) Carné de vacinación actualizado.
d) Fotocopia da cartilla da Seguridade Social ou documento equivalente.
e) Dúas fotografías tamaño carné.
f) Impreso de domiciliación bancaria.
g) Autorización por escrito das persoas que poden recoller o neno ou nena.
Se non se presentase a devandita documentación no prazo sinalado, terase por decaído o dereito de praza obtida, logo de resolución en tal sentido perdendo, así mesmo, o dereito de permanencia na lista de agarda.
Artigo 11º.-Calendario e horarios xerais.
A escola infantil prestará os seus servizos de luns a venres, sendo non lectivos os festivos nacionais, autonómicos e locais.
O horario é de 8.00 a 20.00 horas de xeito ininterrompido. A escola infantil permanecerá pechada ao longo do mes de agosto.
No mes de xullo manterase a atención en horario completo (de 8.00 a 20.00 horas) sempre e cando a ocupación do centro supoña un mínimo que permita realizar os axustes derivados das reducións de horarios e asistencias e sempre que a demanda sexa suficiente para crear unha unidade internivelar (15 nenos e nenas de 0 a 3 anos)
En caso contrario, os horarios de apertura adaptaranse de tal xeito que se poida cumprir o establecido, pechándose no caso de que se acredite a falta de asistencia para manter ese rateo. No mes de agosto permanecerá pechado.
En todo caso, en aplicación da lexislación vixente, en calquera momento ao longo do curso, de non existir demanda suficiente para formar grupos do mesmo nivel na rateo legalmente establecida, os nenos e nenas poderán ser agrupados sempre respectando as rateos permitidas (para nenos de 0-3 anos: 1/15)
11.1.- Horario de permanencia.
O horario máximo de permanencia das nenas e nenos na EIM será, con carácter xeral, de oito horas diarias, agás causas excepcionais e convenientemente xustificadas, a valorar pola Concellería de Presidencia, Benestar Social, Igualdade e Emprego do Concello de Cee, que poderá amplialo.
Para a mellor adaptación das nenas e nenos de novo ingreso, poderase establecer un horario reducido que se ampliará de forma progresiva.
A utilización do horario ampliado por parte da nena ou neno esixe que os pais, nais, titores ou titoras presenten xustificación documental da necesidade. En todo caso, sempre que as circunstancias familiares da nena ou neno obriguen a permanecer na EIM máis das oito horas estipuladas, fomentarase que os pais, nais, titores, titoras ou representantes legais se fagan cargo da crianza ao longo da xornada no tempo que dispoñan libre, co fin de favorecer as relacións paterno - filiais.
11.2.- Cambio de horario concedido.
No caso de querer cambiar o horario inicialmente concedido, deberá acreditarse documentalmente a necesidade e seguirase o procedemento establecido no artigo 11.4 deste regulamento. En todo caso, a concesión dependerá da existencia de prazas vacantes no novo horario solicitado.
Artigo 11.3.-Período de peche e vacacións.
A EIM establecerá como non lectivos os festivos nacionais, autonómicos e locais (que se comunicarán con antelación).
Os días 24 e 31 de decembro o horario de apertura da EIM será de 8.00 a 13.00 horas.
O día 5 de xaneiro pechará unha vez rematada a visita dos Reis Magos.
Serán valoradas pola Comisión de Baremo as situacións familiares que acrediten a imposibilidade do cumprimento, sendo a decisión do órgano a que prevalece, podendo elevar á Alcaldía as medidas sancionadoras que considere que deben aplicarse.
11.4.- Cumprimento de horarios e modificacións.
O horario de entrada - saída dos nenos e nenas na EIM débese caracterizar pola flexibilidade que requiran as necesidades da familia, sempre que non leve consigo alteración das actividades dos demais nenos e nenas e do normal funcionamento do centro. Non obstante, unha vez acordados coa EIM os horarios de entrada e saída das nenas e nenos, as familias procurarán respectalos.
En caso de atrasos inxustificados e reiterados, a dirección da EIM está obrigada a adoptar as medidas oportunas poñéndoo en coñecemento da entidade municipal a través da Concellería de Presidencia, Benestar Social, Igualdade e Emprego do Concello de Cee.
As modificacións no horario de asistencia ou de calquera outra circunstancia, será solicitada por escrito ao concello. Ata o momento en que a entidade municipal resolva e notifique, non se producirá a modificación.
Se por diversos motivos a EIM permanecese pechada por un período superior a 15 días, non se aboará a tarifa que corresponda.
A non asistencia do neno ou nena durante un período determinado, mentres non se formalice a baixa correspondente, non supón a redución nin exención do pagamento do prezo establecido, agás nos casos das excepcións establecidas.
Artigo 12º.- Causas de baixa.
Causarán baixa aquelas nenas e nenos admitidos nos que concorran algunha das seguintes circunstancias:
Renuncia voluntaria á praza formulada polos pais, nais, titores, titoras ou representantes legais presentada na entidade municipal.
Falta de asistencia ao centro ou uso dos servizos durante 15 días lectivos continuados ou 30 días alternos sen previo aviso nin causa xustificada. En todo caso, as ausencias xustificadas non poderán ser superiores a 2 meses, polo que, transcorrido dito prazo darase baixa definitiva ou xustificarase a permanencia cos informes preceptivos que correspondan.
Non pagamento de dúas cotas mensuais sucesivas ou tres alternas calquera que sexa o curso escolar a que se refire a débeda, sen prexuízo da reclamación da débeda polo procedemento regulamentariamente establecido.
Prazas que non se teñan cuberto aos quince días de iniciado o curso correspondente sen comunicación expresa por parte da familia e sen causa xustificada.
Perda da condición de veciña ou veciño do termo municipal, comprobada mediante padrón municipal.
Calquera cambio nas condicións que deron lugar a adxudicación de praza e que supoñan unha variación substancial destas. Se esta situación se producise, debe notificarse de inmediato para a valoración da nova situación.
Por incumprimento reiterado das normas da escola infantil.
Por incompatibilidade ou inadaptación.
Por comprobación de falsidade nos documentos ou datos achegados.
Cando non se entregue documentación para a revisión e/ou clarificación de datos nos prazos legalmente establecidos ao efecto previo requirimento expreso pola entidade municipal.
Cada caso será valorado pola Comisión de baremo que escoitará ás partes e analizará a documentación que se achegue ao respecto. A decisión será elevada á Alcaldía que, en todo caso, resolverá.
Artigo 13.º.-Autorizacións para a saída do centro.
Ao remate da xornada os nenos e nenas serán entregados aos seus pais, nais, titores, titoras ou representantes legais. Nos casos nos que estes autoricen á dirección da EIM para entregar o neno ou nena a outra persoa, esta deberá ser debidamente identificada.
III. ESTRUTURA ORGANIZATIVA
Artigo 14º.- Organización Interna
A EIM obxecto deste regulamento disporá da seguinte estrutura organizativa:
1. Dirección.
2. Equipo técnico.
3. Persoal de atención directa ás nenas e nenos (educadoras/es, titoras/es e persoal de apoio)
A escola infantil contará como órgano colexiado co Consello de Centro, órgano que asumirá a coordinación xeral do centro, marcando as directrices e adoptando acordos procedentes, posibilitando, deste xeito, a participación e colaboración de todos os colectivos implicados no funcionamento.
Estará composto, como mínimo, polos seguintes membros:
Director/a do centro que exercerá a presidencia.
Un/ha representante do persoal educativo.
Un/ha representante dos pais, nais, titores titoras ou representantes legais.
Responsable político da Concellería de Presidencia, Benestar Social, Igualdade e Emprego
As súas funcións son, como mínimo, as seguintes:
Elaborar e/ou actualizar o proxecto de regulamento de réxime interior.
Elaborar e avaliar a memoria anual de actividades.
Aprobar o proxecto educativo e a programación anual de actividades.
Propoñer á entidade municipal cantas medidas consideren convenientes para mellorar o funcionamento do centro.
O persoal de atención educativa da Escola Infantil Municipal, desenvolverá a súa xornada laboral xunto co persoal de apoio, de tal xeito que se garanta a permanencia de dúas técnicas ou técnicos como mínimo durante todo o horario de funcionamento diario do centro.
Artigo 15º.- Procedemento para substitucións e imprevistos do persoal
O concello contará cos medios suficientes para a substitución do persoal por contratación directa ou mediante empresa de servizos.
IV. NORMATIVA REFERENTE A TODO O PERSOAL
Artigo 16º.- Relación de persoal
A escola Infantil conta co seguinte equipo:
1 director/a
4 Técnicos/as Superiores en Educación infantil
2 Auxiliares.
Persoal de servizos (limpeza)
Artigo 17º.- Dereitos e Obrigas do persoal
Dereitos
O persoal gozará dos dereitos e liberdades que lle atribúa a lexislación vixente, sendo, polo menos, os seguintes:
Recibir información periódica da marcha e funcionamento do centro a través dos órganos de participación ou da dirección do centro.
Elixir, se é o caso, os seus representantes para os órganos de participación que se constitúan.
Presentar propostas que contribúan a mellorar o funcionamento do centro e a atención prestada ás nenas e nenos.
Desenvolver as súas funcións educativas segundo o seu criterio persoal, sempre que se axuste aos obxectivos e contidos da programación do centro.
Dispoñer dos instrumentos e medios necesarios para desenvolver as súas funcións axeitadamente.
Obrigas
Cumprir e facer cumprir de acordo coas súas funcións o regulamento de réxime interior e normas de aplicación no centro.
Velar polo respecto ós dereitos das crianzas recollidos na presente ordenanza e aqueloutros recoñecidos na lexislación vixente.
Gardar estrita confidencialidade sobre os datos persoais das nenas e nenos a que teñan acceso en razón das súas funcións.
O cumprimento das tarefas e responsabilidades derivadas do seu posto de traballo.
Artigo 18º.- Funcións e responsabilidades
18.1.- Da dirección.
Para a mellor xestión directa, o centro disporá da figura de director/a como representante do centro e responsable do seu correcto funcionamento.
As súas funcións serán as seguintes:
Representación académica do centro.
Cumprir e facer cumprir a normativa vixente en relación co centro.
Dirixir, planificar e coordinar todas as actividades a desenvolver polo centro, executándoas en colaboración co grupo de traballo do restante persoal do mesmo.
Dirixir, coordinar e supervisar a actuación do grupo de traballo e das compoñentes ou dunha persoa traballadora individualizada, adoptando as medidas necesarias para garantir a súa produtividade, resolvendo problemas operativos e continxencias que afecten ao traballo ou ao persoal.
Aportar o nivel profesional axeitado de coñecementos, de experiencia e de comportamento para a efectiva realización, no ámbito do seu servizo, daquelas actividades para as que capacita especialmente a súa cualificación profesional, así como para a dirección, coordinación, planificación e execución dos diferentes traballos que se asignen a súa unidade ou ao seu servizo.
Manter informado á persoa que exerce de superior da problemática, funcionamento e rendemento dos servizos ao seu cargo, do material e das instalacións asinadas realizando periodicamente os partes ou informes que lle poidan ser esixidos.
Realizar as propostas de adquisición de materiais e elementos que resulten necesarias para o adecuado desenvolvemento dos traballos asignados ao servizo ao seu cargo. Para iso, deberá seguir os procedementos establecidos pola Intervención Municipal en relación coas propostas que se formulen.
Elaborar o proxecto educativo do centro e a programación xeral anual.
Promover e impulsar as relacións do centro coas institucións e entidades da súa contorna, facilitando e coordinando as relacións con outros servizos municipais ou con outros servizos educativos da zona.
Elaborar a memoria anual sobre as actividades desenvoltas polo centro e a súa situación xeral.
Prestar apoio, asesoramento e colaboración ao persoal do centro.
Colaboración con outras áreas ou departamentos do concello no que se refire aos procesos de matrícula no centro e o mantemento da mesma ao longo do curso.
Preparar, desenvolver e avaliar os procesos educativos e de atención preescolar.
Preparar, desenvolver e avaliar as actividades destinadas ao desenvolvemento de hábitos de autonomía e a atención das necesidades básicas.
Executar directamente coas colaboracións que dispoñan as operacións ou traballos cualificados ou de maior especialización profesional, así como as que correspondan a súa categoría profesional.
18.2.- Do Equipo técnico.
O equipo técnico constitúese como un grupo de traballo a través do cal o persoal de atención directa a nenos e nenas participa do proxecto integral da EIM. Este equipo estará integrado polo director ou directora, que actuará como coordinador ou coordinadora e polo persoal de atención directa a nenos e nenas.
Son funcións e competencias propias do equipo técnico:
Elaborar o proxecto educativo e o proxecto curricular das EIM, e proceder á súa modificación en caso necesario.
Fixar os criterios para o seguimento e avaliación destes documentos.
Establecer criterios xerais aos que deben adaptarse as programacións de cada un dos grupos de idade.
Deseñar actividades que esixan coordinación entre os distintos grupos de idade.
Programar actividades cos pais e nais dos nenos e nenas.
O réxime de funcionamento do equipo técnico establecerase nas reunións coa dirección e o persoal de atención.
18.3.- Do Persoal de atención aos grupos: mestres/as e educadores/as.
Cada grupo de nenos e nenas terá como responsable directo un educador ou educadora que formará parte do equipo técnico da EIM e, entre outras, será a persoa responsable de manter relacións cos pais e nais, titores e titoras ou representantes legais dos nenos e nenas asignados ao seu grupo e, de ser o caso, supervisará ao persoal en prácticas que teñan asignado.
Ademais das descritas, tamén serán funcións propias deste persoal as seguintes:
Realizar as funcións educativas contempladas na lexislación vixente para o ciclo.
Participar nas actividades de formación permanente e na súa avaliación.
Prestar especial atención ao período de adaptación.
Avaliar o funcionamento e organización da escola infantil e propoñer iniciativas para a mellora do seu funcionamento ante a dirección.
A coordinación e animación da acción educativa será realizada polas educadoras e educadores.
18.4.- Do Persoal de servizos.
O persoal de servizos realizará as funcións que segundo a súa categoría profesional se establezan no correspondente convenio colectivo así como as que lle encomende a dirección da escola infantil.
Artigo 19º.-Titulacións do persoal.
O persoal de atención directa a nenos e nenas será o que estando en posesión da titulación ou habilitación correspondente realice funcións que segundo a súa categoría profesional se establezan no correspondente convenio colectivo, así como as que lle encomende a dirección da escola infantil.
O persoal estará en posesión da seguinte titulación:
* Director/a: mestre/a especialista en educación infantil, pedagogo/a ou psicopedagogo/a.
* Persoal de atención e coidado das nenas e nenos: mestres/as diplomados/as en educación infantil, técnico/a superior en educación infantil ou equivalente.
V. NORMATIVA REFERENTE ÁS NENAS E NENOS
Artigo 20º.- Dereitos das nenas e nenos
Os nenos e nenas gozarán dos dereitos e liberdades que lle atribúa a lexislación vixente, sendo, polo menos, os seguintes:
Acceder ao centro e recibir asistencia sen discriminación por razón de nacionalidade, sexo, raza, relixión, ideoloxía ou calquera outra condición ou circunstancia persoal ou social.
A consideración debida no trato tanto por parte do persoal do centro como das demais persoas usuarias.
Ao sixilo profesional acerca dos datos do seu historial sanitario e socio-familiar.
A realizar saídas ao exterior.
Á intimidade persoal.
A que se lle facilite o acceso á atención social, sanitaria, educativa, cultural e, en xeral, a todas as necesidades persoais que sexan precisas para conseguir o seu desenvolvemento integral.
A recibir un tratamento individualizado de contido educativo cara á súa integración socio-familiar que terá como obxectivos prioritarios a súa protección, educación e formación.
A ser informados de xeito comprensible das medidas adoptadas respecto delas/es.
A ser educados e educadas para a comprensión, tolerancia e convivencia democrática, posibilitándolles que poidan facer uso das súas opcións de forma libre e persoal.
Artigo 21.- Normas de funcionamento
21.1.- Normas de Hixiene
Todos os nenos e nenas que usen cueiros deberán traer un paquete e un bote de toalliñas (todo debidamente marcado co nome), que deberá repoñerse cando sexa preciso. Serán cambiados na medida que o precisen (avisarase cando haxa que repoñelo)
As nenas e nenos terán sempre unha muda completa de reposto. É imprescindible que todas as crianzas traian debidamente identificadas unha muda de roupa completa (chándal, camiseta, calzóns ou bragas e calcetíns) nunha caixa de zapatos que permanecerá no centro, unha bolsa de plástico para a roupa sucia, un chupete (se o utiliza) e unha botella de auga.
Os nenos e nenas deberán levar roupa que lles permita moverse con comodidade, evitando tirantes, cintos, petos etc. Se comen no centro, deberán traer babeiro.
21.2.- Normas de Saúde
Os nenos e nenas teñen un sistema inmunitario reducido, polo que enferman con facilidade. Neses casos, necesita coidados e condicións especiais que desde a escola infantil non se poden levar a cabo. Por estes motivos, é importante que os/as menores non asistan a escola cando estean enfermos/as co fin de reducir as posibilidades de contaxio.
Os nenos e nenas deberán acudir á escola en condicións correctas de saúde e hixiene.
A familia axustará as doses dos medicamentos fóra dos tempos de permanencia na escola. O equipo educativo non administrarán ningún tipo de medicación; salvo os casos particulares con problemas crónicos non contaxiosos debidamente acreditados, sempre baixo prescrición médica.
Co fin de velar polo benestar e saúde das crianzas, non se autorizará a entrada aos nenos e nenas que presenten as condicións temporais seguintes:
Presenza de parasitos (piollos, lendias, etc.)
Febre.
Diarrea.
Erupcións da pel, agás cando acompañen informe pediátrico indicando que non son contaxiosas.
Conxuntivite.
Parasitoses intestinais (lombrigas, etc.)
Vómitos de repetición.
Tos persistente mucopurulenta nasal sen tratamento. Neste caso, poderá asistir con xustificante do pediatra no que conste que se sigue tratamento ou que non é contaxioso.
Enfermidades infecto-contaxiosas.
Non serán admitidos na escola infantil as nenas e nenos que padezan enfermidades infecto-contaxiosas. A aparición destas enfermidades deberá ser comunicada polos pais, nais, titores, titoras ou representantes legais á dirección do centro que, á súa vez, poñerao de inmediato en coñecemento da Concellería de Presidencia, Benestar Social, Igualdade e Emprego.
No caso de observarse síntomas dun proceso infecto-contaxioso nos nenos e nenas na propia EIM, informarase á dirección desta e avisarase aos seus país, nais, titores, titoras ou representantes legais, co fin de evitar a propagación da enfermidade entre as demais nenas e nenos.
O reingreso ao centro só será posible logo de transcorrido o período de contaxio e tras o informe médico que acredite tal circunstancia.
Enfermidade ou accidente no centro.
No caso de enfermidade ou accidente sobrevido na escola infantil, despois das primeiras atencións ¿in situ" e á maior brevidade posible, poñerase dita circunstancia en coñecemento dos pais, nais, titores, titoras ou representantes legais da crianza e, se é o caso, garantirase que reciba a atención médica axeitada sendo trasladada a nena ou neno aos servizos médicos mais próximos, contarase coa autorización previa dos pais, nais, titores, titoras ou representantes legais.
No caso de que xurda un proceso febril grave durante o tempo de permanencia na escola, o persoal intentará reducila por medios físicos e/ou naturais, de non conseguilo, seguirá as instrucións das autoridades sanitarias previa chamada ao 061 e dando aviso ás familias do acontecido.
Comunicación de non asistencia por enfermidade.
Cando se produza a falta de asistencia á escola infantil por un período superior a 3 días, debido a enfermidade ou outras circunstancias, os pais, nais, titores, titoras ou representantes legais deberán comunicar este feito á dirección do centro.
Administración de medicamentos.
Na escola infantil non se subministrará medicamento algún a excepción daquelas nenas e nenos de alta no Programa Alerta Escolar da Xunta de Galicia.
21.3.- Normas de Nutrición e alimentación.
1. As familias asinarán autorización para proporcionar os alimentos que traen cada día da súa casa co compromiso de cumprir as medidas hixiénicas establecidas, isto é:
Envasados en recipientes axeitados e correctamente identificados coa data de consumo, nome e apelidos da nena ou neno e transportados en recipientes isotérmicos que manteñan a temperatura axeitada e con indicación de se precisan ou non refrixeración.
2. Terase presente en todo momento que a responsabilidade do estado dos produtos achegados polas familias é das familias. A escola infantil so se fai responsable da administración dos alimentos.
21.4.- Normas de convivencia
Por seguridade das nenas e nenas e nenos non traerán ao centro, pulseiras, aneis ou cadeas
Tratarase de evitar roupa do tipo pelele, pantalóns de peto, cintos e tirantes, xa que resultan incómodos para cambios e imposibilita a autonomía das nenas e nenos.
Evitarase tamén que a nena ou neno traia ao centro obxectos de casa e, no caso de facelo, o centro non se fai responsable da perda ou ruptura dos mesmos. Nos primeiros días de asistencia, que coinciden co período da adaptación ao centro, poderán traer algún xoguete ou obxecto de apego que sirva neste momento como instrumento para o achegamento ao novo contorno e como elemento de socialización
Os aniversarios celebraranse coas crianzas da escola. No caso de querer traer algo especial para a celebración, deberase consultar previamente ás persoas responsables do centro. Non está permitido traer agasallos.
Manterase un proceso de comunicación constante entre o centro e as familias para o benestar das nenas e nenos.
Está totalmente prohibido fumar en todo o recinto escolar
Ante calquera problema deberase acudir persoal educadoras, ao persoal técnico dos Servizos Sociais Municipais ou á persoa responsable do centro.
As nenas e nenos deberán gozar dun mes enteiro de vacacións que coincidirá, con carácter xeral, co mes de peche do centro. Non obstante o anterior, poderase solicitar nun mes distinto ou ben o seu reparto en dúas quincenas cando así sexa suficientemente acreditado pola familia.
Artigo 22º.- Uniforme
Todos os nenos e nenas que anden deberán traer un mandilón (de 0 a 1 ano non é obrigatorio) Aconséllase a colocación dunha cinta no mandilón para que as alumnas e alumnos poidan colgalo e favorecer a súa autonomía persoal, tamén traerán unha toalla, cepillo de dentes, crema e un vaso (con nome)
Artigo 23º.- Uso das dependencias e materiais.
A Escola Infantil está construída nunha primeira planta. Contén os seguintes espazos:
|
AULA DE USOS MÚLTIPLES |
Nela desenvólvense as actividades que o equipo educativo estime oportuno. |
|
DESPACHO |
Lugar de reunións e visitas ao centro de carácter oficial e onde se realiza o traballo administrativo. |
|
VESTÍBULO |
Lugar onde se levarán a cabo a recollida das nenas e nenos, atopase situado na entrada da Escola. |
|
PATIO EXTERIOR |
É a zona de xogo libre, onde as nenas e nenos gozan dos xogos. |
|
COCIÑA |
Está equipada e con espazo suficiente para gardar alimentos e útiles de cociña. |
|
AULAS |
Todas as aulas e o material que nelas cumpren a normativa vixente. |
Artigo 24º.- A lingua
A lingua utilizada será a lingua materna predominante entre as nenas e nenos que forman parte del e coidarase que adquiran o coñecemento da outra lingua oficial de Galicia.
Atenderanse de xeito individualizado a aqueles nenas e nenos do grupo que non teñan coñecemento suficiente da lingua materna predominante.
Como norma xeral de funcionamento tratarase de potenciar a lingua galega, que será tamén a do normal funcionamento do centro. Por lingua predominante enténdese o galego.
Art. 25º.- Fomento da igualdade das nenas e nenos
A escola infantil programará actividades para promover a igualdade entre as nenas e nenos e evitar os comportamentos e as actividades discriminatorias por razón de sexo. As ditas actividades reflectiranse nos proxectos educativos e curriculares.
A escola infantil poñerá especial coidado en revisar aqueles materiais e ilustracións que se utilicen como instrumentos de traballo. Así mesmo vixiará que no uso da linguaxe se adopten expresións e formas non discriminatorias.
A escola infantil restará especial atención ao fomento da interculturalidade como instrumento de superación das desigualdades, inxustizas, prexuízos e racismo.
Artigo 26º.- Promoción da Integración
Necesidades educativas especiais.
A escola infantil promoverá, dentro das súas posibilidades, a integración das nenas e nenos con necesidades educativas especiais, sempre e cando conte cos recursos materiais e humanos necesarios. Nestes casos requirirase o informe previo dos equipos de valoración e orientación correspondentes, o grao de discapacidade e a súa necesidade de integración.
Integración de persoas con discapacidade.
A integración de nenas e nenos con discapacidade físicas, psíquicas ou sensoriais estará supeditada a existencia de condicións infraestruturais idóneas e de persoal adecuado e suficiente. En ningún caso poderá haber máis dunha nena ou neno de integración por aula. A efectos de rateo, estas prazas contabilizaranse como dúas.
Naqueles casos nos que se considere conveniente prorrogar a estancia no centro por un período superior ao que corresponda por idade para unha atención diferente polas especiais características da nena ou neno, deberán achegarse informes de valoración emitidos polos organismos autonómicos con competencia na materia.
Artigo 27º.- Período de adaptación
A asistencia por primeira vez a un centro educativo é un feito moi significativo que permite o desenvolvemento psicolóxico e social das e dos menores, a través das relacións cos seus iguais e das diferentes actividades educativas.
Ao mesmo tempo a crianza enfróntase a un ambiente e persoas novas, o que produce que sexa frecuente e moi normal que, sobre todo nos primeiros días, as nenas e nenos rexeiten ir á escola. Por iso precisan dun período de adaptación.
Para facilitar o proceso de adaptación, a Dirección do centro comunicaralles aos pais, nais e representantes legais as seguintes medidas:
A incorporación das crianzas á escola, será progresiva. Como mínimo durante a primeira quincena irase aumentando pouco a pouco os tempos de estancia e graduarase a incorporación das nenas e nenos en distintos días. Poderase aumentar ou diminuír este período en función das necesidades específicas de cada crianza.
Ao comezo do novo curso escolar, a escola infantil, tendo en conta as necesidades das crianzas, consensuará coas familias as estratexias e a planificación a desenvolver conxuntamente, que implicará un breve período de readaptación, no caso de ser necesario, na incorporación ao novo curso.
Co obxectivo de establecer unhas bases sustentadas na confianza mutua e na comunicación entre as crianzas, persoal educador e familias, nesta etapa especialmente, o persoal da escola convidará ás familias a expoñer calquera tipo de dúbida ou aclaración en relación con este período.
VI. NORMATIVA REFERENTE Á FAMILIA
VII. RÉXIME DE COBRAMENTO
Artigo 31ª.- Tarifas.
As tarifas vixentes son as recollidas na Ordenanza fiscal vixente reguladora da taxa pola prestación de servizo público da EIM.
Os interesados e interesadas recibirán comunicación da cota mensual que deberán abonar en función da aplicación da taxa segundo os servizos concedidos.
VIII. NORMATIVA REFERENTE Á INFRAESTRUTURA DO CENTRO
Artigo 32ª.- Medidas de seguridade e hixiene
Medidas antiincendio: extintores, alarma antiincendios, planos de evacuación, plan de actuación para casos de emerxencia, detectores de fume en tódalas dependencias, etc.
Medidas de protección para evitar golpes e outras lesións nas nenas e nenos, tales como as cantoneiras e os antipilladedos.
En canto á hixiene, seguiranse as pautas marcadas por Sanidade nos seus controis periódicos
O centro conta con:
Plan de Autoprotección implantado (formación para a actuación nos casos de emerxencia e evacuación) e inscrito no REGAPE.
Póliza de responsabilidade Civil e de accidentes.
Póliza de sinistros/danos.
Libro de reclamacións a disposición das persoas usuarias.
Proxecto educativo a disposición das familias.
Libro de rexistro de persoas usuarias.
Expediente individual.
Disposición adicional primeira.
Correspóndelle ao concelleiro ou concelleira da área competente en materia educativa, establecer a coordinación entre a entidade municipal e a escola infantil municipal. Tamén lle corresponde o nomeamento do persoal técnico que estime competente para tramitar as actuacións precisas para facer efectiva esta coordinación.
Disposición adicional segunda.
Para o non previsto neste Regulamento de Réxime Interior da Escola Infantil Municipal de Cee, estarase ao disposto na Lei 5/97, do 22 de xullo, de administración local de Galicia, Lei 7/85 de 2 de abril e regulamentos que a desenvolven, na Lei 13/2008, do 3 de decembro, de Servizos Sociais de Galicia e demais lexislación reguladora de ámbito autonómico ou estatal.
Disposición adicional terceira.
Facúltase á Alcaldía-Presidencia do Concello de Cee a ditar cantas disposicións sexan necesarias para o desenvolvemento deste Regulamento
ANEXO I
BAREMO DE APLICACIÓN PARA A VALORACIÓN DE SOLICITUDES DE ACCESO Á ESCOLA INFANTIL MUNICIPAL
O baremo a aplicar será o seguinte:
|
1. Situación sociofamiliar |
|
|
1.1. Por cada membro da unidade familiar |
2 puntos |
|
1.2. Por cada persoa que non formando parte da unidade familiar estea a cargo dela |
1 puntos |
|
1.3. No caso de que o/a neno/a para o que se solicita a praza nacese nun parto múltiple |
1 punto |
|
1.4. Por cada membro da unidade familiar afectado por minusvalía, enfermidade que requira internamento periódico, alcoholismo ou drogodependencia |
2 puntos |
|
1.5. Pola condición de familia monoparental |
3 puntos |
|
1.6. Por ausencia do fogar familiar de ambos membros parentais |
3 puntos |
|
1.7. Pola condición de familia numerosa |
3 puntos |
|
1.8. Calquera outra circunstancia familiar debidamente acreditada |
ata 3 puntos |
|
2. Situación laboral familiar |
|
|
Situación laboral de ocupación: |
|
|
Pai |
6 puntos |
|
Nai |
6 puntos |
|
2.1. Situación laboral de desemprego (1): |
|
|
Pai |
2 puntos |
|
Nai |
2 puntos |
|
(1) Valorarase tal condición coa certificación de demanda de emprego con efectos do día anterior á entrega da solicitude de reserva de praza |
|
|
No caso de familias monoparentais adxudicaráselles a puntuación do epígrafe correspondente computando por dous. |
|
|
3. Situación económica. |
|
|
R.P.C.. mensual da unidade familiar referida ao indicador público de renda de efectos múltiples (IPREM) vixente |
|
|
Inferior ao 25 % do IPREM |
+ 5puntos |
|
Entre o 25 % e o 50 % do IPREM |
+ 4puntos |
|
Superior ao 50 % e inferior ao 75 % do IPREM |
+ 3 puntos |
|
Entre o 75 % e o 100 % do IPREM |
+ 2puntos |
|
Superior ao 100 % e inferior ao 125 % do IPREM |
1 puntos |
|
Entre o 125 % e o 150 % do IPREM |
- 1puntos |
|
Superior ao 150 % e inferior ao 200 % do IPREM |
- 2 puntos |
|
Igual ou superior ao 200% do IPREM |
- 3 puntos |
* IPREM: indicador público de renda de efectos múltiples como referencia do nivel de renda para determinar a contía de prestacións, beneficios ou servizos públicos (Real decreto-lei 3/2004, do 25 de xuño, para a racionalización da regulación do salario mínimo interprofesional e para o incremento da súa contía). A contía deste indicador establécese anualmente na Lei de presupostos xerais do Estado.
Nota do Servizo de Asistencia Económica a Municipios
¿¿..Las ordenanzas,
incluídos el articulado de las normas de los planes urbanísticos, así como los
acuerdos correspondientes a éstos cuya aprobación definitiva sea competencia de
los entes locales, se publicarán en el ¿Boletín Oficial" de la provincia y no
entrarán en vigor hasta que se haya publicado completamente su texto y haya
transcurrido el plazo previsto en el artículo 65.2 salvo los presupuestos y las ordenanzas
fiscales que se publican y entran en vigor en los términos establecidos en
Artigo 65.2: ¿El requerimiento deberá ser motivado y expresar la normativa que se estime vulnerada. Se formulará en el plazo de quince días hábiles a partir de la recepción de la comunicación del acuerdo."