Muxía - Taxa por utilización da pista polideportiva municipal

No uso das facultades concedidas polos artigos 133.2 e 142 da Constitución e polo artigo 106 da Lei 7/1985, do 2 de abril, reguladora das Bases de Réxime Local, e de conformidade co disposto nos artigos 15 a 19 da Lei 39/1988, do 28 de decembro, reguladora das Facendas Locais, este Concello establece a taxa pola prestación de servicios na polideportiva municipal, que se rexerá pola presente ordenanza fiscal, a cal contén unhas normas que atenden ó previsto no artigo 58 da citada Lei 39/1988, e o 20 do mesmo texto legal na redacción que dá a Lei 25/98.

Constitúe o feito imponible para a aplicación da taxa regulada na presente ordenanza, a utilización da pista polideportiva municipal, por particulares e entidades con motivo de: adestramentos, disputa de partidos, espectáculos e actos extradeportivos.

Estarán obrigados ó pagamento da taxa establecida:

a) as persoas naturais ou xurídicas que soliciten a utilización das instalacións.

b)As entidades, organismos, asociacións, federacións, clubes, etc., en nome dos cales se solicitara ante o Concello a autorización para a utilización das instalacións.

As tarifas por utilización das instalacións da Pista Polideportiva que deberán satisfacerse ó Concello de Muxía son as seguintes:

a) Para adestramentos, por hora ou fracción: 300 ptas.

b) Por partidos amigables ou oficiais con entrada gratuíta, por hora ou fracción: 500 ptas.

c) Por partidos amigables ou oficiais con cobramento de entrada, por hora ou fracción: 800 ptas.

d)Utilización do polideportivo para espectáculos deportivos, cobramento de entrada: 8.000 ptas. Límite 24 horas.

A mesma utilización sen cobramento de entrada: 5.000 ptas.

e) Utilización para espectáculos ou actos extradeportivos: 25.000 ptas.

Nos anteriores casos, se se utiliza a luz eléctrica, aboarase a cantidade adicional, por hora ou fracción de 200 ptas.

f) A publicidade fíxase na cantidade -publicidade fixa- de 5.000 ptas. m² anuais, que poderán fraccionarse en trimestres ou semestres.