Coristanco - ORDENANZA FISCAL NÚMERO 10, REGULADORA DA TAXA POR SUBMINISTRO DE AUGA POTABLE.

No uso das facultades concedidas polos artigos 133.2 e 142 da Constitución e polo artigo 106 da Lei 7/85, do 2 de abril, reguladora das bases do réxime local, e de conformidade co disposto nos artigos 15 a 19 da Lei 39/88, do 28 de decembro, reguladora das facendas locais, este Concello establece a taxa por subministro de auga potable, que se rexerá pola presente ordenanza fiscal, na que as súas normas atenden ó prevenido no artigo 58 da citada Lei 39/88.

Constitúe o feito impoñible desta taxa a actividade municipal desenvolvida para presta-lo servicio de abastecemento de auga a domicilio, o seu mantemento e desenvolvemento e os dereitos de acometidas.

1.-Están obrigados ó pago da Taxa en concepto de suxeitos pasivos contribuíntes as persoas físicas ou xurídicas e as entidades, a que se refire o artigo 33 da Lei xeral tributaria, seguintes:

a) Cando se trate de dereitos de conexión á rede, o propietario, usufructuario ou titular do dominio útil da finca.

b) No caso de prestación do servicio de subministro de auga potable e o seu consumo, os ocupantes ou usuarios das fincas do término municipal beneficiarias deste servicio, calquera que sexa o seu título: propietarios, usufructuarios ou arrendatarios, mesmo en precario.

2.-En todo caso, terá a consideración de suxeito pasivo substituto do contribuínte o propietario destes inmobles, quenes poderán trasladar, no seu caso, as cotas satisfeitas sobre os respectivos beneficiarios do servicio.

1.-Responderán solidariamente das obrigas tributarias do suxeito pasivo as persoas físicas ou xurídicas a que se refiren os artigos 38.1 e 39 da Lei xeral tributaria.

2.-Serán responsables subsidiarios os administradores das sociedades e os síndicos, interventores ou liquidadores de crebas, concursos, sociedades e entidades en xeral, nos supostos e co alcance que sinala o artigo 40 da Lei xeral tributaria.

1.-Devéngase a taxa e nace a obriga de contribuír:

a) Cando se presente a solicitude de conexión á rede, se o suxeito pasivo a formulase expresamente.

b) Tratándose da prestación de novos servicios, dende que teña lugar a efectiva conexión á rede de auga municipal, é dicir, cando se inicie a efectiva prestación do servicio. A percepción por esta modalidade da taxa producirase con independencia de que se teña obtido ou non a licencia de conexión e sen prexuízo da iniciación do expediente administrativo que poida instruírse para a súa autorización.

Tratándose de servicios xa autorizados e prorrogados, a taxa retribuirase trimestralmente, o primeiro día de cada trimestre natural, que coincidirá co período impositivo.Nos supostos de inicio e cese na prestación do servicio, o período impositivo coincidirá igualmente co trimestre co conseguinte prorrateo da cota. naturais.

1. A cota tributaria da taxa regulada nesta Ordenanza será a cantidade resultante de aplica-las tarifas seguintes, que serán incrementadas, de acordo coa lexislación vixente, co correspondente IVE:

 

 

2.-A cota tributaria da taxa polo dereito de acometida consistirá nunha cantidade fixa de 39,07 euros, sendo de conta do usuario o importe do presuposto da obra a realizar.

Non se concederá exención ou bonificación ningunha no pago da taxa.

1.-No suposto de licencia de acometida, o contribuínte formulará a oportuna solicitude e os servicios tributarios deste Concello, unha vez concedida aquela, practicarán a liquidación que proceda, que será notificada para ingreso directo na forma e prazos que indica o Regulamento xeral de recadación.

2.-Os suxeitos pasivos substitutos do contribuínte formularán as declaracións de alta e baixa no censo de suxeitos pasivos da taxa, no prazo que media entre a data en que se produza a variación na titularidade da finca e o último día do mes natural seguinte. Estas últimas declaracións producirán efecto a partir do primeiro trimestre natural seguinte, unha vez finalizado o prazo de presentación destas declaracións de alta e baixa.

A inclusión inicial no censo farase de oficio unha vez concedida a licencia de acometida á rede.

As cotas esixibles por esta taxa serán obxecto de liquidación de ingreso por recibo, nas oficinas da Recadación municipal ou entidades colaboradoras sinaladas ó efecto e durante o prazo establecido polo Concello no seu calendario fiscal.

3.-As débedas por esta taxa esixiranse polo procedemento administrativo de constrinximento, de conformidade co estipulado na Lei xeral tributaria e no Regulamento xeral de recadación.

En todo o relativo á cualificación de infraccións tributarias, así como das sancións que ás mesmas correspondan en cada caso, estarase ó disposto nos artigos 77 e seguintes da Lei xeral tributaria.

A presente ordenanza fiscal aprobada polo Pleno do Concello en sesión extraordinaria do 26 de novembro de 2001, entrará en vigor o día da súa publicación íntegra no Boletín Oficial da Provincia, e comezará a aplicarse o día 1 de abril de 2002, de acordo coas normas da obriga de retribuír da taxa, permanecendo en vigor ata a súa modificación ou derrogación expresa.