Tordoia - REGULADORA DA TAXA POLO SUBMINISTRO DE AUGA POTABLE E SERVICIOS COMPLEMENTARIOS

No uso das facultades concedidas polos artigos 133.2 e 142 da Constitución e polo artigo 106 da Lei 7/1985, do 2 de abril, reguladora das bases de réxime local, e de conformidade co disposto no artigo 58 en relación co artigo 20.3 da Lei 39/88, do 28 de decembro, reguladora das facendas locais, na súa nova redacción dada pola Lei 25/1988, do 13 de xullo, de modificación do réxime legal das taxas estatais e locais e de reordenación das prestacións patrimoniais de carácter público, o Concello de Tordoia estable a taxa polo subministro de auga potable e servicios complementarios, incluídos os dereitos de enganche de liñas, colocación e utilización de contadores, que se regulará pola presente ordenanza fiscal, redactada conforme ó disposto no artigo 16 da Lei 39/88 citada.

Constitúe o feito impoñible desta taxa, a prestación do servicio da distribución de auga potable a domicilio, o enganche de liñas á rede xeral e a colocación e utilización de contadores.

1) A obriga de contribuír nacerá no momento de prestarse o servicio previa a correspondente solicitude ou desde que se utilice este sen ter obtido a previa licencia, debendo depositarse previamente o pagamento correspondente ó enganche.

2) A obriga do pagamento da taxa regulada nesta ordenanza establécese da forma seguinte:

- Taxa de conexión, antes de efectuarse a conexión e se entenderá como taxa única e definitiva.

- Taxa por consumo, dende o momento no que se inicie a prestación do servicio e a súa facturación e cobramento, efectuaranse con periodicidade trimestral.

O prezo da dita taxa efectuarase no momento de presentación, ó obrigado a realizalo da correspondente factura.

As débedas por esta taxa poderán esixirse polo procedemento de constrinximento, de acordo co regulamento xeral de Recadación. O non pagamenton de tres facturacións consecutivas será motivo suficiente para corta-lo subministro de auga ó obrigado moroso.

Son suxeitos pasivos da taxa en concepto de contribuíntes, as persoas físicas e xurídicas, así como as entidades a que se refire o artigo 33 da Lei xeral tributaria, que soliciten ou resulten beneficiadas polos servicios a que se refire esta ordenanza.

Terán a consideración de substitutos do contribuínte os propietarios das vivendas ou locais ás que se provea do servicio, as cales poderán repercutir, no seu caso, as cotas sobres os respectivos beneficiarios.

1) Responderán solidariamente das obrigas tributarias do suxeito pasivo, as persoas físicas ou xurídicas que son causantes ou colaboran na realización dunha infracción tributaria, así como os copartícipes ou cotitulares das entidades recollidas no artigo 33 da Lei xeral tributaria, que responderán en proporción ás súas respectivas participacións das obrigas tributarias das ditas entidades.

2) Serán responsable subsidiarios os administradores ou liquidadores de quebras, concursos, sociedades e entidades en xeral, nos supostos e con alcance que sinale o artigo 40 da Lei xeral tributaria.

A base do presente tributo estará constituída por:

As acometidas á rede xeral: o feito da conexión á rede por cada local comercial, vivenda individual.

No subministro ou distribución de auga: os metros cúbicos de auga consumida no inmoble onde estea instalado o servicio.

1) Os dereitos de acometida a satisfacer por unha soa vez serán:

- Dentro dos núcleos de poboación: 210,38 euros, (IVE incluído), comprendendo material e man de obra.

O contador correrá por conta do usuario.

- Fóra dos núcleos de poboación: o financiamento será a cargo do solicitante e previa elaboración do estudio económico correspondente.

- Variacións de titularidade sen dar lugar a modificacións nas instalacións: 12,02 euros.

2) Consumo:

- Mínimo 15 m³ mes: 1,80 euros

- Exceso por cada m³: 0,24 euros

- Comercios-Industrias 30 m³: 3,61 euros

- Exceso por cada m³: 0,30 euros

Estas tarifas enténdense sen prexuízo da repercusión legal que no seu caso, deba realizarse polos impostos indirectos que graven a prestación do servicio.

Estas tarifas serán incrementadas anualmente na subida do I.P.C.

De conformidade co disposto no artigo 9 da lei 39/88 do 28 de decembro, non se recoñece beneficio tributario algún, salvo os que sexan consecuencia do establecido nos tratados ou acordos internacionais, ou os expresamente previstos en normas con rango de lei.

Nas épocas de seca ou carestía da auga e durante os meses de xullo, agosto e setembro, o Concello poderá ordena-la restricción do consumo, segundo o esixa as circunstancias. Mentres dure a seca ou carestía e sempre durante os meses citados, o uso da auga queda limitado exclusivamente ó uso doméstico, quedando prohibido o seu consumo para outros usos, tales como regar xardíns, lavadoiros, piscinas, lavado de coches e en xeral, todo o que non supoña uso doméstico.

No caso de que por escaseza de caudal, augas sucias, seca, xeadas, reparacións, etc., o Concello tivese que suspender total ou parcialmente o subministro, os abonados non terán dereito a reclamación ningunha, nin indemnización por danos, prexuízos, ou calquera outro concepto, entendéndose neste sentido que a concesión se fixo a título precario.

En todo o relativo á cualificación de infraccións tributarias e sancións, ademais do previsto nesta ordenanza, estarase ó disposto nos artigos 77 e seguintes da Lei xeral tributaria e demais normativa aplicable.

En todo o non especialmente previsto nesta ordenanza, se estará ó disposto no Regulamento do servicio municipal de augas que elaborará o Concello de Tordoia.

O disposto na presente ordenanza entenderase en todo caso, sen prexuízo de calquera que sexa a forma de xestión do servicio

A presente ordenanza fiscal foi aprobada polo Pleno da Corporación en sesión celebrada o día ..........., sendo de aplicación a partir 1 de xaneiro de 2003, permanecendo vixente ata que se acorde ou derrogación.