Mañón - ORDENANZA FISCAL REGULADORA DA TAXA POLO SUMINISTRO DE AUGA

En uso das facultades concedidas polos artigos 133.2 e 142 da Constitución e polo artigo 105 da Lei 7/1985, de 2 de abril, reguladora das Bases de Réxime Local, e de acordo co disposto nos artigos 15 ó 19 da Lei 39/1988, do 28 de decembro, reguladora das Facendas Locais, este Concello establece a Taxa pola prestación do servicio de subministro domiciliario de auga potable, que se rexerá pola presente Ordenanza Fiscal, aténdose as súas normas 6 previsto no artigo 20 (apartado 1, letra B e apartado 4, letra t) e no artigo 58 da xa citada Lei 39/1988, segundo a modificación efectuada pola Lei 25/1998, de 13 de xuño, de modificación do réxime legal das taxas estatais e locais e de reordenación das prestacións patrimoniais de carácter público (BOE 167, do 14 de xullo de 1.998).

De conformidade co previsto nos artigos 58, 20.1b) e 20.4) da Lei 39/1988, de 28 de decembro, reguladora das Facendas Locais, constitúe o feito impoñible da taxa o subministro domiciliario de auga potable e a súa acometida.

1.-Son suxeitos pasivos contribuíntes as persoas físicas ou xurídicas e as entidades a que se refire o artigo 33 da Lei Xeral Tributaría, que sexan usuarios do servicio e as que resulten beneficiadas ou afectadas por dito servicio.

2.-Terán a consideración de suxeito pasivo substituto do contribuínte, o propietario das vivendas ou locais, que poderá repercutir, no seu caso, as cotas satisfeitas, sobre os respectivos beneficiarios do servicio.

1.-Responderán solidariamente das obrigas tributarias do suxeito pasivo as persoas físicas e xurídicas a que se refiren os artigos 38.1 e 39 da Lei Xeral Tributaría.

2.-Serán responsables subsidiarios os Administradores das Sociedades e os Síndicos, Interventores ou Liquidadores de quebras, concursos, sociedades e entidades en xeral, nos supostos e co alcance que sinala o artigo 40 da Lei Xeral Tributaria.

As bases de imposición e tipo de gravame son os contidos nas seguintes tarifas:

1.- Consumo.

a) Tarifa de consumo de abonados domésticos, comerciais e agrícolas:

- Cota fixa, ata 18m³/trimestre: 0,30 euros/m³

- Consumo que exceda de 18 m³ ata 30 m³/trimestre: 0,40 euros/m³

- Consumo que exceda de 30 m³ ata 70 m³/trimestre: 0,60 euros/m³

- Consumo que exceda de 70 m³/trimestre: 1 euro/m³

b) Tarifa de consumo de obras e usos industriais:

- Metro cúbico: 1 euros.

2.- Acometida á rede.

a) Acometida á rede de auga potable, por vivenda unifamiliar, establecemento comercial, industrial ou finca agrícola que sexan autorizadas para utilizar o servicio: 90 euros.

b) Acometida á rede de auga potable, por obra que sexa autorizada -cunha duración máxima de 24 meses- para utilizar o servicio: 300 euros.

Non se concederá exención nin bonificación ningunha na execución da presente Taxa.

Devéngase a Taxa e nace a obriga de contribuír dende o momento en que se inicia a prestación do servicio.

1.-As tarifas anteriores serán liquidadas por períodos trimestrais vencidos.

2.-O período voluntario de cobramento será de dous meses, a contar dende o día en que se poñan os recibos ó cobro. Transcorrido dito período sen se ter efectuado o ingreso, abrirase o recargo do 20 por 100 da débeda non ingresada así como o dos intereses de demora correspondentes a este, computándose no seu caso, como pagos a conta, as cantidades pagadas fóra de prazo.

3.-Este recargo será do 10 por 100 cando a débeda non ingresada se satisfaga antes de que fose notificada 6 debedor a providencia de constrinximento, e non se esixirán os intereses de demora reportados dende o comenzo do período executivo.

En todo ó relativo á cualificación de infraccións tributarias, así como das sancións que as mesmas correspondan en cada caso, estarase 6 previsto nos artigos 77 e seguintes da Lei Xeral Tributaria e disposicións concordantes.

En todo o non especialmente previsto nesta Ordenanza estarase ó disposto no Regulamento do Servicio Municipal de Abastecemento domiciliario de auga potable.

A presente modificación, acordada polo Pleno da Corporación o día 1 de setembro de 2004, entrará en vigor o mesmo día da súa publicación no Boletín Oficial da Provincia e será de aplicación a partir do día 1 de xaneiro de 2005.