Vedra - Ordenanza fiscal reguladora da taxa pola prestación do servizo da piscina municipal

No uso das facultades concedidas polos artigos 133 número 2 e 142 da Constitución, polo artigo 106 da Lei 7/1985, do 2 de abril, Reguladora das bases do réxime local, e os artigos 20 e 58 da Lei reguladora de bases de réxime local, e de conformidade co disposto nos artigos 15 a 19 da dita Lei 39/ 1988 acórdase a imposición e ordenación da taxa pola prestación do servizo da piscina municipal.

Constitúe o feito impoñible desta taxa: a prestación do servizo da piscina municipal, mediante a súa utilización por particulares e entidades, con motivo da ocupación do tempo libre e a realización de actividades deportivas, durante a tempada de verán; que comprenderá dende o 15 de xuño ata o día 15 de setembro de cada ano; segundo o seguinte horario:

- De luns a venres:

(Para utilización polo público en xeral)

Mañá: 11,00 a 14,00 horas.

Tarde: 15,00 a 20,00 horas.

-Sábado, domingos e festivos:

(Para a súa utilización polo público en xeral)

Dende as 12,00 horas ata as 20,00 horas.

Serán suxeitos pasivos desta taxa as persoas físicas que soliciten ou resulten beneficiadas polos servizos ou actividades prestadas ou realizadas na piscina municipal.

Serán responsables, solidarios das obrigas tributarias dos suxeitos pasivos: as persoas físicas que sexan causantes ou colaboren na realización dunha infracción tributaria.

A cota tributaria será a que resulte de aplicar as seguintes tarifas:

Epígrafe 1º.- Piscina

I) Non abonado: Por entrada diaria de cada persoa.

-Ata 6 anos de idade: 0 euros

-Maiores de 65 anos co carné da 3ª idade: 0 euros.

Residentes no municipio:

-Menores de 14 anos: 1 euro

-Maiores de 14 anos: 2 euros

Non residentes no municipio:

-Menores de 14 anos: 2 euros

-Maiores de 14 anos: 3 euros

II) Bonos

Residentes no municipio:

-Menores de 14 anos:

-Bono de 12 baños: 5,00 euros

-Bono de 20 baños: 6,00 euros

-Maiores de 14 anos:

-Bono de 12 baños: 8,00 euros

-Bono de 20 baños: 12,00 euros

Non residentes no municipio:

-Menores de 14 anos:

-Bono de 12 baños: 8,00 euros

-Bono de 20 baños: 12,00 euros

-Maiores de 14 anos:

-Bono de 12 baños: 14,00 euros

-Bono de 20 baños: 24,00 euros

III) Abono familiar:

Residentes no municipio:

-Por toda a tempada: 18,00 euros

Non residentes no municipio:

-Por toda a tempada: 50,00 euros

Enténdese por abono familiar o titular, cónxuxe e fillos menores de 14 anos.

IV) Cursos de natación (é obrigatorio estar abonado)

Matrícula: 15,00 euros

Cursos en xeral, ata un máximo de 2 días á semana:

-Menores de 14 anos: 3 euros.

-Maiores de 14 anos: 9 euros.

Estará exenta do pago desta taxa a utilización con motivo da realización de actividades organizadas por iniciativa do Concello ou patrocinadas polo mesmo.

Os mozos que acrediten estar en posesión do carné xove terán un desconto do 25%.

Devéngase a taxa, e nace a obriga de contribuír, dende o momento en que se inicie a prestación do servizo.

O pago da taxa efectuarase no momento de entrar no recinto da piscina municipal, cando se trate de entradas diarias por non abonados.

Os bonos e abonados deberán ser pagados nas contas bancarias a nome do Concello ou directamente na Tesourería Municipal.

No relativo á calificación de infraccións tributarias, así como á determinación das sancións que ás mesmas correspondan, estaráse ao disposto nos artigos 77 e seguintes da Lei xeral tributaria e disposicións concordantes.

A presente ordenanza fiscal, cuxa redacción definitiva foi aporbada polo Pleno do Concello celebrado o día 19 de maio de 2006, entrará en vigor o mesmo día da súa publicación no Boletín Oficial da Provincia, e será de aplicación a partir da data de apertura da piscina na próxima tempada, permanecendo en vigor ata a súa modificación ou derrogación expresa.