Toques - ORDENANZA FISCAL REGULADORA DA TAXA POR ACTIVIDADES DEPORTIVAS. (NÚMERO 14)

No uso das facultades concedidas polos artigos 133.2 e 142 da Constitución e polo artigo 106 da Lei 7/1985, do 2 de abril, reguladora das bases do réxime local, e de conformidade co disposto nos artigos 15 a 19 da Lei 39/1988, do 28 de decembro, reguladora das facendas locais, este Concello establece a taxa por participar en actividades deportivas, que se rexerá pola presente ordenanza fiscal.

Constitue o feito impoñible da taxa a participación en actividades deportivas organizadas dende o concello de Toques.

Son suxeitos pasivos os solicitantes para participar en actividades deportivas municipais.

1.- Responderán solidariamente das obrigas tributarias do suxeito pasivo as persoas físicas e xurídicas ás que se refiren os artigos 38.1 e 39 da Lei Xeral Tributaria.

2.- Serán responsables subsidirarios os administradores das sociedades e os síndicos, interventores ou liquidadores de quebras, concursos, sociedades e entidades en xeral, nos supostos e co alcance que sinala o artigo 40 da Lei Xeral Tributaria.

Establecese a cuota tributaria para as seguintes actividades:

A) Actividades organizadas dende o propio Concello, dirixidas a adultos e impartidas por persoal propio do concello.

a) Xinmansia de mantemento:

b) Ximnasia para a 3ª idade.-

c) Cursos de natación.-

d) Outros.-

O importe a satisfacer será o seguinte:

* 1 hora/semana: Dos (2) €/ mes.-

* 2 horas/semana: Cuatro (5) €/mes.-

* 3 horas/semana: Oito (8) €/mes.-

* 4 horas/semana: dezaseis (16) €/mes.-

* 5 horas/semana: vinte (20) €/mes.-

* Mais de 5 horas semanais: 1 €/hora

B) Actividades organizadas polo Concello, dirixidas a adultos e impartidas por persoal contratado polo Concello: Taichi, kárate, tenis.-

O importe a satisfacer será o seguinte:

* 1 hora/semana: cinco (5) €/ mes.-

* 2 horas/semana: oito (8) €/mes.-

* 3 horas/semana: doce (12) €/mes.-

* 4 horas/semana: vinte (20) €/mes.-

* 5 horas/semana: vintecatro (24) €/mes.-

* Mais de 5 horas semanais: doues (2) €/hora.-

As actividades, plara os asistentes da 3ª idade (maiores de 65 anos) serán de carácter gratuito. Só en caso de solicitar o servizo de transporte do concello (no caso de que o haxa) deberán de aboar sete (7) euros/mes.-

Devéngase a taxa e nace a obriga de contribuir cando se inicie a prestación da actividade e mentras dure a mesma, entendendose para estes efectos que a dita iniciación se produce coa solicitude daqueles.

1.- A taxa liquidarase e esixirase durante o periodo que dure a actividade deportiva, farese efectiva nas oficiñas municipais ou na entidade bancaria que designe o concello.

En todo o relativo á cualificación de infraccións tributarias, así como das sancións que a estas correspondan en cada caso, estarase ao disposto nos artigos 77 e ss. da Lei Xeral Tributaria.

A presente ordenanza fiscal foi aprobada polo Pleno Corporativo en sesión celebrada o día de de 2010 e entrará en vigor o mesmo día da súa publicación no BOP e será de aplicación a partir do dia 1 de xaneiro de 2011, pernanecendo en vigor ata a súa modificación ou derogación expresa.